Lomaŋ 12:2 - Yálá laawoo hɛɓɛ (dc)

² 'Ká hvo ká kpɔɔ kɔ́ɔn háákələi yɛnɛ̨ɛ̨i ɓa, kɛlaa, ká nɛɛ laa, ka wɔɔ mɛ̨nį kɔlɔn gili ə ká pu ká nįnɛ̨ kɔlɔi, yili ɓə gaa a Yálá liiɓa, nɛlɛɛ, ɲąąnɛ̨ɛ̨, bɛliɛ ɉu.

Yálá laawoo hɛɓɛ

² 'Ká hvo ká kpɔɔ kɔ́ɔn háákələi yɛnɛ̨ɛ̨i ɓa, kɛlaa, ká nɛɛ laa, ka wɔɔ mɛ̨nį kɔlɔn gili ə ká pu ká nįnɛ̨ kɔlɔi, yili ɓə gaa a Yálá liiɓa, nɛlɛɛ, ɲąąnɛ̨ɛ̨, bɛliɛ ɉu.

Bible

² Káfè kɛ̀ yɛ̂ɛ ǹɔii ŋí su-ƃelai, kɛ́lɛ, kámaa é kɛ́ a váleŋɔɔ kákili nina-ŋai sârai, a gɛ́ɛ ka Ɣâla ǹîa-mɛni kɔri nyíi gáa a mɛni lɛ́lɛɛ, da lii-laa-mɛni, e pɛlɛ mɛni-sãa ma Ɣâla ŋɛi tuɛi.

Lomaŋ 12:2 Iomraidhean Croise

Ɛsdrasə 10:11

Yii hu kɛa, ka hvaa ka hɔn ma Yai-Laa ka ną́nni di wɔ Yálái ɲɛ̨i ɓa, ɛlɛɛ, ka túwɔ́ yɛ bələi gaa la bɔ, ka nɔi nuą ka taɠa, ə mą kɛ, nwɛ̨ą nɛ̨ąąɠaai ka yəi, ka di kulɔ lɔwɛi.»

Mąątɛ̨nɛ̨ 119:103

Ə́ wɔ tɔn nwooɠaai nɛ̨ɛ̨i ná, dɛɛ kwɛ̨in nwulɔ ɓa.

Mąątɛ̨nɛ̨ 119:128

Yili mąą mɛ̨nį ɓa, ŋą́ ə́ wɔ tɔn nwooɠaai kəlee kaa a ɉaŋąą. Lɛɛ pələɠaa kəlee wɛli kpɛɛi mą́ą́ kpɔ tɛ-tɛ.

Mąątɛ̨nɛ̨ 119:174

Yai-Laa, ə́ yei ɓə gáá bɔ ŋį́ ɓalo hɔlɔɓo laa, ɛlɛɛ, gwə́inɛ̨ɛ̨ hɛn maa ə́ wɔ tɔn nwooi.

Mąątɛ̨nɛ̨ 119:72

Tɔn nwooi a kulɔ ə́ la, yili hviɛlaɓoɔi mą́ą́, ə tɛɛ hɛni da wali puɔ gee mɛ̨i ɓa.

Mąątɛ̨nɛ̨ 119:97

Ə́ wɔ tɔn nwooi wɛli kaa mą́ą́! Ŋą́ ɉu kpɛ a yələ kəlee.

Mąątɛ̨nɛ̨ 34:8

Yai-Laa nwɔ malaka kaa tɔɔni, nuąi da ɲɔw mą di kwɛlɛ, ɛlɛɛ, yɛ di kulɔ mɛ̨nįi.

Mąątɛ̨nɛ̨ 51:10

'Hváá mą, gɛ́ pɛli wələ woo, da kwəinɛ̨ɛ̨ woo mɛ̨n ɉi, gɔ́wɠaai ə́ di kiin giin, diɛ pɛli mąnąi.

Lɛɛ gbɔwɔ ɓa 23:2

Hvó hvilɛn mɛ̨nį ɲɔ̨n gɛ nuą kpulu pulu. Hvo ə́ laa too kiti mɛ̨nį hu, nu kpului tɛ̨ą hvo bɔ, hvo tɔɔ di pulu.

Izikiɛ 18:31

'Ka ká yee kulɔ ka wɔ kulɔ nwoo mu laa kəlee hu, 'ka kiliŋąhiɛ nįnɛ̨ həɠə, 'ka too ka nįnɛ̨ kɔ́lɔi, lə mɛ̨nį ɓa ka káá bɔ ka haa, Israɛlə nwɔ pɛlɛ́i mu nuą?

Izikiɛ 36:26

Gáá pai lii nįnɛ̨ tooi ka kwəi, gɛ́ kili nįnɛ̨ too ka hu. Gili wala wali tii ka hu yɛ kwɛni, gáá pai gulɔi ka hu, gɛ́ kaalon gili too ka hu.

Maafîu 13:22

Yiiɠaai too ɲɔ̨w ɉaalən ɉu diɛ ɓaa, nuą da Yálá laawoo mɛ̨n, kɛlaa yɛnɛ̨ɛ̨liihɛlɛnŋąą da nwɔ ŋąąnɛ̨ɛ̨ a kpinįn a diɛ, ə di hvinatɔn, nwoo tii hva kólo kɛ di kili pɔ.

Markə 4:19

Kɛlaa, yɛnɛ̨ɛ̨liihɛlɛnŋąą, da hɛn gɔw nwɔ ɲɛ̨i kulɔ bɔ, ə mą kɛ, yɛnɛ̨ɛ̨ nwɔ ŋąąnɛɛɠaa da kpinįn a diɛ, ə di hvinatɔn, di hva pɛli ɓai.

Ɉaan 14:30

Və́ kɛa pai mɛ̨nį tamąą ɓoi kaa, mąąhɔlɔɓo, ɲɛnɛ̨ɛ̨ ŋɛ̨i hu tɔɔ mun gaa pai. A tɛ̨ą, ɲee hvo tɛɛ li mą́ą́.

Ɉaan 15:19

Ka kɛ kɛ a yɛnɛ̨ɛ̨ nwɔɔi, yɛnɛ̨ɛ̨ ə li ka wɛli la kɛ. Nuąi di kaa a yɛnɛ̨ɛ̨ nwɔɔ, diɛ ɓə yɛnɛ̨ɛ̨ a di wɛli la kɛ. Kɛlaa, ɲą́ą́ ka ɉəɠə ɉu, ŋą́ą́ ka kulɔ yɛnɛ̨ɛ̨ hu. Ka hvo kɛa a yɛnɛ̨ɛ̨ nwɔɔ, mɛ̨nįi yɛnɛ̨ɛ̨ hvo pai ka wɛli la kɛi la yaa li.

Ɉaan 17:14

Ŋą́ Ə́ laawoo lɛ diɛ, di wɛli a kpɛɛ yɛnɛ̨ɛ̨ ɓa, mąąhɔlɔɓo, di hvo ɓaa a yɛnɛ̨ɛ̨ nwɔɔ, yɛ bələi ɲą́ą́ və́ la a yɛnɛ̨ɛ̨ nwɔɔ.

Ɉaan 7:7

Ka wɛli hva pɛli kpɛɛi yɛnɛ̨ɛ̨ ɓa, kɛlaa nwɛ́i, nwɛ́li a kpɛɛi mą, mąąhɔlɔɓo, gáá ɉɔn doo pono ŋą.

Lomaŋ 12:1

Ną́n nonnii, gáá ká hvaŋąlɔi Yálá nwɔ ɲɛ̨imąąwɛli kaa laa hu, gɛ́; 'Ká ká kpɔwɔ kulɔ a haláá vulú mąą, mąąhəɠɛɛ, nwɛli ə ɓo Yálá ɓa. Yili ɓə gaa a kwɛli hvilɛn ŋąąi viɛlaɓoɔ.

Lomaŋ 13:14

Kɛlaa, ka gu, gu Ną́mu Jesus Kristə kɛ a gu kwąną həɠə, 'ká hvo ká kpɔwɔ lɛɛ kɔlɔ yeekɔnma, ɲɛ̨ikulɔ bɔ laa yɛ hee la ká mɛ̨i.

Lomaŋ 7:12

Yili ɓa, dɔ́n mąąhəɠɛɛi, bɔ liɛwoo mąąhəɠɛɛ, ɉaŋąą, nɛlɛɛ.

Lomaŋ 7:14

Gu gɔlɔn gbɔ a tɛ̨ą guɔ diɛ: Tɔ́n gaa a nįį hu mɛ̨nį. Kɛlaa, ɲą́ą́ gáá nu kɔ́lɔ hu, daa nɔ́wɔtɔɔ yɛ luwɔ nɛ̨ŋɛ̨n ma.

Lomaŋ 7:22

Gbala ə tɔɔ, nwɔ́ nu kili hu pələ, ŋą́ nííɓa mɛ̨nį kaa Yálá nwɔ tɔ́n hu.

Korɛntə dɔlɔɔ 3:19

Hvo gaai, ɲɛ̨nɛ̨ɛ̨ hu kilikɛɲəi laa, gaa a ɓowo Yálá ɲɛ̨i ɓa. Yɛ bələi bɛ̨ɛ̨ la, diɛ mą: «A kilikɛɲəi nuą hon di kpɔ-kpɔɔ gbąnąlaaɠaa hu.»

Korɛntə veelɛ 4:4

A diɛi tii di hvo laai nwɛlɛɛ lɛlɛɛ la, diɛi, ɲɛnɛ̨ɛ̨ ŋɛ̨i hu yálá aa di kili ɲɛ̨i wolo, ə gɛ, di hvo pa nəi Kristə ŋą mąąwiɛlaa mąą wɛlɛɛ lɛlɛɛ kaa, a Kristə yai gaa a Yálá mąąnįnįn.

Korɛntə veelɛ 5:17

Yili ɓa, nui gaa Kristə hu, gaa kɛa a gulaa-nįnɛ̨, ɲɛnɛ̨ɛ̨ pɔlɔ aa tɛɛ, mąą aa hvalin a nįnɛ̨.

Galatə 1:4

gu Nąmui tii ɓə gbɔwɔ kulɔ a haláá gu wɔɔ nɛ̨ŋɛ̨nŋaa mąą mɛ̨nį ɓa, ə gɛ, ə gu kulɔ ɲɛnɛ̨ɛ̨ ŋɛ̨i hu mɛ̨nį ɲɔn ɲee kɔnma, yɛ bələi Yálá liiɓa kaa la, yai a gu Nąn.

Ifisiɛŋ 1:18

ə ká kili laaɓo nwɔ kɛɛ ponoi tɔwɔ, mɛ̨nįi ə ká təli mą, yai ká ɲɛ̨i kaa dɔwɔ, káá pɛli gɔlɔn ɉii, da nwɔɔ mąąwiɛlaa hu kɛnɛ̨ pələ, ya ɓaa, gwɛlin tii gaa ká kɔ́i ɉu, ka mąąhəɠə nuą;

Ifisiɛŋ 2:2

Ká kɛi ká wɔɔ yɛnɛ̨ɛ̨ kɛ nɛ̨ŋɛ̨n ɉu, a hvilɛn ká mo, ɲɛnɛ̨ɛ̨ ŋɛ̨i nwɔ yálá pulu, a yai ɉeɛ yələkɔlɔn da lɔi di lɔwai, a gilii tii yiihu a kɛ kulɔ nwoo mu nuą ɲąąhɛn ɉi.

Ifisiɛŋ 5:17

Yili ɓa, 'ká hvo gɛ yɛ nuąi di hvo mɛ̨nį kɔlɔn, kɛlaa, ká tɔɔ a ká nwąnąi, ká kɛ a gu Ną́mu liiɓa kɔlɔnŋąą.

Kolosə 1:9

Yili ɓə gɛ, ɲələi ku ká mąą mɛ̨nį mɛ̨n na, ə həɠə ɲələ ɓa, ə həli la yiihu ɓa, ku hva kpɛla Yálá hvɛlii káá. Kwa vɛli Yálá ɓa, kuɔ, ká niiɓa kɔ́lɔn gbɔ kɛnɛ̨, a kilikɛɲəi laa kɛnɛ̨, yɛ hee la ká nįį pɔ.

Kolosə 3:10

ɛlɛɛ, káá lɔ kɔlɔ nįnɛ̨ hu, gɔlɔ nįnɛ̨i tii a kɛ lɔ kɛnɛ̨i a yələ kəlee, bɛlimun mąąnįnįn ɉu.

Kolosə 4:12

Epafrasə yɛ ka tuwɔ ɓo, yai a ká ta. Jesus Kristə ŋą tímun yili nwɛi, vįi hva kpɛɛ Yálá hvɛlii ká mąą mɛ̨nį ɓa, a Yálá hvɛli, yɛ ka tɔɔ kpąą, ká kɛnɛ̨ Kristə kɔ́lɔnŋąą hu, ɛlɛɛ, ká kɛ a Yálá liiɓa kɛ pələ kɔ́lɔnŋąą.

Tɛsalonikə dɔlɔɔ 4:3

Yálá liiɓa ɓaa, ká mąąhəɠə mɛ̨nį, ɛlɛɛ, ká ká yee kulɔ mąąliɓi túwɔ́ hu.

Taitɔ 3:5

ə gu nwun mąąɓo; yili hvo kulɔ li gu wɔɔ tələnmolaa ŋą túwɔ́ pələ lɛlɛ hvan ɉu, kɛlaa ə kulɔ Yálá ŋą nɛ̨ɛ̨laa hvan ɉu, ə gu kaa a lon, ə gu mąąwaa a nįnɛ̨, ə gu pu gu nįnɛ̨ kɔlɔi Kili-Mąąhəɠɛɛ yee kɔnma.

Zĩi 1:27

Yálá kɔ́lɔn bələi mąąhəɠɛɛ, ɉaŋąa gu Ną́n Yálá ɲɛ̨i ɓa, ya ɓaa: Nu yɛ kpɔnmąą tɛɛ təlilɛaa da galaninŋaa pɔ di wɔ mɔ̨nɔ̨ hu; yɛ gbɔwɔ huhon yɛnɛ̨ɛ̨ hu, hvo pa kɔhɔɓo.

Zĩi 4:4

Ká kwəi hvo kwələ li! Ká hvo gbaɠala kɔlɔn, káá kɛ, yɛnɛ̨ɛ̨ wɛli la kɛɛ, kaa a kɔ́ pɛlɛɛ Yálá ɓa? Nui a yɛnɛ̨ɛ̨ wɛlila kɛ, gaa a Yálá ɲowo.

Piɛrə dɔlɔɔ 1:14

Ká gɛ yɛ woo mɛ̨n nɛapɛlɛɛ, ɲɛ̨i kulɔ bɔ laa tɔlɔɔi ká kɛ ɉu ká tɛɠii, 'ká hvo kɛa ká kɔɔn mą;

Piɛrə dɔlɔɔ 1:18

ká kili ə pu tii ɉu káá, di hvo kɛ ká nwun mąąɓo li, diɛ ká kulɔ ká nąnni yíi pələ ɲɔ̨nwɔ̨ɔ̨ tii yəi, a hɛn kala kaa mą, a wali, awala kɛ tii, a hɛni,

Piɛrə dɔlɔɔ 2:3

yii kani, káá gu Nąmu mąą mɛ̨nį kɔɔn, káá nɛlɛi kaa.

Piɛrə dɔlɔɔ 4:2

ɲíi kuui aa lɛɛ ɲəi yɛ gɛ kɔlɔ hu, hva gɛ yɛ bələi nuą di wɔ ɲɛ̨i kulɔ bɔ kaa la, a gɛ Yálá liiɓa hu.

Piɛrə veelɛ 1:4

Yili ɓə gɛ, ə mɛ̨inɛ̨ɛ̨ lɛlɛɛɠaa da mɛ̨nį kpɛa-kpɛaa naa kwɛlanmo guɔ, ə gɛ, mįnɛ̨ həɠɛɛ ti haalai, ka pɛli kulɔi kiliŋąhiɛ ɲɔ̨nwɔ̨ɔ̨ yee mu yii gaa tɔɔlaa kɛi yɛnɛ̨ɛ̨. Ə gɛ, ka ka wɔ naa hɔlɔɓo nwɔ Yálá laa hu.

Piɛrə veelɛ 2:20

Akɛ nuąi ŋɛ̨i daa kulɔ yɛnɛ̨ɛ̨ nwɔ túwɔ́ pələ ɲɔ̨n ɉu, gu Ną́mu da gu Nwun mąąɓomun Jesus Kristə kɔ́lɔn ŋąą pɔ, da pənə da di kpɔɔ lɛɛ laa, di lɔ dúwɔ́ pələ ɲɔ̨n ti hu, ə hee di mɛ̨i nwɔ̨nɔ̨ a nįnɛ̨, di kɛ pələ a ɲɔ̨n ə tɛɛ dɔlɔɔ ɓa.

Zɔ̂ŋ Maa-ŋuŋ 3:13

Ną́n nonnii ká kwəi hvo pili káá, a kɛ, yɛnɛ̨ɛ̨ a wɛlikpɛɛmąą laa kulɔ a káá.

Zɔ̂ŋ Maa-ŋuŋ 5:19

Gu gbaɠala kɔlɔn guɔ Yálá nwɔɔ ɓaa a guɔ, kɛlaa, yɛnɛ̨ɛ̨ nąą kəlee kaa Mɛ̨nį-ɲɔn ɲee kɔnma.

M̀ɛni-lɛɛi 12:9

Mąąɲɔw-hɛn gɛnɛ̨i tii, di bili, yai a gaaləi wɔlɔ kɛi, a yai naa ɓaa: nąnį, ɛlɛɛ, ɓilihi, yai a yɛnɛ̨ɛ̨ kəlee ɲąąhɛnmun, di bili ə yɛɛ lɔi mɛ̨i da ɲee pɔɠaa.

M̀ɛni-lɛɛi 13:8

Lɔi mɛ̨i heeɓonuą kəlee diɛ kwɛli hvilɛn mą, diɛi kpɔ tii di laa hvo kɛ pɛ̨ɛ̨ li mɛlaa lon di gulɔ a haláá, ŋą yɛnɛ̨ɛ̨ kɛ hɛɓɛ́i hu, ə həɠə kpɔ yɛnɛ̨ɛ̨ kɔwɔ tɔɔ yələ ɓa.