Levetekɔ 5:1 - Yálá laawoo hɛɓɛ (dc)

¹ «Nɛ̨ŋɛ̨n ɉəɠə pələ takpɛli ka nwɔ̨nɔ̨: Akɛ mɛ̨nį ta a tɛɛ taa ta hu, di nuą təli gɛla hvaa ɓo mɛ̨nį ɓa, nui mɛ̨nįi tii hukɔlɔn a wala gɛ hvo pa hvo gɛla hvaa ɓo, aa nɛ̨ŋɛ̨n tii wulu lɛɛ nwuɔ̨.

Yálá laawoo hɛɓɛ

¹ «Nɛ̨ŋɛ̨n ɉəɠə pələ takpɛli ka nwɔ̨nɔ̨: Akɛ mɛ̨nį ta a tɛɛ taa ta hu, di nuą təli gɛla hvaa ɓo mɛ̨nį ɓa, nui mɛ̨nįi tii hukɔlɔn a wala gɛ hvo pa hvo gɛla hvaa ɓo, aa nɛ̨ŋɛ̨n tii wulu lɛɛ nwuɔ̨.

Bible

¹ À kɛ̀ da núu da tòli a gɛɛ é sêre faa kɛ́ mɛni ma nyii è gàa gɛ̀ ƃò a gɔ́lɔŋɔɔi, à wàla maa sêre faai kɛ́, gɛ̀ ní fɛ̂ɛ dí maa nuui tí kula maa kɛ́.

Levetekɔ 5:1 Iomraidhean Croise

Tɔɔɓɛlaa dɔlɔɔ 22:16

Kɛlaa, tɔɔmun yɛ Mise ɓa: «Ə́ kaa bɔ ŋį́ kɛ yɛ́ ə́ kwɛla gee mɛ̨i yɛli Yai-Laa ɲɛ̨i ɓa, ə gɛ, ə́ tɛ̨ą ɓo mą́ą́?»

Tɔɔɓɛlaa dɔlɔɔ 8:31

«Akɛ nu ta a mɛ̨nį ɲɔ̨n gɛ a mɛlan, yili yɛ mą: ‹Ə́ kwɛla›, ə gwɛla a ə́ wɔ haláá kulɔi ŋɛ̨i ɓa bɛlɛn;

Kɔlɔnikɔ Veerɛi 18:15

Tɔɔmun Akabə yɛ mą: «Ə́ kaa bɔ ŋį́ kɛ yɛ́ tɛ̨ąą ɓo mą́ą́, Yai-Laa laa hu gee mɛ̨i yɛli?»

Mąątɛ̨nɛ̨ 38:4

Ə́ wɔ líiholii aa kulɔ ną́ą́ kəlee, aa gbóną. A tɛ̨ą, gɔ́w kəlee kponąąi ɉú, a gɛ́ nɛ̨ŋɛ̨n naa pɔɔ!

Lɛɛ gbɔwɔ ɓa 22:11

Kɛlaa, akɛ di nwuɔ̨ gwɛlɛ, a daatɛlɛɛ bɔɔi tɛɛ nąmu pɔ.

Hanwon 29:24

Nui da nwuɔ̨mun da nwuɔ̨ hɛn ɲąąkwɛlɛ, a gbɔwɔ ɓɛlɛkpɛɛ gwəi, a nwuɔ̨ lolo woo mɛ̨n, hva pɛli nwuɔ̨mun nąą lɛ.

Hanwon 30:9

Hvó gaai, ŋą́ pilɛ hɛn gɔw hu kɛnɛ̨, və́ lənə Yɛ́, gɛ́ kɛ mą: «Gbɛɛ ɓaa Yai-Laa?» A wala kɛ tii, ɲéé la a tee, və́ pa nwuɔ̨ kɛ, və́ ɓɛlɛkpɛɛ nwɔ́ Yálá ə́ laa ɓa.

Azaya 53:11

Mɔ̨nɔ̨i tii laa mɛ̨i mąą mɛ̨nį ɓa gaa pai kɛɛpono kaai, ɛlɛɛ yɛ lamu la yɛnɛ̨ɛ̨, yai tii gɔlɔn ŋąą a təlimo mun, gaa pai nuą kɛi a təlimonuą, yai tii a nwɔ́ tí mun, nu kpulu kɛnɛ̨ɛ̨ yɛ dɔ̨nɔ̨ hɔlɔɓo, mąąhɔlɔɓo, ə nwun ɉee di wɔ kwɛli tee laa kəlee mu.

Ɉeremi 23:10

Di kəlee di kaa a wɛli hon nuą nɔi tii hu, nɔi kaa haa wɔlɔ ɓoi, diɛ nɛ̨ŋɛ̨n naa kɛ, gala tɛlinŋaa daa kpala gbomoi, mɛ̨nį ɲɔ̨n mə da mąą gilɛ həɠə, hulu mɛ̨nį ɓə di hvaŋąlɔɔ mą diɛ gɛ.

Izikiɛ 18:20

Nui a nɛ̨ŋɛ̨n ɉəɠə, mąą nu ɓə a haa; lon və pai nąn nwɔ nɛ̨ŋɛ̨n ɉu mɔ̨nɔ̨ mįi; lon ga nąn və pai non nwɔ nɛ̨ŋɛ̨n ɉu mɔ̨nɔ̨ mįi. Tələnmomun nwɔ tələnmolaa a lɛɛ nwuɔ̨, nu ɲɔ̨nwɔ̨ɔ̨ nwɔ kili ɲɔ̨nwɔ̨ɔ̨ wulu yɛ lɛɛ nwuɔ̨.

Izikiɛ 18:4

A tɛ̨ą, ɉɛnŋaai kpɔ da nɔ̨ɔ̨, bɔ́ɔ́ ɓaa gəlee. Lon gaa nąn da non di wɔ yɛnɛ̨ɛ̨; gəlee hveelɛi kaa a bɔ́ɔ́. Nui a nɛ̨ŋɛ̨n ɉəɠə, ya ɓə a ɉu haa ɓo.

Levetekɔ 17:16

A wala nii mąą həɠə waa, hvo gbinį waa, nɛ̨ŋɛ̨n gaa mą.»

Levetekɔ 19:8

Nui a ɉuwɔi tii ta mįi, aa nɛ̨ŋɛ̨n ɉəɠə, mąąhɔlɔɓo, ɉɛn kɛ a Yai-Laa nwɔɔ, aa mɛlɛkpɛɛ mą. Mąąnɛ̨ɛ̨ di mąą nu kulɔ mɛlaa lɔwai.

Levetekɔ 20:17

«Hulɔnu a mąąhala kɛ a nɛ̨ą, di ɓo nąn ɓa, a wala kɛ tii di ɓo lee ɓa; diɛ di kee kpuwulu kaa; nwumɛ̨ mɛ̨nį li, mąąnɛ̨ɛ̨ di di lɛɛ di tɔ̨nɔ̨ kon ɉu di wɔ lɔi hu nuą ɲɛ̨i ɓa, mąąhala kpuwulu mɛ̨i həɠəi ə mo, yili a kɛ nwuɔ̨ a nɛ̨ŋɛ̨n.

Levetekɔ 4:2

«Mɛ̨nįi ŋɛ̨i ɓo Israɛlə lonnii diɛ, yɛ́ diɛ: «Nu ta a nɛ̨ŋɛ̨n ɉəɠə dɛɠii pələ, dɔ́nŋąąi Yai-Laa ə naa, mąą nu yɛ mąą kala, mɛ̨nįɠaai tɔ́n gaa mą, yɛ da kɛ,

Levetekɔ 5:15

«Nu ta a Yálá laa kala nɛ̨ŋɛ̨n ɉəɠə dɛɠii, yɛ Yai-Laa kɔ́ a ɲɔ̨nwɔ̨ɔ̨; mąąnɛ̨ɛ̨ ə pa a bɔɔŋą pɛli hɛn a ɓɛlaa hilɛi kpɛɠii hvo mą, ə ɉəɠə nwɔ taatɛlɛɛ kpulu hu, diɛ ɉɔ̨nwɔ̨ laa ɓo a wali, yɛ bələi bɛlɛ́ mąąhəɠɛɛ mu wali kaa la, ə naa həli a bɔɔŋą pɛli haláá.

Levetekɔ 5:17

«Nu ta a nɛ̨ŋɛ̨n ɉəɠə, yɛ Yai-Laa nwɔ tiɓo ta kala dɛɠii pələ yɛ ɉɔn gɛ la tii, yɛ nɛ̨ŋɛ̨n nɛ̨ɛ̨ la gbɔwɔ nwuɔ̨,

Levetekɔ 7:18

Mąąhɔlɔɓo, da liilaa haláá ɉuwɔ ta mį́i a voló ɉaaɓa nąą, nui ɉaláá laa həli, ɉaláá hva pɛli Yálá lii hon ɉii. Ɉaláá a lɛɛ a kpɛli, huwɔ kalaa li. Nui lɔpee a da mįi, aa nɛ̨ŋɛ̨n ɉəɠə.

Lonon mo 9:13

Kɛlaa, akɛ tɔ́n a wala kɛ nu ta ɓa a mɛ̨nį ta mąą mɛ̨nį, hvo nwɔ̨nɔ̨ hiɛ ɓa, a pakə hɛli mąą mɛ̨nį viikpɛɛ kulɔ, mąą nui tii, ɓə da gulɔ nwɔ nuą lɔwai, pai tii hvo mo li a nwɔ kɔ́ɓo hɛn Yai-Laa pɔ a guui tii di dɔɔi. Mąą nu nwɔ nɛ̨ŋɛ̨n nwulu a lɛɛ gbɔwɔ nwuɔ̨.

Maafîu 26:63

Kɛlaa, Jesus hvo hvaa. Yili pulu, Ɉaláá laa həli nuą nwun nąmu yɛ Jesus ɓa: «Gáá ə́ mąąni kɛi, Yálá ɲɛ̨i ɓa, ku woo ŋąąpənə a tɛ̨ą. Akɛti, Nwun mąąɓomun Yálá ə naakwɛlanmo yii gaa a Yálá Lon, ya ɓaa yɛ́?»

Piɛrə dɔlɔɔ 2:24

yaa tii ɓə gu wɔɔ nɛ̨ŋɛ̨nŋaa həɠə gbɔwɔ kɔlɔ hu, ə haa la wulu ɓa, əgɛ, gu haai gu mo wɔɔ nɛ̨ŋɛ̨nŋaa diɛ, gu yɛnɛ̨ɛ̨ kɛ tələnmolaa yee kɔnma; yaa tii, mąą nwąnąi di mo, yili ɓə a gu ɓalo.

Nwun mąąɓo 17:2

Yələ ta, Mika yɛ nee ɓa: «Ɓɛlɔwai di ə́ wɔ wali kwələ waa tɔ̨nɔ̨ pulu nwun-dɔnɔi nwuɔ̨ la, yɛ́ nwuɔ̨mun nɛ̨ŋɛ̨n naa, ə́ kili kaa ɉu, ŋą́ kɛ laa, ɲą́ą́ ɓə ɉəɠə.» Ya ɓə, nee yɛ mą: «Nón, gɛ Yai-Laa ə́ lúwɔ́ too yɛ́.»