Levetekɔ 4:15 - Yálá laawoo hɛɓɛ (dc)

¹⁵ Galanɉonŋąą kəlee da di yee pɛlɛ nįŋɛ̨n gbon nwuɔ̨, Yai-Laa lííla, di nwun dee Yai-Laa lííla.

Yálá laawoo hɛɓɛ

¹⁵ Galanɉonŋąą kəlee da di yee pɛlɛ nįŋɛ̨n gbon nwuɔ̨, Yai-Laa lííla, di nwun dee Yai-Laa lííla.

Bible

¹⁵ Ǹyaŋ Eezuɛ láa túɛ-ƃelai dí pá a ǹiŋa-nâɣai Yâwɛɛ ŋɛ́i-tuɛ dí díyee pɛ́lɛ ŋ̀uŋ ma dí báa.

Levetekɔ 4:15 Iomraidhean Croise

Kɔlɔnikɔ Veerɛi 29:23

Yili pulu, di pa a mooliɠaa, a nɛ̨ŋɛ̨nŋąą mąąhvaalɛɛ haláá hɛn, tɔɔmun da nu kpɔn nií la, di di yee haŋą di mɛ̨i.

Lɛɛ gbɔwɔ ɓa 24:1

Yai-Laa yɛ Moisə ɓa: «'Tɛ ɲee nwuɔ̨, ka Aarɔn, Nadavə, Avihu da Israɛlə kalanɉon pow mɛ̨ihveelɛi. Ka lɛɛ kwɛa la ka pɛlɛ ka liiɓa.

Lɛɛ gbɔwɔ ɓa 24:9

Moisə ə tɛ, da Aarɔn, Nadavə Avihu da Israɛlə kalanɉon pow mɛ̨ihveelɛi.

Levetekɔ 1:3

«Akɛ nwɔ haláái kaa a haláá hɛn da gəlee kələn, ə kɛ a nįŋɛ̨ hilɛ, nąą ta hvo kɛ mą. Ə paa la gee kaa kələ laaləi, ə gɛ, Yai-Laa ə ɲee hee mu.

Levetekɔ 1:4

Yai-Laa a ɲee hee mu, ə ɲee pɛlɛ daatɛlɛɛ nwuɔ̨, ə ɉɛatɔɔ mą, nwɔ nɛ̨ŋɛ̨n mąąhvaalɛɛ mɛ̨nį ɓa.

Levetekɔ 16:21

Aarɔn a molu hilɛi tii lɛɛ a vulú, ə ɲee hveelɛi pɛlɛ nwuɔ̨, ə Israɛlə lonnii hɔnŋąą kəlee ɓo, da di wɔ woo tee ŋą mɛ̨nįɠaa kəlee da di wɔ kwɛli tee laa kəlee, yili ɓaa di wɔ nɛ̨ŋɛ̨n gəlee; ə gəlee pu molu hilɛi tii nwuɔ̨, yili pulu, ə nu ta kulɔ, yili ə molui tii hon, ə li la nɔi pun ɉu.

Levetekɔ 4:16

Yili pulu, ɉaláá laa həli mun tii di ɉee a nwulɔ mąąhəɠɛɛ, a li a ɲąmąi tii gee kaa kələ mu.

Levetekɔ 4:4

A pa a nįŋɛ̨ lon tii gee kaa kələ laaləi Yai-Laa lííla, ə ɲee pɛlɛ nwuɔ̨, ə nwun dee Yai-Laa lííla gee kaa kələ laaləi.

Levetekɔ 8:14

Ə mo di pa a nɛ̨ŋɛ̨n mąą hvaalɛɛ haláá kulɔ nįŋɛ̨ gbɔn, Aarɔn da nonnii di di yee laa nįŋɛ̨ gbɔn tii mɛ̨i.

Levetekɔ 8:18

Ə pa a ɉaláá ɓɛlaa hilɛ yii da gəlee kələn, Aarɔn da nonnii di di yee pɛlɛ nwuɔ̨,

Levetekɔ 8:22

Ə mo di pa a mɛlaa hilɛ veelɛ nąą, a ɉaláá kulɔ nuą hee ɓɛlaa hilɛ. Aarɔn da nonnii di di yee pɛlɛ nwuɔ̨.

Lonon mo 11:16

Yai-Laa yɛ Moisə ɓa: «Israɛlə kalanɉon pow mɛ̨ihveelɛ ɲąąkpɔn, diɛi kpɔ ə́ di kɔ́lɔn a nu pɔlɔ pɔlɔɠaa, diɛ pɛli nuą lɔwai mɛ̨nį ɓoi. Ka diɛni ka pa gee kaa kələ laaləi.

Lonon mo 11:25

Yai-Laa ə yɛɛ da Moisə di lono kɛ. Yili pulu, ə Moisə nwɔ kilii tawolo həɠə, ə dɛɛ nu pow mɛ̨ihveelɛi tii pɔ. Yii kɛa ə dɛɛ tii di pɔ, di hvo kɛa kɛ di kpɔɔ yee kɔ́nma, diɛ kɛa Yálá kwəi mɛ̨nį ɓo; kɛlaa, di hvo lamun ɉu.

Lonon mo 8:10

Ə́ Levi lonnii mąą lɛɠɛ Yai-Laa lííla, Israɛlə lonnii kəlee di di yee pɛlɛ di nwuɔ̨.

Lonon mo 8:12

Levi lonnii da di yee pɛlɛ nįŋɛ̨ hilɛɠaa nwuɔ̨, ə́ nįŋɛ̨ hilɛɠaa laa həli Yai-laa ɓa, dɔ̨nɔ̨ ə kɛ a nɛ̨ŋɛ̨n mąąhvaalɛɛ haláá, dɔ̨nɔ̨ a kɛ a haláá hɛn da gəlee kələn. Yɛ nɛ̨ŋɛ̨n mąąhvaalɛɛ kóló kɛ la tii Levi lonnii mɛ̨i.