Levetekɔ 26:4 - Yálá laawoo hɛɓɛ (dc)

⁴ gáá pai kɛi tulɔ pui ka mɛ̨i a bui lɔwai; lɔi yɛ lɛlɛ, hihɛnŋąą diɛ ɓá.

Yálá laawoo hɛɓɛ

⁴ gáá pai kɛi tulɔ pui ka mɛ̨i a bui lɔwai; lɔi yɛ lɛlɛ, hihɛnŋąą diɛ ɓá.

Bible

⁴ ŋa pâi gɛ̂i tuna é pú ǹɔii ma a bú tãi é ǹɔii yɔɔ zí-sãai dí kpɛtɛ dí ƃá a zu kɛ́tɛ.

Levetekɔ 26:4 Iomraidhean Croise

Tɔɔɓɛlaa dɔlɔɔ 17:1

Yálá kwəi mɛ̨nį hukulɔ mun Eli, yai həɠə Tisbe Galaadə lɔi hu, ə mo tɔɔmun Akabə ɓa, a ɲələi tii, yɛ mą: «Akɛ kpɔ Yai-Laa Israɛlə nwɔ Yálá, yai gáá tíi mą, gaa a vulú, gáá moi yɛ́, gɛ́ yɛ́: tulɔ hvo pai pui, ɛlɛɛ, luwuluwu hva pu, gwɛlanŋaa ŋɛ̨i yee mu, hvo kɛli ŋą́ hvaa mą, ya ɓə tulɔ a pu la.»

Zôo 5:10

Ya ɓə a tulɔ pu lɔi mɛ̨i, yɛ ya tɛɛ hihɛnŋąą pɔ.

Mąątɛ̨nɛ̨ 104:13

A lɛɛ heeni ɉeei, yɛ tulɔ pu yeeɠaa mɛ̨i, lɔi yɛ pilɛ, ə́ kɛ kolóɠaa dɔlɔ hu.

Mąątɛ̨nɛ̨ 67:6

Nu kanŋaa 'di ə́ hɛɠɛɛɓo, Yálá! Nu kanŋaa kəlee 'di pɛlɛ di kee ɓa, diɛ ə́ hɛɠɛɛɓo.

Mąątɛ̨nɛ̨ 67:7

Lɔi aa hihɛnŋaa ɲąąnɛ̨ɛ̨, daa ɓa, Yálá, a ku wɔ Yálái aa lúwɔ́ too kuɔ.

Mąątɛ̨nɛ̨ 68:9

lɔi ə kpɛlin, yələ kɔ́lɔn gbɛlimąn, ə həɠeen Yálá ɲɛ̨itɔwɔ, yai Sinai yee nwuɔ̨, Yálá ɲɛ̨itɔwɔ, a Israɛlə nwɔ Yálái.

Mąątɛ̨nɛ̨ 85:12

Tɛ̨ą a ɓɔn lɔi mɛ̨i, tələnmolaa yɛ lɛɛ yələi pələ yɛ nwun mąą laa.

Mąątɛ̨nɛ̨ 85:13

Yai-Laa yaa kpinįi ɓə nwun nąnɛ̨ɛ̨ tɛɛi, ɛlɛɛ, ku wɔ lɔi yɛ ɉihɛnŋaa lɛlɛ.

Azaya 30:23

Gaa pai kɛi tulɔ pui ka wɔ tíi ɓa, yai ka káá pai gɛi, gɔ̨nɔ̨n lɔi kaa pai dɛɛi, a kɛnɛ̨, yɛ lɛlɛ. Nąąlɔwai tii, kala tiliin nɛlɛɛɠaa hu ɓə, ka wɔ taatɛlɛɛɠaa da di laa mįi laa.

Azaya 5:6

Gáá nąą kɛi a mąąwɛli lɔi, di hva kɛa mɛ̨i tee, di hva tumɔ kulɔ ɉu, ɲąąlən da ɓomodiliin mə pai ɓɔn ɉii laa, ɛlɛɛ, ŋį́ tɔ́n dɔɔ tulɔ kpinįnŋąą diɛ, di hva kɛa tulɔ pu mɛ̨i.

Ɉeremi 14:22

Haliɠaai di kaa lɔiɠaa hu, da kaa mɔ̨ɔ̨ laa yɛ pɛli tulɔ pui? Akɛti, yələkɔlɔn ɓə mɔ̨ɔ̨ a tulɔ pu? Kɛlɛi, Yai-Laa, yɛ́i a kuɔ Yálá yɛ́ ɓə-e! Yɛ́ ɓə kwa ə́ mąąkpɔn, Yɛ́ ɓə ya tulɔ pu.

Izikiɛ 36:30

Ɉihɛnŋaa diɛ ɓá ka yəi, tííɠaa diɛ lɛlɛ kaa; ka hva kɛa nwumɛ̨, lɔiɠaa ɲɛ̨i ɓa, kɔ̨nɔ̨n mɛ̨nį ɓa.

Zooɛ 2:22

Lɔwɔ huwɔɠaa! Ka hvo kɛa ɲɔw! Lɔwɛi kalaɠaa daa tɛlin wuluɠaa daa ɓa. Ɓɔɔlaa wulu da viɲəɠaa yeelaa aa hvólóon.

Levetekɔ 25:19

Hihɛn gaa pai lɛlɛi kaa, ka káá pai kɔ̨nɔ̨n ɉɔlɔɓoi, kaa mįi a ka liilaa kaa, ka ɓo a ka wəli pulu laɠiɛ.

Levetekɔ 25:21

Gwɛlan mɛ̨ida nąą, ŋą́ lúwɔ́ too kaa, gwɛlan dɔ̨nɔ̨i tii yee mu, ka kwɛlan ɉaaɓa kɔ̨nɔ̨n ɉɔlɔɓo.

Zakari 8:12

Yili ɓa, gáá pai liilaa hį́n ɉi lɔi mɛ̨i, viɲə yɛ ɓa, híhɛn yɛ lɛlɛ nɔi hu, yələkɔ́lɔn yɛ tulɔ pu; Ŋą́ ɉɛnŋąąi tii kəlee tɛɛ, nɔi lonnii gbəliɠaai da lɛɛ, di pɔ a di wɔɔ.

Maafîu 5:45

Ya ɓə a gɛ, ka kɛ a ka Ną́n Yálá yii gaa yələkɔlɔn ɉu nonni. Mąąhɔlɔɓo, nwɛi, a yələ ɓɔ nu kəlee mɛ̨i. Nu túwɔ́ pələ lɛlɛɛ ə mą kɛ nu túwɔ́ pələ ɲɔ̨nwɔ̨ɔ̨, a gəlee kɔ́ a tulɔ.

Gɛlaɠaa 14:17

Ə mą kɛ ti, hvo kɛli kpɛla nwɔ mɛ̨inɛ̨ɛ̨ɠaa kɛi diɛ, hvo gaai, ə kɛli túlɔ́ kulɔ yələi yɛ pu ka mɛ̨i, yɛ nɔi ɲąąnɛ̨ɛ̨, əgɛ ɉihɛnŋaa diɛ lɛlɛ, yɛ ká pilɛ a kɔ̨nɔ̨n da kwəinɛ̨ɛ̨.»

Dutɛrɔnome 11:13

A tɛ̨ąą! A kɛ ka ka wəli tɔɔ kpɔ a nɛlɛɛ nwɔ tɔ́nŋąą diɛ, yaai gáá háákələi naa həlii kaa, kaa Yai-Laa ka wɔ Yálái wɛli la kɛ, kaa tí mą a ka kwəi tɔ̨nɔ̨, a ka nwąnąąi kpɔ-kpɔɔ,

Dutɛrɔnome 11:14

tulɔi mąąnɛ̨ɛ̨ ə pu ka wɔ lɔi ɓa, ŋą́ bu a bui lɔwai. Ka káá pai kɛi ka wɔ mɔ̨nun ɉɔlɔɓoi, da nɔɔ nįnɛ̨, ə mą kɛ, ka wɔ wulɔi.

Dutɛrɔnome 28:12

Yai-Laa kaa pai pələ laa ɓoi nwɔ yələkɔlɔn ɉu hɛn gɔw neelee tɔwɔ, yɛ tulɔ pu a bui lɔwai ka wɔ lɔi ɓa, yɛ lúwɔ́ too ka kɛ mɛ̨nįɠaa kəlee diɛ. Ka káá pai kwələ tɔɔi hį́i tamąą ɓa, kɛlaa, ka hvo pai kpaan ɉii, ka hvo kwələ həɠə.

Zĩi 5:7

Ną́n nonnii, ká ká liikpələ, ə lɛɛ la ɉu, gu Ną́mu pai lɔwai ə ɉəli. 'Ká ká ɲɛ̨i hee tai tíi kɛmun ma, a niikpələ, ə hee, yɛ lɔi dɔlɔ mąąkpɔn, a má dɔlɔɔ kulɔ, gili hva həɠə laa, ə lɛɛ ɉu, yɛ nɛɛ bulu mąąkpɔn.

M̀ɛni-lɛɛi 11:6

Mąąlaa kaa di yəi, di yələkɔlɔn naa kpulu, ɛlɛɛ, tulɔ lɔpee ta hva pu lɔi ɓa, ə lɛɛ ɉu, vólóɠaai di kaa Yálá kwəi mɛ̨nį hukulɔi la, ə kpɛɛ. Mąąlaa kaa di yəi, di yá mąąpənə a ɲąmą, ɛlɛɛ, di mɔ̨nɔ̨ huwui lɔpee gəlee laa lɔi ɓa, yɛ bələi di kaa la bɔ.