Levetekɔ 26:37 - Yálá laawoo hɛɓɛ (dc)

³⁷ Diɛ kɛlɛ di kee hu, yɛ kɔ́ kɔ́ ɓɔwa a kɛ di pulu, ə mą kɛ nu ta hvo di kpɛi, ka hvo pai pɛli tɔɔi ka yowoɠaa tɔwɔ.

Yálá laawoo hɛɓɛ

³⁷ Diɛ kɛlɛ di kee hu, yɛ kɔ́ kɔ́ ɓɔwa a kɛ di pulu, ə mą kɛ nu ta hvo di kpɛi, ka hvo pai pɛli tɔɔi ka yowoɠaa tɔwɔ.

Bible

³⁷ Ka pâi kɛ̂i karênii a kákîe-ni nyaŋ núu da fé kákpɛ̂i. Káfa pɔ̂ri kɔ̂i kákpɔara-ƃelai pɔ́.

Levetekɔ 26:37 Iomraidhean Croise

Azaya 10:4

Mɛ̨nįi lɔ ka pɛli gɛi, ya ɓaa, ka ka nwun vilən gɔ́ honŋąą lɔwai, ka too nuąi daa lɛɛ gɔ́ hu, di pɔ. Kɛlaa mɛ̨nįɠaai tii kəlee di mą kɛ kɛi, nwɔ liiholii hvo ni yali li bulu, ɛlɛɛ, ɲee haŋąą lɔ ni di mɛ̨i.

Ɉeremi 37:10

Ə mą kɛ, káá Kalde kɔlaɠa kəlee hu nuą paa, a diɛi tii gɔ́ pɛlɛi kaa, ɛlɛɛ, nu tɛitɛi ə mą lɛɛ, tonwą kpanwɔɔ diɛ, da di muhəɠə, di wɔ kələɠaai mu, diɛ daai ŋɛ̨i kələn.»

Ɉeremi 46:16

Aa hviɛn gbɔ kɛnɛ̨, nuą kpɛli mąn, di kaa tooi di kee mɛ̨i. Diɛ kɛ di kee ni diɛ: «'Ká gu gu muhəɠə, 'ká gwə li gu wɔ nuą pɔ, ka gwə li gu kaa lɔi hu. Gu gu mąą kwɛa gɔ́ kɔ́ ɓɔwa kpəɠiɛɠaa ŋɛ̨i diɛ.»

Ɉeremi 6:21

Yili mąą mɛ̨nį ɓa! Yai-Laa woo ka, yɛ diɛ: Gáá hɛn da laai nu huwui ŋɛ̨i tɔwɔ, di kaa pai kalin ɉii la, lon da nąn, heeyɔwɔ da di ɓɛlaa, gəlee di haa kpɔ kpai.

Levetekɔ 26:17

Ŋą́ ɲɛ̨́i ɲɔ̨nwɔ̨ɔ̨ hee kaa, ka yowo yee yɛ tɛɛ kaa, nuąi yowolaa kulɔi a kaa, diɛ hee ka mɛ̨i. Ɛlɛɛ, kaa pu, ə mą kɛ nu hvo ka kpɛi.

Nahumə 3:3

Ɉoo nąmįną diɛ ɉooɠaa wean, gɔ́ kɔ́ ɓɔwaɠaa diɛ lən mąlą mąlą; gbalaɠaa diɛ di kpaalən daɠa, lono hvo nu powa ɓa, nu powa laai lɔ gee mɛ̨i, nu powa yɛ li lɔ daną daną, nuą kaa kalin ɉii a nu powa.

Lonon mo 14:42

Ka hvo kɛ ka káá lii laa, mąąhɔlɔɓo, Yai-Laa hvo tɔɔ li ka pulu yili hu. Ka li laa, ka yówóɠaa yee kaa pai tɛɛi kaa.

Nwun mąąɓo 2:14

Yai-Laa ə níiɲąnwąną Israɛlə lonnii diɛ. Ə di tɛɛ di yowoɠaa pɔ, yiliɠaai di di hon. Ə di lɔwɔ́tɔɔ di yowoɠaa kɛ di kwɛlɛ diɛ, di hvo pɛli tɔɔi di yowoɠaa la.

Nwun mąąɓo 7:22

Zedeɔn nwɔ nu nwun-ɉaaɓai tii, di kɛi di wɔ túlúɠaai hvɛɛ, Yai-Laa ə di yowoɠaa di wɔ ɓɔwaɠaai ɲɛ̨i pənə di kpɔwɔ ɓa, diɛ di kee paa. Gbəliɠaai kulɔ ɉu, di tɛɛ a gilɛ, di li Bɛtə-Sita, Serera pələ, di li kpɔ di həli Avɛlə-Mehola, Tabatə kwɛlɛ.

Samuɛlə dɔlɔɔ 4:2

Filisti nuą di tɔɔ Israɛlə nuą tɔwɔ, gɔ́ ə kpɔlu, Filisti nuą yee ə tɛɛ Israɛlə nuą diɛ, di nu waa nąąn ɲɔ̨nwɔ̨mąn baa ɲɛɛ kɔwɔ hu.