Levetekɔ 27:2 - Yálá laawoo hɛɓɛ (dc)

² «'Mo Israɛlə lonnii diɛ, yɛ́ diɛ: «Nu ta a nwoo kwɛlɛ, yɛ nu kan naakwɛlanmo Yai-Laa ɓa; akɛ kɛa bɔ ə nwoo pɔ mɛ̨nį kɛ, nu kan ɉɔ̨nwɔ̨ kɔ́lɔn bələ ka:

Yálá laawoo hɛɓɛ

² «'Mo Israɛlə lonnii diɛ, yɛ́ diɛ: «Nu ta a nwoo kwɛlɛ, yɛ nu kan naakwɛlanmo Yai-Laa ɓa; akɛ kɛa bɔ ə nwoo pɔ mɛ̨nį kɛ, nu kan ɉɔ̨nwɔ̨ kɔ́lɔn bələ ka:

Bible

² “M̀ó Eezuɛ-ŋai dîa a gɛɛ da kɛ̀ ŋ̀wɛ̂lii dí núu da ŋuŋ ḿâ ƃo ńyêei nyíi dí díkono tèe a gɛɛ dí dɛ̀ɛ ḿbɔi, fɛ̂ɛ dí zɛŋ-kao-ŋai ŋí kpɛɛ a ŋ̀aa-see kɛ́i. Díwuyɛ é kɛ́

Levetekɔ 27:2 Iomraidhean Croise

Tɔɔɓɛlaa veelɛ 12:5

Ɉoasə ə ɉaláá laa həli nuą təli yɛ diɛ: «Nwalii kpɔ da paa la Yai-Laa yəi bɛlɛ́n a Yálá kɔ́ hɛn, da nįįhɔ̨nwɔ̨i nu tɛitɛi ə kɛi gulɔ yɛ bələi ɲee pɛli mąą mɛ̨nį kaa la, nwalii kpɔ nwɔ̨nɔ̨ nu tɛitɛi a paa la Yai-Laa yəi bɛlɛ́n a naa gwəi mɛ̨inɛ̨ɛ̨,

Ikilisiati 5:3

Nu yá ə́ woo kwɛlɛ Yálá ɓa, ə́ mąąhulɔ ə́ bɔ mɛ̨nį kɛ. Mąąhɔlɔɓo, kilikpɛɛgwəi mun nwɛli hvo Yálá ɓa. Yili ɓa, yii yá naa kwɛlɛnmo Yálá ɓa, ə kili lɛɛ ɉu, ə́ bɔ mɛ̨nį kɛ.

Levetekɔ 27:1

Yai-Laa yɛ Moisə ɓa:

Lonon mo 21:2

Israɛlə ə nwoo kwɛlɛ Yai-Laa ɓa, yɛ mą: «Yá hvaa mą, yá nu huwui ŋɛ̨i lɔ ku yee ŋą, kwa nwɔ taaɠaai wolo, ku di kulɔ yɛ́ a haláá.»

Lonon mo 30:3

Hulɔnu ta a nwoo kwɛlɛ Yai-Laa ɓa, a wala kɛ tii ə gbɔwɔ kanąn a gwɛla woo, mąą hvo nɛ̨ɛ̨li hvo nwoo kala. Nwooi kulɔ na, mąąnɛ̨ɛ̨ ə bɔ mɛ̨nį kɛ.

Lonon mo 6:2

«'Mo Israɛlə lonnii diɛ, yɛ́ diɛ: «Hulɔnu ta, a wala kɛ tii, nɛ̨ɛ̨nu, a nwoo kwɛlɛ yɛ kɛ diɛ gaa gbɔwɔ tɛɛi Yai-Laa nwɔ kólói pɔ, a nwoo kwɛlɛ, yɛ gbɔwɔ tɛɛ Yai-Laa pɔ,

Dutɛrɔnome 23:24

Mɛ̨nįi a kulɔ ka la, ka tɔɔ a ka nwąnąi ka gɛ. Mɛ̨nįi ka lɛɛ ka kpɔɔ ɓa ka naakwɛlanmo, Yai-Laa ka wɔ Yálái ɓa, yɛ kulɔ ka la, ka gɛ.

Nwun mąąɓo 11:39

Ɲąnin veelɛi tii tɛɛ pulu, ə pa nąn bɔ, bələi tii nąn ə mo la, ə gɛ tii. Nɛ̨ɛ̨non tii ə haa, hvo hulɔnu mɛ̨nį hu kɔ́lɔn. Ə həɠə kɛa ɲələ ɓa, yili ə kɛ kɛa a Israɛlə nuą huwu la mɛ̨nį ta, diɛ ɉɛli pu.

Samuɛlə dɔlɔɔ 1:11

Ə nwoo kwɛlɛ yɛ diɛ: «Ee kə Yai-Laa Mɛ̨nį Kəlee ŋą Hééɓomun! Yɛ́i ə́ yee a pɛli mɛ̨nį kəlee ɓa, a laa a ə́ lii, ə́ ə́ ɲɛ̨i pili ə́ wɔ luwɔ nɛ̨ą nwɔ mɔ̨nɔ̨i mɛ̨i, ə́ ə́ kiliŋąhiɛ mą, yá lon ɉulɔnu tɛɛ bɔ́, ŋą́ tinɛ̨n ŋą́ dɛɛ Yai-Laa pɔ, nwɔ yɛnɛ̨ɛ̨ kəlee yee mu, nwun bu kwɛli hva tɛɛ nwuɔ̨.»

Samuɛlə dɔlɔɔ 1:28

Ɲą́ą́n gáá pənəi ŋą́ dɛɛ Yai-Laa pɔ, ə lɛɛ Yai-Laa yəi a yələ kəlee mɛ̨nį.» Anə ə pɛlɛ niiɓa ə kwɛli hvilɛn Yai-Laa ɓa.