Lomaŋ 13:4 - Yálá laawoo hɛɓɛ (dc)

⁴ Mąąhɔlɔɓo, gaa tíi Yálá ɓa, əgɛ, ə́ ə́ ɲąątɔɔ a mɛ̨nį lɛlɛɛ kɛɛ ɓa. Kɛlaa, akɛ yá mɛ̨nį ɲɔ̨n gɛi, 'ɲɔw kani kiti tee mun ma. Mąąhɔlɔɓo, hvaŋąi gaa ɲəi yɛ mɛ̨nį kɛ la, hvo ɲəi kpɛli, gaa Yálá ŋą kóló ɓa, yɛ Yálá nwąną kulɔ la, mɛ̨nį ɲɔn gɛmun ma.

Yálá laawoo hɛɓɛ

⁴ Mąąhɔlɔɓo, gaa tíi Yálá ɓa, əgɛ, ə́ ə́ ɲąątɔɔ a mɛ̨nį lɛlɛɛ kɛɛ ɓa. Kɛlaa, akɛ yá mɛ̨nį ɲɔ̨n gɛi, 'ɲɔw kani kiti tee mun ma. Mąąhɔlɔɓo, hvaŋąi gaa ɲəi yɛ mɛ̨nį kɛ la, hvo ɲəi kpɛli, gaa Yálá ŋą kóló ɓa, yɛ Yálá nwąną kulɔ la, mɛ̨nį ɲɔn gɛmun ma.

Bible

⁴ kpɛ́ni fêi, gáa a Ɣâla yée-mu-nuu a gɛ́ɛ é mɛni lɛ́lɛɛ kɛ́ ímɛni ma. Kɛ́lɛ, à kɛ̀ yà mɛni nyɔ́mɔɔ kɛ̀, gɛ̀ ní yao é kɛ́ íkɔlɔ̂i, kpɛ́ni fêi, va ŋɔƃóa-sɔkpɔ̂i siɣe, kpɛni fêi, gáa a Ɣâla yée-mu-nuu a gɛ́ɛ e Ɣâla ŋɔlii-ŋwanai maa-tɔŋ kpɛ́ sɔnyɔ̂ŋ-ƃela dîa.

Lomaŋ 13:4 Iomraidhean Croise

Tɔɔɓɛlaa dɔlɔɔ 10:9

Mąąwiɛ ə kɛ Yai-Laa ə́ wɔ Yálái ɓa, yai ə laa a nii, yɛ ə́ hee Israɛlə dɔɔ kpəlin ɉu. Israɛlə wɛli ɓə gaa Yai-Laa ɓa a yələ kəlee, yili ɓə gɛ yɛ ə́ hee a tɔɔmun, yɛ́ pɛli ɲąąwooɓo kɛi tələnmolaa hu.»

Kɔlɔnikɔ Veerɛi 19:6

Yɛ giti tee nuą diɛ: «'Ka ká kiliŋąhiɛ a nɛlɛɛ ka wɔɔ kolói ɓa, ka hvo pai kiti teei a nu kanŋaa di wɔɔ kiti tee pələ, kɛlaa, 'ka dee a Yai-Laa nwɛi tee pələ, yaai pai kɛi ka pɔ golói tii hu.

Hanwon 16:14

Tɔɔmun nii a holi, nu paa nuą too hiɛ li, Kɛlaa, kilimąą mun a tɔɔmun ɉu hon.

Hanwon 20:2

Tɔɔmun nwɔ liikələn gwəi kaa yɛ yala a kɛi kpəɠi. Nui a tɔɔmu níiholi, a kɔ́ pɛlɛ gbɔwɔ nwɔ yɛnɛ̨ɛ̨ ɓa.

Hanwon 20:26

Kilimąą tɔɔmun a nwąnąlɔ nuą hu taɠa di kee ɓa, yili pulu, ə di hutɔɔ ɉa.

Hanwon 20:8

Tɔɔmun a kɛ heeni nwɔ kiti tee kpəlin hu, a mɛ̨nį ɲɔ̨n gəlee kulɔ ɉu kɛ a ɲɛ̨ikɔw.

Azaya 1:17

'Ka mɛ̨nį lɛlɛɛ kɛɛ mąąkwɛli, 'ka ka kwəi kwələ, 'ka heemɛ̨i laa kulɔ ka lɔwai, 'ka təlilon ɉon a kwəi kwələ laa, 'ka kalanin dɔɔ bulu kɛ.

Ɉeremi 5:28

Di ɲɛ̨i wulɔ yɛ kulɔ, di koo a hee, di yee laɠin ŋąą nu kəlee mɛ̨i mɛ̨nį ɲɔ̨n gɛɛ hu. Di hva kɛa tɛ̨ą mąąwiɛ kiti tee lɔwai, di hva təlilon nwɔ tɛ̨ą mɛ̨nį ɲɛ̨i kulɔ, ə gɛ lɔ di hɛn ɉɔlɔɓo. Di hva mąąwɛli mun mąą mɛ̨nį ɲɛ̨i kulɔ.

Izikiɛ 22:27

Ɲɛitɔwɔ nuą kaa di lɔwai yɛ kwɛ́liɠaa da kɛ huwɔɠaa lɔwai, diɛ ɲąmą pu, diɛ nuą paa di wɔ hɛn gɔwɠaai nwuɔ̨ mɛ̨nį ɓa.

Izikiɛ 25:14

Ɲą́ą́ gbínii ɓə nwą́ną kulɔi Edɔmə ɓa, a nwɔ́ lɔi Israɛlə yee. Di ka pai Edɔmə hon ɉii, yɛ bələi nwɔ liiholi da nwɔ lii ɲanwana kaa la bɔ; bələ ɓə da nwą́ną kɔ́lɔn na. Mɛ̨nį kəlee ŋą Hééɓomun Yálá woo li.

Mise 3:9

Ka ka wə́li tɔɔ mɛ̨nįi ŋɛ̨i ɓa, Ɉakɔbə nwɔ pɛ́lɛ́i ɲąąwooɓo nuą, Israɛlə nwɔ pɛ́lɛ́i ɲɛ̨itɔwɔ nuą, a kaai ŋɛ̨i tɛ̨ą wɛli kpɛɛ kaai, kaa mɛ̨nį haŋąą kəlee kpɛlaan.

Lomaŋ 12:19

Nwɛ́likɛmąą nuą, ká hvo ka nwąną kulɔ kaa kpinįi. Kɛlaa, ka Yálá lɛɛ laa ə ka nwąną kulɔ. Mąąhɔlɔɓo, Yálá yɛ diɛ: «Ɲą́ą́ ɓə ŋą́ nuą nwąną kulɔ gɛ́ mɛ̨nį kwələ kulɔ.»

Lomaŋ 13:6

Mɛ̨nįi a gɛ nwɔ̨nɔ̨ guɔ nįįhɔ̨nwɔ̨ kulɔ la, yaa li. Mąąhɔlɔɓo, nįįhɔ̨nwɔ̨ hon nuąi ti, Yálá ɓə di tɔɔ la.

Tɛsalonikə dɔlɔɔ 4:6

nu ta hvo kɛ gaa mɛlan vului, yɛ mɛ̨nį nwąnąą laa mą mɛ̨nįi ŋɛ̨i hu, gbala ə tɔɔ, gu Nąmu a yili kəlee gwələ kulɔ, yɛ bələi ku gbɛa mo la káá, kuɔ mąąlaŋąn.

Zasua 20:5

Ɲąmą kwələ kulɔmun a hvilɛn bulu, a pa laa daai, di hva nu paamun tii tɛɛ bɔ. Mąąhɔlɔɓo, hvo gili hvo mɛlan gaalon tii paa, hvo kɛli yowolaa kulɔ la a bɔlɔ pɔlɔ.

Zasua 20:9

Daaɠaa tii ɓə di gɛ a mąąkilɛ taa; yɛi kɛ a Israɛlə lon da, awala kɛ tii nwɛ̨ą yii ɉeɛɛ kaa di kɔ́wɔ mɛ̨i, nui lɔpee kɛ a nu paa yii hvo gili ɓo li, daaɠaa tii ta hu ɓə a li ə mąąkilɛ laa. Bələ ɓə kɛ ɲąmą kwələ kulɔmun hva pɛli kɛ ɲąmą pumun baai la, yai nu kpulu hvo ni giti tee li.

Piɛrə dɔlɔɔ 2:14

yɛ ə kɛ a gbahalanąmą, yai ə ɉee ká nwun na, mɛ̨nį ɲɔ̨n ɉutɔɔ mɛ̨nį ɓa, yɛ mɛ̨nį lɛlɛɛ kɛ nuą mąątɛ̨nɛ̨.