Levetekɔ 3:1 - Yálá laawoo hɛɓɛ (dc)

¹ «Nu ta a kɛ bɔ ə liilaa haláá kulɔ, a kɛ taatɛlɛɛ kpɛa-kpɛa ta ɓə, a gɛ a ɉilɛ, a wala kɛ tii, ɉaa. Mąą hvo nɛ̨ɛ̨li, hɛn ə́ kaa Yai-Laa kɔ́i la, kpɛɠii hvo kɛ mą.

Yálá laawoo hɛɓɛ

¹ «Nu ta a kɛ bɔ ə liilaa haláá kulɔ, a kɛ taatɛlɛɛ kpɛa-kpɛa ta ɓə, a gɛ a ɉilɛ, a wala kɛ tii, ɉaa. Mąą hvo nɛ̨ɛ̨li, hɛn ə́ kaa Yai-Laa kɔ́i la, kpɛɠii hvo kɛ mą.

Bible

¹ À kɛ̀ núu da à kɛ̀ pâi a sama-sɛŋ Yâwɛɛ pɔ́ laoi-laa maa sâla kúla mɛni ma, nyii è gùla ŋɔniŋa-ŋai sámai, zirɛ kpaa záa, é kɛ́ a niŋa nyii pɔ́ɔ fé mai.

Levetekɔ 3:1 Iomraidhean Croise

Kɔlɔnikɔ Maa-ŋuŋ 21:26

Davidə ə haláá kulɔi bɛli laa a Yai-Laa nwɔɔ, ə Yálá kɔ́ laa a haláá hɛn da gəlee kələn, da pɔnaa kulɔ haláá. Ə Yai-Laa təli laa a naa, yili ə nwoo mu hon a nwɔ̨n ə doo ɉaláá hɛnŋaa hu.

Lɛɛ gbɔwɔ ɓa 20:24

Ka nwɔ́ haláá kulɔi pɛli a pɔlɔ, kaa haláá kulɔ laa mą́ą́, a haláái da gəlee kələn, da ponaa kulɔ haláá, a ka wɔ taatɛlɛɛɠaai bɛlɛ-pɛlɛɛɠaa da gbɛa-kpɛaɠaa, ɓɛi lɔpee gáá pai hvaai mą, diɛ náá mąąwiɛ laa. Ŋą́ pa ka pɔ, gɛ́ lúwɔ́ too kaa.

Lɛɛ gbɔwɔ ɓa 24:5

Yili pulu, ə Israɛlə hilɛlɛa tɔɔ yiliɠaai di Yálá mąąwiɛ haláá kulɔ, di nįŋɛ̨ gbɔnŋaa paa Yai-Laa ɓa a liilaa haláá.

Lɛɛ gbɔwɔ ɓa 29:28

A kɛ a Aarɔn da nonnii di wɔɔ, yili kaa a tɔ́n yii hva ɉəɠə mą a yələ kəlee, da ɉɔlɔɓo ti Israɛlə lonnii yəi, yili ɓə gaa a di wɔɔ, ɉaláá kulɔ pələ tɛitɛi kəlee hu. Aarɔn da nonnii di tɔɔi li, niilaa haláái da kɛ gulɔi Yai-Laa ɓa ɉu.

Hanwon 7:14

«Ŋą́ gwɛ́la, gɛ́ diɛ, gáá ponnąą haláá kulɔi, ya ka ɉaláá laa aa hon.

Izikiɛ 43:27

Volóɠaai tii da tɛɛi, voló mɛ̨ihaaɓa yələ da voló yii tiiɠaai ɉaláá laa həli nuą da ka wɔ haláái laa həli la ɉaláái da gəlee kələn, ə pɛlɛ la ka wɔ liilaa halááɠaai diɛ, di gulɔ ɉaláá kulɔi, nąąlɔwai ŋą́ ɲɛ̨i lɛlɛɛ hee kɛa kaa. Mɛ̨nį kəlee ŋą Hééɓomun Yálá woo li.

Izikiɛ 45:15

Ɓɛlaa kpulu nwun veelɛ a kɛ Israɛlə kpomói, ɓɛlaa tɔ̨nɔ̨ a kɛ a Yálá kɔ́ hɛn; a haláái da gəlee kələn, da liilaa haláá; a nuą mąąhəɠə mɛ̨nį. Mɛ̨nį kəlee ŋą Hééɓomun Yálá woo li.

Levetekɔ 1:10

«Akɛ, taatɛlɛɛ pɛlɛɛ ta ɓə di paa la a Yálá kɔ́ hɛn, diɛ gəlee kələn, ə kɛ a ɓɛlaa, ə kɛ a ɓolu, mąąnɛ̨ɛ̨ ə kɛ a ɉilɛ, nąą ta hvo kɛ mą.

Levetekɔ 1:3

«Akɛ nwɔ haláái kaa a haláá hɛn da gəlee kələn, ə kɛ a nįŋɛ̨ hilɛ, nąą ta hvo kɛ mą. Ə paa la gee kaa kələ laaləi, ə gɛ, Yai-Laa ə ɲee hee mu.

Levetekɔ 17:5

Yili a kɛ tii, Israɛlə lonnii di hva taatɛlɛɛ ta kulɔ a haláá lɔwɔi, kɛlaa, mąąnɛ̨ɛ̨ di paa la ɉaláá laa həli mun bɔ gee kaa kələ laaləi, yɛ gulɔ a liilaa haláá Yai-Laa ɓa.

Levetekɔ 3:6

«Akɛ taatɛlɛɛ pɛlɛɛ ta ɓə, daa paa la Yai-Laa pɔ, a liilaa haláá; mąąnɛ̨ɛ̨ ə kɛ a ɉilɛ, awala kɛ tii ɉaa, kpɛɠii hvo kɛ mą.

Levetekɔ 9:18

Nįŋɛ̨ hilɛi da mɛlaa hilɛi nuą di paa la a líílaa haláá, ə di nwun dee, nonnii di ɲąmą tɛɛ bɔ, ə daɠa ɉaláá kulɔ kəhi kwɛlɛ nąą kəlee.

Levetekɔ 9:4

Ɛlɛɛ, nįŋɛ̨ hilɛ da ɓɛlaa hilɛ, liilaa haláá kulɔ mɛ̨nį ɓa Yai-Laa ɓa. Yili pulu, ə́ Yálá kɔ́ lɛɠɛ pɛli a wulɔ, mąąhɔlɔɓo, háákələi ɓə Yai-Laa kaa pai gbɔwɔ lɛi la kaa.»

Amɔsə 5:22

Haláá hɛn yiiɠaai ka gəlee kələn, da ka wɔ kɔ́ɓo hɛnŋąąi ka kɛ naa həli mą́ą́, nąą wɛli hva ɉón. Niŋɛ̨ gbɔn nwulaaɠaai ka kɛ gulɔi mą́ą́ a haláá, ə gɛ, gwa kaani gu yee ə kɛ a nɔɔ gee hu, vá kpɛli yili naa kaa.

Malasi 1:14

Kpalo ɓɛlaai hvulu mun ma, yai a daatɛlɛɛ hilɛ kɔ́lɔi pɔ̨nɔ̨ɔ̨ lɛlɛɛɠaa a di həɠə ɉu a Yálá nwɔɔ, yɛ di lɛɛ ɲəi daatɛlɛɛ kwənąn ɉu, yiiɠaai kiliin ɉi ɲɔ̨nwɔ̨ɔ̨ kaa mą, yɛ bili gee mɛ̨i, yɛ gulɔ a haláá mą́ą́. Kpalo ɓɛlaai mąą nu ɓa, mąąhɔlɔɓo, ɲą́ą́ Yai-Laa Mɛ̨nį Kəlee ŋą Hééɓomun, gáá a Yálái gaa a tɔɔmun, hį́i kəlee diɛ ɲɔw nwɔ huwalawala ɓa.

Malasi 1:8

Ɓɛlɔwai ka kɛ pai la a taatɛlɛɛ ɲɛ̨ipuɔ, awala kɛ tii, taatɛlɛɛ gɔwɔ nwąnąą, yili hvo mą, ɲɔ̨n yɛ ɓo mą; ká kɛi gulɔ mą́ą́ a haláái, gaa ka kwəi yili haŋąąi? Akɛ ka daatɛlɛɛ ɲɔ̨nwɔ̨mąi tii tɛɛ ka wɔ lɔi nąmu pɔi, gaa ka kwəi a ɲee hee mu, ə mɛ̨inɛ̨ɛ̨ kɛ kaa? Ɲą́ą́ Yai-Laa Mɛ̨nį Kəlee ŋą Hééɓomun, gɛ́ káá, ka wɔ mąąnįn gɛ ka tii!

Lonon mo 15:8

Akɛ nįŋɛ̨ hilɛ ɓə di kaa gələn ɉii Yai-Laa ɓa, awala kɛ tii liilaa haláá, awala kɛ tii a haláá daa naakwɛlanmo,

Lonon mo 6:14

A pa a kwɛlan dɔ̨nɔ̨ ɓɛlaa hilɛ lon kpɛɠii hva kɛ mą, a Yai-Laa kɔ́ hɛn a nɛ̨ŋɛ̨n mąąhvaalɛɛ haláá hɛn, ə bɛlɛ ɓɛlaa hilɛ tɔ̨nɔ̨ ɓa yii kpɛɠii hvo mą, a liilaa haláá.

Lonon mo 7:17

Nįŋɛ̨ hilɛ hveelɛ, ɓɛlaa hilɛ lɔɔli, ɓolu hilɛ lɔɔli da kwɛlan dɔ̨nɔ̨ ɓɛlaa lon nɔɔli, a liilaa haláá kulɔ hɛn. Yili ɓə kɛ a Aminadavə lon Nasɔn nwɔ mɛ̨inɛ̨ɛ̨.

Lonon mo 7:59

Nįŋɛ̨ hilɛ hveelɛ, ɓɛlaa hilɛ lɔɔli, ɓolu hilɛ lɔɔli da kwɛlan dɔ̨nɔ̨ ɓɛlaa lon nɔɔli, a liilaa haláá kulɔ hɛn. Yili ɓə kɛ a Pedasurə lon Gameliɛlə nwɔ mɛ̨inɛ̨ɛ̨.

Dutɛrɔnome 12:27

Ka káá pai kɛi haláá yii da gəlee kələn gulɔi, Yai-Laa ka wɔ Yálá nwɔ haláá kulɔ kəhi mɛ̨i, a ɉuwɔ da ɲąmą. Kɛlaa, ɉaláá takpɛliɠaa tii ka di kulɔ, ka ɲąmą pu Yai-Laa nwɔ haláá kulɔi, ka ɉuwɔ mįi.

Kolosə 1:20

ɛlɛɛ Yaa tii mąą mɛ̨nį ɓa, ə da hɛn gəlee di yee lɔ geei, Yaa tii ɉáálai, ə kɛ a lɔi ɓa pələ, ə kɛ a yələi pələ; ə liilaa hee di mɛ̨i, a ɲąmąi pu kolɔwa ɓa.

Hebreu 10:22

'Ká gu gu mąąlɛɠɛ kani laa, a gu kwəi kwɛlɛɛ, laa na laa kpɔ-kpɔ hu, a gu lii hu ɲąŋąą, hɔn ɲɔ̨n da hvo gu kili pɔ, gu mąąwaa a yá mąąhəɠɛɛ.

Zɔ̂ŋ Maa-ŋuŋ 1:3

yii ku gaa, ku mɛ̨n, ya ɓə ku kaa naa həlii káá, káá kpɛlimąn, əgɛ, káá mąn, gwa kááni gu kɛ tanɔ̨n. Guɔ kɛ la tanɔ̨n gwa Nąn, ɛlɛɛ gwa Lon Jesus Kristə.

Nwun mąąɓo 20:26

Israɛlə nuą kəlee, da nɔi nuą, di tɛɛ də li Betɛlə, diɛ wɔlɔ Yai-Laa lííla, di hin nɔ a volói tii, yələwulii pɔ, di haláá huwu hveelɛ kulɔ Yai-Laa ɓa, yii da gəlee kələn, da yii gaa a pɔnaa kulɔ haláá, da Yai-Laa ni di lɔwai.

Nwun mąąɓo 21:4

Mąą yələ laaɓoɔ, nuą di di muhəɠə, di haláá kulɔi pɛli gɛɛnąąi tii ɓa, di haláá kulɔ Yálá ɓa a haláá yii da gəlee kələn, da pɔnnaa kulɔ haláá.