Levetekɔ 6:5 - Yálá laawoo hɛɓɛ (dc)

⁵ Nwɔ̨n ŋɛ̨i a kɛ ɉaláá kulɔi, mąą hvo nɛ̨ɛ̨li hvo luwun. Yələwala kəlee ɉaláá laa həli mun a kwɛi tɔɔ nwɔ̨n ma, ɉaláá hɛn da gəlee kələn, gwɛiɠaa tii mɛ̨i ɓə da naa laa, gɛɛ di hvo kɛ pai liilaa haláá kulɔi, yaai gaa a ɉuwɔ wulɔɠaa.

Yálá laawoo hɛɓɛ

⁵ Nwɔ̨n ŋɛ̨i a kɛ ɉaláá kulɔi, mąą hvo nɛ̨ɛ̨li hvo luwun. Yələwala kəlee ɉaláá laa həli mun a kwɛi tɔɔ nwɔ̨n ma, ɉaláá hɛn da gəlee kələn, gwɛiɠaa tii mɛ̨i ɓə da naa laa, gɛɛ di hvo kɛ pai liilaa haláá kulɔi, yaai gaa a ɉuwɔ wulɔɠaa.

Bible

⁵ Kpaa máŋ tãi a pá ŋɔsɔnyɔ̂ŋ maa sâla sɛŋ tɛ̂ɛi lai, é zɛŋ kélee fela fei kɛ́ nyii è zɔlɔ ƃô a wôya perei. É tela zɔ̃ɔ gbua buu feerɛ ɣele láa mà.

Levetekɔ 6:5 Iomraidhean Croise

Samia Veerɛi 12:6

Ə lɛɛ mąąnɛ̨ɛ̨ ə mɛlaa haai tii bɔɔi tɛɛ gee mɛ̨i nąąn; mąąhɔlɔɓo, aa túwɔ́ ɲɔ̨nwɔ̨ɔ̨ ɓo, hvo ɉulɔnui tii mąąwɛlii kaa li.»

Nehemi 10:35

Kuɔ mąn, ɉaláá kulɔ nuą mąn, Levi huwuhu nuą, da nɔi nuą, yii hvilɛn na gwɛi mɛ̨nį ɓa, yaai mąąnɛ̨ɛ̨ di paa la a mɛ̨inɛ̨ɛ̨ guɔ Yálá yəi bɛlɛ́n, ku yeepulu kaa kɛ. Pɛlɛ́ tɛitɛi da nwɔ kuu, kwɛlan gəlee da nwɔ, diɛ pɛli bɛ̨ɛ̨ la dɔ́n ɉɛɓɛ́ hu.

Lɛɛ gbɔwɔ ɓa 22:1

«‹Nwuɔ̨mun a lɛɛ pɛlɛ́ wolo ɓɔi mą a kpinį, da gɛlɛ, a haa, mąą hvo nɛ̨ɛ̨li di hvo gwələ kulɔ.

Lɛɛ gbɔwɔ ɓa 22:4

«‹Akɛ nu ta a nwɔ taatɛlɛɛ hvilɛn ɲəi gbomoi, yɛ gɔ̨nɔ̨n gwɛli laa, daatɛlɛɛi tii a pili tíi takpɛli hu ə nąą kala, mąąnɛ̨ɛ̨ ə bɔɔ kulɔ ɉu a nwɔ tíi nɛlɛɛmun gɛɛnąą, a wala kɛ ti nwɔ hihɛn nɛlɛɛmun gɛɛnąą.

Lɛɛ gbɔwɔ ɓa 22:7

Da wala nwuɔ̨mun ɉon, bɛlɛ́ nąmu a lɛɠɛ Yálá lííla ə gwɛla, əgɛ, nuą di gaa diɛ hvo ɲee kpɛlaan ni a mɛlan nwɔ hɛngɔwi.

Lɛɛ gbɔwɔ ɓa 22:9

«‹Nu a taatɛlɛɛ ta tɛɛ mɛlan bɔ yɛ mɛ̨i kaa, yɛ ə kɛ a hoohvaalən, yɛ ə kɛ a nįŋɛ̨, yɛ ə kɛ a ɓɛlaa, awala kɛ ti, taatɛlɛɛ lɔpee ta; daatɛlɛɛ tii a haa, a wala kɛ ti, ə mąą nwąną, a wala kɛ tii, di nwuɔ̨, di hvo gaa li,

Lɛɛ gbɔwɔ ɓa 30:7

Nąą ɓə Aarɔn kaa pai kɛi lansanŋaa kələn ɉii laa yələ wala pɔ tɛitɛi kəlee, ɓɛlɔwai a kɛ nwulɔ nwɔ̨nŋąą təŋą yalii la, nąąlɔwai ɓə a lansan kələn na.

Azaya 58:6

Ɉin nɔ pələi gaa a nííɓa mɛ̨nį, ya ka: 'ka wea laa yɔwɔn volóon, nuąi daa hee di mɛ̨i, 'ka di kulɔ ɉu, nuąi kɛ mɔ̨nɔ̨ hu 'ka ka yee ɓo diɛ, 'ka nu mɔ̨nɔ̨ ɓo hɛn gəlee kulɔ laa.

Azaya 58:9

Ya Yai-Laa təli nąąlɔwai, a ə́ woo muhon, ya tómą bɔ pələ, gaa pai kɛ́ yɛ́: «ɲą́ą́ ga.» Ya wɛa mɛ̨nį kulɔ ə́ yəi bɛlɛ́n, da nu mąą ɲɔw mɛ̨nį, da woo ɲɔ̨n ɉaa mɛ̨nį nu ɓa.

Izikiɛ 33:15

ɉɛn di dolaa hee mą, a pənə a dɛɛ, yɛ nwuɔ̨ hɛn bənə yɛ dɛɛ, yɛ túwɔ a yɛnɛ̨ɛ̨ nwɔ tɔ́nŋaa, yɛ túwɔ pələ ɲɔ̨n maa laa, mąą nu a lɛɛ yɛnɛ̨ɛ̨, hea hvo ɉu, hvo pai haai.

Levetekɔ 5:16

Yili pulu, bɛlɛ́ mąąhəɠɛɛ mu mɛ̨nįi tii ə bili ɉu, hvo kɛli ə bɔɔ tɛɛ, yɛ ɉɛn tii ɉəən nɔɔli pɛlɛ mą, yɛ dɛɛ ɉaláá laa həli mun bɔ. Ɉaláá laa həli mun a nɛ̨ŋɛ̨n mąą hvaalɛɛ kóló kɛ mą, a bɔɔŋą pɛli haláá, a mɛlaa hilɛi tii, mąąhvaa a lɛɛ.

Lukə 19:8

Zase ə́ muhəɠə yɛ Ną́mu Jesus ɓa: «Ną́mu! Gáá ɲə́i hɛn gɔw bələ tɔ̨nɔ̨ tɛɛi yeehvowolo nuą pɔ, ɛlɛɛ, akɛ ŋą nu ta hulu, ŋą hɛn gulɔ ɲəi, ŋą bɔɔi tɛɛ mąą nu pɔ gee mɛ̨i nąąn.»

Samuɛlə dɔlɔɔ 12:3

Ɲą́ą́ ka tɔɔni ka lííla Yai-Laa ɲɛ̨i ɓa da nwɔ nui ə ɉəɠə ɉu, nui ɉɔ́n gaa gwəi, ə mo. Gbɛɛ ɓə ŋą́ Nįŋɛ̨ ɲəi? Gbɛɛ ɓə ŋą́ hoohvaalən ɉəɠə ɲəi? Gbɛɛ ɓə ŋą́ ɲéé pənə ɉu? Gbɛɛ ɓə ŋą́ too mɛ̨i hɛn ɉəɠə ɲəi? Gbɛɛ ɓə ŋą́ wali həɠə ɲəi a gili ŋapɛlɛ pələ? Nui ŋą́ yili kɛ la, mąą nu ə hvaa, ŋą́ pənə ŋą́ dɛɛ bɔ.»