Lomaŋ 1:3 - Yálá laawoo hɛɓɛ (dc)

³ Nwɛlɛɛ lɛlɛɛ ti hvilɛŋąai non ɉulɔnu ɓa, yai hɔlɔɓo kɔ́lɔ hu Davidə huwu hu.

Yálá laawoo hɛɓɛ

³ Nwɛlɛɛ lɛlɛɛ ti hvilɛŋąai non ɉulɔnu ɓa, yai hɔlɔɓo kɔ́lɔ hu Davidə huwu hu.

Bible

³ Duŋ lɛ́lɛɛi ŋí pîlaŋɔɔi Ǹóŋ ma, nyíi dí m̀aa sɔlɔ ƃo Deeƃé ŋɔsuui su, yɛ̂ɛ berei núu-kpune maa-sɔlɔ ƃo-pere káa lai.

Lomaŋ 1:3 Iomraidhean Croise

Zɛnɛse 3:15

Gáá pai yowolaa tooi yɛ́ ka nɛ̨ɛ̨nu ka lɔwai, ŋį́ doo ə́ huwu da nɛ̨ɛ̨nu huwu di lɔwai. Nɛ̨ɛ̨nu huwu kaa pai ə́ nwun nwoloi, ə́ kaa pai nɛ̨ɛ̨nu huwu ɲin ɉii dunwo ɓa.»

Mąątɛ̨nɛ̨ 2:7

Mɛ̨nįi Yai-Laa ə mąą kili tee gwəi, 'ka tɔɔ ŋą́ mo, ə kɛ mą́ą́: «Nón maa yɛ́, ɲą́ą́ kpɔ ɓə ə́ kaa háákələi.

Ɉeremi 33:26

Ŋą́ mɔ̨ɔ̨ pɛli ɲéé kulɔi Ɉakɔbə da nwɔ́ tí mun Davidə di huwu mu? Ŋą́ mɔ̨ɔ̨ pɛli kpɛlai nuą həɠəi di lɔwai, diɛ Abrahamə, Isaakə da Ɉakɔbə di huwu ɲąą woo ɓo? Vá gɛ́ tii! Ŋą́ pənə ŋį́ di pu di nįnɛ̨ kɔ́lɔi, mąąhɔlɔɓo, di mąąwɛli kaa mą́ą́. Ŋą́ą́ Yai-Laa nwóó li.»

Amɔsə 9:11

Ɲələi tii a həli, Davidə nwɔ ɓuwui yɛ ə pu, ŋį́ ɉaŋą ŋį́ dɔɔ a nįnɛ̨, ŋį́ ɉįi laaləiɠaa pɛli, ɓɛ yiiɠaai nąą kaa a gboloon, ŋį́ naa tɔɔ, ŋį́ pənə ŋį́ daai tii tɔɔ, yɛ pələi wɔlɔ ə kɛ la.

Maafîu 1:1

Jesus Kristə galapɔlɔni laa ka, ə gɔwɔ tɔɔ Abrahamə ɓa, ə həli la tɔɔmun Davidə ɓa:

Maafîu 1:16

Ɉakɔbə ə Ɉosɛfə kaa, yaai kɛ a Mari ɉilɛ. Mari ŋɛ̨i kɛ a Jesus nee. Jesus yaai da kɛ mą: Kristə.

Maafîu 1:6

Ɉɛse ə tɔɔmun Davidə kaa. Tɔɔmun Davidə ə Salomɔn kaa Uri nɛ̨ą ɓa.

Maafîu 12:23

Nu kpului tii kəlee kwəi ə pili diɛ, diɛ kɛ diɛ: «Akɛti, Davidə huwu ta hvəi mɔ̨ɔ̨?»

Maafîu 15:22

Kanaan nąąnu ta ə kɛ laa nɔi tii hu, ɲį́nɛ̨n ə ɓo non nɛ̨ɛ̨nu pulu yɛ naanɔ̨nwɔ̨ ɓo kpɔ a mɔlɔɔ. Nɛ̨ɛ̨nu tii ə pa Jesus pɔ ə wɔlɔ ma yɛ mą: «Davidə Lon, Ną́mu, ɲɛ̨́i mąą wɛli kaa. Ɲį́nɛ̨n gaa nón nɛ̨ɛ̨nu pulu yɛ naanɔ̨nwɔ̨ ɓo kpɔ a mɔlɔɔ, gɛ́ ə́ gbɛ bulu.»

Maafîu 26:63

Kɛlaa, Jesus hvo hvaa. Yili pulu, Ɉaláá laa həli nuą nwun nąmu yɛ Jesus ɓa: «Gáá ə́ mąąni kɛi, Yálá ɲɛ̨i ɓa, ku woo ŋąąpənə a tɛ̨ą. Akɛti, Nwun mąąɓomun Yálá ə naakwɛlanmo yii gaa a Yálá Lon, ya ɓaa yɛ́?»

Maafîu 27:43

Ə gilitɔɔi Yálá ɓa, ə mo yɛ diɛ: ‹Gáá a Yálá Lon.› Yili ɓa, ka gu gu ɲɛ̨i hee laa, akɛ Yálá kaa pai nwun gulɔi.»

Maafîu 3:17

Woo ta ə kulɔ yələkɔlɔn ɉu, yɛ mą: «Nui ŋɛ̨i kaa a nííɓa Lon, ŋą́ą́ nííɓa mɛ̨nįɠaa kəlee lɛɛ mą.»

Maafîu 9:27

Jesus həɠɛɛ laa yɛ li, ɲɛ̨ipu nuą hveelɛ di hvilɛn bulu, diɛ tómą, diɛ kɛ mą: «Davidə Lon, ku ɲɛ̨i mąą wɛli kaa, ə́ ku ɲɛ̨i hvoloon.»

Lukə 1:35

Malaka ə nwoo pulu pənə, yɛ mą: «Kili-Mąąhəɠɛɛ kaa pai yɛɛi ə́ mɛ̨i, Hɛn Gəlee mɛ̨imun ə ə́ mɛ̨i kpulu a nwɔ huwalawala nįnįn, yili ɓə gaa mą, non tii kaa pai kɛi a nu mąąhəɠɛɛ, diɛ kɛ naa ɓaa a Yálá Lon.

Lukə 1:69

Aa Nwun mąąɓomun nwala-walaa tɛɛ ku pɔ, nwɔ kɛla, tɔɔmun Davidə huwu hu mun da.

Ɉaan 1:14

Nwoo tii, ə nu kɔ́lɔ həɠə, kwa diɛni ku yɛnɛ̨ɛ̨ kɛ gee pɔ, naa hvɛɛ a mɛ̨inɛ̨ɛ̨ da tɛ̨ą, ku nwɔ mąąwiɛ kaa yɛ bələi Lon gɔw tɔ̨nɔ̨ gbən a mąąwiɛ hɔlɔɓo la Nąn ɲəi.

Ɉaan 1:34

Ɲą́ą́ ŋą́ą́ yili kaa tii, ya ɓə gɛi gɛ́ kɛ diɛ: Nui ŋɛ̨i kaa a Yálá lon.»

Ɉaan 1:49

Natanaɛlə ə pənə yɛ mą: «Mąąkwɛli kɛmun, ə́ kaa a Yálá Lon, yɛ ɓo a Israɛlə tɔɔmun.»

Ɉaan 10:30

Kwa ną́n Yálá ku kaa tɔ̨nɔ̨.»

Ɉaan 10:36

A kɛ tii, ɲą́ą́ ŋɛ̨i Yálá ə ɲɛ́ɠɛ́ ɉu, ə dɛ́ɛ́ yɛnɛ̨ɛ̨, ŋį́ kɛ diɛ: ‹Yálá lon maa ɲą́ą́›, lə mɛ̨nį ɓa, ka kɛ diɛ ŋą́ą́ Yálá mąątea woo ɓo?

Ɉaan 20:28

Tomasə yɛ Jesus ɓa: «Ną́mu da nwɔ́ Yálá.»

Ɉaan 20:31

Kɛlaa, di yiiɠaai ŋɛ̨i bɛ̨ɛ̨ ə gɛ ka laa na ka diɛ: Jesus ɓə gaa a Kristə, gaa a Yálá Lon. Ɛlɛɛ ka laa na yɛnɛ̨ɛ̨i kpɛɛ hvo mą ka ɉɔlɔɓo naa hu.

Ɉaan 5:25

A tɛ̨ą, a tɛ̨ą kpɔkpɔɔ gáá moi kaa: gaa pai kɛi a yələ ta, aa gbɛa mun həli, Yálá Lon nwoo a too hąąuą wəlii; yiiɠaa da mąn, da ɓalo.

Ɉaan 7:42

Yaan, Yálá laawoo hɛɓɛ́ ə mo, yɛ mą: Nwun mąąɓomun Yálá ə naakwɛlan mo, gaa pai kulɔi Davidə huwu hu, yɛ həɠə Bɛtleɛmə Davidə pɔ taai.»

Gɛlaɠaa 2:30

Kɛlaa, ə kɛ a Yálá kwəi mɛ̨nį hukulɔ mun, gili ə kɛ kpɔ ɉu yɛ diɛ, Yálá aa nwoo kwɛlɛ mą, aa gwɛla yɛ mą: gáá pai ə́ huwu ta heei ə́ wɔ tɔɔ kpəlin hu.

Gɛlaɠaa 3:13

Abrahamə, Isaakə da Ɉakɔbə di nwɔ Yálá, gu nąnni di wɔ Yálá ə nwɔ tímun Jesus ɲɛ̨i pono, a yaa ti ka ɲąɓalɔ mą, ka gwɛlɛ Pilatə ɓa, bələi mąn yili ə kɛ la bɔ, ə ɓo la ma.

Gɛlaɠaa 8:36

Di kɛɛ kɛa bələ pɔ, di həli kɛɛnąą ta, yálee yɛ ɓo laa, gbɛtɛgbuwului ti yɛ Filipə ɓa: «Yálee ka, lə mɛ̨nį ɓə a pɛli kpɛ̨ąn ɉii mą́ą́waa mɛ̨nį hu?»

Gɛlaɠaa 9:20

Solə ə nɛɛ ɲąąɓa yɛ mo Yálá hvɛli pɛlɛ́ɠaa mu, yɛ kɛ diɛ: Jesus kaa a Yálá lon.

Lomaŋ 1:9

Hvó gaai, Yálá kaa a nwɔ́ kɛla, yai gáá tíi mą níí hu, gɛ́ non mąą wɛlɛɛ lɛlɛɛ laa həli, ə gɔlɔn gbɔ yɛ, ŋą́ kɛ gílíŋąhiɛi kaa nwɔ́ Yálá hvɛliɛ pələ kəlee hu.

Lomaŋ 4:1

Lə mɛ̨nį ɓə gwa pɛli moi gu kalaɓɔlɔ Abrahamə mąą mɛ̨nį hu? Lə mɛ̨nį ɓə ə ɉɔlɔɓo gɔlɔ ɓa pələ?

Lomaŋ 9:3

A tɛ̨ą, yii gáá bɔ, a nɛ̨ɛ̨mąn, nɛ́ŋɛ̨n ə laa, ŋį́ gulɔ Kristə nwɔ wɛlikɛmąąlaa hu, nąn nonniii, a diɛi a ɉúwu hu nuą di mąą mɛ̨nį ɓa.

Lomaŋ 9:5

di kaa a di kalaɓɔlɔni lonnii, di kaa pələ hu, diɛ ɓə Kristə ə hɔlɔɓo di huwu hu, yai hee ni hɛn gəlee nwun mɛ̨i. Lúwɔ́ kɛ mą a yələ kəlee da nwɔɔ, kɛi a mo tii Yálá ə kɛ! Mįiną!

Korɛntə dɔlɔɔ 1:9

A kulɔ nwoo ɓa, a Yálái ti ká təli, yɛ ka non Jesus Kristə ni ká yee lɔ gii hu, yai a gu Nąmu.

Korɛntə dɔlɔɔ 10:18

'Ká Israɛlə lonnii kaa; nuąi da ɉaláá hɛnŋaa mįi, di yee lɔɔi lɔ gii hu da ɉaláá kulɔi.

Galatə 4:4

Kɛlaa, ɲələi Yálá ə vaaɓo, yii kɛa ə ɉəli, Ə Non dɛɛ yɛnɛ̨ɛ̨, nɛ̨ɛ̨nu ta ə gaa a lon, ɛlɛɛ, non ti ə ɓo dɔ́n ɲee mu.

Tɛsalonikə dɔlɔɔ 1:10

ɛlɛɛ, Non ŋɛ̨i ə nwun haa yəi, ə tɛ la yələi, yai a Jesus, yai a gu kulɔ liiholui gaa pai ɲəi, káá mąą mąąkpɔn.

Timote dɔlɔɔ 2:5

Mąąhɔlɔɓo, Yálá kaa tanɔ̨n gbən, ɛlɛɛ, Yálá da nu kanŋaa di lɔwai pɛlimun, ə ɓo lɔ tanɔ̨n gbən, a nu tanɔ̨n, ya ɓaa: Jesus Kristə;

Timote dɔlɔɔ 3:16

A tɛ̨ą mɛ̨nį loɔi Yálá mɛ̨nį hu, gɛnɛ̨i. Mɛ̨nį loɔi tii ɓaa: Yálá ə gbɔwɔ lɛ nu kɔlɔ hu, Kili-Mąąhəɠɛɛ ə mąą mɛ̨ni too pono ɲą, malakaɠaa di gaa, mąą mɛ̨nį laa ə həli huwu takpɛliɠaa diɛ, yɛnɛ̨ɛ̨ kəlee ə laa na, Ə tɛ yələkɔlɔn ɉu mąąwiɛlaa kɛnɛ̨ɛ̨ hu.

Timote veelɛ 2:8

'Ə́ kili hvilɛn Jesus Kristə ɓa, yai nwun ə kulɔ haa yəi, a yai kulɔ Davidə huwu hu, yə bələi, nwɛlɛɛ lɛlɛɛi gáá naa həlii ə mo la,

Zɔ̂ŋ Maa-ŋuŋ 1:3

yii ku gaa, ku mɛ̨n, ya ɓə ku kaa naa həlii káá, káá kpɛlimąn, əgɛ, káá mąn, gwa kááni gu kɛ tanɔ̨n. Guɔ kɛ la tanɔ̨n gwa Nąn, ɛlɛɛ gwa Lon Jesus Kristə.

Zɔ̂ŋ Maa-ŋuŋ 3:23

Ɛlɛɛ, nwɔ tíɓoi ka: 'Ká kąnąn Non Jesus Kristə ɓa a laa na laa, ɛlɛɛ, gu gu keeni wɛlila kɛ; yɛ bələi Yaa tii a Jesus ə gu tí la.

Zɔ̂ŋ Maa-ŋuŋ 3:8

Nui a kɛi nɛ̨ŋɛ̨n ɉəɠəi nąnį nwɛi ta li, mąąhɔlɔɓo, ə həɠə kpɔ gɔwɔ tɔɔ yələ ɓa, nąnį kaa lɔ nɛ̨ŋɛ̨n ɉu. Yili mąą mɛ̨nį ɓə, Yálá Lon ə paa la, ə pa, ə nąnį yee pɔɔɠaa hukala.

Zɔ̂ŋ Maa-ŋuŋ 4:15

Nui lɔpee a mo yɛ kɛ: Jesus kaa a Yálá Lon, Yálá kaa mąą nu hu, ɛlɛɛ, yɛ ɓo Yálá hu.

Zɔ̂ŋ Maa-ŋuŋ 5:1

Nui lɔpee a laa na, yɛ: Jesus ɓə a Kristə, mąą nu kaa a Yálá lon; ɛlɛɛ, nui a Yálá wɛlila kɛ, yai a non gaamun a non tii Yálá ə gaa, nwɛlila kɛ.

Zɔ̂ŋ Maa-ŋuŋ 5:20

Gu gbaɠala kɔlɔn guɔ Yálá Lon ə pa ɛlɛɛ, ə kili tɛɛ gu pɔ, ə gɛ, gu Dɛ̨ą kɔlɔn. Ɛlɛɛ, gu kaa kɛa Dɛ̨ą hu, Non Jesus Kristə hu. Yaa tii ɓə a Dɛ̨ą, yaa ɓə a Yálá, ɛlɛɛ, a yɛnɛ̨ɛ̨i kpɛɛ hvo mą.

Zɔ̂ŋ Maa-ŋuŋ 5:5

Gbɛɛ ɓə ɲee aa tɛɛ yɛnɛ̨ɛ̨ ɓa, akɛ, nui aa laa na yɛ Jesus kaa a Yálá Lon yaa hvəə?

Zɔ̂ŋ Veerɛi 1:7

Mąąhɔlɔɓo, nu ɲąąhɛn nuą tamąą daa taɠa-taɠa yɛnɛ̨ɛ̨, Di hvo laa li Jesus Kristə kɛ mɛ̨nį a nu, na. Ya ka tii, a ɲąąhɛn kɛmun tii, a Kristə ɲowoi tii!

M̀ɛni-lɛɛi 2:18

Malakai gbɔn nwun na Tiatirə, hɛɓɛ́ kɛ ə dɛɛ mą: «Yálá Lon nwoo ka, yai ɲɛ̨i kɔwɠaa kaa yɛ nwɔ̨n nən, ɛlɛɛ, gɔwɔɠaa di ɓo yɛ da ɓala-kwɛli hu waa, yɛ diɛ: