Lomaŋ 3:10 - Yálá laawoo hɛɓɛ (dc)

¹⁰ Yɛ bələi bɛ̨ɛ̨ lai: «Nu tɔ̨nɔ̨ kpɛli hvohaŋą li.

Yálá laawoo hɛɓɛ

¹⁰ Yɛ bələi bɛ̨ɛ̨ lai: «Nu tɔ̨nɔ̨ kpɛli hvohaŋą li.

Bible

¹⁰ Yɛ̂ɛ berei Ŋ̀âla-kɔlɔi a m̀o lai: “Tɔ̃yâ-nuu da kélee fé ŋɔ́nɔ naa.

Lomaŋ 3:10 Iomraidhean Croise

Zôo 14:4

Gbɛɛ kpɔ ɓə laa yɛ pɛli mɛ̨nį ɲɔ̨nwɔ̨ɔ̨, da nɛlɛɛ gulɔ ɉu kɛi yɛ bələi ə́ kaa la? Mąą nu hvo mą!

Zôo 15:14

Lə kpɔ ɓaa nu kan, yaai a gbɔwɔ kɛ a nu haŋąą? Lə ɓaa nɛ̨ɛ̨nu kwəi lon, yaai a gbɔwɔ kɛ a tələnmomun?

Zôo 15:16

Gu hvo mu kɛ yɛ́i ŋɛ̨i a mąą liɓi mun, ə́ kwə́i kili ɲɔ̨nwɔ̨ɔ̨, yɛ́ mɛ̨nį ɲɔ̨n gbələ, yɛ nu a kɛi ya kpələ.

Zôo 25:4

Nu a pɛli mɔ̨ɔ̨ gbɔwɔ kɛi a tələnmomun Yálá lííla? Nɛ̨ɛ̨nu kwəi lon a pɛli kɛi a nu haŋąą?

Mąątɛ̨nɛ̨ 143:2

Kiti hvo kɛ, ká ə́ wɔ tímun ka lɔwai, Mąąhɔlɔɓo, yɛnɛ̨ɛ̨ mun dai lɔpee hvo tələnmo li ə́ ɲɛ̨i ɓa.

Azaya 8:20

A kɛ tii, 'ka ɉɛɓɛ́ hu kaa, da mąąkwɛli woo, da wala hvaa yɛ bələi ɉɛɓɛ́i tii hu woo kaa la, a kɛ tii yələ hvo ɓɔli di mɛ̨i.

Ɉeremi 17:9

Nu kwəi kili ɲɔ̨nwɔ̨ɔ̨i hɛn gəlee ɓa, gbəlaan ŋąą, ɉu hva pɛli tɔɔi, gbɛɛ ɓə a pɛli gɔlɔn ɉii.

Maafîu 15:19

Mąąhɔlɔɓo, nu nwɔ kiliŋąhiɛ hu ɓə mɛ̨nį ɲɔ̨n a kulɔ laa, yɛ pələi: Nu paa mɛ̨nį kaa la, wɛli hon ŋąą, túwɔ́ pələ ɲɔ̨n, nwuɔ̨ kɛɛ, ə lɛɛ kɛla hvaa ɲɔ̨nwɔ̨ɔ̨ ɓoɔ, da lalan biliɛ.

Markə 10:18

Jesus yɛ mą: «Lə mɛ̨nį ɓa ə́ kaa nɛ́lɛ mɛ̨nį ɓói? Nui lɔpee ta hvo lɛlɛ li, hvo kɛ li Yálá yaa tɔ̨nɔ̨.

Lomaŋ 11:8

Yɛ bələi bɛ̨ɛ̨ la Yálá lawoo hɛɓɛ́ hu yɛ mą: «Yálá ə di kili walawala, ə di ɲɛ̨i pu, ə gɛ, di hvo kɛɛ kaa, ə di wəli wolo, ə gɛ, di hvo mɛ̨nį mɛ̨n ə lɛɛ ɉu yiihu.»

Lomaŋ 3:11

Kili hvo nui lɔpee ta ɓa, nu ta lɔpee hvo Yálá kwɛlii.

Lomaŋ 3:23

Nu kəlee daa nɛ̨ŋɛ̨n ɉəɠə daa hvɛɠɛ a Yálá nwɔ mąąwiɛlaa hu.

Lomaŋ 3:4

Gɛ́ diɛ: Kpaa-o! Hvɛɛ nu kəlee ə Yálá kɔlɔn a tɛ̨ą nąmu. Ə mą kɛ nu kəlee kaa a lɛɛ kɛ nuą, yɛ bələi Ɉɛɓɛ́ hu woo kaa moi la, yɛ kɛ: «Hvo kɛ li nuą di ə́ wɔ tələnmolaa kɔlɔn ə́ hvaa woo hu, Yɛ́ kiti woo mąąkulɔi hvo mą.»

Taitɔ 3:3

Mąąhɔlɔɓo, guɔ kpɛlimąn, gu wɔlɔ kɛ yɛ diɛ, gu hvo kɛli mɛ̨nį ta kpaɠala kaa, gu kwɛli teɛ, gu lanŋąą, guɔ ɓo nu kan niiɓa mɛ̨nį kəlee yee kɔnma, gu tolɔɔ, guɔ wɛlikpɛɛmąą laa kulɔ a gu keeni.

Piɛrə dɔlɔɔ 1:16

hvo gaai, bɛ̨ɛ̨i yɛ mą: Mą́ą́həɠɛɛi, káá kpɛlimąn, ká mąą ə həɠə tii…

M̀ɛni-lɛɛi 21:8

Yii ɓaa ɲɔw nuą, diɛi di hvo kulɔ di woo ɓa, diɛi a tuwɔ pələ ɲɔ̨n gulɔ nuą, a nu paa nuą, a hiɛnɔwai kɛ nuą, a kaahɛn ɉəɠə nuą, a hali kɔ nuą, ɛlɛɛ, da lɛɛ nuą; di wɛi nąą ɓaa nwɔ̨n máɠa hu; yili ɓə a haa veelɛnąą.»

M̀ɛni-lɛɛi 22:15

'Ká kulɔ ɲɛnɛ̨ɛ̨ pələ, yilɛɠaa, ɛlɛɛ, kaahɛn ɉəɠə nuą, tuwɔ pələ ɲɔ̨n gulɔ nuą, ɛlɛɛ, da nu paa nuą, hali kɔ nuą, ɛlɛɛ, da nuąi lɛɛ wɛli kaa diɛ, ɛlɛɛ, diɛ lɛɛ kɛ!