Levetekɔ 8:15 - Yálá laawoo hɛɓɛ (dc)

¹⁵ Moisə ə nwun dee, ə ɲąmą həɠə, ə da lɔ ɉaláá kulɔi ɓa a ɲeekpiɛ,

Yálá laawoo hɛɓɛ

¹⁵ Moisə ə nwun dee, ə ɲąmą həɠə, ə da lɔ ɉaláá kulɔi ɓa a ɲeekpiɛ,

Bible

¹⁵ Mose è daa-tulɛi paa é ǹyée gbua lɔ́ ŋãa su é gbɛ́mɛŋ ŋ̀âla-teƃelei ŋ̀owo-ŋai dísoŋo-ŋai su é dínaŋ ma a gɛɛ é gbɛtɛ tíi kɛ́ mɛni ma. É ŋãai kpéli pù zâla kula teƃelei kɔ́ɔ mu. Bere sîi ŋí ƃé è maa waa la é dɛ̀ɛ tíi kɛ́ mɛni ma.

Levetekɔ 8:15 Iomraidhean Croise

Kɔlɔnikɔ Veerɛi 29:24

Ɉaláá laa həli nuą di di paa, di ɲąmą taɠa Yálá kɔ́i a nɛ̨ŋɛ̨n mąąhvaalɛɛ hɛn. Diɛ nɛ̨ɛ̨mąą hvə Israɛlə lonnii mąą mɛ̨nį ɓa. Mąąhɔlɔɓo, Israɛlə lonnii kəlee mąą mɛ̨nį ɓa ɓə tɔɔmun ə mo la, diɛ ɉaláá hɛn daa gəlee kələn da nɛ̨ŋɛ̨n mąąhvaalɛɛ haláá kulɔ la.

Izikiɛ 45:20

Ɲąnin nwɔ hvóló mɛ̨ihveelɛ yələ, da mɛ̨nį tɔ̨nɔ̨i tii ta kɛ lɔ nwɔ̨nɔ̨, nuąi daa nɛ̨ŋɛ̨n ɉəɠə di hvo naa li di kwəi, da yiiɠaai daa nɛ̨ŋɛ̨n ɉəɠə di tɛɠii di mąą mɛ̨nį ɓa. 'Ká bɛlɛ́ mąąhəɠə haláá kulɔ tii.

Danîa 9:24

Daa mąąhəɠɛɛi ŋɛ̨i, da ə́ wɔ nuąi, mɛ̨nį ta aa ɓo di laa mɛ̨i, yii gaa pai həli diɛ lɔwai pow mɛ̨ihveelɛ heei kwɛlan mɛ̨ihveelɛ yee mu. Nąąlɔwai kaa a lɔwai yii viɛlaɓoɔ, ə gɛ, di kulɔ nwoo mu laa kpɛɛ, nąąlɔwai ɓə di mɛ̨nį ɲɔ̨n gbɛɛ la, di di wɔ nɛ̨ŋɛ̨nŋaa mąąhvaalɛɛ, tələnmolaa yii kpɛɛ hvo mą, di gulɔ pɔ̨nɔ̨ ŋą, hįi kaaɠaa da mɛ̨nįi Yálá kwəi mɛ̨nį hukulɔ mun ə mo naa ə hon. Ɛlɛɛ, nui mąąhəɠɛɛ nu mąąhəɠɛɛɠaa diɛ, di mąątí.

Levetekɔ 1:11

Da nwun dee ɉaláá kulɔi ɲələi pələ Yai-Laa liíla. Yili pulu, Aarɔn lonnii a ɉaláá laa həli nuą, da ɲąmą pu ɉaláá kulɔi ɓa di dínɛ̨n di doo gee hu.

Levetekɔ 1:5

Da daatɛlɛɛ nwun dee Yai-Laa liíla, yili pulu, Aarɔn lonnii a ɉaláá laa həli nuą, di ɲąmą həɠə, di daɠa ɉaláá kulɔi ɓa gee kaa kələ laaləi, di dínɛ̨n mą di doo gee hu.

Levetekɔ 16:20

«A kpɛɛ kɛa a nɛ̨ŋɛ̨n mąąhvaalɛɛ mɛ̨nįɠaa kɛɛ gɛɛnąą mąąhəɠɛɛ mɛ̨i, da gee kaa kələ mąą mɛ̨nį hu, ɉaláá kulɔ kəhi mɛ̨i, a mo di pa a molu hilɛi tii a vulúi.

Levetekɔ 3:2

A ɲee pɛlɛ daatɛlɛɛ tii nwuɔ̨, di nwun dee gee kaa kələ laaləi. Aarɔn lonnii a ɉaláá laa həli nuą, di ɲąmą pu ɉaláá kulɔi koo ɓa nąą kəlee.

Levetekɔ 3:8

da di yee pɛlɛ daatɛlɛɛ tii nwuɔ̨, di nwun dee gee kaa kələ laaləi, Aarɔn lonnii di ɲąmą pu ɉaláá kulɔ kəhi koo ɓa di dínɛ̨n mą di doo gee hu.

Levetekɔ 4:25

Ɉaláá laa həli mun a ɉaláá taatɛlɛɛi tii ɲąmą həɠə a ɲee kpuɔ, ə nɔ ɉaláá kulɔ kəhi mįnɛ̨ɠaa diɛ, yili pulu, ə ɲąmą kpəli pu ɉaláá kulɔ kəhi kɔ́wɔ mu.

Levetekɔ 4:30

Ɉaláá laa həli mun ə ɲąmą ta həɠə a ɲee kpuɔ, ə ɉiɛ ɉaláá kulɔi mįnɛ̨ɠaa diɛ; Yili pulu, ə ɲąmą kpəli kəlee pu ɉaláá kulɔi gɔwɔ mu.

Levetekɔ 4:7

Yili pulu, ə ɲąmąi tii ta lɔ lansan kələn gəhi mįnɛ̨ɠaa diɛ Yai-Laa lííla, ɛlɛɛ, ə ɲąmą kpəli kəlee pu ɉaláá kulɔ kəhii ŋɛ̨i gee kaa kələ laaləi gɔwɔ mu.

Lonon mo 8:12

Levi lonnii da di yee pɛlɛ nįŋɛ̨ hilɛɠaa nwuɔ̨, ə́ nįŋɛ̨ hilɛɠaa laa həli Yai-laa ɓa, dɔ̨nɔ̨ ə kɛ a nɛ̨ŋɛ̨n mąąhvaalɛɛ haláá, dɔ̨nɔ̨ a kɛ a haláá hɛn da gəlee kələn. Yɛ nɛ̨ŋɛ̨n mąąhvaalɛɛ kóló kɛ la tii Levi lonnii mɛ̨i.

Lomaŋ 5:10

Akɛ, ɓɛlɔwai gu kɛ la a Yálá ɲowoɠaa Yálá Lon ə haa ə gu lɔwai pɔnnaa kulɔ gwa Yálá ni, yiihui ŋɛ̨i kɛa, gwa Yálá ni gwaa nɛɛ, gu nwun mąą aa ɓo Non ɉaalai.

Ifisiɛŋ 2:16

Kristə ə nu huwu hveelɛi tii kɛ a nu tanɔ̨n, yɛ di lɔwai ponnaa kulɔ da Yálá ni, kolɔwa háálai, kolɔwa mɛ̨i ɓə ə yowolaa paa laa.

Hebreu 2:17

Yili ɓə gɛ, hvo kɛli kɛ ə gbɔwɔ kɛ yɛ nąn nonnii, ə gɛ, ə kɛ a haláá laa həli mun gɛnɛ̨ɛ̨i ɲɛ̨i mąąwɛli kaa hu, tələnmolaa hu, Yálá kwɛlɛ, yɛ ŋą nuą di wɔɔ nɛ̨ŋɛ̨nŋaa waa diɛ.