Levetekɔ 8:23 - Yálá laawoo hɛɓɛ (dc)

²³ Moisə ə nwun dee, ə ɲąmą həɠə, ə da hiɛ Aarɔn ɓa-mįi-yee wəli ɓa, ə mą kɛ mamįiyee kpiɛɉinɛ̨ ɓa, da mamįiyee kɔ́wɔ kpiɛɉinɛ̨ ɓa.

Yálá laawoo hɛɓɛ

²³ Moisə ə nwun dee, ə ɲąmą həɠə, ə da hiɛ Aarɔn ɓa-mįi-yee wəli ɓa, ə mą kɛ mamįiyee kpiɛɉinɛ̨ ɓa, da mamįiyee kɔ́wɔ kpiɛɉinɛ̨ ɓa.

Bible

²³ Mose è m̀álai pàa, é ŋãa da siɣe é zia Eelɔŋ láa mii yee mɛi wôli kpɛrɛi ma, é da sia ǹáa mii yee kpua kɛ́tɛi mai, é da sia ǹáa mii kɔɔ-kpua zɛ-kponoi ḿâ.

Levetekɔ 8:23 Iomraidhean Croise

Lɛɛ gbɔwɔ ɓa 29:20

ə́ mɛlaa hilɛi ti nwun dee, ə ŋąmą ta həɠə, ə da hiɛ Aarɔn ɓa-mįi-yee wəli kpɛlɛ ɓa, ə mą kɛ nonnii wəli kpɛlɛ ɓa, da di ɓa-mįi-yee kpiɛ-ɉɛnɛ̨ ɓa, da di ɓa-mįi-yee kɔ́wɔ kpiɛ-ɉɛnɛ̨ ɓa; ə ŋąmą taɠa ɉaláá kulɔ taɓali ɓa nąą kəlee.

Lɛɛ gbɔwɔ ɓa 29:21

Ɲąmąi ti a lɛɛ ɉaláá taɓali mɛ̨i, ə da həɠə, da nwulɔ mąą həɠɛɛ, ə da taɠa Aarɔn da mąą həɠəɠaa diɛ, ə mą kɛ da nonnii da di mąą həɠəɠaa, a kɛ ti, di mąą a həɠə, Aarɔn da mąą həɠəɠaa, nonnii da di mąą həɠəɠaa.

Levetekɔ 14:14

Ɉaláá laa həli mu a ɉaláá taatɛlɛɛi ti ɲąmą laa həli ə da hiɛ nui di mąą haláá kulɔi mamįiyee wəli ɓa, da mamįiyee kpiɛ ɉinɛ̨ ɓa, ə mą kɛ mamįiyee kɔ́wɔ kpiɛ ɉinɛ̨.

Levetekɔ 14:17

Gbəlii tii a lɛɛ ɉaláá laa həli mun ɲee ɲą, a da lɔ nui tii ɓa-mįi-yee wəli ɓa, ə da lɔ mamįiyee kpiɛ ɉinɛ̨ ɓa, ə da lɔ nwɔ̨nɔ̨ mamįiyee kɔ́wɔ kpiɛ ɉinɛ̨ ɓa, ɓɛɠaai ti lɔ ə ɉaláá ɲąmą hiɛ laai.

Levetekɔ 14:25

Ə nu pɔɔŋą pɛli haláá ɓɛlaa lon nwun dee, ə daatɛlɛɛ ɲąmą ta həɠə, ə da hiɛ nui di kaa mąą haláá kulɔi mamįiyee wəli ɓa, ə da hiɛ mamįiyee kpiɛ ɉinɛ̨ ɓa, ə da hiɛ mamįiyee kɔ́wɔ kpiɛ ɉinɛ̨ ɓa.

Levetekɔ 14:28

Ə nwulɔi ti ta lɔ nui di kaa mąą haláá kulɔi mamįiyee wəli ɓa, ə da lɔ mamįiyee kpiɛ ɉinɛ̨ ɓa da mamįiyee kɔ́wɔ kpiɛ ɉinɛ̨, gɛɛnąąɠaai tii lɔ ə nu pɔɔŋą pɛli taatɛlɛɛ ɲąmą hiɛ laa.

Levetekɔ 7:37

Haláá yii da kwɛli hvilɛn na Yálá ɓa, haláá yii da gəlee kələn, nɛ̨ŋɛ̨n mąą hvaalɛɛ haláá, nu pɔɔŋą pɛli haláá, ɉaláá kulɔ nuą hee haláá da liilaa haláá, di kulɔ pələ ka tii.

Lomaŋ 12:1

Ną́n nonnii, gáá ká hvaŋąlɔi Yálá nwɔ ɲɛ̨imąąwɛli kaa laa hu, gɛ́; 'Ká ká kpɔwɔ kulɔ a haláá vulú mąą, mąąhəɠɛɛ, nwɛli ə ɓo Yálá ɓa. Yili ɓə gaa a kwɛli hvilɛn ŋąąi viɛlaɓoɔ.

Lomaŋ 6:13

Ka hvo ka tɔɔ-tɔɔiɠaa ta lɛɛ laa hvo kɛ a nɛ̨ŋɛ̨n nwɔ tiɓo kɛhɛn, yii a kɛ mɛ̨nį ɲɔ̨n gɛi la. Kɛlɛɛ yaamunn, ka ka kpɔɔ tɛɛ Yálá pɔ yɛ nuąi daa kulɔ haa hu daa kɛ a di húlu. Ka ka kɔ́lɔ nąą kəlee lɔ nwɔ tiɓo hu, ə gɛ, yii gaa a tələnmo mɛ̨nį ka yili kɛ.

Lomaŋ 6:19

Ka wɔ hvii kpɛɛ laa mąą mɛ̨nį ɓa, gáá nwooɠaai ŋɛ̨i ɓoi kaa a nu kiliŋąhiɛ. Pələi ti tɔlɔɔ ka ka kpinį kəlee kɛ la a mɛ̨nį ɲɔ̨n nwɔ luwɔ, kaa ka kwɛli tee Yálá ɓa, yiihu kɛa ka ka kpinįi kəlee kɛ a tələnmolaa nwɔ luwɔ, ə gɛ, ka wɔ yɛnɛ̨ɛ̨ kɛ pələ ə kɛ a Yálá liiɓa.

Korɛntə dɔlɔɔ 1:2

gbɔn ɓa, yai gaa Korɛntə daai, da nuąi Yálá aa di mąąhəɠə, Jesus Kristə hu, diɛi di təliɛ di kɛ mɛ̨nį ɓa a nu mąąhəɠɛɛɠaa, ə pɛlɛ la nuąi kpɔ da kɛ gu Nąmu Jesus hvɛlii a naa, ɓɛi lɔpee, yɛ ɓo a di Nąmu da kuɔ kpɛlimąn ku wɔɔ;

Korɛntə dɔlɔɔ 1:30

Yai ɉáálai ɓə ka káá la Jesus Kristə hu, yai gaa a ku wɔ kilikɛɲəi laai həɠə Yálá pɔ, a təlimolaa, a mąąhəɠəlaa da ɓalo mɛ̨nį,

Korɛntə dɔlɔɔ 6:20

Nu ta ɓə ka nwun mąąɓo a ɉɔ̨nwɔ̨ kɛnɛ̨. 'Ká Yálá mąąwiɛ kan a ka kɔlɔ.

Filipə 1:20

Yɛ bələi ɲɛ̨́i kaa la dɔwɔ a nwalawalaa, gílitɔɔ la mą, və́ pai nwumɛ̨i, kəlee, nwɔ́ kilitɔɔmąą laa kaa kpɔlɔɔ ɲee tɔ̨nɔ̨ mɛ̨i, yiihu, ə mą kɛ, a yələ kəlee, Kristə laa kaa pai tɛi ŋą́ yɛnɛ̨ɛ̨ hu, a pɛli ə kɛ, vúlú kɔwɔ ɲą, awala kɛ tii, a ɉáá mɛ̨nį.

Filipə 2:17

Ɉaláái ká wɔɔ laa na laa a gulɔ, da pɔ tíɓo, akɛ, naa kulɔ hɛn mąą a ɲą́mą, ŋą́ hvaa mą, ŋą́ dɛɛ ká pɔ, a gwə́inɛ̨ɛ̨.

Tɛsalonikə dɔlɔɔ 5:22

'ká ká mąą kwɛa mɛ̨nį ɲɔ̨n ɉuwui lɔpee gəlee ɓa.

Hebreu 2:10

Bələ ɓə, ə nɛ̨ɛ̨ la tii, nui hɛn gəlee pɛli, yai hɛn gəlee kaa ɲəi, mą, ə hvaa mą, ə pələ kulɔ a lon damąą, ə di lɔ mąąwiɛlaa hu, ə mɛ̨nį kəlee laa kulɔ a nui ɓalo mɛ̨nį bələ kulɔ, ŋą mɔ̨nɔ̨.

Hebreu 5:8

Bələi mąn ti ə kɛ la a Yálá lon, ə lɛɛ nwoo mu laa mąąkwɛli ŋą mɔ̨nɔ̨ɠaa hu.