Levetekɔ 9:10 - Yálá laawoo hɛɓɛ (dc)

¹⁰ Nɛŋɛ̨n mąąhvaalɛɛ haláá huwɔi tii, nwulɔ, gwəi kwɛni kɔ́w hveeelɛi da ɲɛlɛ hunwɔ̨la, ə di kələn ɉaláá kulɔ kəhi mɛ̨i yɛ bələi di Moisə tí la.

Yálá laawoo hɛɓɛ

¹⁰ Nɛŋɛ̨n mąąhvaalɛɛ haláá huwɔi tii, nwulɔ, gwəi kwɛni kɔ́w hveeelɛi da ɲɛlɛ hunwɔ̨la, ə di kələn ɉaláá kulɔ kəhi mɛ̨i yɛ bələi di Moisə tí la.

Bible

¹⁰ Kɛ̀lɛ è daa-tulɛi ŋ̀úlɔ, goi kɔni káo feerɛi da maa wulɔi da ŋɔba-paai kereŋ ŋ̀âla-teƃelei ŋá yɛ̂ɛ berei Yâwɛɛ è mò la Mose mai.

Levetekɔ 9:10 Iomraidhean Croise

Mąątɛ̨nɛ̨ 51:17

Ną́mu Yálá, 'náá hvaa, náálee yɛ pɛli ə́ mąątɛ̨nɛ̨i a ɉələwoo.

Lɛɛ gbɔwɔ ɓa 29:13

Ɉuwɔ wulɔi ti a kɛ gwəi hɛnŋąą diɛ, ɲɛlɛ ɓa, da gwəi kwɛni kɔ́w hveelɛi ɓa, ə́ gəlee həɠə, ə́ gələn ɉaláá kulɔi.

Hanwon 23:26

Nón, ə́ kilitɔɔ mą́ą́, ə́ ɉíɛ pələ pɔɔ həɠə.

Azaya 53:10

Yai-Laa ə hvaa mą ə giin a mɔ̨nɔ̨, ə hvaa mą nwɔ yɛnɛ̨ɛ̨ ə kɛ a pɔnnaa kulɔ haláá, gaa pai ɉuwu hu nuą kaai, ɲii hvóló hu yɛ kwɛa, ɛlɛɛ Yai-Laa liiɓa laa kaa pai hvɛɛi bɔ pələ.

Azaya 57:15

Mąąhɔlɔɓo, nui kpɔ gaa yələi kwɛala, mɛ̨nįi gaa moi ya ka, yai gaa laa a yələ kəlee, ɛlɛɛ naa kaa a mąąhəɠɛɛ. Gáá yələi kwɛaala, mą́ą́həɠɛɛ, ŋą́ ɓo lɔ nwɔ̨nɔ̨ a nui daa hee mɛ̨i, dɔɔ bulu, yai a kɛ giliɲąhiɛi, yɛ kɛ daa mɛlɛ kpɛɛ mą, nuąi yiiɠaai di kaa di nwumɛ̨i, gɛ́ di hvąŋąlɔ, nuąi daa di lii yali di kwəi, gɛ́ di nįįlɔ.

Azaya 66:2

Ɉɛnŋąąi tii kəlee di kulɔ ɲéé ŋą, gəlee kaa a nwɔ́ɔ́, Yai-Laa woo li, yɛi: Nui ŋą ɲɛ̨́i pili mɛ̨i ya ká: Kpɔwɔ mąąyɛɛmun, a yai tii nii yaliɛ gwəi, yai tii, nwóó a mąą kpɛlin.

Levetekɔ 9:11

Ɉuwɔ leelee da gɔlɔ, ə́ di kələn ɉįi, pulu pələ.

Levetekɔ 9:9

Aarɔn lonnii di ɲąmą tɛɛ bɔ, ə ɲeekpiɛ lɔ ɉu, ə ɉiɛ ɉaláá tabali mįnɛ̨ɠaa diɛ, ə gbəli pu ɉaláá kulɔ kəhi kɔ́wɔ mu.