Lomaŋ 1:7 - Yálá laawoo hɛɓɛ (dc)

⁷ Kaai ka káá a Yálá wɛlikɛmąą nuąi Romə, a mąąhəɠə nuą Yálá nwɔ təliɓo háálai, káá ɓə gáá ɉɛɓɛ́i ŋɛ̨i tɛɛi kaa, ə gɛ, ka kɛ a nwɔ nuą. Gɛ́ nwun nanɛ̨ɛ̨ da liilaa di kɛ ka pɔ gu Ną́n Yálá da gu Ną́mu Jesus Kristə laa hu.

Yálá laawoo hɛɓɛ

⁷ Kaai ka káá a Yálá wɛlikɛmąą nuąi Romə, a mąąhəɠə nuą Yálá nwɔ təliɓo háálai, káá ɓə gáá ɉɛɓɛ́i ŋɛ̨i tɛɛi kaa, ə gɛ, ka kɛ a nwɔ nuą. Gɛ́ nwun nanɛ̨ɛ̨ da liilaa di kɛ ka pɔ gu Ną́n Yálá da gu Ną́mu Jesus Kristə laa hu.

Bible

⁷ Ɣâla e káwɛlini káai kákaa Luŋ. A kátoli a gɛ́ɛ kákɛ a ǹyaa Ɣâla bɔ́ɔ. Kúnâŋ Ɣâla yêei da Kúnuu-namui Zîsɛ Kôrai dí káƃɛlɛ sée dí lii-see tɛɛ kápɔ.

Lomaŋ 1:7 Iomraidhean Croise

Mąątɛ̨nɛ̨ 60:5

Yáá naa ə́ wɔ nuąi diɛ, a ɲąąnwąnąą-e, yáá ku nwun ɉu tinɛ̨n nɔɔ tɔɔ ku la.

Wɛli 5:1

Gáá pai ɲə́i nɔw yɛa. Oo níiɓa nɛ̨ɛ̨non, nwɔ́ wɛli. Gɛ́ nwɔ́ hąmą kun nɛ̨ɛ̨ da nwɔ́ laakpala kun nɛ̨ɛ̨ɠaa kulɔ, gɛ́ nwɔ́ kwɛin nwulɔ nɛ̨ɛ̨ ta kɔ̨mɔ̨n, gɛ nwɔ́ lɔɔi da nwɔ́ nįŋɛ̨ ɲįnįyái ta kpələ. Mɛ́laa! Ka ka laa mįi. Ka ka kpələ. Wɛlikɛmąąlaa ə ka hon yɛ lɔɔ.

Lonon mo 6:25

Yai-Laa ə ɲɛ̨i lɛlɛɛ hee kaa, ə ka kɔ́ a nwɔɔ mɛ̨inɛ̨ɛ̨.

Maafîu 5:16

Bələ ɓə mąąnɛ̨ɛ̨ ka wɔ kɛɛpono ə kɛ la nuą lɔwai, ə gɛ nuą di ka wɔ túwɔ́ pələ lɛlɛɛ kaa, di mąąwiɛ tɛɛ ka Nąn Yálá pɔ, yai gaa yələi.»

Ɉaan 20:17

Jesus yɛ mą: «Hvó kanąn mą́ą́, mąąhɔlɔɓo, və́ nii tɛ li Ną́n bɔ yələi. Kɛlaa, li ya Ną́n nonnii kaa ə́ mo diɛ, yɛ diɛ: Gáá li Ną́n da ka Nąn bɔ, nwɔ́ Yálá da ka wɔ Yálá pɔ.»

Gɛlaɠaa 15:23

Di ɉɛɓɛ́ tɛɛ di pɔ. Ɉɛɓɛ́ hu woo ka: «Gɛlaɠaa, galanɉonŋaa, da gu nąn nonnii, diɛ ku nąn nonni túwɔ́ɓo; diɛi a huwu takpɛliɠaa, di ɓo Antiɔsə Siri lɔi hu, da yiiɠaai Silisi lɔi hu.

Gɛlaɠaa 9:13

Ananiasə ə nwoo ɲąąpənə yɛ mą: «Nąmu, ŋą́ą́ nu tamąą woo mɛ̨n, diɛ ɉulɔnui tii laa pələ ɓo, mɛ̨nį ɲɔ̨n kpɔ aa naa ə́ wɔ nu mąąhəɠɛɛɠaa diɛ Ɉerusalɛmə, diɛ ɉukulɔ.

Lomaŋ 1:6

Nuąi Yálá aa di təli ə gɛ, di kɛ a Jesus Kristə nwɔ nuą, kaa kpɛli ka láá kaa ɉu.

Lomaŋ 5:1

Laa na laa háálai, gwaa kɛ a tələnmo nuą Yálá ɲɛ̨i ɓa. Liilaa aa kɛ gwa diɛ ni gu lɔwai gu Nąmu Jesus Kristə laa hu.

Lomaŋ 5:5

Kilitɔɔmąą laa yaan hva nu ɓowo. Gbala ə tɔɔ, Yálá ə nwɔ wɛlikɛmąąlaa yɛɛ gu nįį pɔ Kili-Mąąhəɠɛɛ háálai, yai ə dɛɛ gu pɔ.

Lomaŋ 8:28

Gu gɔlɔn nwɔ̨nɔ̨ guɔ diɛ: Nuąi da Yálá wɛlilakɛ, di mąąkpɔnmąą ɓo mɛ̨nį kaa mɛ̨nį kəlee hu; a diɛi tii ə di həɠə ɉu, yɛ bələi nwɔ mɛ̨nį pɛliɛ kaa la.

Lomaŋ 8:39

ə mą kɛ, huwalawalaaɠaai gaa yələ kwəi, ə mą kɛ yiiɠaai lɔi mu pələ, da pɛli-hɛn nɔpee takpɛliɠaa; nwɛlikɛmąąlaai Yálá aa nɛ guɔ gu Ną́mu Jesus Kristə hu, ɉɛŋąai ti ta hva gu kulɔ nwɛlikɛmąąlaa ti yəi.

Lomaŋ 9:25

Yɛ bələi moɔ la Ose ŋą hɛɓɛ́i hu, yɛ mą: «Nu huwui hvo kɛ a nwɔ́ nu huwu. Gáá pai gɛi a nwɔ́ nu huwu. Nɛ̨ɛ̨nui nwɛli hvo kɛ mą́ą́, ŋą́ gɛ a nwɛ́likɛmąą nɛ̨ą.»

Korɛntə dɔlɔɔ 1:24

Kɛlaa, diɛi Yálá aa di təli, yɛ ə kɛ a Ɉuifə, yɛ ə kɛ a huwu takpɛli, Kristə kaa di yəi a Yálá nwɔ huwalawalalaa da Yálá ŋą kilikɛɲəi laa.

Korɛntə dɔlɔɔ 16:23

Gu Ną́mu Jesus ŋą nɛ̨ɛ̨laa ə kɛ ka pɔ.

Galatə 6:18

Ną́n nonnii, gu Ną́mu Jesus Kristə nwɔ nɛ̨ɛ̨laa ə kɛ ká kəlee ká pɔ. Amįįną!

Ifisiɛŋ 1:2

Gu Ną́n Yálá da gu Ną́mu Jesus Kristə di wɔ nɛ̨ɛ̨laa da di wɔɔ liilaa ə kɛ ká pɔ.

Ifisiɛŋ 6:23

Liilaa ə kɛ nąn nonnii diɛ, wɛlikɛmąąlaa da laa na laai, da həɠə gu Nąn Yálá da gu Ną́mu Jesus Kristə di yəi, di kɛ ká pɔ.

Dutɛrɔnome 33:12

Yɛ Bɛnɉamɛn nwɛi ɓa: «Yai-Laa liiɓa lon! Ə́ hvii tɔɔ Yai-Laa hvaŋąn mu a ə́ wəli pulu laɠiɛ; yai, a ə́ mɛ̨i kaa a yələ kəlee. Ɛlɛɛ, ə́ huwu lɔwai ɓə Yai-Laa a vįitɔɔ laa.»

Filipə 1:2

Nɛ̨ɛ̨laa da liilaa ə kɛ káá, yɛ həɠə gu Ną́n Yálá da gu Ną́mu Jesus Kristə yəi.

Filipə 4:13

Kristə háálai, ŋą́ pɛli ŋį́ nííkpələ mɛ̨nįɠaai ti kəlee hu.

Filipə 4:20

Mąąwiɛ ə kɛ gu Ną́n Yálá ɓa, a yələ kəlee, ɲɛ̨n deei hvo mą! Amįįną!

Filipə 4:23

Gɛ́ gu Ną́mu Jesus Kristə nwɔ mɛ̨inɛ̨ɛ̨ ə kɛ ká kəlee ká pɔ!

Kolosə 1:2

kuɔ ɓə ɉɛɓɛ́i ŋɛ̨i tɛɛi Yálá nwɔ nuą diɛ, diɛi di kaa a ku nąn nonnii, di tələnmoɔ Kristə laa hu, diɛ ɓo Kolɔsə daai. Kuɔ gu Ną́n Yálá ə mɛ̨inɛ̨ɛ̨ da liilaa tɛɛ ka pɔ.

Kolosə 3:12

Yii kani kɛa Yálá aa ká həɠə ɉu, aa ká mąąhəɠə, ká wɛli ə ɓo mąi; mąąnɛ̨ɛ̨: ɲɛ̨imąąwɛli kaa, liinɛ̨ɛ̨ gwəilaa, kpɔwɔ mąą yɛɛ laa, mɛ̨nį lɛlɛɛ kɛɛ, da liikpələ laa di kɛ ká yəi.

Kolosə 3:15

Gɛ́! Kristə nwɔ liilaa yii Yálá ə ka təli mą, əgɛ, ka kɛ a nu tɔ̨nɔ̨, ə ɉeei kaa ka nįį hu, 'ká kɛ a mɛ̨inɛ̨ɛ̨ hu kɔ́lɔn nuą.

Tɛsalonikə dɔlɔɔ 1:1

Polə, Silvain, ɛlɛɛ Timote, kuɔ ɓə ɉɛɓɛ́i ŋɛ̨i tɛɛi Tesalonikə kalan gbɔn ɓa, diɛi di kaa gu Ną́n Yálá da gu Ną́mu Jesus Kristə hu. Mɛ̨inɛ̨ɛ̨ da liilaa ə kɛ ka pɔ.

Tɛsalonikə dɔlɔɔ 1:3

bələi ká wɔ laa na laa pɔ túwɔ́ pələ kaa la, ká wɔ wɛlikɛmąą laa, ɛlɛɛ, bələi ká wɔ kilitɔɔmąą laa walawalaai la, diɛi da həɠə gu Nąmu Jesus Kristə pɔ, Yálá ɲɛ̨i ɓa, yiliɠaa kili kaa ku ɲą;

Tɛsalonikə dɔlɔɔ 1:4

ká kili ə pu kani tii a nɛlɛɛ, ną́n nonnii, káá, ká wɛli kaa Yálá ɓa, ya ɓə ká həɠə ɉu.

Tɛsalonikə dɔlɔɔ 4:7

Yálá hvo kɛ gu təli li gu yee lɔ mɛ̨nį ɓa mąąliɓi túwɔ́ hu, kɛlaa, Ə gu təli mąąhəɠə laa ɓa.

Tɛsalonikə dɔlɔɔ 5:28

Gu Ną́mu Jesus Kristə nwɔ mɛ̨inɛ̨ɛ̨ ə kɛ ka kəlee kaa.

Tɛsalonikə veelɛ 1:2

Nąn Yálá da gu Ną́mu Jesus Kristə di mɛ̨inɛ̨ɛ̨ da liilaa tɛɛ ka pɔ.

Tɛsalonikə veelɛ 3:16

Gu Ną́mui a liilaa nąmu, yaa kpinįilee, ə ká kɔ a liilaa, a yələ kəlee, a pələ huwui lɔpee. Gu Nąmu ə kɛ ká kəlee ká pɔ.

Tɛsalonikə veelɛ 3:18

Gu Ną́mu Jesus Kristə nwɔ mɛ̨inɛ̨ɛ̨i ə kɛ ka kəlee ká pɔ! Yálá ə kɛ tii!

Timote dɔlɔɔ 1:2

Ɲą́ą́ ɓə ɉɛɓɛ́i ŋɛ̨i tɛɛi Timote ɓa, yai nwɛ́likɛmąą lon gbɔɔ-kpɔ laa na laa hu, gɛ́, mɛ̨inɛ̨ɛ̨, ɲɛ̨imąąwɛli kaa liilaa, ə həɠə, gu Nąn Yálá da gu Ną́mu Jesus Kristə di yəi di kɛ ə́ pɔ.

Timote dɔlɔɔ 6:2

Luwɔɠaai di nwun nąmįną kaa a kalan nɛa, di hvo kɛ di kaa ɲɛ̨i tɛ kulɔ a diɛ, diɛ kɛ mą: kwa diɛni kəlee, ku kaa a kalan nɛa. Yaamun, di mąąnɛ̨ɛ̨i, di tí kpɔ di nwun nąmįną diɛ a nɛlɛɛ, hvo gaai, di kaa a laa na nuą, a di nąn nonnii, wɛlikɛmąą laa hu, diɛ di kɛ kóló lɛlɛɛ dɔlɔ kulɔ. Yili ɓə mąąnɛ̨ɛ̨ ə́ nɛ diɛ, ə́ di mąąkwɛli mą.

Timote veelɛ 1:2

Ɲą́ą́ ɓə ɉɛɓɛ́i ŋɛ̨i tɛɛi Timote ɓa, yai a nwɛ́li kɛ mąą lon. Nɛ̨ɛ̨laa, ɲɛ̨imąąwɛli kaa, da liilaa, ə́ ɉɔlɔɓo gu Nąn Yáláda gu Ną́mu Jesus Kristə di yəi.

Timote veelɛ 4:22

Gu Ną́mu ə lɛɛ ə́ pɔ. Ŋą mɛ̨inɛ̨ɛ̨ ə kɛ ká kəlee ka pɔ. Amįįną.

Taitɔ 1:4

Titə, gáá ɉɛɓɛ́i ŋɛ̨i tɛɛi yɛ́, yɛ́i a nón gbɔ-kpɔɔ, laa na laa hu, yai gu kpɔnŋąąi mą. Mɛ̨inɛ̨ɛ̨, da liilaa di tɛɛ ə́ pɔ, yɛ həɠə Nąn Yálá da Jesus Kristə gu ɓalomun ɲəi.

Filemɔn 1:25

Gu Ną́mu Jesus Kristə nwɔ mɛ̨inɛ̨ɛ̨ ə kɛ ka pɔ. Yálá ə kɛ!

Filemɔn 1:3

Gu Nąn Yálá da gu Ną́mu Jesus Kristə di wɔ mɛ̨inɛ̨ɛ̨, da di wɔ liilaa ə kɛ ka pɔ.

Zĩi 1:1

Ɲą́ą́ Ɉakə, Yálá ŋą tímun da Ną́mu Jesus Kristə, gáá ɉɛɓɛ́i ŋɛ̨i tɛɛi Israɛlə nu huwu pow kɔw hveelɛi ɓa, diɛi, di taɠa-taɠaa yɛnɛ̨ɛ̨ nąą kəlee; gáá ká túwɔ́ ɓoi.

Piɛrə dɔlɔɔ 1:15

kɛlaa, yɛ bələi nui ká təli mąąhəɠɛɛi la, káá kpɛlimąn, 'ká mąą ə həɠə tii, ká tuwɔ́ pələ kəlee hu,

Zɔ̂ŋ Maa-ŋuŋ 3:1

Nwɛlikɛmąą laa kɛnɛ̨i Nąn ə gɛ a guɔ, 'ká gaa tai, da gu təli a Yálá lonnii; ɛlɛɛ, gu kaa kpɔ tii la! Yili ɓə aa gɛ, yɛnɛ̨ɛ̨ hva pɛli gu kɔlɔn ɉii; gbala ə tɔɔ, di ɲɛ̨i hvo ni pono li Yálá ɓa.

Zɔ̂ŋ Veerɛi 1:3

Ną́n Yálá da Non Jesus Kristə di nɛ̨ɛ̨laa, ɲɛ̨imąąwɛli kaa da liilaa tɛɛ ka gu pɔ, tɛ̨ą da wɛlikɛmąąlaa hu.

M̀ɛni-lɛɛi 2:1

Malakai gbɔn nwun na Efɛsə hɛɓɛ́ kɛ ə dɛɛ mą: «Nui bɛmɛ̨lɛ̨n-gɔw mɛ̨ihveelɛ kaa mamįiyee ɲą, yɛ hiɛ ɉɛni wulɔ nwɔ̨n mɛ̨ihveelɛ lɔwai, yɛ mą:

M̀ɛni-lɛɛi 2:12

Malakai gbɔn nwun na Pɛrgamə, hɛɓɛ́ kɛ ə dɛɛ mą: «Nui níikpa-kpa ɲąą liɛ kaa ɲəi, nwoo ka, yɛ:

M̀ɛni-lɛɛi 2:18

Malakai gbɔn nwun na Tiatirə, hɛɓɛ́ kɛ ə dɛɛ mą: «Yálá Lon nwoo ka, yai ɲɛ̨i kɔwɠaa kaa yɛ nwɔ̨n nən, ɛlɛɛ, gɔwɔɠaa di ɓo yɛ da ɓala-kwɛli hu waa, yɛ diɛ:

M̀ɛni-lɛɛi 2:29

«Nui nwəli kaa mą, mɛ̨nįi Kili-Mąąhəɠɛɛ kaa moi gbɔnŋaa diɛ, ə mɛ̨n a nɛlɛɛ.»

M̀ɛni-lɛɛi 2:8

Malakai gbɔn nwun na Smirnə, hɛɓɛ́ kɛ ə dɛɛ mą: «Dɔlɔɔ da Gbɛla mąą, woo ka, yai di baa, kɛlaa, ə pənə ə kɛ a vúlú, yɛ:

M̀ɛni-lɛɛi 22:21

Gu Ną́mu Jesus nwɔ nɛ̨ɛ̨laai ə kɛ nu kəlee pɔ!

M̀ɛni-lɛɛi 3:14

Malakai gbɔn nwun na Laodise, hɛɓɛ́ kɛ ə́ dɛɛ mą: «Nui a Amįįną, yai a Kɛlai a kulɔ nwoo ɓa, ɛlɛɛ, yɛ ɓo a Dɛ̨ą, nwoo ka, yai a Hééɓomun Yálá ŋą pɛli hɛn gəlee nwun na, yɛ diɛ:

M̀ɛni-lɛɛi 3:22

«Nui nwəli kaa mą, mɛ̨nįi Kili-Mąąhəɠɛɛ kaa moi gbɔnŋaa diɛ, ə mɛ̨n a nɛlɛɛ.»

M̀ɛni-lɛɛi 3:7

Malakai gbɔn nwun na Filadelfi, hɛɓɛ́ kɛ ə́ dɛɛ mą: «Mąąhəɠəmun, Dɛ̨ą, yai Davidə nwɔ pɛlɛ́ gbon gwɛli kaa ɲəi, a naaɓo, ɛlɛɛ, nu ta hva naa kpulu, a naa kpulu ɛlɛɛ, nu ta hva naa ɓo, yɛ: