Levetekɔ 4:6 - Yálá laawoo hɛɓɛ (dc)

⁶ ə ɲee kpiɛ lɔ ɲąmą hu, ə daɠa gee mɛ̨i mɛ̨ihveelɛ ɉəɠə ɓɛla tii bɛlɛ́ mąąhəɠɛɛ laaləi mą, Yai-Laa lííla.

Yálá laawoo hɛɓɛ

⁶ ə ɲee kpiɛ lɔ ɲąmą hu, ə daɠa gee mɛ̨i mɛ̨ihveelɛ ɉəɠə ɓɛla tii bɛlɛ́ mąąhəɠɛɛ laaləi mą, Yai-Laa lííla.

Bible

⁶ Zâla láa soŋ nuui é ǹyée gbua lɔ́ ŋãai sú é gbɛ́mɛŋ gwaa ma Waa Maa Waai ḿa ŋɛ́i-tuɛ seɣei ŋɛ́i-tuɛ gîei lɔ́ɔlu mɛi feerɛ.

Levetekɔ 4:6 Iomraidhean Croise

Lɛɛ gbɔwɔ ɓa 40:21

Ə li, ə gəhi hee bɛlɛ́ mąąhəɠɛɛ mu, ə ɉəɠə ɓɛla hɛlɛn dɔwɔ pələ, yɛ pələi Yai-Laa ə dí la.

Lɛɛ gbɔwɔ ɓa 40:26

Ɉaláá kəhii ti a ɉɛni, ə́ ɉee gee kaa kələ mu, ɉəɠə ɓɛla ɲɛ̨i tɔwɔ.

Levetekɔ 14:16

ə mamįiyee kpiɛ bələ kəleen nɔ nwulɔi tii gɔɓɛ yee ɲą ɉu, ə nwulɔ taɠa a ɲeekpiɛ Yai-Laa lííla gee mɛ̨i mɛ̨ihveelɛ.

Levetekɔ 14:18

Nwulɔ kpəlii a lɛɛ ɉaláá laa həli mun ɲee ɲą, a nɔ nui di mąą həɠəi nwun ma; a gɛ tii, nɛ̨ŋɛ̨n mąą hvaalɛɛ kóló ka tii aa gɛ nui tii ɓa Yai-Laa lííla.

Levetekɔ 14:27

Ɉaláá laa həli mun ə gɔɓɛ yee ɲą wulɔi tii ta taɠa gee mɛ̨i mɛ̨ihveelɛ a mamįiyee kpiɛ bələ kəleen, Yai-Laa lííla.

Levetekɔ 14:7

Yili pulu, nui ŋɛ̨i mąąnɛ̨ɛ̨ di mąą waa volóɲɔ̨n ɲəi, di da kpɛŋɛn mą, gee mɛ̨i mɛ̨ihveelɛ. Ə mo kɛa yɛ diɛ tɔ́n və mą, ə ɓo nwɛ̨ni hului tii ɓa ə li.

Levetekɔ 16:14

Ə ɲee lɔ nįŋɛ̨ ɲąmąi tii hu, ə daɠa gəhi laa kalan mɛ̨i voló həɠəi pələ da gəhi laa kalan ɲɛ̨i tɔwɔ pələ gee mɛ̨i mɛ̨ihveelɛ.

Levetekɔ 16:19

A ɲąmą ta taɠa a ɲeekpiɛ ɉaláá kulɔi kəhi mɛ̨i gee mɛ̨i mɛ̨ihveelɛ, yɛ nąą mąąhəɠə la Israɛlə lonnii di wɔ nɛ̨ŋɛ̨n di ɉəɠə mąą mɛ̨nį ɓa.

Levetekɔ 25:8

«Ka hvįįtɔɔ hvóló lonon mɛ̨ihveelɛ, kwɛlan ba pələ tɛitɛi, ka gwɛlan mɛ̨ihveelɛi tii heei kɛ mɛ̨ihveelɛ. A kɛ tii kwɛlan bow nąąn kɔ́w mɛ̨inąąn ga tii.

Levetekɔ 26:18

«Yili a kɛ tii, ka wala nwɔ̨nɔ̨ ka wəli tɔɔ mą́ą́, ŋą́ ka wɔ nɛ̨ŋɛ̨nŋąą mąą kwələ kulɔ kaa geemɛ̨i mɛ̨ihveelɛ.

Levetekɔ 26:24

ɲą́ą́ gbɛli mąn, ŋą́ tɔɔ ka la, gɛ́ ka kɛlɛ gee mɛ̨i mɛ̨ihveelɛ ka wɔ nɛ̨ŋɛ̨nŋąąi mąą mɛ̨nį ɓa.

Levetekɔ 26:28

ŋą́ tɔɔ ka la a liiholi kɛnɛ̨, ɲą́ą́ gbinįi gɛ́ ka hutɔɔ gee mɛ̨i mɛ̨ihveelɛ, ka wɔ nɛ̨ŋɛ̨nŋąąi mąą mɛ̨nį ɓa.

Levetekɔ 4:17

Ɉaláá laa həli mun a ɲeekpuɔ lɔ ɲąmąi tii hu, ɛlɛɛ, ə daɠa gee mɛ̨i mɛ̨ihveelɛ ɉəɠə ɓɛla ɓa Yai-Laa lííla.

Levetekɔ 4:25

Ɉaláá laa həli mun a ɉaláá taatɛlɛɛi tii ɲąmą həɠə a ɲee kpuɔ, ə nɔ ɉaláá kulɔ kəhi mįnɛ̨ɠaa diɛ, yili pulu, ə ɲąmą kpəli pu ɉaláá kulɔ kəhi kɔ́wɔ mu.

Levetekɔ 4:30

Ɉaláá laa həli mun ə ɲąmą ta həɠə a ɲee kpuɔ, ə ɉiɛ ɉaláá kulɔi mįnɛ̨ɠaa diɛ; Yili pulu, ə ɲąmą kpəli kəlee pu ɉaláá kulɔi gɔwɔ mu.

Levetekɔ 4:34

Ɉaláá laa həli mun a daatɛlɛɛ ɲąmą ta həɠə a ɲee kpuɔ, ə ɉiɛ ɉaláá kulɔi mįnɛ̨ɠaa diɛ. Ə ɲąmą kpəli kəlee pu ɉaláá kulɔi kɔ́wɔ mu.

Levetekɔ 8:11

Ə da taɠa ɉaláá kulɔi ɓa gee hu mɛ̨ihveelɛ, ə da lɔ ɉaláá kulɔi ɓa, da gwɛlɛ hɛnŋąą kəlee, da ɲa pu hɛn, da ɉɛn tii ɉeɛ mɛ̨i, yɛ yili kɛ tii a Yálá nwɔ kóló kɛ hɛnŋąą.

Levetekɔ 8:15

Moisə ə nwun dee, ə ɲąmą həɠə, ə da lɔ ɉaláá kulɔi ɓa a ɲeekpiɛ,

Levetekɔ 9:9

Aarɔn lonnii di ɲąmą tɛɛ bɔ, ə ɲeekpiɛ lɔ ɉu, ə ɉiɛ ɉaláá tabali mįnɛ̨ɠaa diɛ, ə gbəli pu ɉaláá kulɔ kəhi kɔ́wɔ mu.

Lonon mo 19:4

Ɉaláá laa həli mun a nįŋɛ̨ haai tii ɲąmą ta həɠə a ɲee kpuɔ, ə daɠaa gee kaa kələ ɲɛ̨i lɛlɛi ɓa pələ gee mɛ̨i mɛ̨ihveelɛ.

Zasua 6:4

Ɉaláá laa həli nuą mɛ̨ihveelɛ, di kaa pai kɛi mįnɛ̨ kəhi tɔwɔ, ɓɛlaa mįnɛ̨ mɛ̨ihveelɛ ə ɓo di yəi. Voló mɛ̨ihveelɛ yələ, ka daa mąątinɛ̨n gee mɛ̨i mɛ̨ihveelɛ, ɉaláá laa həli nuą da mɛlaa mįnɛ̨ tulu hvɛɛ.

Zasua 6:8

Mɛ̨nį kəlee ə kɛ kpɔlɔɔ yɛ bələi Ɉosue ə mo la nuą diɛ. Ɉaláá laa həli nuą mɛ̨ihveelɛi tii mɛlaa mįnɛ̨ kaa di yəi, di tɛɛ Yai-Laa nwɔ mįnɛ̨ kəhi dɔwɔ, diɛ mɛlaa mįnɛ̨ hvɛɛ, Yai-Laa nwɔ kon ə ɓo di pulu.