Lomaŋ 7:1 - Yálá laawoo hɛɓɛ (dc)

¹ Nąn nonnii, mɛ̨nįi gɛ́ ŋį́ mo káá, gaa yɛ ka kɛ a gɔlɔnŋąa; mąąhɔlɔɓo, ka dɔ́n gɔlɔn. Ɓɛlɔwai nu kaa la yɛnɛ̨ɛ̨, nąąlɔwai ɓə tɔ́n nwɔ yee pɛlimąą kaa la mą.

Yálá laawoo hɛɓɛ

¹ Nąn nonnii, mɛ̨nįi gɛ́ ŋį́ mo káá, gaa yɛ ka kɛ a gɔlɔnŋąa; mąąhɔlɔɓo, ka dɔ́n gɔlɔn. Ɓɛlɔwai nu kaa la yɛnɛ̨ɛ̨, nąąlɔwai ɓə tɔ́n nwɔ yee pɛlimąą kaa la mą.

Bible

¹ Ŋánûa, ŋa lônoi kápɔ, káai dɔ̂ŋ kɔ́lɔŋ káfe gɔ́lɔŋ a gɛ́ɛ dɔ̂ŋ ŋɔwála-walai káa núu mɛi a tãi nɔ́ gáa la ɣele mai?

Lomaŋ 7:1 Iomraidhean Croise

Ɛsdrasə 7:25

«Yii ɓaa yɛ́ Ɛsdrasə, yɛ́i ŋɛ̨i Yálá aa kili tɛɛ ə́ pɔ da nwɔ tɔ́n, kiti tee nuą da mɛ̨nį ɓo kɛ nuą, diɛi da Eufratə ya voló tooi pələ nuą kəlee mąą mɛ̨nį hutɔɔ, da nuąi kpɔ ə́ wɔ Yálái nwɔ tɔ́n kɔ́lɔn, nuąi di hvo gɔlɔn, ka di mąą kwɛli mą.

Hanwon 6:23

Mąąhɔlɔɓo, liɛwoo kaa yɛ labon, mɛ̨nįi da nu kalan na, gaa a kɛɛ pɔ̨nɔ̨. Kili nwɔ hutɔɔ wooɠaa kaa a yɛnɛ̨ɛ̨ kɛ hɛn.

Lomaŋ 1:13

Nąn nonnii, gáá bɔ ka gɔlɔn kaa diɛ: ŋį́ kɛ kpɔlɔɔ ka pɔɔli kiliŋąhiɛ kɛi a yələ kəlee. Kɛlaa, mɛ̨nįɠaa da kɛ kpɔlɔɔ kpɛ̨ąn ɉii ɉu. Ŋą́ kɛ bɔ gɛ́ kólo dɔlɔ ə kɛ mą ka yəi, kaai ka hvo a Ɉuifəɠaa, yɛ bələi gaa kɛi la huwu takpɛliɠaa pɔɔli.

Lomaŋ 10:1

Nąn nonnii, yii gáá bɔ, gɛ́ vɛli Yálá ɓa di mąą mɛ̨nį ɓa, ya ɓaa: Di kəlee di nwun mąą ə ɓo.

Lomaŋ 10:4

Mąąhɔlɔɓo, Kristə ɓə a dɔ́n gbɛlai, əgɛ, nuąi da laa na, di tələnmolaa hɔlɔɓo.

Lomaŋ 6:14

Mąą hvo nɛɛ li nɛ̨ŋɛ̨n və tɔɔlaa kɛ kɛa ka mɛ̨i, mąąhɔlɔɓo, ka hvo kɛa tɔ́n mu, kɛlɛɛ, ka káá kɛa mɛ̨inɛ̨ɛ̨ mu.

Lomaŋ 6:3

A wala kɛti, ka hvo gɔlɔn kaa diɛ guɔi daa gu mąąwaa Jesus Kristə laa hu nwɔ haai mąą pɔɔ kɔ́ɔn ga ti gwaa gɛ?

Lomaŋ 7:6

Kɛlaa yiihu kɛa, gwaa kulɔ dɔ́n mu. Mąąhɔlɔɓo, hɛn kɛi gu kɛ a haa ŋą hon, gwaa haa, gwaa kulɔ mu. Gwa pɛli kɛa gu gu wɔ yɛnɛ̨ɛ̨ pu nįnɛ̨ kɔlɔi, a tíi gwa mo Yálá ɓa, Kili-Mąąhəɠɛɛ hu, kɛlaa, hva kɛ kɛa yɛ dɔ́n nwooi a kala.

Lomaŋ 9:3

A tɛ̨ą, yii gáá bɔ, a nɛ̨ɛ̨mąn, nɛ́ŋɛ̨n ə laa, ŋį́ gulɔ Kristə nwɔ wɛlikɛmąąlaa hu, nąn nonniii, a diɛi a ɉúwu hu nuą di mąą mɛ̨nį ɓa.

Korɛntə dɔlɔɔ 9:8

Nu kanŋaa lɔ ɓə yili kaa di lɔwai, awala kɛ tii, Dɔn nwoo hvo mɔ̨ɔ̨ mɛ̨nį tɔ̨nɔ̨i tii ɓo?

Galatə 4:21

Káái ká káá bɔ ká dɔ́n bɔ yíiɓo, nwooi dɔ́n tii kaa moi, ká hvo mɛ̨n ɉii?