Levetekɔ 26:43 - Yálá laawoo hɛɓɛ (dc)

⁴³ A kɛ tii da pa kɛa nɔi lɛɛi gbɔwɔ ɓa, nɔi a nwɔ hvįįtɔɔ hvólóɠaai kəlee ɲąąnɛ̨ɛ̨ kulɔ, ɓɛlɔwai a kɛ la a lɔi pun. Nuą diɛn, a kɛ tii, nwɔ́ tɔ́n nwooɠaai di viiɓo, da nwɔ́ hvįįtɔɔ hvólóɠaa di bili, daa kpɛɛ a di wɔ nɛ̨ŋɛ̨nŋąą tii mąą mɔ̨nɔ̨ mįɛ.

Yálá laawoo hɛɓɛ

⁴³ A kɛ tii da pa kɛa nɔi lɛɛi gbɔwɔ ɓa, nɔi a nwɔ hvįįtɔɔ hvólóɠaai kəlee ɲąąnɛ̨ɛ̨ kulɔ, ɓɛlɔwai a kɛ la a lɔi pun. Nuą diɛn, a kɛ tii, nwɔ́ tɔ́n nwooɠaai di viiɓo, da nwɔ́ hvįįtɔɔ hvólóɠaa di bili, daa kpɛɛ a di wɔ nɛ̨ŋɛ̨nŋąą tii mąą mɔ̨nɔ̨ mįɛ.

Bible

⁴³ Kɛ́lɛ fɛ̂ɛ dí mɔ̃lɛ zɔnyɔ̂ŋ dí gɛ̀i da ŋ̀oo pilii dí gɛ̀i m̀ɛni ḿâ ǹɔii kɛ́ víi tɔ̀ɔ a tãi díkaa la lɔii-ŋuŋ da kpɛni-ŋa sui.

Levetekɔ 26:43 Iomraidhean Croise

Kɔlɔnikɔ Veerɛi 33:12

Yii kɛa Manase ə kɛ mɔ̨nɔ̨ hu, ə nɛɛ mą, ə nwɔ Yálái Yai-Laa təli, ə gbɔwɔ mąąyɛɛ kpɔ kɛnɛ̨ nąnni di wɔɔ Yálái lííla;

Kɔlɔnikɔ Veerɛi 36:21

Bələ ɓə, nwoo ŋɛ̨i Yai-Laa ə mo Ɉeremi laaləi, naa ə hon na; a yaai ə kɛ mą: «Ə lɛɛ ɉu nɔi ə vįitɔɔ a vįitɔɔ yələ, diɛ vįitɔɔ yələ pɔ mɛ̨nį kɛ di wɔɔ mąąwɛli hvólóɠaa kəlee yee mu, yaai gəlee pɛlɛɛ gee ɓa gaa a kwɛlan bow mɛ̨ihveelɛi.»

Zôo 5:17

Kɛlaa, nui Yálá a ɉutɔɔ, lúwɔ́ lon ni, Hvo tɛɠɛ ɓo Huwalawala Kəlee Nąmu nwɔ hutɔɔ ɓo hu.

Mąątɛ̨nɛ̨ 119:67

Gɛɛ kpɔwɔ mąąyɛɛ hvo lɔ ɉú, ŋį́ kɛi lan, yiihu kɛa, gáá ə́ wɔ tɔn nwooiɠaai hon ɉii.

Mąątɛ̨nɛ̨ 119:71

Mą́ą́ yɛɛ mɛ̨nį ə́ yəi, kaa mą́ą́ a mɛ̨nį lɛlɛɛ, əgɛ, ŋį́ ə́ wɔ tɔn nwooɠaai mąąkwɛli.

Mąątɛ̨nɛ̨ 119:75

Yai-Laa, ŋą́ą́ gɔlɔn gɛ́ diɛ, ə́ kwəi kiliɠaai haŋąąi, ɛlɛɛ, nwún mąąyɛɛ mɛ̨nį ə́ yəi, dɛ̨ą kaa ə́ pɔ.

Mąątɛ̨nɛ̨ 50:15

Ɛlɛɛ, ɲələi yá kɛ la kanąn ɉu, də́li, ŋą́ ə́ kulɔ ɉu, ə gɛ ə́ mą́ą́wiɛ.

Mąątɛ̨nɛ̨ 50:17

A yɛ́i hutɔɔ wɛli kpɛɛ yɛ́, yɛ́ lənə nwóó ɓai?

Azaya 26:16

Yai-Laa, kwa kɛ mɔ̨nɔ̨ hu, Yɛ́ ɓə kwa pa Ə́ pɔ pələ, Yá Ə́ liiholi, kwa kɛ nɛ̨ɛ̨mąą hvəi Yɛ́.

Ɉeremi 31:19

Ŋą́ búlu tɔɔ kɛ yɛ́, kɛlaa, ŋą́ą́ ɉɔ́n mąą hvalin: Pənəi ŋą́ mo gɛ́ gbɔ́ɔ́ kɛ pələ kaa, ŋą́ kɛi níí pɔ kɛlɛ. Kwəi pili mąą da nwumɛ̨ daa ɉón. Mąąhɔlɔɓo, gáá nwɔ́ hulɔnon naai ŋį́ gulɔ, bulu mɔ̨nɔ̨ mįi.

Danîa 9:14

Yili ɓə gɛ, yáán, ə́ tee mɛ̨nį nwąnąąɠaa tii diɛ, di laa kuɔ. Yili ɓa, ku Ną́mu Yálá, ə́ haŋąąi ə́ kɛ mɛ̨nįɠaa kəlee hu, kɛlaa, ku wɛi, ku hvo kɛ ku kili lɛɛ li ə́ wɔ liɛwooɠaa hu.

Levetekɔ 26:11

Gáá pai ɉééi kulɔi ka lɔwai, və́ pai wɛli kpɛɛmąąlaa kulɔi a kaa.

Levetekɔ 26:15

ka nwɔ́ tɔ́n nwooɠaai pili, nɔi hu yíi ɓo pələi ŋį́ nɛ kaa, nwɛli a wala kɛ kaa, ɛlɛɛ ka wala nwɔ́ tíɓoɠaai ta lɔpee kɛ, kaa nwɔ́ mįnɛ̨i hu kala la tii,

Levetekɔ 26:30

Gɛ́ ka wɔ hali kɔ́iɠaai taɠa, ɉaláá kulɔi ka kɛ lansan kələn ɉi laa, gɛ́ nąą kala, gɛ́ ka powaɠaa tiɛ̨ ka wɔ haliɠaai mɛ̨i, gɛ́ yowolaa kulɔ la tii a kaa.

Levetekɔ 26:41

Ɲą́ą́n gɛ́ tɔɔ di la, gɛ́ li a diɛ di yowoɠaa di wɔ lɔi hu. Nąąlɔwai, di wɔ nɛ̨ŋɛ̨nŋąąi mąą mɛ̨nį ɓa.

Amɔsə 5:10

Ka kɛ kiti tee pɛlɛ mu, nuąi da kɛ mɛ̨nį haŋąą nąą kili tooi ka ɲą, kaa di wɛli kpɛɛ kaa. Nui a kɛla hvaa ɓo a tɛ̨ą, kaa mɛlɛkpɛɛ ka kwəi.

Zakari 11:8

Yili pulu, ŋį́ daatɛlɛɛ pulu nuą haaɓai yee kulɔ ɲąnin dɔ̨nɔ̨ yeemu. Ɛlɛɛ, níí hvo kɛa lɛɛ a naa daatɛlɛɛɠaa pɔ, diɛ kpɛli mąn, di hvii ə kpɛɛ mą́ą́ mɛ̨nį hu.

Ɉaan 7:7

Ka wɛli hva pɛli kpɛɛi yɛnɛ̨ɛ̨ ɓa, kɛlaa nwɛ́i, nwɛ́li a kpɛɛi mą, mąąhɔlɔɓo, gáá ɉɔn doo pono ŋą.

Lomaŋ 8:7

Nuą yiiɠaai nu liiɓa wɛli kaa diɛ, di kaa a Yálá ɲowoɠaa. Di hva Yálá nwɔ tɔ́n nwoo pɔ mɛ̨nį kɛ, di hva kpɛli pɛli mą.

Dutɛrɔnome 32:36

Yai-Laa kaa pai nwɔ nu huwui kiti teei, gaa pai gwəi kili mąąhvalin ɉii di pɔ di hon bələ hu. Yɛ nwɔ tínuą ɲɛ̨imąąwɛli kaa; ɓɛlɔwai di yee kɔ́nwɔ̨n ɉu a haa la, di ta hvo a luwɔ da hvo gbɔwɔ ɓa.