Lomaŋ 14:14 - Yálá laawoo hɛɓɛ (dc)

¹⁴ Náái na, gíli la teɛ kpɔ gu Ną́mu Jesus laa hu gɛ́ diɛ: hɛn lɔpee ta hvo kɔ́hɔɓo li, kɛlaa, nui a gaa yɛ gɔhɔɓoɔi, yaa tɔ̨nɔ̨ lɔ ɓə kɔ́hɔ ɓoɔi ɲɛ̨i ɓa.

Yálá laawoo hɛɓɛ

¹⁴ Náái na, gíli la teɛ kpɔ gu Ną́mu Jesus laa hu gɛ́ diɛ: hɛn lɔpee ta hvo kɔ́hɔɓo li, kɛlaa, nui a gaa yɛ gɔhɔɓoɔi, yaa tɔ̨nɔ̨ lɔ ɓə kɔ́hɔ ɓoɔi ɲɛ̨i ɓa.

Bible

¹⁴ Ŋá gɔ́lɔŋ, ńaa la, Kúnuu-namui Zîsɛ sârai, a gɛ́ɛ sɛŋ da kélee fe naa maa fe waa ni gbîŋ kponôi; kɛ́lɛ, ǹúui à gàa a gɛ́ɛ maa fe waa ni, maa fe waa ni ŋ̀ɛi.

Lomaŋ 14:14 Iomraidhean Croise

Markə 7:2

Yii kɛa di gaa diɛ Jesus nwɔ kalan nɛai taɠaa di kaa kɔ̨nɔ̨n mįi a di yee ŋą kpan (mukulaa ɓaa: di hvo di yei waa li yɛ pələi di wɔ huwula tɔ́n gaa la.)

Gɛlaɠaa 10:28

yɛ diɛ: «Ká kili kaa ɉu kaa kɛ, tɔn nwalawala kaa Ɉuifəɠaa mɛ̨i, di ta hva pɛli lɔi huwu takpɛli yəi bɛlɛ́n, di hvo nulaa kɛ. Kɛlaa, nwɛ́i, Yálá aa gilaa pono, yɛ, mąą hvo nɛ̨ɛ̨li və́ nui lɔpee ta kaa a nu kɔ́hɔɓoɔ, a wala kɛ ti a nu ɲɔ̨nwɔ̨ɔ̨.

Lomaŋ 14:2

Nu taɠaa di wɔɔ laa na laa a gɛ, diɛ pɛli hɛn gəlee mįi, daɠaa di wɔɔ hvįikpɛɛlaa yɛ gɛ, pɛlɛ́n gɔ̨nɔ̨n nɔ ɓə a mįi.

Lomaŋ 14:20

Hvo Yálá ŋą kólói kala a kɔ̨nɔ̨n mɛ̨nį. Gəlee mąąhəɠɛɛi tɛ̨ą li, kɛlaa, kɔ̨nɔ̨n yá mįi yɛ ə́ ɓɛlan nwɔ kiliŋąhiɛ həɠə Yálá kɔ́lɔn bələ ɓa, yili ɓə ɲɔ̨nwɔ̨ɔ̨.

Lomaŋ 14:23

Kɛlaa, nu a kɛi kɔ̨nɔ̨n mįi, ɲinɛ̨-ɲinɛ̨n ə ɓo ɉu, hɔnmąąmun ni, mąąhɔlɔɓo, hvo gɛi a ə́ kwəi kwɛlɛɛ laa na laa hu. Yaan, mɛ̨nįi hvó gɛi a ə́ kwəi kwɛlɛɛ laa na la hu, nɛ̨ŋɛ̨n ni.

Korɛntə dɔlɔɔ 10:25

Hɛn lɔpee da nɔwɔtɔɔ lɔwɔ kpalan ŋą, ká ɲá ká mįi, ká hvo ká kwəi kwɛli;

Korɛntə dɔlɔɔ 8:10

Kɛlaa, yɛ́i mɛ̨nįi ti dɛ̨ą kɔlɔn, da ə́ kaa heeni hali kɔi, yɛ́ nąą hɛn mįi, yili hva kɛ a nuąi di hvįikpɛɛ di lan ɉɛn?

Korɛntə dɔlɔɔ 8:7

Kɛlaa, nu kəlee hvə dɛ̨ą tii kɔ́lɔn. Nu taɠaa daa kulɔ hali yíi hu a nįnɛ̨, bɔɔ ə ɓo ni diɛ, da kɛi ɉuwɔɠaa tii mįi, da kɛ gaai yɛ hali kɔ́ hɛn gbɔ-kpɔ, di wɔɔ kiliŋąhiɛ hvįikpɛɛ pələ, diɛ kɛ gɔ̨nɔ̨n tii a kɛ di mąąliɓii.

Timote dɔlɔɔ 4:4

Mąąhɔlɔɓo, hɛn kpɔ Yálá ə bɛli, gəlee lɛlɛɛi, da laa hvo kulɔ li ɉu, yá kɛli mįi, yɛ́ Yálá mąmąɓo.

Taitɔ 1:15

Mɛ̨nį kəlee mąąhəɠɛɛi, nuą di mąąhəɠɛɛi di ɲɛ̨i ɓa. Kɛlaa, nuą di kɔ́hɔɓoɔ, di hvo bɔ di hvo laa na laa kɛ, mɛ̨nį ta mąą hvo həɠə li di ɲɛ̨i ɓa. Kɛlaa yaamun, di wɔɔ nwun-gɛ-ɉulaa, da di kili ɓə gɔhɔɓoɔ.