Levetekɔ 26:44 - Yálá laawoo hɛɓɛ (dc)

⁴⁴ Di mą kɛ di yowoɠaa di wɔ lɔi hu, və́ pai di pilii, di wɛli hvo pai kpɛɛi mą́ą́, gɛ́ di huwu pu, ɛlɛɛ mįnɛ̨i kwa diɛni ku ɉəɠə, hva ɉəɠə mą, mąąhɔlɔɓo, ɲą́ą́ Yai-Laa, di wɔ Yálá ɓaa Ɲą́ą́.

Yálá laawoo hɛɓɛ

⁴⁴ Di mą kɛ di yowoɠaa di wɔ lɔi hu, və́ pai di pilii, di wɛli hvo pai kpɛɛi mą́ą́, gɛ́ di huwu pu, ɛlɛɛ mįnɛ̨i kwa diɛni ku ɉəɠə, hva ɉəɠə mą, mąąhɔlɔɓo, ɲą́ą́ Yai-Laa, di wɔ Yálá ɓaa Ɲą́ą́.

Bible

⁴⁴ Kɛ́lɛ a nɛ̃ɛ ma kpîŋ díkɛ lɔii ŋuŋ da kpɛni-ŋa su, fé pâi wɔ́lɔ ńyee kulâi dímu kpaa máŋ ŋá dísu kara. Fé pâi wɔ́lɔ ŋákpanaŋ-wooi siɣêi dɔɔ̂i díyêei, Ńyãa ƃa Díɣâlai Yâwɛɛ.

Levetekɔ 26:44 Iomraidhean Croise

Zɛnɛse 17:7

Gáá nwóó kwɛlɛi yɛ́ ka ə́ huwuhu kaa a lɔwai lɔpee gəlee, yili ɓa, gáá a ə́ wɔ Yálá ka ə́ huwuhu nuą.

Tɔɔɓɛlaa veelɛ 13:23

Kɛlaa, Yai-Laa ə Israɛlə nuą ɲɛ̨imąąwɛli kaa, ə ɲɛ̨i lɛlɛɛ hee diɛ, mįnɛ̨ da Abrahamə, Isaakə, Ɉakɔbə ni di ɉəɠə mąą mɛ̨nį ɓa; hvo kɛ bɔ di huwu hvo kpɛɛ, hvo di pili ɲɛ̨ipulu.

Nehemi 9:17

Di hvo gɛ di hvo di wəli tɔɔ, di hvo di kili lɛɛ gbalo mɛ̨nįɠaa ə́ gɛ diɛ ɉu, di di nwun ɉuwalawala, di di nwun dɛ ə́ pɔ, di naa di kwəi, diɛ kɛ di pənə də li di wɔ luwɔlaai hu. Kɛlaa, ə́ wɛi, nu mąą hvaalɛɛ Yálá ɓaa yɛ́, ə́ wɔ mɛ̨nį lɛlɛɛi, yɛ́ nu mąąwɛli kaa, hva ə́ líiholi ɉa. Ə́ kulaa ə́ woo ɓa, hvo ə́ yee kulɔ di mu.

Nehemi 9:31

Kɛlaa, ə́ wɔ wɛlikɛmąąlaa kɛnɛ̨ɛ mąą mɛ̨nį ɓa, hvo kɛ ə́ kili kulɔ li di hu, hvo kɛ di nwun na pili li; mąąhɔlɔɓo, ə́ kaa a wɛlikɛmąą Yálá, yɛ́ nu ɲɛ̨imąąwɛli kaa.

Mąątɛ̨nɛ̨ 103:13

Bələi lon gaa nąn a non ɉon na a wɛlikɛmąąlaa kɛnɛ̨, bələ lɔ ɓə Yai-Laa a nuąi da ɲɔw mą di hon na a liinɛ̨ɛ̨ gwəilaa.

Mąątɛ̨nɛ̨ 89:33

ŋą di wɔ kulɔ nwoo mu laai hutɔɔ a hvaɠa, ŋį́ di wɔ mɛ̨nį ɲɔ̨n kulɔ di hu a kɛlɛɓo,

Mąątɛ̨nɛ̨ 94:14

Mąąhɔlɔɓo, Yai-Laa hva gili kulɔ nwɔ nu huwui hu, hva lɛ̨ą gwɛlin ma tanɔ̨n gbɛli.

Ɉeremi 14:21

Yai-Laa, ə́ laa mąą mɛ̨nį ɓa, hvo gɛ nuą di hvo tɛɠɛɓo ə́ laa hu, hvo ə́ wɔ tɔɔkpəlin nwɔ mąąwiɛ ɓɛlɛkpɛɛma; Ə́ kiliŋąhiɛ mįnɛ̨i gwa gaani gu ɉəɠə mą, hvo lənə mą.

Ɉeremi 24:5

«Yai-Laa Israɛlə nwɔ Yálá woo ka, yɛ diɛ: Bələi lɔ da di ɲɛ̨i hee la a nɛlɛɛ mɔ́láá ɓá lɛlɛɛɠaa ŋɛ̨i diɛ, bələ lɔ ɓə gáá pai ɲɛ̨́i lɛlɛɛ heei la Ɉuda kɔluwɔɠaa diɛ, diɛi tii ŋį́ di kpɛ gɛɛnąą ŋɛ̨i ɓa, diɛ li Kalde lɔi hu.

Ɉeremi 30:11

Yai-Laa yɛ, gáá ə́ pɔ ə́ kulɔ mɛ̨nį ɓa mɛ̨nįi. Nɔiɠaai kpɔ tii ŋą́ ka taɠa taɠa ɉu, gáá gəlee hu kalai. Kɛlaa ə́ wɛi, vá ə́ kala, gáá ə́ mąąkwɛli, yɛ́ hiɛ a bələ, vá da lɛɛ hvo tɛɛ yɛ́ kpɛli-kpɛli.

Ɉeremi 31:20

Ɛfraimə aa kɛ mɔ̨ɔ̨ a nwɛ́li kɛ mąą lon. A lón mąą mɛ̨nį kaa níí mɛ̨i? Mąąhɔlɔɓo, ŋį́ kɛ lɔ mąą mɛ̨nį ɓoi, mąą kiliŋąhiɛ yɛ too mą́ą́, ɛlɛɛ, nii yɛ kulɔ mą́ą́ mąą mɛ̨nį hu. Nwɔ wɛlikɛmąą kaa pai kɛi níí hu kpɔ a nwalawalaa. Yai-Laa woo li.

Ɉeremi 33:26

Ŋą́ mɔ̨ɔ̨ pɛli ɲéé kulɔi Ɉakɔbə da nwɔ́ tí mun Davidə di huwu mu? Ŋą́ mɔ̨ɔ̨ pɛli kpɛlai nuą həɠəi di lɔwai, diɛ Abrahamə, Isaakə da Ɉakɔbə di huwu ɲąą woo ɓo? Vá gɛ́ tii! Ŋą́ pənə ŋį́ di pu di nįnɛ̨ kɔ́lɔi, mąąhɔlɔɓo, di mąąwɛli kaa mą́ą́. Ŋą́ą́ Yai-Laa nwóó li.»

Izikiɛ 16:60

Nwɛ́i, mįnɛ̨i gwa yɛ́ gu ɉəɠə a ə́ muhəɠə yələ, gáá pai nąą kili tooi ə́ ŋą; gwa yɛ́ guɔ mįnɛ̨ həɠə la, a yələ kəlee mɛ̨nį.

Levetekɔ 26:11

Gáá pai ɉééi kulɔi ka lɔwai, və́ pai wɛli kpɛɛmąąlaa kulɔi a kaa.

Lomaŋ 11:2

Yálá nwɔ nuąi ə gbɛa kɛ di kɔ́lɔn a bɔlɔ, hvo lənə li diɛ. Ɓɛi ŋɛ̨i Eli kaa nwoolaai laa Israɛlə mąą mɛ̨nį ɓa Yálá lawoo hɛɓɛ́ hu, ká hvo mɔ̨ɔ̨ nąą kɔ́lɔn!

Lomaŋ 11:26

Bələ ɓə Israɛlə lonni kəlee nwun mąą kaa pai ɓoi la, yɛ pələi Yálá laa woo ə mo la yɛ kɛ: «Nwun mąąɓomun kaa pai kulɔi Siɔn daa, ə gɛ, Ɉakɔbə huwu hu nuą yiiɠaai kulɔ nwoo mu laa kɛ, di kulɔ laa.

Nwun mąąɓo 2:1

Yai-Laa nwɔ malaka ə həɠə Gilgalə, ə pa Bokimə, yɛ Israɛlə lonnii diɛ: «Ɲą́ą́ ɓə ka kulɔ Eziptə lɔi hu, ŋą́ pa a kaa nɔi ŋɛ̨i hu, yai ŋą́ naakwɛlanmo ka kalaɓɔlɔni diɛ. Ŋą́ mo diɛ, gɛ́ diɛ, mįnɛ̨i gu lɔwai, vá gala.