Levetekɔ 5:15 - Yálá laawoo hɛɓɛ (dc)

¹⁵ «Nu ta a Yálá laa kala nɛ̨ŋɛ̨n ɉəɠə dɛɠii, yɛ Yai-Laa kɔ́ a ɲɔ̨nwɔ̨ɔ̨; mąąnɛ̨ɛ̨ ə pa a bɔɔŋą pɛli hɛn a ɓɛlaa hilɛi kpɛɠii hvo mą, ə ɉəɠə nwɔ taatɛlɛɛ kpulu hu, diɛ ɉɔ̨nwɔ̨ laa ɓo a wali, yɛ bələi bɛlɛ́ mąąhəɠɛɛ mu wali kaa la, ə naa həli a bɔɔŋą pɛli haláá.

Yálá laawoo hɛɓɛ

¹⁵ «Nu ta a Yálá laa kala nɛ̨ŋɛ̨n ɉəɠə dɛɠii, yɛ Yai-Laa kɔ́ a ɲɔ̨nwɔ̨ɔ̨; mąąnɛ̨ɛ̨ ə pa a bɔɔŋą pɛli hɛn a ɓɛlaa hilɛi kpɛɠii hvo mą, ə ɉəɠə nwɔ taatɛlɛɛ kpulu hu, diɛ ɉɔ̨nwɔ̨ laa ɓo a wali, yɛ bələi bɛlɛ́ mąąhəɠɛɛ mu wali kaa la, ə naa həli a bɔɔŋą pɛli haláá.

Bible

¹⁵ À kɛ̀ núu da a Yâwɛɛ ŋɔtɔ̂ŋ-ŋai da kàra dɛ̂i pere nyaŋ vé sama-sɛŋ maa waa tɛɛ ní nyii maa nɛ̃ɛi é dɛɛi, fɛ̂ɛ maa ǹúui é pá a ƃála-siɣɛ kpaa máŋ ƃoli-siɣɛ nyii pɔɔ́ fé mai. Daa-tulɛi ŋí bâa tée Ŋ̀âla-pɛrɛ Kɛ́tɛi ŋɔtɔ̂ŋ lá-wooi ma.

Levetekɔ 5:15 Iomraidhean Croise

Tɔɔɓɛlaa veelɛ 12:16

Nuąi di kɛi nwaliɠaa tɛɛ di pɔ, góló kɛ nuą hvɛla kulɔ mɛ̨nį ɓa, di hvo kɛi di mąąni kɛ nwali mɛ̨nį hu, mąąhɔlɔɓo, di kɛi ɉon a nɛlɛɛ.

Ɛsdrasə 10:19

di di kwɛla diɛ di kaa di yee kulɔi di wɔ nwɛ̨ą nɛ̨ąąi hu, di ɓɛlaa hilɛ kulɔ a haláá di wɔ nɛ̨ŋɛ̨nŋąą mąą hvaalɛɛ mɛ̨nį ɓa.

Lɛɛ gbɔwɔ ɓa 30:13

Wali lɔɔli, yɛ bələi gaa la Yálá hee pɛlɛ́ mu, a wali leelee, ya ɓə nui lɔpee di kaa pai nonon ɉii a gulɔ, a wali kɔ́w lɔɔli a nįįhɔ̨nwɔ̨, a Yai-Laa nwɔɔ.

Izikiɛ 40:39

Bɛlɛ́i tii ɲimɛ̨n mu, taɓali hveelɛ ə kɛ ɓɛ pələ, da ɓɛ pələ; di mɛ̨i ɓə, da Yálá kɔ́ haláá taatɛlɛɛ nwun dee laa, da nɛ̨ŋɛ̨ɲ mąąhvaalɛɛ haláá taatɛlɛɛ, da nu pɔɔ ŋą pɛli haláá nwɛi.

Levetekɔ 1:10

«Akɛ, taatɛlɛɛ pɛlɛɛ ta ɓə di paa la a Yálá kɔ́ hɛn, diɛ gəlee kələn, ə kɛ a ɓɛlaa, ə kɛ a ɓolu, mąąnɛ̨ɛ̨ ə kɛ a ɉilɛ, nąą ta hvo kɛ mą.

Levetekɔ 1:3

«Akɛ nwɔ haláái kaa a haláá hɛn da gəlee kələn, ə kɛ a nįŋɛ̨ hilɛ, nąą ta hvo kɛ mą. Ə paa la gee kaa kələ laaləi, ə gɛ, Yai-Laa ə ɲee hee mu.

Levetekɔ 14:12

Ɉaláá laa həli mun a mɛlaa hilɛ lon dɔ̨nɔ̨ həɠə, ə naa həli a nu pɔɔŋą pɛli haláá, ə wulɔ kəɠən gbulɔ pɛlɛ mą; Ə di lɛ Yai-Laa ɓa a naa həli pələ, a di laa həli pələ pɔlɔ.

Levetekɔ 27:3

«Akɛ a hulɔnu, ə həɠə kwɛlan bow hveelɛ ɓa, ə həli pow mɛ̨ida ɓa, mąąnɛ̨ɛ̨ di wali kwələ pow lɔɔli tɛɛ, yii gaa a bɛlɛ́ mąąhəɠɛɛ mu wali kɛ pələ.

Levetekɔ 4:2

«Mɛ̨nįi ŋɛ̨i ɓo Israɛlə lonnii diɛ, yɛ́ diɛ: «Nu ta a nɛ̨ŋɛ̨n ɉəɠə dɛɠii pələ, dɔ́nŋąąi Yai-Laa ə naa, mąą nu yɛ mąą kala, mɛ̨nįɠaai tɔ́n gaa mą, yɛ da kɛ,

Levetekɔ 5:14

Yai-Laa yɛ Moisə ɓa:

Levetekɔ 5:16

Yili pulu, bɛlɛ́ mąąhəɠɛɛ mu mɛ̨nįi tii ə bili ɉu, hvo kɛli ə bɔɔ tɛɛ, yɛ ɉɛn tii ɉəən nɔɔli pɛlɛ mą, yɛ dɛɛ ɉaláá laa həli mun bɔ. Ɉaláá laa həli mun a nɛ̨ŋɛ̨n mąą hvaalɛɛ kóló kɛ mą, a bɔɔŋą pɛli haláá, a mɛlaa hilɛi tii, mąąhvaa a lɛɛ.

Levetekɔ 5:18

mąąnɛ̨ɛ̨ ə pa a ɓɛlaa hilɛ ɉaláá laa həli mun bɔ, kpɛɠii hvo kɛ mą, a ɉəɠə nwɔ taatɛlɛɛ kpulu hu, ɉɔ̨nwɔ̨ yɛ həli nu pɔɔŋą pɛli haláá wali hu. Nɛ̨ŋɛ̨n tii mąą nu ə ɉəɠə gbaɠala hvo kɛ mą, ɉaláá laa həli mun a mąąhvaalɛɛ kóló kɛ mɛ̨i, nɛ̨ŋɛ̨n tii ə kulɔ mą.

Levetekɔ 6:6

Mąąnɛ̨ɛ̨ hvóló kəlee nwɔ̨n ə kɛ a dɔɔ ɉaláá kulɔi, mąą hvo nɛ̨ɛ̨li hvo luwun.

Levetekɔ 7:1

«Nu pɔɔŋą pɛli Haláá kulɔ pələ ka: Ɉaláá yili kaa a hɛn mąąhəɠɛɛ.

Levetekɔ 7:6

Hinąą yiiɠaai di kaa ɉaláá kulɔ nuą yəi bɛlɛ́n, da pɛli di ɉuwɔi tii ta mį́i; da mįi kɛɛnąą mąąhəɠɛɛ ɓa. Yili kaa a hɛn mąąhəɠɛɛ kpɔ kpąą.

Lonon mo 15:24

nui a da mąą kala nɔi lonnii tɛɠii, nɔi lonnii kəlee da nįŋɛ̨ hilɛ tɔ̨nɔ̨ kulɔ Yai-Laa ɓa a haláá hɛn da gəlee kələn, mąą kun nɛ̨ɛ̨, da ɉaláá yiiɠaai tii da gɔ́ hɛnŋąą pɛlɛ mą, yɛ bələi gɛ pələ pɔlɔ kaa la. Di ɓooli tɔ̨nɔ̨ kɛ a nɛ̨ŋɛ̨n mąąhvaalɛɛ hɛn.

Lonon mo 5:5

Yai-Laa yɛ Moisə ɓa:

Lonon mo 5:8

Nui di vulu, gaayɔwɔ ta a wala kɛ laa, ɉɛn di vulu ɉu diɛ bɔɔ tɛɛ, mąąnɛ̨ɛ̨ di dɛɛ Yai-Laa pɔ, ya ɓaa ɉaláá laa həli mun, bɛlɛɛ nu pɔɔŋą pɛli ɓɛlaa hilɛ ɓa, ya ɓə da nɛ̨ŋɛ̨n mąąhvaalɛɛ kóló kɛ la nui ɉɔn gɛ mɛ̨i.

Dutɛrɔnome 12:26

Ɉɛnŋąąi lɔ mąąnɛ̨ɛ̨ ka pa paa diɛ gɛɛnąąi Yai-Laa kaa pai ɲee kpuwɔ lɛi mą, diɛ ɓaa a: ɉɛnŋąąi ka naakwɛlan mo Yálá ɓa, da ka wɔ Yálá kɔ́ hɛnŋąą.

Samuɛlə dɔlɔɔ 6:3

Ɉaláá laa həli nuą diɛ diɛ: «Ka kɛ bɔ ka Yálá nwɔ kəhii pənə ka dɛɛ ɓɛi ə həɠə laa, ka hvo dɛɛ lɔ tii kpɛli-kpɛli, kɛlaa, mąąnɛ̨ɛ̨ ka ká pɔɔ ŋą pɛli haláá kulɔ mąą mɛ̨nį hu, ə gɛ ka nwun mąą ə ɓo, ɛlɛɛ, mɛ̨nįi kɛi gɛ yɛ mɛ̨nį ɲąąnwąnąą laa kaa, ka pɛli kɔ́lɔn ɉii.»