Levetekɔ 7:12 - Yálá laawoo hɛɓɛ (dc)

¹² Akɛ da bɛlɛ Yálá hɛɠɛɛɓo taatɛlɛɛ ɓa, ɉɛn mąąnɛ̨ɛ̨ di paa la a ɉɛɠɛɛɓo kɛ hɛn, ya ɓaa: nwɔmįi dɛ hɛn və ɉu, bɛliɛ a wulɔ. Lɛɠɛi dɛ hɛn və ɉu wulɔ puɔ mą, da nwɔmįi ɓɛla ɲąą kɛnɛ̨ ɲɔwɔnŋąą a wulɔ, dɛ hɛn və kɛ ɉu.

Yálá laawoo hɛɓɛ

¹² Akɛ da bɛlɛ Yálá hɛɠɛɛɓo taatɛlɛɛ ɓa, ɉɛn mąąnɛ̨ɛ̨ di paa la a ɉɛɠɛɛɓo kɛ hɛn, ya ɓaa: nwɔmįi dɛ hɛn və ɉu, bɛliɛ a wulɔ. Lɛɠɛi dɛ hɛn və ɉu wulɔ puɔ mą, da nwɔmįi ɓɛla ɲąą kɛnɛ̨ ɲɔwɔnŋąą a wulɔ, dɛ hɛn və kɛ ɉu.

Bible

¹² À kɛ̀ a sɛɣɛ-fei sala ƃé a gulâi, à kɛ̀ pâi a maa taa-tulɛi é bɛ́lɛ kpólo ma nyii tɛ́-sɛŋ fé zu, zumoɔɔ a ɔle-wúlɔ da kpólo kpala-ƃela ɔle-wulɔ siaa ma é pɛ́lɛ gbóloi ma nyii dí gbɛ̀tɛ a felaƃa fũa lɛ́lɛɛ zumoɔɔ a ɔle-wúlɔi.

Levetekɔ 7:12 Iomraidhean Croise

Kɔlɔnikɔ Veerɛi 29:31

Ezekiasə ə bələ həɠə, yɛ nɔi lonnii diɛ: «Ə həli káá! Kaai kpɔ ka yee laa hvɛɛ a Yai-Laa kɔ́ hɛn, 'ka ká mąąlɛɠɛ ɓɛ, 'ka pa a haláá hɛn, a kɔ́ɓo hɛnŋąą Yai-Laa nwɔ pɛlɛ́i mu.» Nɔi lonnii di pa a haláá hɛnŋąą da naa gwəi mɛ̨inɛ̨ɛ̨, nuąi kpɔ di lii nɛ̨ɛ̨i kɛ di kwəi, di kɛi pa a haláá hɛnŋąą da gəlee kələn.

Kɔlɔnikɔ Veerɛi 33:16

Manase ə tinɛ̨n ə Yai-Laa kɔ́i bɛli, ə liilaa halááɠaa kulɔ da mąąwiɛ haláá. Ə mo Ɉuda nuą diɛ, di tí Israɛlə nwɔ Yálá Yai-Laa ɓa.

Nehemi 12:43

Di haláá kpɛa kpɛa kulɔ a mąą yələi tii, nu kəlee kwəinɛ̨ɛ̨ mąąhɔlɔɓo, Yálá aa kɛ kwəinɛ̨ɛ̨ kɛnɛ̨ tɛɛ di pɔ. Nɛ̨ąą da lɛapɛlɛɛɠaa diɛ kpɛli, di kwəinɛ̨ɛ̨i kɛ, gwəinɛ̨ɛ̨i tii di kɛi gulɔ Ɉerusalɛmə, bələ ə li kwɛa la.

Mąątɛ̨nɛ̨ 107:8

'Di Yai-Laa hɛɠɛɛɓo kani, nwɔ wɛlikɛmąąlaa mąą mɛ̨nį ɓa; da mɛ̨nį ɲɛ̨ikɛnɛ̨ɠaai ə gɛ nu kanŋaa diɛi;

Mąątɛ̨nɛ̨ 116:17

Gáá pai ə́ hɛɠɛɛɓo haláá kulɔi, gɛ́ Yai-Laa təli a naa.

Mąątɛ̨nɛ̨ 50:23

Nui a mɛ̨inɛ̨ɛ̨ hu kɔlɔnŋąą kɛ a nwɔ haláá hɛn, gaa mą́ą́wiɛi, ɛlɛɛ, nui a ɉiɛ pələ ɲɛlɛ kɛ, ya ɓə ŋą́ Yálá ŋą ɓalo mɛ̨nįi ɲąąnɛ̨ɛ̨ lɛ mą.

Ɉeremi 33:11

kwəinɛ̨ɛ̨ wələɠaa mɛ̨n ɉii laa, da yɛlɛ wooɠaa, nɛ̨ą həɠə mun nwɔ wələ woo yɛ tɔɔ. Hilɛtai nɛ̨ɛ̨nu nwɔ mąną kaa tin yɛ tɔɔ. Nuąi pai a hɛɠɛɛɓo halááɠaa Mɛ̨nį Kəlee ŋą Hééɓomun Yai-Laa yəi bɛlɛ́n, di wɔ hvɛ́li woo yɛ tɔɔ laa, diɛ kɛ mą: 'Ká Yai-Laa Kɔlaɠa Nwun Ną́mu laa too a wələ, mąąhɔlɔɓo, nwɔ mɛ̨nį lɛlɛɛi, nwɔ wɛlikɛmąąlaa ɲɛ̨n deei hvo mą. «A tɛ̨ą, ŋą́ pənə ŋą́ nɔi ŋɛ̨i tɔɔ, ə pənə ə kɛ yɛ bələi ə kɛ la tɔlɔɔ. Ɲą́ą́ Yai-Laa nwoo li.»

Osia 14:2

Israɛlə! Pənə ə́ pa wɛ, Yai-Laa ə́ wɔ Yálái pɔ, mąąhɔlɔɓo, ə́ kɛ nɛ̨ŋɛ̨n aa ə́ too.

Levetekɔ 2:4

«Ya pa a Yálá kɔ́ hɛn, yɛ ɓo a lɛɠɛ mɔ̨n ŋąą, mąąnɛ̨ɛ̨ ə kɛ yɛ nwɔ̨mįi kɛ pələ, di hvo lɛɠɛ tɛ hɛn bu ɉu. Kɛlaa di nɔ wulɔ hu, a wala kɛ tii, mąąnɛ̨ɛ̨ ə kɛ a yii di ɲɔwɔɔn a wulɔ.

Levetekɔ 2:5

«Akɛ, ə́ wɔ Yálá kɔ́ hɛn a kɛ a hɛn yii daa ɲələn, mąąnɛ̨ɛ̨ di nɛɠɛ hunwɔ̨ yɔwɔ a wulɔ, dɛ hɛn və kɛ ɉu.

Levetekɔ 22:29

«Ka kɛi Yai-Laa mąąwiɛ haláá kulɔ, ka gulɔ a gulɔ pələ, əgɛ, yɛ pɛli ɲee heei mu.

Levetekɔ 6:16

Hihɛn lɔpee haláá laa həli mun a Yálá kɔ́ la, mąąnɛ̨ɛ̨ di gələn gbɔ tɛ̨ɛ̨tɛ̨ɛ̨, di hva da mį́i.»

Levetekɔ 7:15

Niilaa Haláá tii a Yálá hɛɠɛɛɓo Haláá, mąąnɛ̨ɛ̨ di ɉaláá taatɛlɛɛi tii ɉuwɔ mįi a ɲələi da naa həli la, da hvo lɛɛ yələ hvo ɓɔ mą.

Amɔsə 4:5

Lɛɠɛ yiiɠaai da gulɔ Yálá ɓa a haláá, ka dɛ hɛn bu ɉu, ka pa ka gələn, kɔ́ ɓo hɛn ka káá bɔ ka naa həli mą, ka ɉələ kɛ mɛ̨i, hvo gaai, yili ɓə nwɛli kaa kaa. Yai-Laa woo li.

Lonon mo 6:15

Kpɔlɔ tɔ̨nɔ̨ laa hvɛɛ a lɛɠɛ mɔ̨n ŋąą yii lɛɠɛ tɛ hɛn və ɉu, da nwɔ̨mįi yii di ɲɔwɔɔn a wulɔ, da Yálá kɔ́ hɛnŋąą, bɛlɛɛ lɔɔ ɓa, da wulɔ yii mąąnɛ̨ɛ̨ ə paa la.

Lukə 17:16

Ə pa ə pɛlɛ Jesus kɔ́wɔ mu, ə ɉɛɠɛɛ ɓo. Ɉulɔnui tii ə kɛ a Samari mun.

Lukə 17:18

Akɛti, dɔ̨nɔ̨ kpɛli hvo pənə li hvo pa hvo Yálá hɛɠɛɛɓo, hvo kɛi lɔ nwɛ̨ąi ŋɛ̨i?»

Lomaŋ 1:21

Mąąhɔlɔɓo, bələi mąn di Yálá kɔ́lɔn na gɛ mɛ̨nįɠaa kəlee hu, di hvo gɛ li di hvo mąąwiɛ, di hvo ɉɛɠɛɛɓo, yɛ bələi mąąnɛ̨ɛ̨ la. Kɛlaa yaamun di di wɔ kiliŋąhiɛ mąą a kwɛa Yálá ɓa, di hvilɛn ŋąą la ɓowo mɛ̨nį pulu, diɛ ɓo la a kpinį ŋą luwɔɠaa.

Ifisiɛŋ 5:20

Yələ kəlee, mɛ̨nį kəlee hu, 'ká Nąn Yálá hɛɠɛɛɓo, gu Ną́mu Jesus Kristə laa hu.

Hebreu 13:15

Yili ɓa, Jesus pɔ pələ, 'ká gu mąąwiɛ haláá kulɔ Yálá ɓa a yələ kəlee, mukulaa ɓaa: 'Ká gu kɛ lɔ Naa tɛi.

Piɛrə dɔlɔɔ 2:5

Káá kpɛlimąn, yɛ kwɛnį hvulúmąąɠaa, 'ká lɔ kani bɛlɛ́ tɔɔ mɛ̨nį hu, yai a Kili hee pɛlɛ́, əgɛ, ká kɛ a haláá laa həli kpɔn mąąhəɠɛɛ, káá Yálá mąąwiɛ haláá laa həli, a háálai Yálá a ɲee hee mu, Jesus Kristə háálai.