Lomaŋ 6:17 - Yálá laawoo hɛɓɛ (dc)

¹⁷ Kɛlɛɛ, kaa gu Yálá hɛɠɛɛɓo! Mąąhɔlɔɓo, ka kɛ tɔlɔɔ nɛ̨ŋɛ̨n nwɔ luwɔlaa hu, kɛlɛɛ, niɛwoo ŋɛ̨i di galan kaa ka ka yee hee mu, ka nwoo hon a ka lii kəlee.

Yálá laawoo hɛɓɛ

¹⁷ Kɛlɛɛ, kaa gu Yálá hɛɠɛɛɓo! Mąąhɔlɔɓo, ka kɛ tɔlɔɔ nɛ̨ŋɛ̨n nwɔ luwɔlaa hu, kɛlɛɛ, niɛwoo ŋɛ̨i di galan kaa ka ka yee hee mu, ka nwoo hon a ka lii kəlee.

Bible

¹⁷ Kɛ́lɛ, sɛɣɛi-fe é tɛ́ɛ Ɣâla pɔ́ a gɛ́ɛ káai wɔ́lɔ kɛ̀ a sɔnyɔ̂ŋ ŋɔluɛi, ka nâa kɛ́ a zɛŋ-lɛ́ɛi ka zɔlɔ ƃoi ŋɔwoo mɛni-ƃela é kúla kálii su.

Lomaŋ 6:17 Iomraidhean Croise

Ɛsdrasə 7:27

«Mąąwiɛ kaa Yai-Laa ɓa, ku nąnni di wɔ Yálá; Yaai ə hvaa mą, Yai-Laa nwɔ pɛ́lɛ́i gaa Ɉerusalɛmə, ə mąą mɛ̨nį too tɔɔmun nii hu.

Mąątɛ̨nɛ̨ 18:44

Yá gúlɔ nuą di wɔ ɲąąhɛn mɛ̨nįɠaa yee mu, yɛ́ ɉéé lɔiɠaa nwun na; nuąi kɛ və́ di kɔ́lɔn, diɛ tí mą́ą́.

Gɛlaɠaa 11:18

Yii kɛa di nwooɠaai ti mɛ̨n, ə di liilaa, diɛ Yálá hɛɠɛɛɓo, diɛ kɛ mą: «Hvó gaai, nuąi di hvo a Ɉuifəɠaa, diɛ kpɛlimąn, Yálá aa di kɔ a di hɔn mąąpənə kili, diɛ yɛnɛ̨ɛ̨ hva kpɛɛ hɔlɔɓo.»

Gɛlaɠaa 28:15

Ku nąn nonnii kɛ daa ti hu, di ku pa mɛ̨nį bələ mɛ̨n, di pa ku laakwiɛn ɉii Apiusə nɔwɔ-kpalan ŋą, di pa kpɔ di həli nwɛ̨ą laa pɛlɛ́ haaɓai nąą; di kaai ə mo, Polə ə Yálá hɛɠɛɛɓo, yili ə nįilɔ.

Lomaŋ 1:5

Yaa ɉaalai ɓə ŋį́ kɛ la nwɔ kɛla ə gɛ, huwu kəlee di kɛ nwoo mu laa na laa háálai.

Lomaŋ 1:8

Gɛɛ və́ mɛ̨nį lɔpee ta ɓo, gáá nwɔ Yálá hɛɠɛɛɓoi Jesus Kristə laa hu ka mąą mɛ̨nį ɓa. Mąąhɔlɔɓo, nu kəlee kaa ka wɔ laa na mɛ̨nį mąą kɛla hvaa ɓoi a nɛlɛɛ.

Lomaŋ 15:18

Yili ɓa, vá pɛli mɛ̨nį takpɛli ɓoi, ə kulɔ lɔ, yii Kristə ə gɛ ɲéé, gɛ́ huwu takpɛliɠaa hvilɛn nwɔ pələi mɛ̨i, a nwóó da gɛ́-mɛ̨nį,

Lomaŋ 16:26

kɛlaa yiihu kɛa, mɛ̨nįi ti aa too ponoŋą, huwu takpɛliɠaa diɛ, Yálá kwəi mɛ̨nį hukulɔ nuą di wɔ hɛɓɛ́ pɛ̨ɛ̨ hu, yɛ bələi kpɔlɔ Yálá ə mo la, di laa na di lɛɛ nwoopulu.

Lomaŋ 2:8

Nuąi da nənə tɛ̨ą ɓa, di kwɛli təɛ, di hvilɛŋąą hvulu mɛ̨nį pulu, diɛ ɓə pai Yálá nwɔ lííholi da nwɔ liiɲąnwąną hɔlɔɓoi.

Korɛntə dɔlɔɔ 1:4

Ŋą́ Yálá hɛɠɛɛ ɓo kaa mąą mɛ̨nį ɓa kpɛla pələi hvo mą, mɛ̨inɛ̨ɛ̨i aa gɛ kaa Jesus Kristə hu, mąą mɛ̨nį ɓa.

Korɛntə dɔlɔɔ 14:6

Ną́n nonnii, gbəli ŋá pa ká pɔɔli, gɛ́ bələ ɓo káá hį́iwooɠaa hu, yili dɔlɔ ɓaa a lə? Akɛ, hvo mɛ̨nį ta tooi pono ɲą, mɛ̨nį kɔlɔnŋąą hvo ɉu, Yálá kwəi mɛ̨nį hukulaa hvo ɉu, hvo mɛ̨nį ta lɛi káá?

Korɛntə veelɛ 2:14

Yálá mąmą, yai a gɔ nɛ̨ɛ̨ guɔ a yələ kəlee Kristə haalai, ɛlɛɛ, yɛ gɔlɔn mɛ̨nį mąą kwəinɛ̨ɛ̨ lɛlɛɛ tɛ ku yee hu kɛɛnąą kəlee ɓa.

Ifisiɛŋ 1:16

vá kpɛla Yálá hɛɠɛɛɓoi ká mąą mɛ̨nį ɓa; gɛ́ ká mąą mɛ̨nįɠaa laa həli nwɔ́ hvɛli wooɠaa hu.

Tɛsalonikə dɔlɔɔ 3:9

Bələi kpɔ kwa pɛli ku Yálá mąmąɓo la ká mąą mɛ̨nį hu, ku hvo kpɔ bələ kɔ́lɔn; mąąhɔlɔɓo, káá ku kwəinɛ̨ɛ̨ kɛnɛ̨ ku wɔɔ Yálái ɲɛ̨i ɓa.

Tɛsalonikə veelɛ 1:3

Ną́n nonnii, mąąnɛ̨ɛ̨ ku Yálá mąmąɓo a yələ kəlee ká mąą mɛ̨nį ɓa, ɛlɛɛ, yili kpɔ ɓə bɛliɛ ɉu, gbala ə tɔɔ, ká wɔɔ laa na laa kaa lɔ yɛ tɛ tɔwɔ, ɛlɛɛ, nwɛlikɛmąą laai ká yəi ka kee mąą mɛ̨nį ɓa, ɉu kaa lɔ mą yɛ kɛnɛ̨ ká kəlee ká yəi;

Timote veelɛ 1:13

Dɛ̨ą wooɠaai ə́ mɛ̨n nái, ə́ wɔɔ yɛnɛ̨ɛ̨ kɛ pələ kɔɔn mą, laa na laa hu da wɛlikɛmąąlaa hu, Jesus Kristə laa hu.

Filemɔn 1:4

Nwɛ́likɛmąąmun ŋą́ą́ kɛi Yálá hvɛli, ŋą́ giliŋąhiɛ yɛ́ gɛ́ ɉɛɠɛɛɓo.

Hebreu 11:8

Laa na laa háálai, Abrahamə ə Yálá woo mu hon, ə lɛɛ nwoo mu, ə həɠə, ə li lɔi ta hu, yai gaa pai ɉɔlɔɓoi a gwɛlin, ɛlɛɛ, yɛ li, ɓɛimun gaa lii laa hvo nąą kɔlɔn.

Hebreu 5:9

Ɛlɛɛ, ə pələ kulɔ, ə həli la mąąhəɠə laa ɓa, Kristə ə kɛ kɛa la tii a nuąi da lɛɛ nwoo mu, di ɓalomun a yələ kəlee mɛ̨nį,

Piɛrə dɔlɔɔ 1:22

Káá ká nįį mąąhəɠə, a lɛɛi ká mo tɛ̨ą woo pulu, əgɛ, ká wɛlikɛmąą laa kɛ, hva kɛ a tɛ ɲɛ̨i mɛ̨nį. 'Ká ká keeni wɛli la kɛ kani, a kwəi kwələ laa, 'ká hvįi hvo kpɛɛ,

Piɛrə dɔlɔɔ 2:9

Kɛlaa, ká wɛi, ká káá a nu huwui ɉəɠɛɛ ɉu, a dɔɔ kwəlii haláá laa həli nuą, a nu huwu mąąhəɠɛɛ, a nuąi a Yálá kwɛlin, əgɛ, nui ŋɛ̨i ká təli, ə ká kulɔ kpinį hu, yɛ pa a káá, ŋą kɛɛ pono lɛlɛɛi ɓa, káá pɛli gɛ-mɛ̨nį kpɛa-kpɛaa nolo ɓoi,

Piɛrə dɔlɔɔ 3:1

Nɛ̨ąą kaa kpɛlimąn, 'ká lɛɛ ká hilɛni woo mu, ə mą kɛ, daɠaa di hvo gɛi di hvo laa Yálá laawoo la, di di hɔlɔɓo a di nɛ̨ąni di wɔ tuwɔ pələ lɛlɛ laa, hva kɛ a di hvaa woo,

Piɛrə dɔlɔɔ 4:17

Yálá nwɔ kitii teei lɔwai aa lɛɠɛ, kɛlaa, gɔwɔ kaa pai tɔɔi Yálá nwɔ pɛlɛ́i ɓa. Yaan, akɛ gɔwɔ kaa tɔɔi guɔi, nuąi di hvo gɛi di hvo laa Yálá nwɔ wɛlɛɛ lɛlɛɛ la, di ɲąąkpɛɛi a kɛ ləi?

Zɔ̂ŋ Veerɛi 1:4

Ə́ lonnii taɠaa kaai ŋį́ mo, diɛ hiɛ tɛ̨ą kpaalə mɛ̨i, yɛ bələi gu díɓo hɔlɔɓo la Nąn ɲəi, yili ə gwəinɛ̨ɛ̨ kpɔ kɛnɛ̨ɛ̨.

Zɔ̂ŋ Zaaƃai 1:3

Bələi tɛ̨ą mɛ̨nį aa too la pono ɲą, ə́ wɔɔ yɛnɛ̨ɛ̨ kɛ pələ hu, gu nąn nonnii taɠaa di pa ɓɛ, di ə́ mąą kɛla hvaa ɓo, yili ə gwə́inɛ̨ɛ̨ kpɔ kɛnɛ̨; ə́ kaa hiɛi tɛ̨ą kɛɛ pono hu.