Levetekɔ 4:35 - Yálá laawoo hɛɓɛ (dc)

³⁵ Ə nwulɔ kɛɛnąą kəlee kulɔ mą, yɛ bələi da gulɔ la liilaa haláá ɓɛlaa ɓa. Ɉaláá laa həli mun ə di kələn ɉaláá kulɔ kəhi mɛ̨i, ɓɛlɛɛ ɉaláá kɔ̨nɔ̨nŋąą diɛ yiiɠaai a Yai-Laa nwɛiɠaai. Ɉaláá laa həli mun a gólói tii kɛ nui a ɉon gɛ mąą mɛ̨nį ɓa, nɛ̨ŋɛ̨n mąą nu ə ɉəɠə mąąhvaa a lɛɛ.

Yálá laawoo hɛɓɛ

³⁵ Ə nwulɔ kɛɛnąą kəlee kulɔ mą, yɛ bələi da gulɔ la liilaa haláá ɓɛlaa ɓa. Ɉaláá laa həli mun ə di kələn ɉaláá kulɔ kəhi mɛ̨i, ɓɛlɛɛ ɉaláá kɔ̨nɔ̨nŋąą diɛ yiiɠaai a Yai-Laa nwɛiɠaai. Ɉaláá laa həli mun a gólói tii kɛ nui a ɉon gɛ mąą mɛ̨nį ɓa, nɛ̨ŋɛ̨n mąą nu ə ɉəɠə mąąhvaa a lɛɛ.

Bible

³⁵ Zâla láa soŋ nuui é zɔnyɔ̂ŋ sala sɛŋ ŋí wúlɔ kélee kúla yɛ̂ɛ berei è gɛ̀ la a ǹíi-see salai máa ƃalai é géreŋ ŋ̀âla-teƃelei ŋá a kéreŋ sala Yâwɛɛ mɛni ma. Berei sîi ŋí su zâla láa soŋ nuui a Eezuɛ nuui ŋí ŋɔsɔnyɔ̂ŋ maa sâla kùla. A kɛ̀ tí, ŋɔsɔnyɔ̂ŋ su-mɛni a pâi lɛɛ̂i.”

Levetekɔ 4:35 Iomraidhean Croise

Levetekɔ 12:8

«Akɛ a wala pɛli ɓɛlaa lon ɉɔ̨nwɔ̨ hɔlɔɓoi, tonwələn veelɛ ɓə a paa la, dɔ̨nɔ̨ ə kɛ a haláái da gəlee kələn; dɔ̨nɔ̨ ə kɛ a nɛ̨ŋɛ̨n mąąhvaalɛɛ haláá. Ɉaláá laa həli mun a nɛ̨ŋɛ̨n mąą hvaalɛɛ kóló kɛ nɛ̨ɛ̨nui tii ɓa, a kɛ tii, mąą aa həɠə.»

Levetekɔ 14:18

Nwulɔ kpəlii a lɛɛ ɉaláá laa həli mun ɲee ɲą, a nɔ nui di mąą həɠəi nwun ma; a gɛ tii, nɛ̨ŋɛ̨n mąą hvaalɛɛ kóló ka tii aa gɛ nui tii ɓa Yai-Laa lííla.

Levetekɔ 14:53

Ə ɲee ɓo nwɛ̨ni hvúlu ɓa yili ə kulɔ taai, ə li gbomoi pələ, ɉaláá laa həli mun ə nɛ̨ŋɛ̨n mąąhvaalɛɛ hvɛli ɓo kɛ bɛlɛ́ ɓa. Akɛ tii, bɛlɛ́ mąą aa həɠə.»

Levetekɔ 15:15

Ɉaláá laa həli mun a donwələn tii tɔ̨nɔ̨ kɛ a nɛ̨ŋɛ̨n mąąhvaalɛɛ haláá hɛn, ə dɔ̨nɔ̨ kɛ a haláái da gəlee kələn. Ɉaláá laa həli mun a nɛ̨ŋɛ̨n mąąhvaalɛɛ woo ɓo mɛ̨i Yai-Laa lííla Dɔ́n ti kulɔ mɛ̨nį ɓa mą.

Levetekɔ 19:22

Mɛlaa hilɛi tii ɓə ɉaláá laa həli mun gaa pai nui tii pɔɔŋą pɛlii la, Yai-Laa lííla, nɛ̨ŋɛ̨n nui tii ə ɉəɠə mąąhvaalɛɛ hɛn ni.

Levetekɔ 4:20

Bələi a gɛ la a nɛ̨ŋɛ̨n mąą hvaalɛɛ haláá nįŋɛ̨, bələ lɔ ɓə a gɛ la a niŋɛ̨i tii. Bələ lɔ ɓə a gɛ la a gbɔwɔ nwɛi. Yili ɓa, ɉaláá laa həli mun a gɛ lɔ tii a di wɛi, a kɛ tii, di mąąhvaa a lɛɛ.

Levetekɔ 4:26

Ə ɉuwɔ wulɔɠaa kəlee kələn ɉaláá kulɔ kəhi mɛ̨i, yɛ bələi da gɛ la a liilaa haláá. Ɉaláá laa həli mun a nɛ̨ŋɛ̨n mąą hvaalɛɛ kóló kɛ nuą ɲɛ̨itɔwɔ mun ma, mąąhvaa a lɛɛ.

Levetekɔ 5:10

A veelɛnąą kɛ a haláá hɛn da gələə kələn, yɛ bələi mąą tɔ́n gaa la. Ɉaláá laa həli mun a nui tii nwɔ nɛ̨ŋɛ̨n ə ɉəɠə, mąąhvaalɛɛ kóló kɛ, mąąhvaa a lɛɛ.

Levetekɔ 5:13

Ɉaláá laa həli mun a nɛ̨ŋɛ̨n mąąhvaalɛɛ kóló kɛ, nɛ̨ŋɛ̨n nu a ɉəɠə mɛ̨nįɠaai tii ta hu, mąą nu mąąhvaa a lɛɛ. Ɉaláá laa həli mun a mɛ̨nįɠaai tii kɛ yɛ bələi da ɉihɛn ɉaláá kulɔ la Yálá ɓa.»

Levetekɔ 5:6

Yili pulu, mąąnɛ̨ɛ̨ ə pa a bɔɔŋą pɛli hɛn a ɓɛlaa haa Yai-Laa lííla, awala kɛ tii ɓolu haa, a yili kɛ tii nɛ̨ŋɛ̨n tii ə ɉəɠə mąą hvaalɛɛ mɛ̨nį ɓa. Ɉaláá laa həli mun a nɛ̨ŋɛ̨n mąąhvaalɛɛ kóló kɛ mą.

Levetekɔ 6:7

«Bələi mąąnɛ̨ɛ̨ di Yálá kɔ́ la a hihɛn má ta, bələ ka: Aarɔn lonnii ɓə da yili laa həli Yai-Laa ɓa, ɉaláá kulɔ kəhi lííla.

Levetekɔ 9:7

Ya ɓə Moisə a kɛ Aarɔn ɓa: «Ə́ mąą lɛɠɛ ɉaláá kulɔi ɓa, nɛ̨ŋɛ̨n ə́ ɉəɠə ə́ mąąhvaalɛɛ haláá kulɔ, da haláá hɛn da gəlee kələn, ə́ kpɔwɔ mąą mɛ̨nį ɓa, ká ə́ wɔ pɛ́lɛ́i. Yili pulu, ə́ nuą di wɔ Yálá kɔ́ hɛn laa həli, yɛ nu mąą hvaalɛɛ haláá kóló kɛ di mąą mɛ̨nį ɓa, yɛ bələi Yai-Laa ə mo la.»

Lonon mo 15:25

Ɉaláá laa hɛlimun a nɛ̨ŋɛ̨n mąąhvaalɛɛ woo ɓo, Israɛlə lonnii kəlee mąą mɛ̨nį ɓa, Yálá yɛ kɛa di mąą hvaalɛɛ; hvo gaai ə kɛ a nu tɛɠii nɛ̨ŋɛ̨n. Da pa a ɉaláá hɛn, a kɔ̨nɔ̨n da gələn Yai-Laa ɓa. Ɛlɛɛ, da nɛ̨ŋɛ̨n mąąhvaalɛɛ haláá laa həli Yai-Laa ɓa, di tɛɠii nɛ̨ŋɛ̨n tii mąą mɛ̨nį ɓa.

Lonon mo 15:28

Ɉaláá laa həli mun a tɛɠii nɛ̨ŋɛ̨n mąąhvaalɛɛ woo ɓo nui tii mɛ̨i, a kɛ tii, mąąhvaa a lɛɛ.

Lomaŋ 10:4

Mąąhɔlɔɓo, Kristə ɓə a dɔ́n gbɛlai, əgɛ, nuąi da laa na, di tələnmolaa hɔlɔɓo.

Lomaŋ 4:25

Ya pa, gu wɔ mɔ̨nɔ̨ɠąąi ka tii ə ɉəɠə, ə haa, ə nwun gu mąąhəɠə mɛ̨nį ɓa.

Lomaŋ 8:1

Yiihu kɛa, nuąi di kaa Jesus Kristə hu, nwun na pili hvo kɛa diɛ.

Korɛntə veelɛ 5:21

Nɛŋɛ̨n nɔpee hvo Kristə ɓa, kɛlaa, Yálá ə gu wɔɔ nɛ̨ŋɛ̨n diɲɛ̨ɠaa hee nwuɔ̨. Yiihu kɛa, Kristə pɔ pələ, Yálá aa gu kɛ la a tələnmo nuą.

Ifisiɛŋ 5:2

'Ká ɲɛnɛ̨ɛ̨ kɛ wɛlikɛmąąlaa hu, yɛ bələi Kristə ə gu wɛlila kɛ la, ə gbɔwɔ kulɔ a halaa, mąą kun nɛ̨ɛ̨ Yálá ɓa, gu mąą mɛ̨nį ɓa.

Kolosə 1:14

Non ti háálai ɓə gwaa kulɔ la haa hu, aa gu wɔɔ nɛ̨ŋɛ̨nŋąa mąąhvaalɛɛ.

Hebreu 1:3

Non ti ɓə a Yaa kpinįi ŋą mąąwiɛlaa too pono ŋą, bələi lɔ gaa la, bələ lɔ ɓə Non gaa la, ɛlɛɛ Naa woo ŋą hvaŋą ɓə ɉeɛ yɛnɛ̨ɛ̨ kəlee mu. Yii kɛa, ə nuą kəlee di wɔɔ nɛ̨ŋɛ̨nŋaa waa diɛ, ə tɛ ə hee Hééɓolaa ɓa-mįi-yee hu.

Hebreu 4:14

Yii kani haláá laa həli mun gɛnɛ̨mun gaa ká gu yəi, a Yálá Lon Jesus, yai yələkɔlɔn ɉuɓɔ, 'ká gu naa na laa wooi ŋɛ̨i hon gani kpąą.

Hebreu 7:26

Ɉaláá laa həli mun gɛnɛ̨ɛ̨i bɛliɛi gu mąą mɛ̨nį ɓa, yaa li, yai mąąhəɠɛɛ, hɔn və mą, mąąkwɛaa nɛ̨ŋɛ̨n ma, yɛ ɓo heeni yələkɔlɔn mɛ̨i pələ.

Hebreu 9:14

gu hvomun kɛ, Kristə ɲąmą, yai viɛlaɓoɔi kpɔ kɛnɛ̨ dɛɛ yili ɓa; hvo gaai Kili-Mąąhəɠɛɛi gaa lɔ laa ɉáálai, Kristə ə gbɔwɔ kulɔ Yálá ɓa a haláá, kiliin ɉii ɲɔ̨nwɔ̨ɔ̨ ta hvo mą, mąąhəɠɛɛ, hvo mɔ̨ɔ̨ pai haa nɛ̨ŋɛ̨n nwaai guɔ, gu tí mɛ̨nį ɓa Yálá hvulúmąą ɓa,

Piɛrə dɔlɔɔ 2:22

Yaa tii hvo nɛ̨ŋɛ̨n ɉəɠə li, nu ɓowo woo hvo kulɔ li na,

Piɛrə dɔlɔɔ 2:24

yaa tii ɓə gu wɔɔ nɛ̨ŋɛ̨nŋaa həɠə gbɔwɔ kɔlɔ hu, ə haa la wulu ɓa, əgɛ, gu haai gu mo wɔɔ nɛ̨ŋɛ̨nŋaa diɛ, gu yɛnɛ̨ɛ̨ kɛ tələnmolaa yee kɔnma; yaa tii, mąą nwąnąi di mo, yili ɓə a gu ɓalo.

Piɛrə dɔlɔɔ 3:18

Hvó gaai, Kristə kpinįi, yaa tii a tələnmomun, ə mɔ̨nɔ̨ mįi nɛ̨ŋɛ̨nŋaa mąą mɛ̨nį ɓa, lɔ tanɔ̨n gbən, nuąi di hvo tələnmo li, di mąą mɛ̨nį ɓa, ə gɛ, ə ká mąą lɛɠɛ Yálá ɓa, yai di gɔlɔ paa, kɛlaa, Kili-Mąąhəɠɛɛ ə gɛ a vulú.

Zɔ̂ŋ Maa-ŋuŋ 1:7

Kɛlaa, a kɛ gwa kɛi hiɛ kɛɛ pono hu, yɛ bələi Yaa kpinii gaa la a kɛɛ pono, akɛ tii gu kəlee gu kaa ɉu tanɔn, Non Jesus ɲąmą a gu mąąhəɠə nɛ̨ŋɛ̨n ɲəi.

Zɔ̂ŋ Maa-ŋuŋ 2:2

Mąąhɔlɔɓo, yaa tii ɓə gbɔwɔ kulɔ a haláá, ə gu wɔ nɛ̨ŋɛ̨nŋaa waa, ɛlɛɛ, gu wɛiɠaa lɔ hvəə, kɛlaa, ə mą kɛ, yɛnɛ̨ɛ̨ nuą kəlee di wɛi.