Levetekɔ 3:6 - Yálá laawoo hɛɓɛ (dc)

⁶ «Akɛ taatɛlɛɛ pɛlɛɛ ta ɓə, daa paa la Yai-Laa pɔ, a liilaa haláá; mąąnɛ̨ɛ̨ ə kɛ a ɉilɛ, awala kɛ tii ɉaa, kpɛɠii hvo kɛ mą.

Yálá laawoo hɛɓɛ

⁶ «Akɛ taatɛlɛɛ pɛlɛɛ ta ɓə, daa paa la Yai-Laa pɔ, a liilaa haláá; mąąnɛ̨ɛ̨ ə kɛ a ɉilɛ, awala kɛ tii ɉaa, kpɛɠii hvo kɛ mą.

Bible

⁶ À kɛ̀ a ƃála kpaa ƃoli ƃé ƃa a pâi la a sama-sɛŋ Yâwɛɛ pɔ́ laoi-laa sala kula mɛni mai, a kɛ a zirɛ kpaa záa, é kɛ́ a nyíi pɔ́ɔ fé mai.

Levetekɔ 3:6 Iomraidhean Croise

Azaya 60:7

Kedarə taatɛlɛɛɠaa kaa di ɲąą kpɔn ɉi ə́ pɔɔli, Nebayotə ɓɛlaa hilɛɠaa kaa pai kɛi ə́ yeekɔn mą. Di kaa pai tɛi a diɛ ɓɛi da haláá kulɔ laa mą́ą́, ɛlɛɛ gɛ́ ɲee hee di mu, gɛ́ nwɔ́ pɛlɛ́i nɛlɛ yee ta pɛlɛ mą a nwɔ́ mąąwiɛ pɛlɛi ŋą́ mo mɛ̨i.

Levetekɔ 1:10

«Akɛ, taatɛlɛɛ pɛlɛɛ ta ɓə di paa la a Yálá kɔ́ hɛn, diɛ gəlee kələn, ə kɛ a ɓɛlaa, ə kɛ a ɓolu, mąąnɛ̨ɛ̨ ə kɛ a ɉilɛ, nąą ta hvo kɛ mą.

Levetekɔ 1:2

«'Mo Israɛlə lonnii diɛ, yɛ́ diɛ: Nu ta a kɛ gaa Yai-Laa kɔ́i a taatɛlɛɛ, ə gɛ a nįŋɛ̨, a wala kɛ tii, ɓɛlaa da ɓolu.

Levetekɔ 19:5

«Ka kɛi liilaa haláá kulɔ Yai-Laa ɓa, ka gɛ a hɛn nwɛli a too mą.

Levetekɔ 22:20

Ka hvo taatɛlɛɛ ta laa həli, yii kpɛɠii kaa mą, a kɛ tii, di hva di ɲɛ̨i lɛlɛɛ hee kaa.

Levetekɔ 23:19

Ka nɛ̨ŋɛ̨n mąąhvaalɛɛ haláá kulɔ a ɓooli hilɛ, ka liilaa haláá kulɔ a kwɛlan dɔ̨nɔ̨ ɓɛlaa hilɛ hveelɛ.

Lonon mo 15:5

Akɛ ɓɛlaa lon mə ka káá gələn ɉii, a wala kɛ tii liilaa haláá ɓə ka káá gulɔi, ka lɔɔ litɛlɛ tɔ̨nɔ̨ da gbulɔ pɛlɛ mą.

Lonon mo 6:14

A pa a kwɛlan dɔ̨nɔ̨ ɓɛlaa hilɛ lon kpɛɠii hva kɛ mą, a Yai-Laa kɔ́ hɛn a nɛ̨ŋɛ̨n mąąhvaalɛɛ haláá hɛn, ə bɛlɛ ɓɛlaa hilɛ tɔ̨nɔ̨ ɓa yii kpɛɠii hvo mą, a liilaa haláá.

Gɛlaɠaa 4:27

«Mąąhɔlɔɓo, gaa a tɛ̨ą, Herodə da Pɔnsə Pilatə di di yee lɔ gee hu ɓɛ daai, da nwea, ə mą kɛ da Israɛlə nu huwu, ə gɛ, di kɔ́ pɛlɛ Yálá nwɔ tímun Jesus ɓa, yaai Yálá ə ɉəɠə ɉu ə gɛ a nuą Nwun mąąɓomun.

Galatə 3:28

Ɉuifə mɛ̨nį hvo kɛa ɉu, Grɛkə mɛ̨nį hvo kɛa ɉu, luwɔ mɛ̨nį hvo kɛa ɉu, lɛɛgbɔwɔ ɓa mɛ̨nį hvo kɛa ɉu, hulɔnu mɛ̨nį hvo kɛa ɉu, nɛ̨ɛ̨nu mɛ̨nį hvo kɛa ɉu; gbala ə tɔɔ, ká kəlee káá kɛ kɛa tanɔ̨n Kristə hu

Galatə 4:4

Kɛlaa, ɲələi Yálá ə vaaɓo, yii kɛa ə ɉəli, Ə Non dɛɛ yɛnɛ̨ɛ̨, nɛ̨ɛ̨nu ta ə gaa a lon, ɛlɛɛ, non ti ə ɓo dɔ́n ɲee mu.

Ifisiɛŋ 1:10

Mɛ̨nį kəlee laa kulɔ ɲələ; gaa pai yələkɔlɔn ɉu hɛnŋaa da lɔi mɛ̨i hɛnŋaa ɲąąkpɔn ɉii nwun nąmu tanɔ̨n ɲee mu, ya ɓaa a Kristə.