Levetekɔ 7:9 - Yálá laawoo hɛɓɛ (dc)

⁹ Haláá hɛn lɔpee da mɔ̨n, da yii da ɲili ə mą kɛ yii da ɲələn kwɛa ɓa; ɉaláá hɛn tii kaa a nui a ɉaláá laa həli nwɔɔ.

Yálá laawoo hɛɓɛ

⁹ Haláá hɛn lɔpee da mɔ̨n, da yii da ɲili ə mą kɛ yii da ɲələn kwɛa ɓa; ɉaláá hɛn tii kaa a nui a ɉaláá laa həli nwɔɔ.

Bible

⁹ Ǹyaŋ m̀ii-sɛŋ sala sɛŋ nyii da gbɛ̀tɛ kpólo kpɛtɛ kwaa ma, kpaa máŋ da gbɛ̀tɛ kpólo kpɛtɛ pâne sui, kpaa máŋ dí ŋ̀ɔŋ gáa a zâla láa soŋ nuui pɔ́ɔ nyii zâlai kúla ǹúui ŋɔsɔnyɔ̂ŋ mɛni mai.

Levetekɔ 7:9 Iomraidhean Croise

Tɔɔɓɛlaa veelɛ 12:17

Nu pɔɔɲą pɛli waliɠaa, da nɛ̨ŋɛ̨n ɉaláá kulɔ waliɠaa, di hvo kɛi lɔ Yai-Laa nwɔ pɛ́lɛ́i pɛli mɛ̨nį hu; ɉaláá laa həli nuą di wɔɔ li kɛ.

Izikiɛ 44:29

Ɉɛnŋaai da gɔ́ la: nɛ̨ŋɛ̨n mąąhvaalɛɛ haláá huwɔ, da nu pɔɔ ŋą pɛli haláá huwɔ, diɛ ɓə pai kɛi mįi. Hɛn lɔpee mąąnɛ̨ɛ̨ ə kɛ a nwɔ́ɔ́ Israɛlə lɔi hu, di wɔɔ li.

Levetekɔ 2:10

Ɉaláá hɛn gbəli a kɛ a Aarɔn da nonnii di wɔɔ. Kɔ̨nɔ̨n mąąhəɠɛɛ ka tii, mąąhɔlɔɓo, Yai-Laa nwɔ haláá hɛn di gələn da li.

Levetekɔ 5:13

Ɉaláá laa həli mun a nɛ̨ŋɛ̨n mąąhvaalɛɛ kóló kɛ, nɛ̨ŋɛ̨n nu a ɉəɠə mɛ̨nįɠaai tii ta hu, mąą nu mąąhvaa a lɛɛ. Ɉaláá laa həli mun a mɛ̨nįɠaai tii kɛ yɛ bələi da ɉihɛn ɉaláá kulɔ la Yálá ɓa.»

Levetekɔ 7:10

Haláá hɛn lɔpee da ɲɔwɔn wulɔ hu, a wala kɛ tii ə kɛ a gbala, yili kaa a Aarɔn lonnii di wɔɔ.

Levetekɔ 7:8

«Haláá hɛn yii da gəlee kələn, nu ta a kɛ gaa da kulɔi, ɉuwɔi tii gɔlɔ a kɛ a ɉaláá laa həli mun tii góló kɛ nwɔɔ.

Lonon mo 18:9

Ɉaláá hɛn mąąhəɠɛɛ hu yii hva kələn, yɛ lɛɛ a ə́ wɔɔ ya ka: Mɛ̨inɛ̨ɛ̨ haláá kəlee. Yii gaa a lɛɠɛ hunwɔ̨, nɛ̨ŋɛ̨n mąąhvaalɛɛ haláá kəlee, nu pɔɔŋą pɛli haláái lɔpee da gulɔ mą́ą́, ɉaláá mąąhəɠɛɛɠaai tii kaa a ka wɔɔ, yɛ́ ka ə́ lonnii.

Korɛntə dɔlɔɔ 9:13

Ka hvo gɔlɔn kaa nuąi da tiɓo kɛ Yálá hee pɛlɛ́ mu, naa lɔ ɓə da di kɔ̨nɔ̨n ɉɔlɔɓo laa? Nuąi da kɛ haláá kulɔi Yálá nwɔ haláá kulɔ kəhi mɛ̨i, nąą ɓə da di kɔ̨nɔ̨n ɉɔlɔɓo laa?

Korɛntə dɔlɔɔ 9:7

Gbɛɛ ɓə da ɉon, gɔ̨nɔ̨n ə ɓo gbɔwɔ nwuɔ̨? Gbɛɛ ɓə a tíi kɛ, hva má ta mįi? Gbɛɛ ɓə a taatɛlɛɛ tɔɔ, hva ɲįnįyá kɛ a gɔ̨nɔ̨n?

Galatə 6:6

Nui di kaa mąąkwɛli Yálá laa woo ɓa, mąąnɛ̨ɛ̨i, ə kpɔnmąą tɛɛ mąąkwɛlimun bɔ a ɲəi hɛn nɛlɛɛmun.