Levetekɔ 9:2 - Yálá laawoo hɛɓɛ (dc)

² Yɛ Aarɔn ɓa: «Nįŋɛ̨ lon gwɛli, nɛ̨ŋɛ̨n ɉaláá mɛ̨nį ɓa, da ɓɛlaa hilɛ tɔ̨nɔ̨ haláá yii da gəlee kələn mąą mɛ̨nį ɓa, kpɛɠii hvo kɛ veelɛi tii ta ɓa. Ə́ di laa həli Yai-Laa ɓa.

Yálá laawoo hɛɓɛ

² Yɛ Aarɔn ɓa: «Nįŋɛ̨ lon gwɛli, nɛ̨ŋɛ̨n ɉaláá mɛ̨nį ɓa, da ɓɛlaa hilɛ tɔ̨nɔ̨ haláá yii da gəlee kələn mąą mɛ̨nį ɓa, kpɛɠii hvo kɛ veelɛi tii ta ɓa. Ə́ di laa həli Yai-Laa ɓa.

Bible

² È mò Eelɔŋ ma ǹyɛɛi, “Niŋa sirɛ loŋ siɣe zɔnyɔ̂ŋ salai kula mɛni ma, í ƃálo sirɛ loŋ siɣe gereŋ salai kula mɛni ma. Dífeerɛ dí kɛ́ a daa-tulɛi nyii pɔ́ɔ fé diai í pá a dîa Yâwɛɛ pɔ́.

Levetekɔ 9:2 Iomraidhean Croise

Lɛɛ gbɔwɔ ɓa 29:1

«Bələi ə́ kaa pai gɛi la yɛ́ Aarɔn da nonnii di hee a nwɔ́ haláá laa həli nuą ə gɛ di lɛɛ lɔ kɛa nwɔ́ kólói hu, bələ ka: Nįŋɛ̨ hilɛ tɔ̨nɔ̨ həɠə da ɓɛlaa hilɛ hveelɛ, yii kpɛɠii hva kɛ diɛ.

Izikiɛ 29:1

Gwɛlan bow, ɲąnin bow nąą nwɔ hvóló pow kɔ́w hveelɛ yələ; Yai-Laa woo ə həli mą́ą́, yɛ mą́ą́:

Levetekɔ 1:10

«Akɛ, taatɛlɛɛ pɛlɛɛ ta ɓə di paa la a Yálá kɔ́ hɛn, diɛ gəlee kələn, ə kɛ a ɓɛlaa, ə kɛ a ɓolu, mąąnɛ̨ɛ̨ ə kɛ a ɉilɛ, nąą ta hvo kɛ mą.

Levetekɔ 1:3

«Akɛ nwɔ haláái kaa a haláá hɛn da gəlee kələn, ə kɛ a nįŋɛ̨ hilɛ, nąą ta hvo kɛ mą. Ə paa la gee kaa kələ laaləi, ə gɛ, Yai-Laa ə ɲee hee mu.

Levetekɔ 16:3

«Ɉɛn mąąnɛ̨ɛ̨ ə kɛ Aarɔn yəi yɛ lɔ la gee kaa kələ mu ya ka: Nįŋɛ̨ hilɛ gbɔn dɔ̨nɔ̨, yii gaa a nɛ̨ŋɛ̨n mąąhvaalɛɛ haláá hɛn, ə ɓɛlaa hilɛ tɔ̨nɔ̨ kulɔ a haláái da gəlee kələn.

Levetekɔ 16:5

Israɛlə lonnii di pɛlɛ di kee ɓa, di ɓolu hilɛ hveelɛ tɛɛ bɔ a nɛ̨ŋɛ̨n mąąhvaalɛɛ haláá hɛn, di bɛlɛ ɓɛlaa hilɛ tɔ̨nɔ̨ ɓa, yii da gɛ a haláái da gəlee kələn.

Levetekɔ 4:3

«Akɛ ɉaláá laa həli mun di ɉee diɛ nwulɔ mąąhəɠɛɛ lɔ mą ya ɓə nɛ̨ŋɛ̨n ɉəɠə, ə nɔi nuą kəlee kɛ la tii a nɛ̨ŋɛ̨n ɉəɠə nuą. Mąąnɛ̨ɛ̨ ə pa a nįŋɛ̨ hilɛ lon kpɛɠii hvo mą Yai-Laa pɔ, a nɛ̨ŋɛ̨n tii ə ɉəɠə mąąhvaalɛɛ haláá.

Levetekɔ 8:14

Ə mo di pa a nɛ̨ŋɛ̨n mąą hvaalɛɛ haláá kulɔ nįŋɛ̨ gbɔn, Aarɔn da nonnii di di yee laa nįŋɛ̨ gbɔn tii mɛ̨i.

Levetekɔ 8:18

Ə pa a ɉaláá ɓɛlaa hilɛ yii da gəlee kələn, Aarɔn da nonnii di di yee pɛlɛ nwuɔ̨,

Levetekɔ 9:3

Yili pulu, ə́ nwooɠaai ŋɛ̨i ɓo Israɛlə lonnii diɛ, yɛ́ diɛ: Ka ɓolu hilɛ həɠə nɛ̨ŋɛ̨n ɉaláá kulɔ mɛ̨nį ɓa; ka kwɛlan dɔ̨nɔ̨ ɓɛlaa lon da kwɛlan dɔ̨nɔ̨ nįŋɛ̨ lon di həɠə, kpɛɠii hvo kɛ di ta lɔpee ɓa, haláá yii da gəlee kələn mąą mɛ̨nį ɓa.

Korɛntə veelɛ 5:21

Nɛŋɛ̨n nɔpee hvo Kristə ɓa, kɛlaa, Yálá ə gu wɔɔ nɛ̨ŋɛ̨n diɲɛ̨ɠaa hee nwuɔ̨. Yiihu kɛa, Kristə pɔ pələ, Yálá aa gu kɛ la a tələnmo nuą.

Hebreu 5:3

ɛlɛɛ, yili mąą mɛ̨nį ɓa, hvo kɛli, ə gbɔwɔ mąą haláá kulɔ, yɛ bələi a nɔi lonnii mąąhaláá kulɔ la, di wɔ nɛ̨ŋɛ̨nŋaa mąąhvaalɛɛ mɛ̨nį ɓa.

Hebreu 7:27

Nwɛi hvo yɛ ɉaláá laa həli nuą kpɛa-kpɛaa tɔlɔɔ tii kɛ, a diɛi, yələ ɓɔ pələ kəlee, hvo kɛli di di kpɔwɔ mąą haláá kulɔ, di hvo tɛɠa kɛ pai nɔi nuą mąą haláá kulɔi. Nwɛi ə gbɔwɔ kulɔ lɔ a haláá tanɔ̨n gbən, gu mąą mɛ̨nį ɓa.