Levetekɔ 5:16 - Yálá laawoo hɛɓɛ (dc)

¹⁶ Yili pulu, bɛlɛ́ mąąhəɠɛɛ mu mɛ̨nįi tii ə bili ɉu, hvo kɛli ə bɔɔ tɛɛ, yɛ ɉɛn tii ɉəən nɔɔli pɛlɛ mą, yɛ dɛɛ ɉaláá laa həli mun bɔ. Ɉaláá laa həli mun a nɛ̨ŋɛ̨n mąą hvaalɛɛ kóló kɛ mą, a bɔɔŋą pɛli haláá, a mɛlaa hilɛi tii, mąąhvaa a lɛɛ.

Yálá laawoo hɛɓɛ

¹⁶ Yili pulu, bɛlɛ́ mąąhəɠɛɛ mu mɛ̨nįi tii ə bili ɉu, hvo kɛli ə bɔɔ tɛɛ, yɛ ɉɛn tii ɉəən nɔɔli pɛlɛ mą, yɛ dɛɛ ɉaláá laa həli mun bɔ. Ɉaláá laa həli mun a nɛ̨ŋɛ̨n mąą hvaalɛɛ kóló kɛ mą, a bɔɔŋą pɛli haláá, a mɛlaa hilɛi tii, mąąhvaa a lɛɛ.

Bible

¹⁶ Fɛ̂ɛ é zɛŋ fela-fei kɛ́ nyii vé dɛ̀ɛ ní zâla láa soŋ nuui pɔ́i. É tela zɔ̃ɔ gbua buu feerɛ láa m̀a. Gɛ̀ ní zâla láa soŋ nuui a pâi nuui ŋɔsɔnyɔ̂ŋ waa m̀a salai kulâi a ƃála. A kɛ̀ tí, ŋɔsɔnyɔ̂ŋ su mɛni a pâi lɛɛ̂i.

Levetekɔ 5:16 Iomraidhean Croise

Mąątɛ̨nɛ̨ 69:4

Ŋą́ą́ tomą vį́i aa kpɛɛ, gwą́ną́ ɲąą aa nwąną. Ɲɛ̨́ilon ɉu aa haa, a lamui ŋą́ą́ mo nwɔ́ Yálá mąąkpɔn ɉii.

Lɛɛ gbɔwɔ ɓa 22:1

«‹Nwuɔ̨mun a lɛɛ pɛlɛ́ wolo ɓɔi mą a kpinį, da gɛlɛ, a haa, mąą hvo nɛ̨ɛ̨li di hvo gwələ kulɔ.

Levetekɔ 22:14

Nui a ɉɛn mąą həɠɛɛ ta mįi dɛɠii, mąąnɛ̨ɛ̨ ə bɔɔi tɛɛ ɉaláá laa həli mun bɔ ə da pɛlɛ kpɔ hɔlɔmun mą.

Levetekɔ 27:13

Da kɛ bɔ di mąąɓo, da ɉɔ̨nwɔ̨i tii ɉeei kɛ lɔɔli di dɛɛ.

Levetekɔ 27:15

Nui nwɔ pɛ́lɛ́i laakwɛlanmo, akɛ bɔ ə mąąɓo, a ɉɔ̨nwɔ̨ tii ɉee kɛ lɔɔli ə dɛɛ; bɛlɛ́ ə lɛɛ a nwɔɔ.

Levetekɔ 27:27

Akɛ a taatɛlɛɛi tɔ́n gaa mą, da mąąɓo, di ɉɔ̨nwɔ̨ heei lɔɔli nąą kulɔ di bɛlɛ mą; da wala mąąɓo, mąąnɛ̨ɛ̨ di nɔwɔtɔɔ yɛ bələi da ɉɔ̨nwɔ̨ laa ɓo la.

Levetekɔ 27:31

Nu ta akɛ bɔ ə nwɔ hɛn bow nąą da mąąɓo, da ɉɔ̨nwɔ̨ heei kɛ lɔɔli ə gulɔ.

Levetekɔ 4:20

Bələi a gɛ la a nɛ̨ŋɛ̨n mąą hvaalɛɛ haláá nįŋɛ̨, bələ lɔ ɓə a gɛ la a niŋɛ̨i tii. Bələ lɔ ɓə a gɛ la a gbɔwɔ nwɛi. Yili ɓa, ɉaláá laa həli mun a gɛ lɔ tii a di wɛi, a kɛ tii, di mąąhvaa a lɛɛ.

Levetekɔ 4:26

Ə ɉuwɔ wulɔɠaa kəlee kələn ɉaláá kulɔ kəhi mɛ̨i, yɛ bələi da gɛ la a liilaa haláá. Ɉaláá laa həli mun a nɛ̨ŋɛ̨n mąą hvaalɛɛ kóló kɛ nuą ɲɛ̨itɔwɔ mun ma, mąąhvaa a lɛɛ.

Levetekɔ 5:10

A veelɛnąą kɛ a haláá hɛn da gələə kələn, yɛ bələi mąą tɔ́n gaa la. Ɉaláá laa həli mun a nui tii nwɔ nɛ̨ŋɛ̨n ə ɉəɠə, mąąhvaalɛɛ kóló kɛ, mąąhvaa a lɛɛ.

Levetekɔ 5:13

Ɉaláá laa həli mun a nɛ̨ŋɛ̨n mąąhvaalɛɛ kóló kɛ, nɛ̨ŋɛ̨n nu a ɉəɠə mɛ̨nįɠaai tii ta hu, mąą nu mąąhvaa a lɛɛ. Ɉaláá laa həli mun a mɛ̨nįɠaai tii kɛ yɛ bələi da ɉihɛn ɉaláá kulɔ la Yálá ɓa.»

Levetekɔ 5:6

Yili pulu, mąąnɛ̨ɛ̨ ə pa a bɔɔŋą pɛli hɛn a ɓɛlaa haa Yai-Laa lííla, awala kɛ tii ɓolu haa, a yili kɛ tii nɛ̨ŋɛ̨n tii ə ɉəɠə mąą hvaalɛɛ mɛ̨nį ɓa. Ɉaláá laa həli mun a nɛ̨ŋɛ̨n mąąhvaalɛɛ kóló kɛ mą.

Levetekɔ 7:2

Haláá taatɛlɛɛi da gələn, ɓɛi da nwun dee laa, nąą ɓə da nu pɔɔŋą pɛli haláá taatɛlɛɛ nwun dee laa, yili pulu, ɉaláá laa həli mun ə ɲąmą ta taɠa ɉaláá kulɔi koo ɓa nąą kəlee.

Lonon mo 5:7

Nɛ̨ŋɛ̨n nu a ɉəɠə, mąąnɛ̨ɛ̨ ə hvaa mą. Nui ɉɔn gɛ, ɉɛn ə mɛlan vulu la, a ɲąą pɛliɛ tɛɛ bɔ, ə ɉɛn tii ɉɔ̨nwɔ̨ heei lɔɔli dɔ̨nɔ̨ pɛlɛ mą.

Lonon mo 5:8

Nui di vulu, gaayɔwɔ ta a wala kɛ laa, ɉɛn di vulu ɉu diɛ bɔɔ tɛɛ, mąąnɛ̨ɛ̨ di dɛɛ Yai-Laa pɔ, ya ɓaa ɉaláá laa həli mun, bɛlɛɛ nu pɔɔŋą pɛli ɓɛlaa hilɛ ɓa, ya ɓə da nɛ̨ŋɛ̨n mąąhvaalɛɛ kóló kɛ la nui ɉɔn gɛ mɛ̨i.

Lukə 19:8

Zase ə́ muhəɠə yɛ Ną́mu Jesus ɓa: «Ną́mu! Gáá ɲə́i hɛn gɔw bələ tɔ̨nɔ̨ tɛɛi yeehvowolo nuą pɔ, ɛlɛɛ, akɛ ŋą nu ta hulu, ŋą hɛn gulɔ ɲəi, ŋą bɔɔi tɛɛ mąą nu pɔ gee mɛ̨i nąąn.»

Gɛlaɠaa 26:20

Kɛlaa yaamun, ŋį́ gbɛa tɔlɔɔ Damasə nuą diɛ, yili pulu, Ɉerusalɛmə daai, da Ɉude lɔi hu nuą, ə mą kɛ, lɔi takpɛliɠaa hu nuą. Gɛ́ kɛ diɛ: 'Hvo kɛli da di hɔn mąą pənə, di di ɲɛ̨i tínɛ̨n Yálá pɔ pələ, da di kili mąą hvalin, diɛ túwɔ́ a nąą mąą hon bələ.

Samuɛlə dɔlɔɔ 6:3

Ɉaláá laa həli nuą diɛ diɛ: «Ka kɛ bɔ ka Yálá nwɔ kəhii pənə ka dɛɛ ɓɛi ə həɠə laa, ka hvo dɛɛ lɔ tii kpɛli-kpɛli, kɛlaa, mąąnɛ̨ɛ̨ ka ká pɔɔ ŋą pɛli haláá kulɔ mąą mɛ̨nį hu, ə gɛ ka nwun mąą ə ɓo, ɛlɛɛ, mɛ̨nįi kɛi gɛ yɛ mɛ̨nį ɲąąnwąnąą laa kaa, ka pɛli kɔ́lɔn ɉii.»