Levetekɔ 5:3 - Yálá laawoo hɛɓɛ (dc)

³ «Awala kɛ tii, akɛ nu ta a tunwɔ̨n mɛlan nu kan ma yii mąą hvo nɛ̨ɛ̨li di hvo tunwɔ̨n mą nɔwai tii hu; ə kɛ a hɛn nɔpee yii tɔ́n gaa mą yɛ nu mąąliɓi, mąą nu a tunwɔ̨n mą, ɓɛlɔwai a gbaɠala kaa la, a kɛ a hɔn mąą mun.

Yálá laawoo hɛɓɛ

³ «Awala kɛ tii, akɛ nu ta a tunwɔ̨n mɛlan nu kan ma yii mąą hvo nɛ̨ɛ̨li di hvo tunwɔ̨n mą nɔwai tii hu; ə kɛ a hɛn nɔpee yii tɔ́n gaa mą yɛ nu mąąliɓi, mąą nu a tunwɔ̨n mą, ɓɛlɔwai a gbaɠala kaa la, a kɛ a hɔn mąą mun.

Bible

³ Kpaa máŋ à kɛ̀ núu da a lɛ̀ɣɛ núu kponôi sɛŋ da ma nyii maa liƃiɛ̂i Yâwɛɛ ŋɛ́i, berei máŋ è lɛ̀ɛ la ma dɛ̂i perei, tãi nɔ́ maa nuui a gɔ̀lɔŋ lai, gɛ̀ ní a sɔnyɔ̂ŋ kɛ́.

Levetekɔ 5:3 Iomraidhean Croise

Izikiɛ 44:27

Yili pulu ɲələi a lɔ la gɛɛnąą mąąhəɠɛɛ ɓa ɲįmąn mu bɛlɛ́n bələ, yɛ ɉaláá mɛ̨nį kɛ gɛɛnąą mąąhəɠɛɛ ɓa, a nwɔ nɛ̨ŋɛ̨n mąąhvaalɛɛ haláá kulɔ. Mɛ̨nį kəlee ŋą Hééɓomun Yálá woo li.

Levetekɔ 13:3

Ɉaláá laa həli mun a gɔlɔ ɓa ɲɔ̨n tii mąąkpɛɛ, ɓɛi tii ɲɔ̨n gaa laa, mąą nu kɔ́lɔ ɓa ləɠa a kɛ a gwɛlɛɛ laa, akɛ ɲɔ̨n tii a kɛi gɔlɔ woloon mo, a kɛ tii hvólóɲɔ̨n ni; da gaa akɛ a yaa, ɉaláá laa həli mun a kɛ mąą nu ɓa: tɔ́n gaa yɛ́.

Levetekɔ 5:2

«Awala kɛ tii, hɛn tɔ́n gaa mą nuą tɔwɔ, nu ta a tunwɔ̨n mą dɛɠii; yɛi kɛ a lɔwɔ huwɔ yii aa haa gbɔwɔ ɓa bowa, yii mąą hvo nɛ̨ɛ̨li nu hvo tunwɔ̨n mą, yɛ ə kɛ a taatɛlɛɛi haa gbɔwɔ ɓa bowa, yɛ ə kɛ a tala huwɔ ta powa; mąą nu aa gbɔwɔ mąąliɓi, aa ɉɔn gɛ.

Levetekɔ 5:4

«Awala kɛ tii, nu ta a gwɛla dɛɠii, ɛlɛɛ yaan, mąą hvo kɛ nɛ̨ɛ̨li hvo gwɛla; a gwɛla, yɛ ə kɛ a nɛlɛɛ, yɛi ə kɛ a ɲɔ̨nwɔ̨ɔ̨, gwɛla woo tii hva ɉəɠə mą, ɓɛlɔwai a gbaɠala kaa la, a kɛ a hɔn mąą mun.

Levetekɔ 7:21

Nui lɔpee a tunwɔ̨n tɔ́n ɉɛn da ɓa, ə kɛ a taatɛlɛɛ, ə kɛ a nu kan, ə kɛ a huwɔi lɔpee, tɔ́n gaa mą mąąliɓiɛi. Hɛn da naa həli Yai-Laa ɓa, a da mįi, mąąnɛ̨ɛ̨ di mąą nu kulɔ ɲəi bɛlɛ́n nuą lɔwai.»

Lonon mo 19:22

Nui tɔ́n gaa mą a tunwɔ̨n hɛn da ɓa, mąą hɛn yaa kpɛli mąą a liɓi. Ɛlɛɛ nui a tunwɔ̨n ɉɛn tii ɓa, tɔ́n a kɛ mą ə lɛɛ ɉu yələ ə wulu.»