Lomaŋ 3:11 - Yálá laawoo hɛɓɛ (dc)

¹¹ Kili hvo nui lɔpee ta ɓa, nu ta lɔpee hvo Yálá kwɛlii.

Yálá laawoo hɛɓɛ

¹¹ Kili hvo nui lɔpee ta ɓa, nu ta lɔpee hvo Yálá kwɛlii.

Bible

¹¹ Núu da fé ŋɔ́nɔ mɛni ŋá kâai kpaa máŋ é Ɣâla kɔ́ri.

Lomaŋ 3:11 Iomraidhean Croise

Mąątɛ̨nɛ̨ 53:2

Ɓoɠonuą da kɛ kɛi diɛ: «Yálá hvo laa!» Daa kala, daa lunwuun, di wɔ tuwɔ pələ ɲɔ̨n hu, di ta hva tuwɔ a nɛlɛɛ.

Mąątɛ̨nɛ̨ 53:4

Gəlee daa lan, di tɔɔi ə ɓo tanɔ̨n, tuwɔ pələ ɲɔ̨n ɉu, di ta hvo tuwɔi a dɛ̨nɛ̨n, ə mą kɛ tanɔ̨n gbɛli mąn.

Mąątɛ̨nɛ̨ 94:8

Kaai ka hupuɔ kaa nu kəlee lɔwai! 'Ka gɛ a nɛlɛɛ, kiliŋą pɛlɛ nuą, lə yələ ɓə ka káá pai mɛ̨nį kpaɠala kaai la?

Hanwon 1:22

«Kilikpɛɛgwəimun! Ə́ kaa pai lɛɛi kilikpɛɛgwəilaa hu, ə lɛɛ ɉu lə yələ? Yɛlɛkulɔ ɉumun! Ə́ kaa pai lɛɛi yɛlɛkulɔ ɉu kɛi, ə lɛɛ ɉu lə yələ? Mįnɛ̨ lɔwai ɓə ɓowo nuą kaa pai mɛ̨nį kɔlɔn ŋąą wɛlilakɛi la?

Hanwon 1:7

Nu ɲɔwɔ Yai-Laa ɓa ɓə gaa a kili mɛ̨nį kəlee kɔ́wɔ tɔɔi. Kilikpɛɛɲəi nuą di hva kili mɛ̨nį ɓɛlɛ kɛ mą, da liɛwoo.

Azaya 27:11

Ɓɛlɔwai nwulu woŋoɠaa da kpala la, nɛ̨ą da pa di nwɔ̨n naa ɉu, a tɛ̨ą, kili hvo nu huwui ŋɛ̨i ɓa; ya ɓə gɛi, nui di pɛli, hva di mąąwɛli kaa. Nui di kulɔ hva di ɲɛ̨imąąwɛli kaa.

Azaya 31:1

Nuąi yɛɛi Eziptə, kpalo ɓɛlaai diɛ, di kaa lii kpɔn mąą kwɛlii laa, di kaa di kilitɔɔi hooɠaa diɛ; diɛ di kili lɛɛ kɔ́ kɔ́ wotoloɠaa diɛ, mąąhɔlɔɓo, di kpulu kɛnɛ̨ɛ̨i. Diɛ di kilitɔɔ ɉoo gilɛ həɠə nuą diɛ, mąąhɔlɔɓo, di tamąąi. Kɛlaa, di kili lɔpee ta hvo tɔɔ li Israɛlə nwɔ mąąhəɠə mun ɓa, di hvo Yai-Laa kwɛlii.

Azaya 55:6

'Ka Yai-Laa kwɛli, ɓɛlɔwai, a gbɔwɔ lɛɛ laa diɛ gaa, 'ka dəli, ɓɛlɔwai, nɛɠɛɛi la kaa.

Azaya 65:1

Ŋą́ą́ gbɔ́wɔ lɛɛ laa, nuąi di hvo kɛi di nwun dɔɔ a ɲą́ą́, diɛ gwɛ́li, ŋą́ą́ gbɔ́wɔ lɛɛ laa, nuąi di hvo kɛi gwɛ́li, diɛ gáá. Nu huwui hvo kɛi tí, hvo nwoo tɛ náá pɔ pələ, ŋį́ kɛ mą: «Ɲą́ą́ ga, ɲą́ą́ ga.»

Azaya 9:13

Yili ɓə gɛ, Yai-Laa ə Israɛlə nwun dee da nwon, ə mɛ̨nį ɲąąnwąnąą laa diɛ a voló tɔ̨nɔ̨i tii.

Ɉeremi 4:22

A tɛ̨ą, nwɔ́ nuąi kili hvo di kwəi! Di hvo kpɛli gɔ́lɔn. Di hva mɛ̨nį kpaɠala kaa. Di yɛlɛɛi mɛ̨nį ɲɔ̨n gɛi, di hva pɛli nɛlɛɛ kɛi.

Osia 4:6

Nwɔ́ nuąi ɲąą kaa kwɛ̨ɛ̨i, mąąhɔlɔɓo, mɛ̨nį kɔ́lɔn ŋąą hvo di lɔwai. Lənəi ə́ mo mɛ̨nį kɔ́lɔn mɛ̨nį ɓa, ɲą́ą́ gbɛli mąn, gáá lənəi yɛ́, hvá kɛa kɛ a nwɔ́ haláá laa həli mun. Yáá lɛ̨ą ə́ wɔ Yálái nwɔ tɔ́n nwooi ɓa, ɲąą gbɛlin mąn gáá pai lɛ̨ąi ə́ lonnii diɛ.

Osia 7:10

Israɛlə nwɔ kpɔwɔ ɲąąkɛnɛ̨ ɓə giti kala mą, Kɛlaa, di hvo pənəi di hvo pa Yai-Laa di wɔ Yálái pɔ pələ; mɛ̨nįɠaai tii di mą kɛ kɛi, di hvo di wɔ Yálái kwɛlii.

Maafîu 13:19

Mɔ̨nun gɔw yiiɠaai too bələ kwɛlɛ nwɛ̨nįɠaa diɛ ɲɛɠɛ; mukulaa ɓa, nuąi da Yálá-taa tɔɔlaa mąą wəlɛɛ lɛlɛɛ mɛ̨n di hva ŋąą kaa, ɓilihi a pa ə gulɔ di lii hu.

Lomaŋ 1:22

Da kɛ di kpɔɔ kaai yɛ kilimąą nuą, a mɛ̨nį gɛ, diɛmun daa ɓowo.

Lomaŋ 1:28

Yii di hvo gɛ li di hvo Yálá kɔ́lɔn, ya ɓə gɛ, Yálá ə di lɛɛ laa di lɔ di kpɔkpɔɔ kili ɲɔ̨nwɔ̨ɔ̨ ti hu, yii kɛ mąą hvo nɛ̨ɛ̨li nu hvo gɛ, diɛ gɛ.

Lomaŋ 3:10

Yɛ bələi bɛ̨ɛ̨ lai: «Nu tɔ̨nɔ̨ kpɛli hvohaŋą li.

Lomaŋ 3:12

Nu kəlee daa həɠə bələ haŋąa mɛ̨i, gəlee daa lan. Nu tɔ̨nɔ̨ kpɛli hvo ɉu a mɛ̨nį lɛlɛɛ kɛmun.

Lomaŋ 8:7

Nuą yiiɠaai nu liiɓa wɛli kaa diɛ, di kaa a Yálá ɲowoɠaa. Di hva Yálá nwɔ tɔ́n nwoo pɔ mɛ̨nį kɛ, di hva kpɛli pɛli mą.

Taitɔ 3:3

Mąąhɔlɔɓo, guɔ kpɛlimąn, gu wɔlɔ kɛ yɛ diɛ, gu hvo kɛli mɛ̨nį ta kpaɠala kaa, gu kwɛli teɛ, gu lanŋąą, guɔ ɓo nu kan niiɓa mɛ̨nį kəlee yee kɔnma, gu tolɔɔ, guɔ wɛlikpɛɛmąą laa kulɔ a gu keeni.

Zɔ̂ŋ Maa-ŋuŋ 5:20

Gu gbaɠala kɔlɔn guɔ Yálá Lon ə pa ɛlɛɛ, ə kili tɛɛ gu pɔ, ə gɛ, gu Dɛ̨ą kɔlɔn. Ɛlɛɛ, gu kaa kɛa Dɛ̨ą hu, Non Jesus Kristə hu. Yaa tii ɓə a Dɛ̨ą, yaa ɓə a Yálá, ɛlɛɛ, a yɛnɛ̨ɛ̨i kpɛɛ hvo mą.