Levetekɔ 26:33 - Yálá laawoo hɛɓɛ (dc)

³³ Ka wɛi, gáá pai ka taɠa taɠai lɔiɠaa hu, gɛ́ kɔ́ kɔ́ ɓɔwa kulɔ daai gɛ́ ɉee kaa; ka wɔ lɔi a lɛɛ a lɔi pun, ka wɔ taaɠaai di lɛɛ a taa kpoloon.

Yálá laawoo hɛɓɛ

³³ Ka wɛi, gáá pai ka taɠa taɠai lɔiɠaa hu, gɛ́ kɔ́ kɔ́ ɓɔwa kulɔ daai gɛ́ ɉee kaa; ka wɔ lɔi a lɛɛ a lɔi pun, ka wɔ taaɠaai di lɛɛ a taa kpoloon.

Bible

³³ Ŋa pâi gɛ̂i kákpɔara-ƃelai dí kɔ́ pɛ́lɛ kâa kátaa-tàa lɔii ŋuŋ da kpɛni-ŋa su. Ŋa pâi kálɔii su karâi kátaa-lee-ŋai dílɛɛ a pilêŋ ŋá.

Levetekɔ 26:33 Iomraidhean Croise

Tɔɔɓɛlaa dɔlɔɔ 8:46

«Ɲələi Israɛlə a nɛ̨ŋɛ̨n ɉəɠə la yɛ́, mąąhɔlɔɓo, nu ta hvo laa yii hva nɛ̨ŋɛ̨n ɉəɠə, yá ə́ liiholi di pɔ, ə́ di lɔ di yowoɠaa yee ŋą, ɛlɛɛ, nuą da di hon, di li a diɛ nwɛ̨ą lɔi hu, luwɔlaa hu, ə kɛ kwɛa la, ə kɛ kpuwɔ la,

Tɔɔɓɛlaa veelɛ 25:9

ə Yai-Laa hee pɛlɛ́ kələn, da tɔɔmun nwɔ pɛ́lɛ́i, ə mą kɛ, Ɉerusalɛmə pɛlɛ́ɠaa kəlee.

Kɔlɔnikɔ Veerɛi 7:19

Kɛlaa, ka ká pulu tɔɔ mą́ą́, kaa nwɔ́ tɔ́n nwooɠaa da bɔ liɛwooɠaa lɛɛ, yai ŋį́ naa ka ɲɛ̨i, kaa hvilɛn haliɠaa pulu, kaa kwɛli hvilɛn diɛ;

Nehemi 1:3

Diɛ mą́ą́: «Nuąi həɠə nuwɔ laa hu, di haa laa nɔi mɔ̨nɔ̨ kɛnɛ̨ hu, da nwunmɛ̨. Ɉerusalɛmə mąąkpɛɛ hįį puɔ naa taɠaa, ɛlɛɛ, gbonŋąą kələnŋąą.»

Nehemi 1:8

Ə́ kiliŋąhiɛ mɛ̨nį ə́ mo yɛ tímun Moisə ɓa, yaai ə́ kɛ mą: ‹Akɛ ka ka woo lɛɛi, ɲą́ą́ ŋį́ ka taɠa taɠa hį́i takpɛliɠaa lɔwai.

Mąątɛ̨nɛ̨ 106:27

Yɛ di hu taɠa taɠa lɔiɠaa hu, yɛ di hu kala lɔi takpɛliɠaa hu.

Mąątɛ̨nɛ̨ 44:11

Ku kaa pui ku yowoɠaa tɔwɔ, ku yowoɠaa diɛ too ku mɛ̨i.

Mąątɛ̨nɛ̨ 44:12

Yáá ku tɛɛ, yɛ ɓɛlaa lonnii, yáá ku taɠa taɠa lɔiɠaa hu.

Azaya 1:7

Ka wɔ lɔi aa kɛ yɛ lɔi pun, ka wɔ taaɠaai daa kələn, nwɛ̨ąą diɛ too ka mɛ̨i, diɛ ka wɔ lɔi dɔ̨nɔ̨ kulɔ, ka ɲɛ̨i ɓa; hɛn nɔpee ta hva lɛɛ laa, yɛ bələi lɔi kalamun a lɔi kulɔ la bihɛi.

Azaya 6:11

Gɛ́ mą: «Ną́mu, ə lɛɛ ɉu lə yələ?» Yɛ mą́ą́: «Ə lɛɛ ɉu, daaɠaa di lɛɛ a di kpoloon, nu hva kɛ laa, bɛlɛ́ɠaa di lɛɛ a di howolo, nu hva kɛ mu; nɔi hu ə kala, ɛlɛɛ a kpomó.»

Ɉeremi 13:24

Gáá pai ka hu taɠai yɛ dɛɛ kpoloon, yɛ bələi hvaŋą a gɛ la nɔi pun ɉu.

Ɉeremi 15:4

Gáá pai di hon ɉii, yɛnɛ̨ɛ̨ lɔiɠaa kəlee da nąą kaa, diɛ ɲɔw, mɛ̨nįɠaa kpɔ Ezekiasə lon Manase Ɉuda tɔɔmun ə gɛ Ɉerusalɛmə daai, mąą mɛ̨nį ɓa.»

Ɉeremi 31:10

Lɔiɠaa! 'Ká ka wəli tɔɔ Yai-Laa woo ɓa! 'Ká ɉukulɔ gboloyá pulu lɔiɠaa diɛ, káá diɛ: «Nui Israɛlə lonnii hu taɠa lɔiɠaa lɔwai, gaa pənəi yɛ di ɲąąkpɔn, yɛ di laa honmo, yɛ bələi taatɛlɛɛ mɛ̨i kaa mun a nwɔ taatɛlɛɛɠaa mɛ̨i kaa la.»

Ɉeremi 4:7

Yala aa kulɔ ɲəi gban mu, nɔiɠaa kalamun aa hvilɛn bələ ɓa, aa həɠə bɔɔli, yɛ pa kuɔ lɔi kala mɛ̨nį ɓa, di kaa pai kuɔ taaɠaa kələn ɉii diɛ naa lɛɛ a taa kpoloon.

Ɉeremi 7:34

Gáá kwəinɛ̨ɛ̨ woo da yɛlɛ́ wooɠaa kpɛɛi Ɉuda taaɠaa hu, da Ɉerusalɛmə gwəliɠaa pɔ. Hilɛtaa wələ hva too, hilɛtaa kɛ Nɛ̨ɛ̨nu hva wələ hvaa. Mąąhɔlɔɓo, nɔi kaa pai lɛɛi a lɔi pun.

Ɉeremi 8:3

Ə lɛɛ, haa hviɛla a ɓo nu kɛɛ yɛnɛ̨ɛ̨ ɓa, nuą pai lɛɛ nu huwui lɔwai a di hulu di ɲɛ̨i ɓa; gáá pai di taɠa taɠai kɛnaa kəlee ɓa. Ɲą́ą́ Mɛ̨nį Kəlee ŋą Hééɓomun Yai-Laa wóó li.

Ɉeremi 9:16

Mɛ̨nį Kəlee ŋą Hééɓomun Yai-Laa woo ka, yɛ diɛ: Ka ka kiliŋąhiɛ kɛa, ka ɉaa wɔlɔ ɓo nɛ̨ąą təli, yiiɠaa kpɔ di wɛlɛɛ, di pa.

Woolaa 1:1

'Ká ɓɛ gaa lə! Daai kɛ naahvɛɛ a nu kan, ya ka daa lənə mą. Aa lɛɛ yɛ kalanin. Yaai wɔlɔ kɛ a tɔɔ taa, aa lɛɛ a kóló-ku-duwɔ.

Woolaa 1:3

Daa Ɉuda lɔi nwun gulɔ, daa mąąwɛli, daa li la luwɔlaa hu. Gaa kɛa hį́i takpɛliɠaa lɔwai, vįitɔɔi hvó ɲəi! Nuą kɛi gbɛ daa həli mą, ɓɛi bu pələ hvo laa ɲəi.

Woolaa 4:15

Daa kɛi di mąą lɛɠɛ nuą diɛ, nuą diɛ kɛ diɛ: «'Ká tɛ ka pulu! Nuą tii kɔ́hɔɓoɔi, 'ká hvo tunwɔ̨n diɛ.» Di mą kɛ pu, diɛ li ɓɛi di hvo nąą kɔ́lɔn, nąą nuą da kɛ diɛ: «Di hvo kɛ di kaa heei ɓɛ, ku wɔ nwɛ̨ąą hvaa diɛ.»

Woolaa 4:16

Yai-Laa yaa kpįnįi ɓə di hu taɠa taɠa, hvo kpɛli kɛa bɔ, hvo di kaa a ɲɛ̨ikɔw. Haláá laa həli nuą ɓɛlɛ hvo kɛa ku kwəi, ku hvo kɛa galanɉonŋaa pɔ.

Izikiɛ 12:20

Daaɠaai tii nuą kaa ɉu, da lɛɛ a taa kpoloonŋaa; nɔi yɛ lɛɛ a lɔi pun. Ká gili kɔ́lɔn nąąlɔwai, kaa kɛ, Ɲą́ą́ ɓə a Yai-Laa.»

Izikiɛ 20:23

Ŋą́ pənə nwɔ̨nɔ̨ ŋą́ gwɛ́la diɛ, nɔi pun ɉu, ɲéé tɛɛ yələi; gɛ́ diɛ gáá pai di taɠa taɠai lɔiɠaa hu, gɛ li a diɛ nu huwu takpɛliɠaa lɔwai.

Izikiɛ 22:15

Gáá pai ka taɠa taɠai lɔiɠaa hu, ŋą́ li a kaa lɔiɠaa lɔwai; duwɔ pələ ɲɔ̨n gaa ə́ hu, gáá pai gbəlai bələi.

Izikiɛ 5:2

Ə́ ɉeei tɔ̨nɔ̨ kələn daa hɛ̨ąi; ɲələi da kpɛɛ la a gɔ́ həɛ daa ɓa; ə́ ɉeei tɔ̨nɔ̨ həɠə, ə́ ɉu tee a mowa kwɛaa, ə́ daa mąątínɛ̨n na, ə́ doo gee hu. 'Ə́ gbəli taɠa hvaŋą hu, gáá pai ɓɔwa kwəaa kulɔi daa hu di pɔ.

Osia 9:6

Diɛ ka pui di hu kala mɛ̨nį tɔwɔ, diɛ li di ɲąąkpɔn ɉii Eziptə, Mɛmfisə kaa pai kɛi a di kámą. Di yəi hɛngɔw kpɛa kpɛaɠaa kaa pai lɛɛi a kala kpili nwɔɔ, ɲąąlən gbɔlɔ yɛ lɔ di yəi bɛlɛ́nŋaa.

Amɔsə 9:4

Ə mą kɛ daa li di yowoɠaa pɔ, daa di kpɔɔ tɛɛ yiliɠaai pɔ a luwɔ, ŋį́ mo di yowoɠaa diɛ, di di paa. Ɲɛ̨́i kaa pai kɛi di mɛ̨i, mɛ̨nį lɛlɛɛ kɛ mɛ̨nį ɓa hvəi, Kɛlaa, mɛ̨nį ɲɔ̨n gɛ mɛ̨nį a diɛ ɓə ɲɛ̨́i heɛi la diɛ.

Zakari 7:14

Ŋą́ di pili lɔi huwui lɔpee gəlee hu, a ɓɛi di hvo kpɛli kɛ nąą kɔ́lɔn, nɔi hu ə kala di pulu, nu hvo kɛi tɔɔ laa, nu hvo kpɛli kɛi tɛɛ laa, nɔi lɛlɛɛi tii, di mąą pənə a lɔi pun.»

Lukə 21:24

Di kaa pai di paai a ɓɔwa, di kaa pai damąą kɛi a luwɔɠaa lɔi tamąą hu, nuąi di hvo laa li Yálá la, di kaa pai di kɔ́wɔ hiɛi Ɉerusalɛmə taa hu, ə lɛɛ la ɉu, nuąi di hvo laa li Yálá la di wɔ huwalawala nwɔ lɔwai ə kpɛɛ.»

Dutɛrɔnome 4:27

Yai-Laa a ka taɠa taɠa lɔi mɛ̨i nuą lɔwai; ka huwu ta wolo tiikpə lɔ ɓə a lɛɛ lɔiɠaa lɔwai, ɓɛɠaai Yai-Laa kaa pai lii laa a kaa.

Zĩi 1:1

Ɲą́ą́ Ɉakə, Yálá ŋą tímun da Ną́mu Jesus Kristə, gáá ɉɛɓɛ́i ŋɛ̨i tɛɛi Israɛlə nu huwu pow kɔw hveelɛi ɓa, diɛi, di taɠa-taɠaa yɛnɛ̨ɛ̨ nąą kəlee; gáá ká túwɔ́ ɓoi.