Levetekɔ 7:21 - Yálá laawoo hɛɓɛ (dc)

²¹ Nui lɔpee a tunwɔ̨n tɔ́n ɉɛn da ɓa, ə kɛ a taatɛlɛɛ, ə kɛ a nu kan, ə kɛ a huwɔi lɔpee, tɔ́n gaa mą mąąliɓiɛi. Hɛn da naa həli Yai-Laa ɓa, a da mįi, mąąnɛ̨ɛ̨ di mąą nu kulɔ ɲəi bɛlɛ́n nuą lɔwai.»

Yálá laawoo hɛɓɛ

²¹ Nui lɔpee a tunwɔ̨n tɔ́n ɉɛn da ɓa, ə kɛ a taatɛlɛɛ, ə kɛ a nu kan, ə kɛ a huwɔi lɔpee, tɔ́n gaa mą mąąliɓiɛi. Hɛn da naa həli Yai-Laa ɓa, a da mįi, mąąnɛ̨ɛ̨ di mąą nu kulɔ ɲəi bɛlɛ́n nuą lɔwai.»

Bible

²¹ À kɛ̀ núu a lɛ̀ɣɛ sɛŋ da ḿâ nyii m̀aa fé waa níi, é máŋ kɛ́ a, núu, fɛnɛ-sɛŋ, kpaa máŋ sɛŋ da kélee nyii maa fé waa nîi, é Yâwɛɛ ŋɔlii-see sala-sɛŋ ŋí zua da m̀ii, maa ǹúui tí fé pâi wɔ́lɔ kɛ̂i a Ɣâla ŋɔnûai da.

Levetekɔ 7:21 Iomraidhean Croise

Zɛnɛse 17:14

Hulɔnui lɔpee hvo hee li kɛ́nɛ̨ ɓa, da gulɔ nuą lɔwai, mąąhɔlɔɓo, hvo kɛ nwɔ́ mįnɛ̨i mąąwiɛ li.»

Lɛɛ gbɔwɔ ɓa 12:15

«Hvóló mɛ̨ihveelɛ yee mu, lɛɠɛi dɛ hɛn və ɉu, ya ɓə ka kɛ mįi. Ə gɔwɔ tɔɔ vóló dɔlɔɔ ɓa, lɛɠɛ tɛ hɛn da hvo lɛɛ bɛlɛ́n, ka gəlee kulɔ laa. Vóló mɛ̨ihveelɛi tii yee mu, nui lɔpee a lɛɠɛ tɛɛ mįi, da naa kulɔ Israɛlə lonnii laa pɔ.

Lɛɛ gbɔwɔ ɓa 12:19

«Hvóló mɛ̨ihveelɛ yee mu, lɛɠɛ tɛ hɛn da hvo kɛ ka yəi bɛlɛ́n, nui lɔpee a kɔ̨nɔ̨n da mįi lɛɠɛ tɛ hɛn ə ɓo ɉu, da naa kulɔ Israɛlə lonnii laa pɔ; ə kɛ a Israɛlə lonnii ta, ə kɛ a nwɛ̨ą.

Izikiɛ 33:25

Yili ma mɛ̨nį ɓa, 'kɛ diɛ: Mɛ̨nį kəlee ŋą Hééɓomun Yálá woo ka: Ka huwɔ mįi a ɲąmą, kaa ka ɲɛ̨i tinɛ̨n haliɠaa pɔ pələ, kaa lɔi kala mɛ̨nįɠaa kɛ, ya ɓə ka tɔɔ kaa kɛ diɛ nɔi kaa lɛɛi ka yəi a ka wɔɔ?

Izikiɛ 4:14

Ŋą́ nwoo pulu pənə, gɛ́ mą: «Yai-Laa, nwɔ́ Yálá, və́ ta dɛ́a mįi li; ə həɠə nólókolo yələ ɓa, ə həli la háákəlee ɓa; huwɔ powa, awala kɛti, huwɔi mɛlan ɉuwɔ aa wolo mą; və́ ta da mįi li; huwɔ yii tɔ́n gaa mą, da hvo ta lɔ li ná.»

Levetekɔ 11:20

«Koon-koon ɉɛnŋąą kpɔ di kɔ́wɔ kaa diɛ nąąn diɛ hiɛ mɛ̨i, tɔ́n gaa gəlee ɓa ka yəi.

Levetekɔ 12:1

Yai-Laa yɛ Moisə ɓa:

Levetekɔ 17:10

«Israɛlə lon da, a wala kɛ tii, nwɛ̨ąi heeni ka kɔ́wɔ mɛ̨i, da a ɲąmą mįi, ŋą́ hee ɲąmą mįi mun tii hu, ŋį́ gulɔ nwɔ nuą lɔwai.

Levetekɔ 17:14

Mąąhɔlɔɓo, pɛli hɛn gəlee nwɔ yɛnɛ̨ɛ̨ kaa ɲąmą hu, akɛ gaa nii a vulú. Yili mąą mɛ̨nį ɓə ŋą́ kɛ la Israɛlə lonnii diɛ: ‹Ka hva pɛli hɛn da lɔpee ɲąmą lɛɛi ɉu ka hvo mįi; mąąhɔlɔɓo, pɛli hɛn gəlee nwɔ yɛnɛ̨ɛ̨ kaa ɲąmą hu. Nui a da mįi, mąąnɛ̨ɛ̨ di gulɔ mɛlaa lɔwai.›

Levetekɔ 18:29

Yili ɓa, nui lɔpee a dúwɔ́ taaləi tii ta ɓo, mąąnɛ̨ɛ̨ di gulɔ nwɔ nuą lɔwai.

Levetekɔ 19:8

Nui a ɉuwɔi tii ta mįi, aa nɛ̨ŋɛ̨n ɉəɠə, mąąhɔlɔɓo, ɉɛn kɛ a Yai-Laa nwɔɔ, aa mɛlɛkpɛɛ mą. Mąąnɛ̨ɛ̨ di mąą nu kulɔ mɛlaa lɔwai.

Levetekɔ 20:3

Ɲą́ą́n, ŋą́ ɲɛ̨i ɲɔ̨nwɔ̨ɔ̨ hee mąą nu ɓa, ŋį́ gulɔ nɔi nuą lɔwai; mąąhɔlɔɓo, aa non da tɛɛ Molɛkə pɔ, yɛ nwɔ́ pɛ́lɛ́i mąąliɓi la tii, ɛlɛɛ yɛ náá ɓɛlɛkpɛɛ mą.

Levetekɔ 22:3

«'Mo diɛ yɛ́ diɛ: «Tɔn a kɛ ɉaláá laa həli nuą yəi bɛlɛ́n ɉulɔnu ta ɓa, a lɛɠɛ gɔɓo hɛn mąąhəɠɛɛɠaai Israɛlə lonnii da paa la Yai-Laa pɔ da ɓa, mąą nui hva kɛa lɛɛ nwɔ́ kólói hu. Yələ kəlee mɛ̨nį li. Ɲą́ą́ ɓə gáá a Yai-Laa.

Levetekɔ 22:4

Aarɔn kwəilon lɔpee hvólóɲɔ̨n a kɛ mą, a wala kɛ tii lə́ŋąn, hva pɛli ɉaláá hɛn mąąhəɠɛɛ ta mįi, hvo kɛli a gbɛa dɔ́n tii kulɔ gbɔwɔ ɓa, ə mąąhəɠə. Bələ lɔ ɓə gaa la, nui a tunwɔ̨n hɛn mąąliɓiɛ ta ɓa, ə kɛ a powa, ə kɛ a nui mąąkalayá kaa pui;

Levetekɔ 23:29

Nui lɔpee a wala hin nɔ a mąą yələ, mąąnɛ̨ɛ̨ di gulɔ nwɔ nuą lɔwai.

Levetekɔ 7:20

Kɛlaa, nui lɔi tɔ́n gaa mą, haláá yii daa naa həli Yai-Laa ɓa, a da mįi, mąąnɛ̨ɛ̨ di gulɔ ɲəi bɛlɛ́n nuą lɔwai.

Levetekɔ 7:22

Yai-Laa yɛ Moisə ɓa:

Levetekɔ 7:25

Nui lɔpee a taatɛlɛɛ ta laa həli Yai-Laa ɓa a haláá, ɛlɛɛ yɛ nwulɔ ta mį́i, mąąnɛ̨ɛ̨ di mąą nu kulɔ nɔi lonnii lɔwai, mąąhɔlɔɓo, aa ɉuwɔi tii ta mį́i.

Levetekɔ 7:27

Nui lɔpee a ɲąmą huwui lɔpee ta mį́i, mąąnɛ̨ɛ̨ di gulɔ nɔi lonnii lɔwai.»

Lonon mo 19:22

Nui tɔ́n gaa mą a tunwɔ̨n hɛn da ɓa, mąą hɛn yaa kpɛli mąą a liɓi. Ɛlɛɛ nui a tunwɔ̨n ɉɛn tii ɓa, tɔ́n a kɛ mą ə lɛɛ ɉu yələ ə wulu.»

Dutɛrɔnome 14:10

Kɛlaa yii kpɔ naa ləŋąn və mą, gala hvo mą, ka hva pɛli di mįi, tɔ́n gaa mą.

Dutɛrɔnome 14:3

Ka hvə hɛn mąąliɓiɛ ta mįi.

Samuɛlə dɔlɔɔ 20:26

Saulə hvo mɛ̨nį ta ɓo a ɲələi tii; ə kɛi giliŋąhiɛ yɛ kɛ diɛ gbaan mɛ̨nį ta aa gaa, aa tɔ́n da həɠə.