Levetekɔ 7:36 - Yálá laawoo hɛɓɛ (dc)

³⁶ Yili ɓə Yai-Laa ə naa Israɛlə lonnii nwuɔ̨, yɛ kɛ di dɛɛ Aarɔn da nonnii di pɔ, ə həɠə kpɔ di hee hvoló ɓa a nwulɔ mąąhəɠɛɛ, di wɔ mąątii li a kwɛlan gəlee da nwɔɔ, mąą hva hvalin.»

Yálá laawoo hɛɓɛ

³⁶ Yili ɓə Yai-Laa ə naa Israɛlə lonnii nwuɔ̨, yɛ kɛ di dɛɛ Aarɔn da nonnii di pɔ, ə həɠə kpɔ di hee hvoló ɓa a nwulɔ mąąhəɠɛɛ, di wɔ mąątii li a kwɛlan gəlee da nwɔɔ, mąą hva hvalin.»

Bible

³⁶ Yâwɛɛ è mò a gɛɛ Eezuɛ ƃelai dí zâla sãai ŋí tɛ́ɛ dípɔ a tãi dí dísee lai. Gáa a sɛŋ Eezuɛ-ƃelai dí dɔ̂ŋ ŋí mɛi káa wɔlɔ-wɔlɔ da wɔlɔ-wɔlɔ.

Levetekɔ 7:36 Iomraidhean Croise

Lɛɛ gbɔwɔ ɓa 27:21

Ɓɛi gu kaa pai kɛi gu kee kaai laa, ɉəɠə ɓɛla ŋɛ̨i hɛlɛn ni mįnɛ̨ kəhi lííla, mo Aarɔn da nonnii diɛ, di nwulɔ nwɔ̨n ɉee nííla yɛ lən, a yələwulii da yələwala, Yai-Laa lííla. Yili ɓə pai kɛi a Israɛlə lonnii di wɔ kóló, mąą hva hvalin, yɛ ɓo a yələ kəlee mɛ̨nį.

Levetekɔ 3:17

Yili kaa a ka wɔ yɛnɛ̨ɛ̨ mąą tɔ́n hva ɉəɠə mą, kwɛlan gəlee yee mu, ɓɛi kpɔ ka kɛ laa. 'Ka hvo huwɔ wulɔ, da ɲąmą di mį́i.»

Levetekɔ 8:12

Ə nwulɔ mąąhəɠɛɛ tii ta pu Aarɔn nwuɔ̨, ə da lɔ mą, yɛ naakwɛlanmo la Yai-Laa ɓa.

Levetekɔ 8:30

Moisə ə nwulɔ mąąhəɠɛɛ ta həɠə, da ɲąmąi tii ɉaláá kulɔi, ə da taɠa Aarɔn ɓa da mąą həɠə, ə gɛ lɔ tii a nonnii diɛ kpɛli; bələ ɓə di Aarɔn da nonnii, da di mąą həɠəɠaa laakwɛlanmo la Yálá nwɔ kólói ɓa.

Samuɛlə dɔlɔɔ 2:28

ŋą́ ə́ nąn ɉəɠə Israɛlə nu huwuɠaa kəlee lɔwai, gɛ́ gɛ a nwɔ́ haláá laa həli mun, yɛ tɔɔ nwɔ́ haláá kulɔi kɛɛnąąi ɓa, yɛ lansan kələn, yɛ ɉaláá kulɔ həɠə too ɲɛ̨i ɓa, hɛn lɔpee Israɛlə lonnii di kɛi gɔ́ la, ŋą́ kɛi gəlee tɛɛ ə́ nąn nwɔ pɛlɛ́i pɔ.