Levetekɔ 26:41 - Yálá laawoo hɛɓɛ (dc)

⁴¹ Ɲą́ą́n gɛ́ tɔɔ di la, gɛ́ li a diɛ di yowoɠaa di wɔ lɔi hu. Nąąlɔwai, di wɔ nɛ̨ŋɛ̨nŋąąi mąą mɛ̨nį ɓa.

Yálá laawoo hɛɓɛ

⁴¹ Ɲą́ą́n gɛ́ tɔɔ di la, gɛ́ li a diɛ di yowoɠaa di wɔ lɔi hu. Nąąlɔwai, di wɔ nɛ̨ŋɛ̨nŋąąi mąą mɛ̨nį ɓa.

Bible

⁴¹ dí gɛ́ ŋá ḿbôlu fé dîɛ ŋá dítɛɛ lɔii ŋuŋ da kpɛni-ŋa su díkpɔara-ƃelai pɔ́i. Gbɛɛ ŋái, kálônii da dílii maa fàleŋ da díyee sèe m̀ɛni kula maai mu dí zɔlɔ ƃò dísɔnyɔ̂ŋ mɛni mai mu,

Levetekɔ 26:41 Iomraidhean Croise

Tɔɔɓɛlaa dɔlɔɔ 21:29

«Yáá Akabə kaa, aa nwɔ túwɔ́ pələ ɲɔ̨nŋąą mąą liihɛlɛn ɉee ɲɛ̨́i ɓa. Yili ɓa, ɓɛlɔwai gaa ni la yɛnɛ̨ɛ̨, və́ pai mɛ̨nį ɲąąnwąnąąɠaa tii laai mą. Kɛlaa, non nwɔ tɔɔlaa lɔwai ɓə gaa pai mɛ̨nįɠaa tii laai la Akabə nwɔ pɛ́lɛ́i ɓa.»

Kɔlɔnikɔ Veerɛi 12:12

Pɛlɛi tɔɔmun ə mo Yai-Laa kɔ́wɔ mu, ya ɓə gɛ, Yai-Laa nwɔ liiholii ə kpɛla bələi, hvo kɛɛ kala yɛ bələi ə kɛi pa gɛi la kpɔ tɛ̨ɛ̨tɛ̨ɛ̨; gu mą kɛ moi tii, mɛ̨nį lɛlɛɛɠaa kaa Ɉuda lɔi hu.

Kɔlɔnikɔ Veerɛi 32:26

Kɛlaa, ə mą kɛ tii, bələi mąn ɉu mɛ̨nį kɛnɛ̨ laa tii ə kɛ la Ezekiasə ɓa, yaa da Ɉerusalɛmə nuą di di hɔn gɔlɔn, di di kpɔɔ mąą yɛɛ, Yai-Laa nwɔ liiholii hvo ɓɛla di mɛ̨i a Ezekiasə nwɔ tɔɔlaa yələi.

Kɔlɔnikɔ Veerɛi 33:19

Manase nwɔ Yálá hvɛli woo, da bələi Yálá ə nwoo mu hon na, nwɔ túwɔ́ pələ ɲɔ̨nŋąą, nwoo kalai ə mo Yálá ɓa, ɓɛɠaai ə hali kɔ́iɠaa pɛli laa, yɛ wuluɠaa tɔɔ diɛ gɔ́, ɉali mąąnįnįnŋąą ə bɛli, gɛɛ hvo ɉɔn gɔlɔn Yálá ɲɛ̨i ɓa; mɛ̨nįɠaa tii kəlee pɛ̨ɛ̨ kaa Hozai nwɔ hɛɓɛ́i hu.

Kɔlɔnikɔ Veerɛi 33:23

Kɛlaa, hvo gbɔwɔ mąą yɛɛ Yai-Laa ɲɛ̨i mu, yɛ bələi nąn Manase ə gɛ la. Kɛlaa yaamun a Amɔn, ə nɛ̨ŋɛ̨n ɉəɠə ə tɛɛ la nąn nwɛi ɓa.

Ɛsdrasə 9:13

Yili ɓa, mɛ̨nįɠaai kpɔ laa kuɔ, ə kulɔ ku wɔ túwɔ́ pələ ɲɔ̨n da ku wɔ nɛ̨ŋɛ̨nŋąą mąą mɛ̨nį hu. Kɛlaa, Yɛ́i ɓaa ku wɔ Yálá, ə́ ku wɔ nɛ̨ŋɛ̨nŋąą lɛɛ kuɔ a kpɛli, ə́ ə́ kili kulɔ ku wɔ nɛ̨ŋɛ̨nŋąą hu, hvó ku hon ni yɛ pələi ku túwɔ́ la. Ɛlɛɛ, yɛ́ gbəli wolo lɛɛ a vulú, yɛ́ naahɔn mo.

Ɛsdrasə 9:15

Yai-Laa, Israɛlə nwɔ Yálá, ə́ tələnmoɔi, háákələi hvólói ŋɛ̨i yee mu, yá ku kaa ku ɓo ni a ku húlú, yɛ́ ɓə nu kpəli woloi ŋɛ̨i kulɔ ɉu. Kwaa pa ə́ lííla a ku wɔ nɛ̨ŋɛ̨nŋąąi, ɛlɛɛ yaan, mɛ̨nį a kɛ ŋɛ̨i, nui lɔpee ta hva pɛli tɔɔi ə́ lííla.»

Nehemi 9:33

Ə́ wɛi, mɛ̨nįɠaa kpɔ həli ku wɔ, ə́ tələnmoɔ ɉu, hvo gaai, ə́ ə́ wɔ tɛ̨ą lɛ ku wɔ. Kɛlaa, ku wɔ ɓə túwɔ́ a nwąnąlɔ pələ.

Mąątɛ̨nɛ̨ 39:9

Gúlɔ gɛ́ nɛ̨ŋɛ̨n gəlee yəi, hvó dóó ɓowoɓɛlaa la.

Lɛɛ gbɔwɔ ɓa 10:3

Moisə da Aarɔn di li Eziptə tɔɔmun bɔɔli, diɛ mą: «Hebreuɠaa di wɔ Yálái a Yai-Laa, nwoo ka, yɛ diɛ: Ə́ wɔ kili walawalai ŋɛ̨i ə́ kaa ɉui, lə yələ ɓə yá kpɛla la mą, ə́ ə́ kpɔwɔ mąąyɛɛ? 'Ɓo nwɔ́ nu huwui ɓa di li di kwɛli hvilɛn mą́ą́.

Ɉeremi 4:4

Ka kɛ a Yai-Laa nwɔ kɛ́nɛ̨lɛa, kaai ɓaa Ɉuda lɔi hu nuą da Ɉerusalɛmə daai nuą, ka wala gɛ tii, nwɔ́ liiholi kaa pai ɓɛlai yɛ nwɔ̨n. Gaa pai kɛɛ kələn ɉii, nu ta hva pɛli nuwun ɉii. Ka kɛ mɛ̨nįɠaa ɲɔ̨nwɔ pələ ɓa.

Ɉeremi 6:10

Gbɛɛ ɓə pai nwəli tɔɔ nwóóɠaa diɛ? Yɛ nwɔ́ liɛwooɠaa mɛ̨n! Diɛ ka di wəli non və ɉu! Mɛ̨nį hva pɛli lɔi ɉu. Yai-Laa! Di kaa ə́ woo kaai yɛ yɛlɛ kulɔ ɉu hɛn; di hvo bɔ.

Izikiɛ 14:23

Di kaa pai ka lii laai; mąąhɔlɔɓo ka káá pai di tuwɔ pələ kaai, kaa gɔlɔn kaa mɛ̨nįɠaai kpɔ ŋį́ naa daai ɲɛ̨́i ɓa nwun gaa mą. Mɛ̨nį kəlee ŋą Hééɓomun Yálá woo li.»

Izikiɛ 20:43

Ka pa kɛi laa, ka káá pai ka kiliŋąhiɛi ka túwɔ pələ ɓa; da mɛ̨nįɠaai kpɔ ka gɛ, kaa ka mąąliɓi la; yili kaa pai kɛi ɓaɠi lii tɛi a kaa; dúwɔ pələ ɲɔ̨nŋaai kpɔ ka di kulɔ, di mąą mɛ̨nį ɓa.

Izikiɛ 44:7

Kɛ́nɛ̨ kpolɔwaɠaai di kili mąą kuu hvo kɛ li, da di kɔ́lɔ hvo hee li kɛ́nɛ̨ ɓa, diɛi a nwɛ̨ą, ká kɛ lɔi a diɛ nwɔ́ kɛɛnąą mąąhəɠɛɛi ɓa, diɛ nwɔ́ pɛlɛ́i laa pu. Ká kɛ gɔ́nɔn naa həli, ɉuwɔ wulɔ da ɲąmą, ká kɛ nwɔ́ mįnɛ̨i hukalai a ka wɔ ɓowo túwɔɠaai tii.

Izikiɛ 44:9

Mɛ̨nįi Mɛ̨nį kəlee ŋą Hééɓomun Yálá kaa moi, ya ka: Nwɛ̨ąi lɔpee a kɛ́nɛ̨ kpolɔwa, gili mąą kuu hvo kɛ li, da kɛ́nɛ̨ kpolɔwa gɔlɔ pɔ pələ, hva lɔ nwɔ́ kɛɛnąą mąąhəɠɛɛi ɓa; nwɛ̨ąąi tii Israɛlə lonnii lɔwai, di ta lɔpee hva lɔ laa.»

Izikiɛ 6:9

Nuąi pai kulɔi ɉu, gíli kaa pai tooi di ɲą nɔiɠaai ti di kaa pai li laa a diɛ ɉu; di wɔ tuwɔ pələ ɲɔ̨n gulɔ kili ti lənə mą́ą́i, gáá pai ɉu kalai di kwəi, da di ɲɛ̨i kɔ́wi ti haliɠaa mąąwiɛi. Di ɓɛlɛ kaa pai kpɛɛi di kpɔwɔ kwəi, nɛ̨ŋɛ̨ŋąąi di ɉəɠə mąą mɛ̨nį ɓa, da di wɔ kili kpɛɛ gwəi mɛ̨nįɠaa kəlee.

Levetekɔ 26:24

ɲą́ą́ gbɛli mąn, ŋą́ tɔɔ ka la, gɛ́ ka kɛlɛ gee mɛ̨i mɛ̨ihveelɛ ka wɔ nɛ̨ŋɛ̨nŋąąi mąą mɛ̨nį ɓa.

Levetekɔ 26:28

ŋą́ tɔɔ ka la a liiholi kɛnɛ̨, ɲą́ą́ gbinįi gɛ́ ka hutɔɔ gee mɛ̨i mɛ̨ihveelɛ, ka wɔ nɛ̨ŋɛ̨nŋąąi mąą mɛ̨nį ɓa.

Lonon mo 5:7

Nɛ̨ŋɛ̨n nu a ɉəɠə, mąąnɛ̨ɛ̨ ə hvaa mą. Nui ɉɔn gɛ, ɉɛn ə mɛlan vulu la, a ɲąą pɛliɛ tɛɛ bɔ, ə ɉɛn tii ɉɔ̨nwɔ̨ heei lɔɔli dɔ̨nɔ̨ pɛlɛ mą.

Maafîu 23:12

Nui a gbɔwɔ ɲąą kɛnɛ̨, Yálá a tinąą mąą yɛɛ, nui a gbɔwɔ mąą yɛɛ, Yálá a tinąą gɛnɛ̨ ə dɛ tɔwɔ.»

Lukə 14:11

Mąąhɔlɔɓo, nui lɔpee a gbɔwɔ kɛnɛ̨, da mąą yɛɛ. Nui a gbɔwɔ mąą yɛɛ, da gɛnɛ̨.»

Lukə 18:14

Jesus yɛ diɛ: «Gáá moi kaa, nįįhɔ̨nwɔ̨ kulɔ mun tii, ɓɛlɔwai ə kɛi li la bɛlɛ́ laaləi, da Yálá di lɔwai pɛliɛ kɛa kɛ. Kɛlaa, Farisiɛ̨ tii nwɛi hvo kɛ tii, mąąhɔlɔɓo, nui lɔpee a nwun dɛ, da nwun ɲɛ̨ɛ̨, nui a gbɔwɔ mąą yɛɛ, da mąą tɛ.»

Gɛlaɠaa 7:51

«Ká wəlii kpɔlɔ nu huwui ŋɛ̨i, ká kili da ka wəli mąą kuu hvo kɛ li, yələ kəlee, ká tɔɔ lɔ tai-tai kilaa pono Kili-Mąąhəɠɛɛ la, ka káá kpɔlɔ yɛ ka nąnni.

Galatə 5:6

Gbala ə tɔɔ, nui gaa Jesus Kristə hu, yɛ ə kɛ a kɛ́nɛ̨-lon, yɛ ə kɛ a kɛ́nɛ̨-kpolaa, yili hvo neelee, kɛlaa, yii a neelee, ya ɓaa: laa na laai bɔ túwɔ́ kaa mą.

Dutɛrɔnome 10:16

Yili ɓa, ka ka kpɔɔ lɛɛ kan Yai-Laa ka wɔ Yalai yee kɔ́nma, ka hvo tɔɔ na.

Dutɛrɔnome 30:6

«Yai-Laa ka wɔ Yálá yaa kpinįi gaa pai ka lii mąąhəɠəi, kaa, ka ka huwuhu nuą kəlee, kaa pɛli Yai-Laa ka wɔ Yálá wɛli la kɛi a ka lii kəlee da ka wɔ yɛnɛ̨ɛ̨ kəlee.

Dutɛrɔnome 31:21

Yili a kɛ tii, ɓɛlɔwai mɔ̨nɔ̨ kpɛa kpɛa da mɛ̨nį nwąnąą kpɛa kpɛa da pa laai la diɛ, nwələi ŋɛ̨i lɔ ɓə a di kilaa pɔ̨nɔ̨ di hɔn mąą mɛ̨nį hu. Nwələi ŋɛ̨i ɓə gaa a kɛla kwa diɛni ku lɔwai. Mąąhɔlɔɓo, di huwu hvo pai kpɛlai nwələi ŋɛ̨i toɔ ɓa. Və́ kpɛli nii di lɔ li nɔi tii hu, mɛ̨nįi di kwəi, ŋą́ą́ mąn gɔlɔn.»

Filipə 3:3

Guɔ ɓə gu kaa a gɛ́nɛ̨-lonni leeleeɠaa, mąąhɔlɔɓo, gwa tí Yálá ɓa, Yálá nwɔ Kilii háálai, a guɔi gu wɔ kwəinɛ̨ɛ̨ kaa Jesus Kristə hu, gu kili hvo tɔɔ li gu kpɔwɔ ɓa.

Kolosə 2:11

Yaa tii ɉu ɓə, káá kɛ la a kɛ́nɛ̨-lonni, ka wɔ kɛ́nɛ̨ kuu hvo kɛ li, yɛ bələi nuą da gɛ la. Kɛlaa, yili ɓə a Kristə ŋą kɛ́nɛ̨ kui; yai gu wɔ nɛ̨ŋɛ̨n gɔlɔi kulɔ guɔ.