Levetekɔ 5:6 - Yálá laawoo hɛɓɛ (dc)

⁶ Yili pulu, mąąnɛ̨ɛ̨ ə pa a bɔɔŋą pɛli hɛn a ɓɛlaa haa Yai-Laa lííla, awala kɛ tii ɓolu haa, a yili kɛ tii nɛ̨ŋɛ̨n tii ə ɉəɠə mąą hvaalɛɛ mɛ̨nį ɓa. Ɉaláá laa həli mun a nɛ̨ŋɛ̨n mąąhvaalɛɛ kóló kɛ mą.

Yálá laawoo hɛɓɛ

⁶ Yili pulu, mąąnɛ̨ɛ̨ ə pa a bɔɔŋą pɛli hɛn a ɓɛlaa haa Yai-Laa lííla, awala kɛ tii ɓolu haa, a yili kɛ tii nɛ̨ŋɛ̨n tii ə ɉəɠə mąą hvaalɛɛ mɛ̨nį ɓa. Ɉaláá laa həli mun a nɛ̨ŋɛ̨n mąąhvaalɛɛ kóló kɛ mą.

Bible

⁶ é pá a ƃála-sâa kpaa máŋ ƃoli-sâa Yâwɛɛ pɔ́ a ŋɔsɔnyɔ̂ŋ maa sâla sɛŋ. Zâla láa soŋ nuui é ǹúui ŋí ŋɔsɔnyɔ̂ŋ ḿaa sâla kula a m̀álai kpaa m̀ólii ŋí.

Levetekɔ 5:6 Iomraidhean Croise

Izikiɛ 40:39

Bɛlɛ́i tii ɲimɛ̨n mu, taɓali hveelɛ ə kɛ ɓɛ pələ, da ɓɛ pələ; di mɛ̨i ɓə, da Yálá kɔ́ haláá taatɛlɛɛ nwun dee laa, da nɛ̨ŋɛ̨ɲ mąąhvaalɛɛ haláá taatɛlɛɛ, da nu pɔɔ ŋą pɛli haláá nwɛi.

Izikiɛ 42:13

Ɉulɔnui tii yɛ mą́ą́: Bɛlɛ́ yiiɠaai ŋɛ̨i ɲələi pələ, da yiiɠaai ɉɛɠɛɛ pələ di ɲɛ̨i heɛ gwəli hɛ̨ą ɓa, di kaa a kɛnąą mąąhəɠɛɛ, mąąhɔlɔɓo, nąą ɓə ɉaláá laahəli nuąi ŋɛ̨i da lɛɠɛ Yai-Laa ɓa da ɉɛnŋaa mąąhəɠɛɛɠaa mįi laa. Nąą ɓə ɉɛnŋaai kpɔ di mąąhəɠɛɛ kɛnɛ̨, da di hee laa, diɛ ɓaa: Yálá kɔ́ hɛn, nɛ̨ŋɛ̨n mąąhvaalɛɛ haláá hɛn, ɛlɛɛ da nu pɔɔŋa pɛli haláá. Mąąhɔlɔɓo, kɛɛnąą mąąhəɠɛɛ li.

Izikiɛ 44:27

Yili pulu ɲələi a lɔ la gɛɛnąą mąąhəɠɛɛ ɓa ɲįmąn mu bɛlɛ́n bələ, yɛ ɉaláá mɛ̨nį kɛ gɛɛnąą mąąhəɠɛɛ ɓa, a nwɔ nɛ̨ŋɛ̨n mąąhvaalɛɛ haláá kulɔ. Mɛ̨nį kəlee ŋą Hééɓomun Yálá woo li.

Levetekɔ 4:20

Bələi a gɛ la a nɛ̨ŋɛ̨n mąą hvaalɛɛ haláá nįŋɛ̨, bələ lɔ ɓə a gɛ la a niŋɛ̨i tii. Bələ lɔ ɓə a gɛ la a gbɔwɔ nwɛi. Yili ɓa, ɉaláá laa həli mun a gɛ lɔ tii a di wɛi, a kɛ tii, di mąąhvaa a lɛɛ.

Levetekɔ 4:28

nɛ̨ŋɛ̨n tii ə ɉəɠə da nɛ mą, mąąnɛ̨ɛ̨ ə pa a ɓoli haa, kpɛɠii hva kɛ mą, a haláá hɛn, nɛ̨ŋɛ̨n tii ə ɉəɠə mąą mɛ̨nį ɓa.

Levetekɔ 4:31

Ə nwulɔ kɛɛnąąɠaa kəlee kulɔ mą, yɛ bələi da gɛ la a niilaa haláá hɛn. Ɉaláá laa həli mun ə di kələn ɉaláá kulɔ kəhi mɛ̨i, gaa a haláá mąą kun nɛ̨ɛ̨, yɛ Yai-Laa liilaa. Ɉaláá laa həli mun a nɛ̨ŋɛ̨n mąąhvaalɛɛ kólói tii kɛ nɛ̨ŋɛ̨n ɉəɠə mun tii mɛ̨i, mąąhvaa a lɛɛ.

Levetekɔ 4:32

«Akɛ ɓɛlaa ɓə gaa bɔ ə gɛ a nɛ̨ŋɛ̨n mąąhvaalɛɛ haláá hɛn, mąąnɛ̨ɛ̨ ə kɛ a ɓɛlaa haai kpɛɠii hvo kɛ mą.

Levetekɔ 4:35

Ə nwulɔ kɛɛnąą kəlee kulɔ mą, yɛ bələi da gulɔ la liilaa haláá ɓɛlaa ɓa. Ɉaláá laa həli mun ə di kələn ɉaláá kulɔ kəhi mɛ̨i, ɓɛlɛɛ ɉaláá kɔ̨nɔ̨nŋąą diɛ yiiɠaai a Yai-Laa nwɛiɠaai. Ɉaláá laa həli mun a gólói tii kɛ nui a ɉon gɛ mąą mɛ̨nį ɓa, nɛ̨ŋɛ̨n mąą nu ə ɉəɠə mąąhvaa a lɛɛ.

Levetekɔ 6:6

Mąąnɛ̨ɛ̨ hvóló kəlee nwɔ̨n ə kɛ a dɔɔ ɉaláá kulɔi, mąą hvo nɛ̨ɛ̨li hvo luwun.

Lonon mo 6:12

A pənə nwɔ̨nɔ̨ ə gbɔwɔ laakwɛlanmo Yai-Laa ɓa, yɛ bələi ə gɛ la a voló tɔlɔɔ yələi ə gbɔwɔ kwɛlɛ la Yai-Laa ɓa. A pa a kwɛlan dɔ̨nɔ̨ ɓɛlaa lon, a bɔɔŋą pɛli haláá hɛn. Voló yiiɠaa tii laa hva kɛ ɉu, mąąhɔlɔɓo, gbɔwɔ kwɛlɛi ə mo, ə mąą kala.