Levetekɔ 26:25 - Yálá laawoo hɛɓɛ (dc)

²⁵ Ŋą́ kɔ́ kɔ́ ɓɔwa pa ka mɛ̨i, ə gɛ mįnɛ̨i ŋɛ̨i ka gala ə nwą́ną kulɔ kaa. Ka káá pai ka ɲąąkpɔn ɉii kaa wɔ taa kpɛa-kpɛaɠaai hu, kɛlaa ŋą́ lɔi wolo ɲɔ̨n nɔ ka lɔwai; kaa too ka yowoɠaa yee ŋą.

Yálá laawoo hɛɓɛ

²⁵ Ŋą́ kɔ́ kɔ́ ɓɔwa pa ka mɛ̨i, ə gɛ mįnɛ̨i ŋɛ̨i ka gala ə nwą́ną kulɔ kaa. Ka káá pai ka ɲąąkpɔn ɉii kaa wɔ taa kpɛa-kpɛaɠaai hu, kɛlaa ŋą́ lɔi wolo ɲɔ̨n nɔ ka lɔwai; kaa too ka yowoɠaa yee ŋą.

Bible

²⁵ Ŋa pâi gɛ̂i nûa dí kɔ́ pɛ́lɛ kâa, kpɛni-fêi kà ŋákpanaŋ wooi síɣe dɔɔ̂i. Kà pù ká lì kátaa lee-ŋai su, ŋá kɔlɔ-fela píli naa kâa, ká kákpîŋ tɛ̀ɛ kákpɔara-ƃelai pɔ́ a kpala ǹá pere.

Levetekɔ 26:25 Iomraidhean Croise

Samia Veerɛi 24:15

Yai-Laa ə nɛɛ mą ə kwəi kulɔ ɲɔ̨n bɛlɛ Israɛlə nuą diɛ, ə həɠə ɲələwalai tii ɓa, ə lɛɛ la ɉu, guui di vaaɓo, ə ɉəli. Ə həɠə kpɔ nɔi ɲələi pələ, ə yɛɛ la ɉɛɠɛɛ pələ, nu waa pow mɛ̨ihveelɛ ɓə kwəi kulɔ ɲɔ̨n ə baa.

Tɔɔɓɛlaa dɔlɔɔ 8:33

«Ə́ wɔ nu huwu Israɛlə a nɛ̨ŋɛ̨n ɉəɠə yɛ́, ɲowow yee a tɛɛ mą kɔ́ hu, gɛ nɛ̨ŋɛ̨n tii mąą mɛ̨nį ɓa; a pənə a pa ə́ pɔ, yɛ ə́ laa mąąwiɛ, yɛ ə́ hvɛli, yɛ nɛ̨ɛ̨mąą hvə yɛ́ bɛlɛ́i ŋɛ̨i mu,

Tɔɔɓɛlaa dɔlɔɔ 8:37

«Akɛ pulu a too nɔi, kwəi kulɔ ɲɔ̨n ə pɛlɛ nuą diɛ, akɛ kolo a lɔ ɉihɛnŋąą hu, Peeləɠaa da poninŋąą diɛ kɛɛ kala nɔi, ə mą kɛ di yowoɠaa daa di mąątinɛ̨n a kɔ́, ə mą kɛ a mɛ̨nį ɲąąnwąnąą huwui lɔpee gəlee, ə kɛ a ɲɔ̨n ɉuwui lɔpee gəlee.

Tɔɔɓɛlaa veelɛ 17:3

Asiri tɔɔmun Salmanasarə ə pa ə kɔ́ pɛlɛ mą. Ose ə lɛɛ ɲee mu, yɛ nįįhɔ̨nwɔ̨ kulɔ mą.

Kɔlɔnikɔ Veerɛi 24:24

Ya pa, nuąi kɛ gɔlaɠai tii hu Aramə nuą yəi, di hvo kpɛli kɛ tamą li. Kɛlaa, Yai-Laa ə hvaa mą, nuą ŋɛ̨i kɛ a kɔlaɠa kɛnɛ̨ɛ̨, ə gɔ́ kala diɛ gɔlaɠa logoloi tii ɲɛ̨i tɔwɔ; hvó gaai, diɛ ɓə di kili kulɔ Yai-Laa di nąnni di wɔɔ Yálái hu. Bələ ɓə Aramə nuą di Ɉoasə hon na, a mɛlɛ kpɛɛ pələ mą.

Mąątɛ̨nɛ̨ 94:1

Yai-Laa! Nwąną kulɔ Yálá! 'Ə́ kpɔwɔ lɛ! Nwąną kulɔ Yálá!

Lɛɛ gbɔwɔ ɓa 5:3

Moisə da Aarɔn, diɛ mą: «Hebreuɠaa di wɔ Yálá, aa gbɔwɔ lɛ kuɔ, yɛ kwəli ku hvóló haaɓa hiɛ kɛ nɔi pun ɉu, ə gɛ, ku haláá kulɔ Yai-Laa ɓa, yai gaa a ku wɔ Yálá, kwa wala li, a ku nwun na pili a kwəi kulɔ, a wala kɛ ti, ku lɛɛ kɔ́ hu.»

Azaya 1:20

Kɛlaa, ka wala gɛ, ka lɛɛ lɔ a ka pulu tɔɔ mą́ą́, ka lɛɛ a kɔ-kɔ ɓɔwa kɔ̨nɔ̨n. Bələ ɓə Yai-Laa ə mo la.

Azaya 65:12

Ɲą́ą́ nwɛ́i, gáá ka tɛɛi a kɔ́ kɔ́ ɓɔwa kɔ̨nɔ̨n, ka kəlee, ka káá pai pui ka kpəlin na, diɛ ka nwun dee! Mąąhɔlɔɓo, ŋą́ təliɓo kɛ, ka hvo nwóó mu hon, ŋį́ pələ ɓo, ka hvo ka wəli tɔɔ li. Yii ɲɔ̨nwɔ̨ɔ̨ ɲɛ̨́i mu ya ɓə ka gɛ, ɉɛn nwɛli hvo mą́ą́, ya ɓə ka gɛ a ka liiɓa hɛn.

Ɉeremi 19:7

Gáá pai Ɉuda da Ɉerusalɛmə taa di wɔɔ nwun dɔɔ hu woo kɛi a kpɛli kpɛli gɛɛnąą ŋɛ̨i ɓa. Ŋą́ hvaa mą, di yowoɠaa diɛ kɔ́ pɛlɛ diɛ, diɛ di paa, nuąi diɛ di di wɔ yɛnɛ̨ɛ̨ kulɔ di yəi, ŋį́ di tɛɛ yiliɠaa pɔ. Ɛlɛɛ, di powa ə lɛɛ a yələi nwɛ̨nįɠaa da lɔwɔ huwɔɠaa kɔ̨nɔ̨n.

Ɉeremi 24:10

Gáá kɔ́ pɛlɛi diɛ, ŋį́ pulu too diɛ, da ɲɔ̨n, əlɛɛ ɉu, di kpɛɛ nɔi ŋɛ̨i hu, yai ŋą́ dɛɛ di pɔ da di nąnni.»

Ɉeremi 50:28

'Ka ka wəli tɔɔ! Pu nuą, da nu kpəlii aa lɛɛ, daa həɠə Babilonə lɔi hu pələ, Di kaa pai wɛlɛɛ ɓoi Siɔn ya ɓaa: Yai-Laa gu wɔ Yálái nwąną kulɔ mɛ̨nį, Yálá hee pɛlɛ́ nwąną kulɔ mɛ̨nį.

Ɉeremi 51:11

'Ka donwąɠaa ɲąąkulɔ, ka gɔ́ kɔ́ hɛnŋaa həɠə, Yai-Laa aa Medi tɔɔɓɛlaa kili mąą kɛlɛ, mɛ̨nįi gaa Yai-Laa kwəi yɛ hvilɛn na Babilonə ɓa, ya ɓaa ə gulɔ lɔi mɛ̨i. Yai-Laa kaa nwąną kulɔi, yələkɔlɔn gaa nwąną kulɔi.

Ɉeremi 9:16

Mɛ̨nį Kəlee ŋą Hééɓomun Yai-Laa woo ka, yɛ diɛ: Ka ka kiliŋąhiɛ kɛa, ka ɉaa wɔlɔ ɓo nɛ̨ąą təli, yiiɠaa kpɔ di wɛlɛɛ, di pa.

Woolaa 2:21

Nu nwunuɠaa da ɉulɔgoloɠaa di powa kaa puuni gwəli hąąiɠaa ɓa, nɛ̨ɛ̨lɛa da ɉilɛlɛa daa gəlee nwun dee a ɓɔwa kwɛa. Yai-Laa! Ə́ wɔ liiholi hu, yáá di nwun dee, yáá di hukala hvo kpɛli di mąąwɛli kaa li.

Izikiɛ 14:17

A wala kɛ ti, ŋą́ pa a kɔ́ kɔ́ nɔi ti hu; gɛ́ kɛ diɛ: Ə kɛ a nu, ə kɛ a huwɔ; kɔ́ kɔ́ ɓɔwa ə tɛɛ, ə gəlee paa.

Izikiɛ 20:37

Ŋą́ ka lɔ ɲąąwooɓo hvili mu, gɛ́ li a ka mįnɛ̨ həɠə lɔi hu.

Izikiɛ 29:8

Yili ɓə gɛi, mɛ̨nįi Mɛ̨nį kəlee ŋą Hééɓomun Yálá ə mo ya ka: Gáá pai pai ə́ mɛ̨i a kɔ́ kɔ́ ɓɔwa; gɛ́ nukanŋąą da taatɛlɛɛɠaa paa ə́ wɔ lɔi hu.

Izikiɛ 33:2

«Hulɔnu lon, mɛ̨nį ɓo Israɛlə lonnii diɛ, yɛ́ diɛ: Lɔi ta a kɛ laa, ŋą́ gɛ diɛ kɔ́ pɛlɛ mąą lɔi tii ɓa, nɔi tii hu nuą da nu ta həɠə di lɔwai, diɛ gɛ a bələi mąąkpɛɛmun,

Izikiɛ 5:17

Gáá pai pulu tooi káá, ŋą́ lɔwɔ-huwɔ kpəiɛɠaa ɲąątɔɔ káá, diɛ ka lonnii kulɔ ka yəi; nu paa ɲɔ̨n da ɲąmą di kaa pai həli yɛ́; ɛlɛɛ, gɛ́ kɔ́ kɔ́ ɓɔwa ɲąątɔɔ yɛ́. Ɲą́ą́ Yai-Laa, ɲą́ą́ ɓə mo.

Izikiɛ 6:3

'Kɛ diɛ: Israɛlə yeeɠaa, ka ká wəli tɔɔ Ną́mu Yálá woo ɓa. Mɛ̨nįi Yai-Laa kaa moi ɲeeɠaa, ɲee kpu kpuɠaa, moloonŋąą, da ɲee lɔwai lɔiɠaa diɛ, ya ka: Ɲą́ą́, gáá ɓɔwa kwɛaa ɲąątɔɔi kaa; gɛ́ ka wɔ hɛlaa kulɔiɠaa hu kala.

Osia 11:6

Kɔ kɔ́ ɓɔwa kaa pai yamąn ɉii di wɔ taaɠaai hu, gaa pai di mąą kɔ̨nwɔ̨ hɛnŋąą pui, yɛ kɛɛ kala, di wɔ nwun dɔɔ ɲɔ̨nwɔ̨ɔ̨ɠaa mąą mɛ̨nį ɓa.

Levetekɔ 26:6

Gáá pai liilaa heei nɔi hu, ka kɛ laani hɛn da hva ka mąą ɲɔw, gáá pai lɔwɔ huwɔ ɲɔ̨nwɔ̨ɔ̨ɠaa kpɛi nɔi hu, kɔ́ kɔ́ ɓɔwa hvo kɛa pai tɛɛi ka wɔ lɔi hu.

Amɔsə 4:10

Ną́mu Yai-Laa yɛ nwɔ̨nɔ̨ diɛ: Gwəikulɔ ɲɔ̨n ŋɛ̨i ta ŋį́ bɛlɛ Eziptə nuą diɛ, yili ɲɔ̨nwɔ ma mə ŋį́ hvaa mą, ə pɛlɛ kaa, ŋį́ hvaa mą, ka wɔ hilɛlɛaɠaa di lɛɛ kɔ́ hu, di ka wɔ hooɠaa həɠə a kɔ́ pulu hɛn. Nu powa kun yɛ tɛ ɓɛi ka wɔ kɔlaɠaɠaai di kɛ laa. Kɛlaa, pələi mąn ŋį́ gɛ́ la tii, ka hvo gɛ li, ka hvo pənə, ka hvo pa bɔ́. Yai-Laa woo li.

Habakukə 3:5

Ɲɔ̨n gaa ɲɛ̨ tɔwɔ yɛ hiɛ, ɓɛi a tɛɛ laa, ɉiɉi ə lɛɛ nąą pulu.

Lonon mo 14:12

Gáá di hukala ɲɔ̨n bilii di lɔwai, ɛlɛɛ ŋį́ di hvɛɠɛ di kwɛlin ɉu. Kɛlaa ə́ wɛi, gáá ə́ huwu ɓɛlɛi, ŋį́ ə́ yee kɔ́nwɔ̨n ɉu wala wala ə tɛɛ diɛ.»

Lonon mo 31:3

Moisə yɛ nɔi lonnii diɛ: «Hinąą taɠaa di di hąą yili kɔ́ mɛ̨nį ɓa, di kaa li kɔ́ ɓa; di kaa lii kɔ́ pɛlɛi Madian ɓa, diɛ Yai-Laa nwąną kulɔ Madian ɓa.

Lukə 21:11

Lɔi kaa pai kɛi kpɛlin ɉi a gbɛa-kpɛa kɛɛnąą tamąą, pulu yɛ too, ɲɔ̨n ɉuwu ɲɔ̨nwɔ̨ɔ̨ɠaa diɛ pu nuą mɛ̨i nąą taɠaa. Mɛ̨nį mąą ɲɔwɔ kpɛa-kpɛa tamąą kaa pai kɛi kɛi yələ kwəi.

Dutɛrɔnome 28:21

Yai-Laa kaa pai nu huwu pu ɲɔ̨n bɛlɛi kaa, ə lɛɛ la ɉu, ka kpɛɛ, nɔi ŋɛ̨i ka káá lii ɉɔlɔɓoi ɉu.

Dutɛrɔnome 32:25

Da hvilɛn taa pɔ, kɔ́ kɔ́ ɓɔwa ə di lonnii kulɔ di yəi, da lɔ bɛlɛ́n, ɲɔwu aa daa tɔɔlaa. Laŋąlon da halakpɛla di hɔɔ kwɛni a kɛ tɔ̨nɔ̨. Ɲini kpələ lon da hulɔ golo pɔlɔ di haa pələ a kɛ tɔ̨nɔ̨.

Dutɛrɔnome 32:35

Gáá pai nwą́ną kulɔi, yii di gɛ ŋį́ gwələ kulɔ, ɓɛlɔwai di kaa pai tɔɔi la, di nwun napili yələ aa həli. Mɛ̨nįi naai di tɔwɔ, ɉu hvo kwɛa li yɛ həli diɛ.»

Dutɛrɔnome 32:41

Gáá nwɔ́ kɔ́ kɔ́ ɓɔwa ɲą́ą́lii! Gaa pai kiti teei! Gáá nwą́ną kulɔi ɲówoɠaa diɛ. Nuąi wɛli kpɛɛmaa túwɔ́ ɓo a ɲą́ą́, gáá gwələ kulɔi.

Nwun mąąɓo 15:11

Nąąlɔwai, di hinąą waa haaɓa kulɔ Ɉuda lɔi hu, də li Etamə kwɛni wolo la, diɛ Samsɔn ɓa: «Kɛlɛi ə́ kili kaa ɉu yɛ́ kɛ Filisti nuą kaa heeni gu mɛ̨i-ee? Mɛ̨nįi yáá naa kuɔ, gaa lə?» Samsɔn ə di woo ŋąąpənə yɛ diɛ: «Mɛ̨nįi di naa mą́ą́, nwɔ́ kwələ ka tii ŋą́ gulɔ.»