Lomaŋ 2:1 - Yálá laawoo hɛɓɛ (dc)

¹ Yɛi ə́ kaa ə́ ɓɛlaa kiti teei, mąąhvaalɛɛ hvo yɛ, ə́ mąą kɛ a nu huwui lɔpee. Mąąhɔlɔɓo, mɛ̨nįi ə́ kaa nuą kiti tɛɛi mąą mɛ̨nį hu, yɛ kpinįi yɛ ɓo a da kɛmun. A kɛ ti, yaa kɛi nuą kiti tee, ya kɛ ə́ kpɔɔ ɲɛ̨i hvalai.

Yálá laawoo hɛɓɛ

¹ Yɛi ə́ kaa ə́ ɓɛlaa kiti teei, mąąhvaalɛɛ hvo yɛ, ə́ mąą kɛ a nu huwui lɔpee. Mąąhɔlɔɓo, mɛ̨nįi ə́ kaa nuą kiti tɛɛi mąą mɛ̨nį hu, yɛ kpinįi yɛ ɓo a da kɛmun. A kɛ ti, yaa kɛi nuą kiti tee, ya kɛ ə́ kpɔɔ ɲɛ̨i hvalai.

Bible

¹ M̀ɛni ma, yái íkaa a núu-kpunei, káfalo da kélee fé íyeêi núu da kpɛ́ni ŋɔmɛni ŋá tée mɛni ma, a nɛ̃ɛ ma kpîŋ íkɛ a gbɛ̂ɛ. Yà kɛ̀ núu da kpɛni ŋɔmɛnii ŋa teêi íkaa mɛni lɛɛ̂i íkpîŋ yâ, kpɛ́ni fêi, yái íkaa a mɛni ŋá-tee-nuui íkaa mɛni tɔnɔi tí kɛ̂i.

Lomaŋ 2:1 Iomraidhean Croise

Lukə 12:14

Jesus ə mo mą, yɛ mą: «Náwəi, gbɛɛ ɓə gɛ́ a ka lɔwai mɛ̨nį hutɔɔ mun? A wala kɛ tii, ka nąn gwɛlin ŋąąkwɛlɛ mun?»

Lukə 19:22

«Tɔɔmun yɛ mą: ‹Kóló kɛmun ɲɔ̨nwɔ̨ɔ̨ ɓaa yɛ; ə́ woo tii ə́ mo ya lɔ ɓə gáá ə́ kiti teei mɛ̨i. Ə́ gɔlɔn gbɔ kɛ yɛ́, gáá a nui nwɔ mɛ̨nį walawala, ɓɛi və́ hɛn nąą li laa, nąą ɓə ŋą ɉəɠə laa; ɓɛi və́ tíi kɛ li laa nąą ɓə ŋą mɔ̨nun dee laa.

Lukə 6:37

«Ka hvo nui lɔpee ta kiti tee. Əgɛ, Yálá hvo pa ka kiti tee. Ka hvo nui lɔpee ta kɛ a hɔn mąą mun, əgɛ, Yálá hvo pa ka kɛ a hɔn mąą nuą. Ka nuą mąąhvaalɛɛ, əgɛ, Yálá ə pa ka mąąhvaalɛɛ.

Lomaŋ 14:22

Mɛ̨nį kɔlɔnŋąąi ə́ ɉɔlɔɓo laa na laa hu, yii lɛɛ ə́ kwəi ka Yálá ka lɔwai. Nui kiliŋąhiɛ pələ hva ɉɔn gaa mą, mąą nu nwun na nɛ̨ɛ̨i.

Lomaŋ 2:2

Gu gɔlɔn guɔ diɛ: Nuąi di túwɔ́ pələ kaa ti, Yálá a di kiti tee a tɛ̨ą.

Lomaŋ 2:3

Yɛi ə́ kaa nuą kiti teei, mɛ̨nįi ə́ kaa di kiti teei ɉu, ka diɛ ni kəlee kaa gɛ; gaa ə́ kwəi Yálá nwɔ kitii kaa pai ə́ mąąhvaalɛɛi?

Lomaŋ 3:9

Ɛ̨į lə kpɔ? Guɔi a Ɉuifəɠaa, gu hviala ɓoɔi mɔ̨ɔ̨ ə tɛɛ huwu takpɛliɠaa diɛ? Gɛ́ diɛ kpaa-o! Gbala ə tɔɔ, ŋą́ gbɛa nɛ kɛ́ diɛ: Ɉuifəɠaa da huwu takpɛliɠaa kəlee di kaa nɛ̨ŋɛ̨n ŋą luwɔlaa hu.

Lomaŋ 9:20

Kɛlaa, yɛi ŋɛ̨i ə́ kaa a nu, lə ɓaa yɛ́, yaai ya Yálá laa hɛatoo? Ləɠi hva kɛ dɔɔmun ma: Ə́ kɛ ŋɛ̨, lə mɛ̨nį ɓa?

Korɛntə dɔlɔɔ 4:5

Yili ɓa, ká hvo nuą kiti tee nąąlɔwai tɔwɔ, gɛɛ gu Ną́mu hvo pa. Ya ɓə pai, mɛ̨nįɠaai noɔ kpįnįi, gəlee tooi pono ɲą, ə mą kɛ di kwəi kiliɠaa. Yili pulu, nu tɛitɛi da mąąwiɛ hɔlɔɓo Yálá yəi yɛ bələi bɛliɛ la diɛ.

Korɛntə dɔlɔɔ 7:16

Yili ɓa nɛ̨ɛ̨nu, ə́ kili hvo ɉu yɛ́ kɛ, yɛ́ ɓə pai ə́ hilɛ nwun mąąɓoi? Hulɔnu, ə́ kili hvo ɉu yɛ́ kɛ, yɛ́ ɓə pai ə́ nɛ̨ą nwun mąąɓoi?

Zĩi 2:20

Hupumun, hvo mɔ̨ɔ̨ gbaɠala kɔlɔn yɛ́ kɛ, laa na laai bɔ túwɔ́ hvo mą, gaa a kpɛli-kpɛli?

Zĩi 4:11

'Ká hvo mɛ̨nį ɲɔ̨n mo a ká kee laa, ną́n nonnii. Nui a mɛ̨nį ɲɔ̨n mo a nu ta laa, a wala kɛ tii, ə gití tee, aa mɛ̨nį ɲɔ̨n mo a dɔ́n naa, ɛlɛɛ, aa dɔn gití tee. Kɛlaa, yɛ́n, yá dɔn giti teei, yáá kɛ a kití teemun, ɛlɛɛ hvó kɛli a dɔ́n bɔ yíiɓomun.