Levetekɔ 6:20 - Yálá laawoo hɛɓɛ (dc)

²⁰ Hɛn lɔpee a tunwɔ̨n ɉuwɔ ta ɓa, gaa a Yálá nwɔɔ. Ɲąmą ta a taɠa həɠə ta ɓa, ɓɛi tii ɲąmą ə taɠa laa, mąąnɛ̨ɛ̨ di nąą waa kɛɛnąą mąąhəɠɛɛ ɓa.

Yálá laawoo hɛɓɛ

²⁰ Hɛn lɔpee a tunwɔ̨n ɉuwɔ ta ɓa, gaa a Yálá nwɔɔ. Ɲąmą ta a taɠa həɠə ta ɓa, ɓɛi tii ɲąmą ə taɠa laa, mąąnɛ̨ɛ̨ di nąą waa kɛɛnąą mąąhəɠɛɛ ɓa.

Bible

²⁰ Zama-sɛŋ ŋí ƃé Eelɔŋ da ǹônii da pâi dɛɛ̂i Yâwɛɛ pɔ́ tãi da díyee pɛ̀lɛ la Eelɔŋ ŋûai, felaƃa fũa pãŋ feerɛ a ŋ̀ele kélee mii-sɛŋ ḿaa sala sɛŋ. Dí ŋá kɔlɛ gîei feerɛ, gbua tɔnɔ kɛ́ ƃò a ŋ̀ele-wâa sala sɛŋ, gbeli kɛ́ ƃò a ŋ̀ele-wulii ŋ̀ɔi.

Levetekɔ 6:20 Iomraidhean Croise

Kɔlɔnikɔ Maa-ŋuŋ 23:29

Diɛ ɓə Yálá kɔ́ lɛɠɛ mɔ̨n mɛ̨nį kaa diɛ, Yálá kɔ́ lɛɠɛ hunwɔ̨, da nwɔ̨míi dɛ hɛn və ɉu, da nwɔ̨ míi huwu lɔpee. Diɛ ɓə kɛ ɉɛnŋąą kɔ́ɔn mɛ̨nį nwun na.

Lɛɛ gbɔwɔ ɓa 16:36

Hvóló tɛitɛi kɔ̨nɔ̨n ə kɛ a tuku tɔ̨nɔ̨ ɓɛlaɓoɔ ɉu pow, di ɉeei tɔ̨nɔ̨ həɠə.

Lɛɛ gbɔwɔ ɓa 29:2

Ə́ bɛlɛ lɛɠɛ ɓa yii dɛ hɛn və ɉu, nwɔ̨mįi yii dɛ hɛn və ɉu, di ɲɔwɔɔn a wulɔ, di da kɛ a nwɔ̨mįi pɛlɛɛ di wulɔ pu mą, gəlee diɛ ɓo a mɔ̨nun.

Levetekɔ 23:13

Ka Yai-Laa kɔ́ hɛn bɛlɛ mą a lɛɠɛ hunwɔ̨ gəgən ɉu mɛ̨ida, ɲɔwɔɔ a wulɔ, yili kaa a haláá kɔ̨nɔ̨n mąą kun nɛ̨ɛ̨ a Yai-Laa nwɔɔ, yɛ niilaa, da nɔɔi ka bu nɔi ɓa, ɓɛi ka ɉaláá kulɔ laa, yii a kɛ a múluun gbulɔ.

Levetekɔ 5:1

«Nɛ̨ŋɛ̨n ɉəɠə pələ takpɛli ka nwɔ̨nɔ̨: Akɛ mɛ̨nį ta a tɛɛ taa ta hu, di nuą təli gɛla hvaa ɓo mɛ̨nį ɓa, nui mɛ̨nįi tii hukɔlɔn a wala gɛ hvo pa hvo gɛla hvaa ɓo, aa nɛ̨ŋɛ̨n tii wulu lɛɛ nwuɔ̨.

Levetekɔ 5:11

«Nu ta yee a wala pɛli lɔwɔ tonwənən veelɛ ɓa, a wala kɛ tii kwii tonwənən veelɛ ɓa, a pɛli mą ə pa a lɛɠɛ hunwɔ̨ kəgən ɉu nąąn, a nɛ̨ŋɛ̨n mąąhvaalɛɛ haláá hɛn; hva wulɔ kɛ mą, hva lansan hee gwɛlɛ. Mąąhɔlɔɓo, nɛ̨ŋɛ̨n mąąhvaalɛɛ haláá li.

Levetekɔ 6:11

Aarɔn lonnii hinąą lɔ ɓə da mį́i, yili kaa a tíɓo yii vilɛn ŋąąi yɛ́ ka ə́ lonnii kaa a yələ kəlee mɛ̨nį, ɉalááɠaai da gələn Yai-Laa lííla mąą mɛ̨nį hu. Gulaa ka pulu, nu takpɛli lɔpee a tunwɔ̨n da ɓa, mąąnɛ̨ɛ̨ ə haa.»

Levetekɔ 6:19

Ɉaláá laa həli mun tii a ɉaláá kulɔ, ya ɓə a ɉaláá hɛn mį́i. Ɛlɛɛ mąąnɛ̨ɛ̨ ə mį́i gɛɛnąą mąąhəɠɛɛ ɓa, gee kaa kələ gwəli hąąi.

Lonon mo 28:10

Haláá hɛn da gəlee kələn yaa li, a hvįįtɔɔ yələ, ə pɛlɛ la ɉaláái mąąnɛ̨ɛ̨ di gulɔ a yələ kəlee mą.

Lonon mo 28:3

'Mo diɛ, yɛ́ diɛ: Kɔ̨nɔ̨nŋąąi mąąnɛ̨ɛ̨ ka Yai-Laa kɔ́ la, diɛ ka: kwɛlan dɔ̨nɔ̨ ɓɛlaa lon veelɛ, kpɛɠii hvo kɛ diɛ; hvóló tɛitɛi haláá hɛn ni, kaa gulɔ a haláái da gəlee kələn, yələ kəlee mɛ̨nį li.

Lonon mo 4:16

Ɉaláá laa həli mun Aarɔn lon Eleazarə ɓə nwɔ̨n ɉee wulɔ mɛ̨nį nwun na, da ɉɛn gun nɛ̨ɛ̨ɠaai da di kələn, yələ kəlee haláá hɛn, da nwulɔ mąąhəɠɛɛ. Ya ɓə bɛlɛ́ da mu hɛnŋąą kəlee mąą mɛ̨nį kaa nwuɔ̨, ə mą kɛ gɛɛnąą mąąhəɠɛɛ da nąą hɛnŋąą kəlee.»

Hebreu 5:1

Ɉaláá laa həli mun gɛnɛ̨ɛ̨ lɔpee di kɛi ɉəɠə, da ɉəɠə kɛ nu kanŋaa lɔwai, di ɉee nu kanŋaa mąą mɛ̨nį ɓa, yɛ di mąą mɛ̨nį laa həli Yálá ɓa. Nwɔɔ mąą tíi ɓaa, ə Yálá kɔ hɛn naa həli, ə nɛ̨ŋɛ̨nŋaa mąą haláá kulɔ.

Hebreu 7:27

Nwɛi hvo yɛ ɉaláá laa həli nuą kpɛa-kpɛaa tɔlɔɔ tii kɛ, a diɛi, yələ ɓɔ pələ kəlee, hvo kɛli di di kpɔwɔ mąą haláá kulɔ, di hvo tɛɠa kɛ pai nɔi nuą mąą haláá kulɔi. Nwɛi ə gbɔwɔ kulɔ lɔ a haláá tanɔ̨n gbən, gu mąą mɛ̨nį ɓa.