Lomaŋ 12:3 - Yálá laawoo hɛɓɛ (dc)

³ Mɛ̨inɛ̨ɛ̨i Yálá aa gɛ mą́ą́ ɉaalai ɓə gɛi, gɛ́ kɛ káá: 'Ká hvo ka kpɔwɔ hviala ɓo, kiliŋąhiɛ lɛlɛɛ ə kɛ kaa. Laa na laai Yálá aa dɛɛ ka pɔ, nu kəlee ə gbɔwɔ kaa yili hu.

Yálá laawoo hɛɓɛ

³ Mɛ̨inɛ̨ɛ̨i Yálá aa gɛ mą́ą́ ɉaalai ɓə gɛi, gɛ́ kɛ káá: 'Ká hvo ka kpɔwɔ hviala ɓo, kiliŋąhiɛ lɛlɛɛ ə kɛ kaa. Laa na laai Yálá aa dɛɛ ka pɔ, nu kəlee ə gbɔwɔ kaa yili hu.

Bible

³ Ŋa mò núu kélee ma, m̀ɛlɛ-seei su nyíi dɛɛ̂i ḿbɔi, a gɛ́ɛ káfe kákpîŋ kàa a gɛ́tɛ é tɛ́ɛ berei ma kákaa lai. Kɛ́lɛ, ka kákili ŋá sia a ǹɛ́lɛɛ, yɛ̂ɛ berei Ɣâla a laa-la kɔɔ̂ŋ la núu kélee mɛni mai.

Lomaŋ 12:3 Iomraidhean Croise

Hanwon 25:27

Kwɛ̨n nwulɔ kɔ̨mɔ̨ɔ̨ dɛɛ ɲɛn ɉu, hvo lɛlɛ li. Ɓɛlɛ mɛ̨nį hvaa, nu ɓɛlɛmąą yɛ gbɔwɔ ɓɛlɛ kwɛli.

Hanwon 26:12

Yá nu ta kaa, yɛ gbɔwɔ kɛ a kilimąą mun? Nu kilitɔɔ kilikpɛɛgwəi mun ma, viɛlaɓoɔi nu taaləi tii ɓa.

Ikilisiati 7:16

'Hvó ə́ kpɔwɔ kaa, ə́ ɲɛ̨i ɓa yɛ nu haŋąą. 'Hvó ə́ kpɔwɔ kaa ə́ ɲɛ̨i ɓa yɛ kilimąą mun. Akɛ tii, mɔ̨nɔ̨ lɔ ɓə gwa naa gu kpɔwɔ ɓa.

Mise 6:8

Ə kə hulɔnu! Mɛ̨nįi nɛlɛɛi, yii Yai-Laa kaa gwɛlii ə́ yəi, daa nɛ yɛ́, hɛn da kpɛli hvəi, túwɔ́ a tɛ̨ą kpaalə, lɛɛ nwoo pulu laa wɛli la kɛ, kɛ gili-gili yɛ́ ka Yálá ka lɔwai mɛ̨nį hu,

Lukə 18:11

Farisiɛ̨ tii ə tɔɔ a dee, yɛ Yálá hvɛli, yɛ kɛ diɛ: ‹Oo Yálá! Gáá ə́ mąmąɓoi, mąąhɔlɔɓo, və́ yɛ nu takpɛliɠaa; diɛi di kaa a nwuɔ̨ nuą, mɛ̨nį ɲɔ̨n gɛ nuą, da wɛli hon nuą. Gáá ə́ mąmąɓoi, mąąhɔlɔɓo, və́ kpɛli yɛ nįįhɔ̨nwɔ̨ kulɔ mun ŋɛ̨i.

Ɉaan 3:34

Yaan, nui ɲɛ̨i Yálá ə dɔɔ, a Yálá mąą mɛ̨nį ɓo, mąąhɔlɔɓo, Yálá a Kili kəlee tɛɛ bɔ.

Lomaŋ 1:5

Yaa ɉaalai ɓə ŋį́ kɛ la nwɔ kɛla ə gɛ, huwu kəlee di kɛ nwoo mu laa na laa háálai.

Lomaŋ 11:20

Tɛ̨ą li! Di di tee, a di wɔɔ kulɔ nwoo mu laa pɔɔ. Yáá tɔɔ di tɔɔi ə́ wɔ laa na la mąą mɛ̨nį ɓa. Gɛ a nɛlɛɛ, hvo ə́ huɲąŋą kɛnɛ̨, yɛ́mun ɲɔw.

Lomaŋ 11:25

Nąn nonnii, və́ bɔ ká hvo lɛɛ kwəi pilimąą hu, mɛ̨nį looŋąą ŋɛ̨i mąą mɛ̨nį ɓa, ə gɛ, ka hvo pa ka kpɔɔ kaa yɛ kilimąą nuą; Israɛlə lonnii bələ tɔ̨nɔ̨ kili walawala pələ kaa pai lɛɛi ɉu, ə lɛɛ ɉu, huwu takpɛliɠaa di di lɔi hɔlɔɓo.

Lomaŋ 12:16

Ka nɛ̨ɛ̨ a ka kee, nu ta hvo gbɔwɔ ŋąąkɛnɛ̨. Mɛ̨nįi kpɔwɔ mąąyɛɛlaa kaa ɉu, nwɛli ə too kaa; ká hvo ká kpɔwɔ kaa a kilimąą nuą.

Korɛntə dɔlɔɔ 15:10

Kɛlaa, laai kələi gáá ɉu ŋɛ̨i, Yálá ŋą mɛ̨inɛ̨ɛ̨ halai li; ɛlɛɛ, ŋą mɛ̨inɛ̨ɛ̨ tii ə gɛ mą́ą́, hvo lɛɛ li a kpɛli. Kɛlaa yaamun, ŋą́ą́ kólo kɛ aa tɛɛ gɛlaɠaa kəlee diɛ, ɲą́ą́ hvə li, Yálá ŋą mɛ̨inɛ̨ɛ̨i gaa ɲə́i, ya ɓə.

Korɛntə dɔlɔɔ 3:10

Mɛ̨inɛ̨ɛ̨ Yálá ə gɛ mą́ą́ ɉaalai, ɲą́ą́ yɛ yɛlɛkɛmun nɛlɛɛ, ŋą́ gɔ́wɔ hvilɛn, nu ta kpɛli ə dɔɔ. Kɛlaa, nu kəlee ə gɛ a nɛlɛɛ nwɛi tɔɔ pələ hu.

Korɛntə dɔlɔɔ 7:17

Nu kəlee ə túwɔ́ yɛ bələi gu Nąmu ə dí la, yɛ bələi lɔ ə kɛ la Yálá yɛ dəli. Niɛwooi tii ɓə gáá gɛi gbɔn kəlee ɓa.

Korɛntə veelɛ 10:13

Kɛlaa, ku wɛi, ku ɲɛ̨i pono mɛ̨nįi ku kaa nɛi káá, ku hva ku kpɔwɔ ɲąą kɛnɛ̨ ɉu, ku hvo tɛɛ ɲɛ̨n ma. Kɛlaa, kpaaləi Yálá ə naa ku tɔwɔ, ya ɓə, a ku wɔɔ kólói ɲɛ̨n, gbaaləi tii ɓə ku lɛɛ mą, kuɔ həli la káá.

Korɛntə veelɛ 12:13

Lə mɛ̨nį kpɔ ɓə galan gbɔn yiiɠaa tii di ɉɔlɔɓo ə kɛnɛ̨ ə tɛɛ ká wɛi ɓa? Ə kulɔ lɔ, ɲą́ą́ gbinį lee, kɛi və́ mo ka nwuɔ̨ a tiɛ̨! 'Ka mąąhvaalɛɛ yili hu!

Korɛntə veelɛ 12:7

Mąąhɔlɔɓo, mɛ̨nįɠaa tii di nɛ mą́ą́, ɉu kɛnɛ̨ pələ, bələ di tɛɛ la və́ pa nəi gbɔ́wɔ́ ɲąą kɛnɛ̨, di hɛn da lɔ gɔ́lɔ hu, di ɓilihi ŋą malaka ta tí, ə gɛ́lɛ, və́ pa nəi gbɔ́wɔ́ ɲąą kɛnɛ̨ a pələi lɔpee.

Galatə 6:3

Mąąhɔlɔɓo, akɛ nu ta a gbɔwɔ kaa yɛ nu walawala, ya pa, yaan hvo a hɛn da, gaa gbɔwɔ ɓowoi.

Ifisiɛŋ 3:2

Gólói Yálá ə naa nwuɔ̨, ŋą lii nɛ̨ɛ̨ gwəi laa hu, yɛ ŋą́ gɛ ká mąą mɛ̨nį ɓa, káá kiɛ yili bələ mɛ̨n.

Ifisiɛŋ 3:4

Ká kɛli ɉɛɓɛ́i ŋɛ̨i ɓo, bələi ŋą́ Kristə mąą mɛ̨nį loɔ kɔlɔn na, ká pɛli yili kpaɠala kaai.

Ifisiɛŋ 4:16

Ɉáálai ɓə gɔlɔ tɔɔ-tɔɔiɠaa kəlee yiliɛ la gee ɓa kpąą, ə lɛɛ gbulɔnaɠaa kəlee heɛi gee ɓa a nwalawalaa, yɛ kɛnɛ̨ la wɛlikɛmąąlaa háálai. Gólói di tɛitɛi da pɛli gɛi, ə ɓo a ɲąąkwɛlɛɛ di lɔwai a wɛlikɛmąąlaa.

Filipə 2:13

Mąąhɔlɔɓo, Yálá ɓə a, niiɓa gɛ lii, da gɛ wɛli too káá, yɛ bələi gaa la gwəi a nɛlɛɛ.

Kolosə 1:29

Nwɔ́ɔ́ tɔɔ a nwąnąi laa nwun gaa mą, ya ɓaa; gɔi gáá gɔi, a hvaŋąi kolo kɛi ɉú.

Kolosə 2:13

Ɛlɛɛ, káái tɔlɔɔ ká haa kɛ, a ká wɔɔ túwɔ́ pələ ɲɔ̨nŋaa da ká wɔɔ kɛ́nɛ̨-kpolaa laa laa pɔɔ, Yálá aa yɛnɛ̨ɛ̨ tɛɛ ká pɔ, ká Kristə ni: Aa gu wɔɔ túwɔ́ pələ ɲɔ̨nŋaa mąąhvaalɛɛ,

Timote dɔlɔɔ 1:14

A tɛ̨ą, gu Ną́mu ŋą ɲɛ̨́imąąwɛlikaa tii, hu ə kɛnɛ̨ bɔ́ pələ, ə mą kɛ, laa na laa da wɛlikɛmąąlaai gaa gu Jesus Kristə hu.

Timote dɔlɔɔ 2:15

Ə mą kɛ ti, gaa pai ɓaloi ŋą lon ɉɔlɔɓoɔ pɔ, a kɛ lɔ a kąnąn laa na laa ɓa, wɛlikɛmąą laa hu, da mąąhəɠə laa lɛlɛɛ.

Timote dɔlɔɔ 2:9

Yii ɓaa nɛ̨ąą di wɛi, di di mąąyili a bɛliɛ ɉu, a nɛlɛɛ, a di mąą hon bələ: di hvo di nwun nɛɠa ɲɛki-yəki hee mą, di hvo hɛnį kwɛli too, awala kɛ tii, wali-kwɛli, da hɛn ɲɛki-yəkiɠaa;

Taitɔ 2:12

Mɛ̨inɛ̨ɛ̨i tii a gu mąąkwɛli a gu yee kulɔ mɛ̨nį túwɔ́ pələ ɲɔ̨nŋaa hu da yɛ̨nɛ̨ɛ̨ liiɓa mɛ̨nįɠaa, əgɛ, gu yɛnɛ̨ɛ̨ kɛ yiihu, a ɉaŋąą, a Yálá liiɓa,

Taitɔ 2:2

Mo hulɔgoloɠaa diɛ, di kɛ a di yee pɛliɛ di koolon ma, di mąąnwumɛ̨ɛ̨, di yee pɛliɛ di kpɔwɔ ɓa mɛ̨nį kəlee hu, laa na laa mąąhəɠɛɛ ə ɓo di yəi, wɛlikɛmąąlaa hu, da kąną mąą laa hu.

Taitɔ 2:4

diɛ hilɛtai-nɛ̨ąą mąąkwɛli a di lɛɛ pələ di hilɛni woo mu, diɛ di lonnii wɛlila kɛ,

Taitɔ 2:6

Hilɛlɛa liɛwoo kɛ di kɛ a di yee pɛliɛ di kpɔwɔ ɓa mɛ̨nį kəlee hu.

Zĩi 4:6

Kɛlaa yaamun, Yálá aa mɛ̨inɛ̨ɛ̨ kɛnɛ̨ kɛ guɔ nwɔ̨nɔ̨. Ɉɛɓɛ́ yɛ mą: «Kpɔwɔ ɲąąkɛnɛ̨mun nwɛli hvo Yálá ɓa, kɛlaa, nui a gbɔwɔ mąąyɛɛ, a ɲɛ̨i lɛlɛɛ hee mą.»

Piɛrə dɔlɔɔ 1:13

Yili ɓə gaa mą, yii kani ká kili aa nwun, mɛ̨nį hukpɛ mɛ̨nį ɓa, 'ká kɛ gili-gili, ká kilitɔɔ mɛ̨inɛ̨ɛ̨ tii pai tooi pono ɲą a Jesus Kristə pa yələ, mą.

Piɛrə dɔlɔɔ 4:11

Nu ta a kɛli pələ ɓo, ə kɛ a Yálá laa woo laa həli mɛ̨nį; nu ta a kɛli ə́ wɔɔ mąątíi kɛ, gɛ a hvaŋąi Yálá a dɛɛ bɔ, ya ɓə a gɛ, Jesus Kristə háálai, Yálá ə mąąwiɛ laa hɔlɔɓo kpɔ a neelee, yai, mąąwiɛ laa, hee mɛ̨i laa kaa a nwɔɔ a yələ kəlee mɛ̨nį. Yálá ə kɛ ti!

Piɛrə dɔlɔɔ 4:7

Hɛn gəlee ɲąąkpɛɛi lɔwai aa lɛɠɛ. 'Ká kili mɛ̨nį kɛ, 'ká yee ə pɛli ká koolon ma, káá pɛli Yálá hvɛlii.

Piɛrə dɔlɔɔ 5:5

Káá kpɛlimąn, a muhəɠə nįnɛ̨ɠaa, 'ká lɛɛ nu pɔlɔ-pɔlɔɠaa woo mu. Ɛlɛɛ, ká kəlee, 'ká ká kpɔwɔ mąąyɛɛ ká lɔwai mɛ̨nįɠaa hu, mąąhɔlɔɓo, «Kpɔwɔ ɲąą kɛnɛ̨mun nwɛli hvo Yálá ɓa, kɛlaa, nuąi da di kpɔwɔ mąą yɛɛ, a nwɔ mɛ̨inɛ̨ɛ̨i kɛ diɛ.»

Piɛrə dɔlɔɔ 5:8

'Ká yee ə pɛli ká koolon ma, 'ká lɛɛ a ká ɲɛ̨i, mąąhɔlɔɓo, ká yowo nąnį kaa ka kwɛlɛ, yɛ tinɛ̨n hvili-hvili yɛ huluun yɛ yala, hɛn kpɔ ə ɉuhvala-hvala, yɛ gwɛli.

Zɔ̂ŋ Zaaƃai 1:9

Ŋą́ hɛɓɛ tɛɛ gbɔn ma. Kɛlaa, Diotrefɛsə, yai gbɔwɔ tɛ mɛ̨nį tɔwɔ wɛli kaa mąi, hvo ku kɔlɔn ni.