Lomaŋ 12:20 - Yálá laawoo hɛɓɛ (dc)

²⁰ Yɛ nwɔ̨nɔ̨ diɛ: «Pulu a kɛ ə́ yowo ɓa, gɔ́ a kɔ̨nɔ̨n, kpələ wɛli a kɛ mą, yá tɛɛ bɔ. Mąąhɔlɔɓo, yá kɛli gɛ ti, ə́ kɛɛ nwɔ̨n dəŋą pui ə́ yowo nwuɔ̨ li.»

Yálá laawoo hɛɓɛ

²⁰ Yɛ nwɔ̨nɔ̨ diɛ: «Pulu a kɛ ə́ yowo ɓa, gɔ́ a kɔ̨nɔ̨n, kpələ wɛli a kɛ mą, yá tɛɛ bɔ. Mąąhɔlɔɓo, yá kɛli gɛ ti, ə́ kɛɛ nwɔ̨n dəŋą pui ə́ yowo nwuɔ̨ li.»

Bible

²⁰ Káfe mɛni pɔ́ɔ kula kaa kpîŋ, kɛ́lɛ, ka gɛ́ yɛ̂ɛ berei bɔ̃yɛɛ̂i lai, “Puru à kɛ̀ kákpɔara-nuu kɛ̂i, ka mii-sɛŋ tɛɛ bɔ; kpele-wɛli à kɛ̀ gɛ̂i, ka yá tɛ́ɛ bɔ e gbele; kpɛ́ni fêi, kà gɛ̀ ti, gɛ̀ ní kákaa ŋɔŋ-téɣa pûi ŋ̀ûa.”

Lomaŋ 12:20 Iomraidhean Croise

Zɛnɛse 42:25

Yili pulu, miíɠaai di paa la, di naahvɛɛ, di nwaliɠaa lɔ mɛ̨i di yəi. Ɉosɛfə ə mo, di bələ pɔ kɔ̨nɔ̨n dɛɛ niɛni pɔ.

Tɔɔɓɛlaa veelɛ 6:22

Elise yɛ mą: «'Hvó kɛ ə́ kaa di paai. Akɛti, nuąi wɔlɔ yá kɛ di hon ɉii kɔ́ hu a luwɔ, yá kɛ wɔlɔ di paai a ɓɔwa a wala kɛ tii kilɛn? Kɔ̨nɔ̨n dɛɛ di pɔ, ə́ bɛlɛ ya ɓa; di kɔ̨nɔ̨n mįi, ə́ di lɛɛ laa də li di wɔ mɛ̨nį nąmu pɔ.»

Mąątɛ̨nɛ̨ 120:4

Tonwą ɓə moɔ, a yai daa dí a kwɛlan-gbɔmɔ̨?

Mąątɛ̨nɛ̨ 140:10

Nuąi daa kɔ́ hee mą́ą́, di hvo di nwun dɛ mą́ą́ mɛ̨nį hu, nwoo ɲɔ̨n da kɛ moi, 'ə yɛɛ a di nwun.

Maafîu 5:44

Nwɛ́i gáá moi kaa, ka ka yowo wɛli la kɛ, nuąi da ɓɛlɛkpɛɛ kaa, ka Yálá hvɛli diɛ.

Lukə 6:27

«Kɛlɛɛ, kaa ŋɛ̨i ka wəli tɔɔ nwóó ɓa, gáá moi kaa, ka ka yowoɠaa wɛli la kɛ. Nuąi ka wɛli kpɛɛ diɛ, ka mɛ̨nį lɛlɛɛ kɛ diɛ.

Lomaŋ 12:21

'Hvó nɛɛ laa mɛ̨nį ɲɔ̨n ɲee hvo tɛɛ yɛ́, kɛlaa, ə́ yee ə tɛɛ mɛ̨nį ɲɔ̨n ma a mɛ̨nį lɛlɛɛ kɛɛ.

Samuɛlə dɔlɔɔ 26:21

Saulə yɛ mą: «Ŋą́ą́ nɛ̨ŋɛ̨n ɉəɠə, pənə ə pa nón Davidə. Vá kɛa mɛ̨nį ɲɔ̨n gɛ a yɛ́. Mąąhɔlɔɓo, yáá nwɔ́ yɛnɛ̨ɛ̨ kaa a hɛn mąąwiaa háákələi. A tɛ̨ą, ŋą́ą́ túwɔ́ yɛ ɓowo mun, ŋą́ą́ lan gbɔ kɛnɛ̨.»