Levetekɔ 27:21 - Yálá laawoo hɛɓɛ (dc)

²¹ Ɛlɛɛ, díi a lɛɛ a hɛn mąąhəɠɛɛ, a Yai-Laa nwɔɔ, yɛ tíi Yálá aa ɲee pɛlɛ mɛ̨i. Ɓɛlɔwai a lɛɛ la gbɔwɔ ɓa a mąąɓo kwɛlan, a lɛɛ a ɉaláá laa həli mun nwɔɔ.

Yálá laawoo hɛɓɛ

²¹ Ɛlɛɛ, díi a lɛɛ a hɛn mąąhəɠɛɛ, a Yai-Laa nwɔɔ, yɛ tíi Yálá aa ɲee pɛlɛ mɛ̨i. Ɓɛlɔwai a lɛɛ la gbɔwɔ ɓa a mąąɓo kwɛlan, a lɛɛ a ɉaláá laa həli mun nwɔɔ.

Bible

²¹ Kɛ́lɛ núu da a ǹɔii ŋí ŋuŋ ma ƃò ŋ̀uŋ ma ƃo koraŋ su, gɛ̀ ní a kɛ́ a Yâwɛɛ kɔ̃liŋ wɔlɔ-wɔlɔ da wɔlɔ-wɔlɔ. A pâi kɛ̂i naa zâla láa soŋ-ƃelai mɛni ma.

Levetekɔ 27:21 Iomraidhean Croise

Ɛsdrasə 10:8

Nui lɔpee a wala pa, hvóló haaɓa tɛɛ pulu, yɛ pələi bɛlɛ nąmįną da galanɉonŋąą di mo la, ɲəi hɛnŋąą kəlee a lɛɛ a Yai-Laa nwɔ pɛ́lɛ́i nwɔɔ, ɛlɛɛ, ya kpinįi tii, da naa kulɔ Israɛlə nuą lɔwai.

Izikiɛ 44:29

Ɉɛnŋaai da gɔ́ la: nɛ̨ŋɛ̨n mąąhvaalɛɛ haláá huwɔ, da nu pɔɔ ŋą pɛli haláá huwɔ, diɛ ɓə pai kɛi mįi. Hɛn lɔpee mąąnɛ̨ɛ̨ ə kɛ a nwɔ́ɔ́ Israɛlə lɔi hu, di wɔɔ li.

Levetekɔ 25:10

Ka gwɛlan bow lɔɔli nąą kɛ a kwɛlan mąąhəɠɛɛ, ɛlɛɛ ka nɔi lonnii kəlee nwun mąąɓo lólóɓo. A kɛ́ ka yəi a hɛli, yɛ Yálá kɛ mɛ̨nįɠaa kili too ka ŋą, nu kəlee ə pənə ə li nąn nwɔ lɔi hu, nu kəlee ə pənə ə li ɉuwu hu.

Levetekɔ 25:28

Kɛlaa, a wala hɛn ɉɔlɔɓo, yɛ pɛli nɔi mąąɓoi la, ɉɛn tii di dɔlaa hee, a lɛɛ dɔlaa honmun yəi, ə lɛɛ ɉu mąąɓo kwɛlan ə ɉəli, nɔi a lɛɛ gbɔwɔ ɓa, mąąɓo kwɛlan gəlee yee mu, a kɛ tii, nɔi nąmu a pɛli nwɔ lɔi həɠəi.

Levetekɔ 25:31

Taaɠaai hįi hvo mą, ɉu pɛlɛ́ɠaa hon bələ kaa lɔ yɛ tíi kɛ lɔiɠaai, da pɛli di di mąąɓo. Ɛlɛɛ, bɛlɛ́ nwun mąą a ɓo a mąąɓo kwɛlan.

Levetekɔ 27:20

«A wala díi mąąɓo, a nɔwɔtɔɔ nu takpɛli ɓa, mąąɓo mɛ̨nį hva kɛa kɛ ɉu.

Levetekɔ 27:22

«Nu a tíi ya, a wala kɛ a gbɔwɔ nwɔɔ, a naakwɛlanmo Yai-Laa ɓa,

Lonon mo 18:14

Hɛn lɔpee naakwɛlanmoɔ, tɔ́n gaa mą nu takpɛli tɔwɔ; ə́ wɔɔ li.

Dutɛrɔnome 13:17

Hɛn kpɔ a kulɔ ɉu, ka gəlee ɲąą kpɔn gwəli hąąi, ka daa kələn da ɉɛnŋąą tii kəlee. Ka gulɔ tii a haláá Yai-Laa ka wɔ Yálái ɓa; nąą ə lɛɛ a taa kpoloon nąą hva kɛa pənə hvo tɔɔ.

Zasua 6:17

'Ka daa ŋɛ̨i hu hɛnŋąą kəlee kala kpɔ tɛ̨ɛ̨tɛ̨ɛ̨, Yai-Laa mąą mɛ̨nį ɓa; daa ŋɛ̨i da ɉu hɛnŋąą kəlee dɔ̨nɔ̨ kpɛli hvo kulɔ, hvo kɛ li lɔ nwɛlikɛnɛ̨ɛ̨nui ŋɛ̨i da kɛ mą: Rahabə, ka nɛɛ a vúlu, da hɛn kpɔ gaa ɲəi bɛlɛ́n. Mąąhɔlɔɓo, gɔ́ nɛ̨lɛ̨ɛ̨nŋąąi ku di tɔɔ, yaa tii ɓə di mɛ̨i kpulu.