Lomaŋ 3:27 - Yálá laawoo hɛɓɛ (dc)

²⁷ Ɛ̨i, gu nwun dɛi ɓaa mį? Gu nwun dɛi hvo mą! Lə laa hu? Ɛ̨i, gu kɛ mɛ̨nįɠaa? Yili kpɛli hvəə! Kɛlaa, laa na laa ɓə.

Yálá laawoo hɛɓɛ

²⁷ Ɛ̨i, gu nwun dɛi ɓaa mį? Gu nwun dɛi hvo mą! Lə laa hu? Ɛ̨i, gu kɛ mɛ̨nįɠaa? Yili kpɛli hvəə! Kɛlaa, laa na laa ɓə.

Bible

²⁷ Gɛ̀ ní lé ƃa kwa maa yoŋka têei? Sapoi ƃa lé nyíŋi mɛni ma? Zu-kulâi ƃa kwa dɔ̂ŋ da mɛi kâa? Kpao, kɛ́lɛ, a gɛ́ɛ kwa laa-la.

Lomaŋ 3:27 Iomraidhean Croise

Sofoni 3:11

Mąą yələi tii, hvó pai nwumɛ̨i, ə́ kɛ mɛ̨nį ɲɔ̨nwɔ̨ɔ̨ɠaa mąą mɛ̨nį ɓa, yɛ́ kɔ́ pɛlɛ mą́ą́. Gbala ə tɔɔ, nąąlɔwai, gbɔwɔ ɲąą kɛnɛ̨ nuąi tii, da kɛ di nwun dɛi, ŋą́ kɛ kɛa, a di hukalaa ə́ lɔwai, ɛlɛɛ, hvá kɛa humɛ̨ni kɛnɛ̨ kulɔ nwɔ́ yee mąąhəɠɛɛ nwuɔ̨.

Markə 16:16

Nui a laa na, da mąąwaa, nwun mąą a ɓo. Nui a wala laa na, nwun na a pili.

Ɉaan 3:36

Nui a laa Non na, a yɛnɛ̨ɛ̨ hva kpɛɛ hɔlɔɓo; nui a wala laa Non na, hva yɛnɛ̨ɛ̨ hva kpɛɛ hɔlɔɓo, kɛlaa, Yálá nwɔ liiɲąnwąną a kɛ bulu.

Lomaŋ 10:5

Dələnmolaai a kulɔ tɔn ɉu, Moisə kpinįi ə bɛ̨ɛ̨, yɛ mą: Nui a pɔ mɛ̨nį kɛ, nwun mąą a ɓo.

Lomaŋ 11:6

Kɛlaa akɛ ɲɛ̨imąąwɛli kaa ɓə ə di həɠə la ɉu, di túwɔ́ pələ mąą mɛ̨nį hvəə. Akɛ yili hvəə, ɲɛ̨imąąwɛli kaa ti hvo kani a ɲɛ̨imąąwɛli kaa.

Lomaŋ 2:17

Yɛ́i Ɉuifə laa kaa yɛ́, ə́ kilitɔɔ Moisə nwɔ tɔ́n ma, yɛ́ ə́ kpɔwɔ ɲąą kɛnɛ̨ Yálá laa hu,

Lomaŋ 2:23

Yɛ́i yá ə́ kpɔwɔ ŋąąkɛnɛ̨ tɔn mɛ̨nį hu, yɛ́ Yálá ɓɛlɛ too a ə́ wɔ tɔ́n gala pələ!

Lomaŋ 3:19

Yaan gu gɔlɔn guɔ diɛ, nuąi di kaa tɔ́n mu, diɛ ɓə tɔ́n a mɛ̨nį ɓo diɛ, ə gɛ, hvaa hvo kulɔ nui lɔpee ta la, ɛlɛɛ, Yálá nwɔ kiti ə kɛ nu kəlee mɛ̨i yɛnɛ̨ɛ̨ nąą kəlee.

Lomaŋ 3:26

Bələ ɓə ə kɛ la bɔ ə nwɔ tələnmolaa too la pono ŋą, ə gɛ, nuą di gɔlɔn; ə lɛɛ, nuąi da laa Jesus la ə di kɛ a tələnmo nuą.

Lomaŋ 4:2

Akɛ tələnmolaai Abrahamə ə ɉɔlɔɓo Yálá ɲɛ̨i ɓa, ə Ɉɔlɔɓo dúwɔ́ pələ hu, a pɛli mą kɛ ə gbɔwɔ ɲąą kɛnɛ̨. Kɛlaa, hva pɛli gbɔwɔ ɲąą kɛnɛ̨i Yálá ɲɛ̨i ɓa.

Lomaŋ 7:21

Ŋą́ą́ mɛ̨nį ta kaa nwɔ́ kɛ pələ hu, ɓɛlɔwai mɛ̨nį lɛlɛɛ kɛ kili a too la ɲą́, mɛ̨nį ɲɔ̨n mə a tɛ ɲéé hu, gɛ́ gɛ.

Lomaŋ 7:23

Kɛlaa, ŋą́ą́ tɔ́n da kpɛli kaa gɔ́lɔi yɛ kɔ́ pɛlɛ nwɔ́ kiliŋąhiɛ lɛlɛɛ ɓa yɛ gɛ́ a nɛ̨ŋɛ̨n nwɔ luwɔ.

Lomaŋ 7:25

Mąąwiɛ ə kɛ Yálá ɓa gu Ną́mu Jesus Kristə laa hu, mąąhɔlɔɓo, Yálá ɓə a pɛli mą. Ŋɔ́ kiliŋąhiɛ lɛlɛɛ hu pələ, ŋą́ą́ kɛ kɛa a Yálá nwɔ tɔ́n nwɔ timun, kɛlaa, nwɔ́ nu hvii kpɛɛ laa hu, gáá a nɛ̨ŋɛ̨n nwɔ tɔ́n nwɔ timun.

Lomaŋ 8:2

Mąąhɔlɔɓo, Kili nwɔ tɔ́n a yɛnɛ̨ɛ̨ tɛɛ nu pɔ Jesus Kristə hu, aa nwún mąąɓo nɛ̨ŋɛ̨n da haa di yəi.

Lomaŋ 9:11

Bələi mąn tii, nɛapɛlɛɛ di hvo ni kɛ hɔlɔɓo li la, gu hvomun kɛ, mɛ̨nį lɛlɛɛ da mɛ̨nį ɲɔ̨nwɔ̨ɔ̨ di kulɔɉu kɔlɔn mɛ̨nį di yəi; əgɛ, Yálá wooi ə gwɛlɛ ə lɛɛ dɔwɔ ɓa, yɛ bələi yaa kpinįi ə naala gwəi,

Lomaŋ 9:31

Yá pa, Ɉuifəɠaa kɛi tələnmolaa kwɛli tɔ́n ɉu, di tɛɠɛ gɛlɛ.

Lomaŋ 9:32

Lə mɛ̨nį ɓa? Mąąhɔlɔɓo, di hvo dələnmolaa tii kwɛli li laa na laa hu, di kɛ bɔ di ɉɔlɔɓo di túwɔ́ pələ hu, di kalin a di kɔwɔ kwɛni

Korɛntə dɔlɔɔ 4:7

Gbɛɛ ɓə ə́ hviɛlaɓo ə ə́ tɛɛ ə́ ɓɛlaa diɛ? Lə ɓə ə́ yəi, yai di hvo ə́ kɔ la? Ɛlɛɛ yaan, akɛ di ə́ kɔ lai, ə́ kpɔwɔ ɲąąkɛnɛ̨ mɛ̨nį nwun maa a lə, yɛ da wala ə́ kɔ la?

Galatə 2:16

Ku kili kaa ɉu kuɔ, nu hva pɛli tələnmolaa hɔlɔɓoi dɔn bɔ yíiɓoɔ hu, kɛlaa nu a laa Jesus Kristə la, ya ɓə a tələnmolaa hɔlɔɓo la; kuɔ kpɛli, ku laa Jesus Kristə la, kuɔ pɛli kɛ a tələnmo nuą Kristə nwɔ laa na laai háálai, hvo kɛ li a dɔn bɔ yíiɓoɔ. Gbala ə tɔɔ, nui lɔpee ta hvo pai tələnmolaa hɔlɔɓoi dɔ́n bɔ yíiɓoɔ hu.

Galatə 3:22

Kɛlaa, ɉɛɓɛ́ ə mo yɛ: Nu kəlee kaa nɛ̨ŋɛ̨n ŋą huwalawala yee mu, ə gɛ, nuąi da laa Jesus Kristə la, mɛ̨nįi Yálá ə naakwɛlanmo, di ɉɔlɔɓo.