Levetekɔ 26:15 - Yálá laawoo hɛɓɛ (dc)

¹⁵ ka nwɔ́ tɔ́n nwooɠaai pili, nɔi hu yíi ɓo pələi ŋį́ nɛ kaa, nwɛli a wala kɛ kaa, ɛlɛɛ ka wala nwɔ́ tíɓoɠaai ta lɔpee kɛ, kaa nwɔ́ mįnɛ̨i hu kala la tii,

Yálá laawoo hɛɓɛ

¹⁵ ka nwɔ́ tɔ́n nwooɠaai pili, nɔi hu yíi ɓo pələi ŋį́ nɛ kaa, nwɛli a wala kɛ kaa, ɛlɛɛ ka wala nwɔ́ tíɓoɠaai ta lɔpee kɛ, kaa nwɔ́ mįnɛ̨i hu kala la tii,

Bible

¹⁵ Ka wàla káwoli tɔ́ɔ ŋɔtɔ̂ŋ-ŋai dîa ká m̀ɛni-ŋai kɛ́ ŋa m̀o kâai, ká káyee kúla gbanaŋ-wooi mu ŋá gɛ̀ ŋá gɛ̀ káyêei,

Levetekɔ 26:15 Iomraidhean Croise

Zɛnɛse 17:14

Hulɔnui lɔpee hvo hee li kɛ́nɛ̨ ɓa, da gulɔ nuą lɔwai, mąąhɔlɔɓo, hvo kɛ nwɔ́ mįnɛ̨i mąąwiɛ li.»

Tɔɔɓɛlaa veelɛ 17:15

Yai-Laa nwɔ tíɓoɠaa, da mįnɛ̨i da di nąnni di ɉəɠə, di tɛɠɛɓo ɉu, diɛ kpɛli-kpɛli mɛ̨nį mąą gilɛ həɠə, diɛ ka kɛa, di hu aa kala. Nɔiɠaa kɛ di kwɛlɛ, di hvilɛn di túwɔ́ pələ pulu, ɛlɛɛ yaan, Yai-Laa ə mo diɛ, yɛ diɛ: 'Ka hvo túwɔ́ yɛ diɛ.

Kɔlɔnikɔ Veerɛi 36:16

Kɛlaa, di kɛi yɛlɛ kulɔ Yálá nwɔ wəlɛɛ ɓo nuąi hu, di tɛɠɛɓoɔ di wooɠaa hu, diɛ di woohəɠə gwəi mɛ̨nį hukulɔ nuą diɛ; ə lɛɛ la ɉu, Yai-Laa nwɔ liiholii ə tɛ nwąną ɓa, ɲali bulu hvo kɛa kɛ mą.

Mąątɛ̨nɛ̨ 50:17

A yɛ́i hutɔɔ wɛli kpɛɛ yɛ́, yɛ́ lənə nwóó ɓai?

Lɛɛ gbɔwɔ ɓa 19:5

Ə həɠə yiihu ɓa, ka ka wəli tɔɔ nwóó ɓa, kaa lɛɛ nwɔ́ mįnɛ̨i pulu, ka kɛ a gwɛ́lin gɛnɛ̨mun, nu huwuɠaa kəlee lɔwai; mąąhɔlɔɓo, ɲą́ą́ ɓə lɔi kəlee kaa a nwɔ́ɔ́.

Lɛɛ gbɔwɔ ɓa 24:7

Ə mįnɛ̨ hɛɓɛ́ həɠə, ə ɉu woo ɓo nɔi lonnii diɛ. Yiliɠaai diɛ mą: «Mɛ̨nįɠaai kpɔ Yai-Laa ə mo, kwa gəlee kɛ, ku lɛɛ gəlee pulu.»

Hanwon 1:30

Daa nwɔ́ liɛwoo ɓɛlɛ too, daa nwɔ́ kilaa pɔ̨nɔ̨ pili pulu.

Hanwon 1:7

Nu ɲɔwɔ Yai-Laa ɓa ɓə gaa a kili mɛ̨nį kəlee kɔ́wɔ tɔɔi. Kilikpɛɛɲəi nuą di hva kili mɛ̨nį ɓɛlɛ kɛ mą, da liɛwoo.

Hanwon 5:12

Ɛlɛɛ, yɛ́ kɛ diɛ: «Lə mɛ̨nį ɓa hutɔɔ mɛ̨nį wɛli hvo kɛ li mą́ą́? Lə mɛ̨nį ɓa və́ wə́li tɔɔ ɉútɔɔ woo ɓa?

Azaya 24:5

Nɔi nuą ɓə, nɔi kɔ́hɔɓoi, mąąhɔlɔɓo, daa dɔ́n nwooɠaa lɛɛ laa, di hvo díɓoɠaa kɛ li, mįnɛ̨i di ɉəɠə a yələ kəlee mɛ̨nį, daa nɛɛ laa.

Ɉeremi 11:10

Daa pənə daa hvilɛn di kalani pɔlɔɠaa kɛ nɛ̨ŋɛ̨nŋaa pulu, a diɛi tii di hvo gɛ, di hvo di wəli tɔɔ nwóó ɓa. Ya ka, diɛ kpɛli mąn daa hvilɛn haliɠaa pulu, diɛ kwɛli hvilɛn diɛ. Ɉuda nɔi nuą-o, Israɛlə lɔi hu nuą-o, mįnɛ̨i ŋɛ̨i kwa diɛni ku ɉəɠə, bələ ɓə daa mąą kala la.

Ɉeremi 31:32

Hvo pai kɛi yɛ mįnɛ̨i kwa di nąnni ku ɉəɠə, ɓɛlɔwai ŋą́ di hon na a di yee, gɛ́ di kulɔ Eziptə lɔi hu. Mįnɛ̨i tii, di ɉukala, kɛlaa, ɲą́ą́n, gáá lɔ a di Nąmu di nwun na. Yai-Laa woo li!»

Ɉeremi 6:19

Lɔi mɛ̨i hee ɓo nuą! Ka ka wəli tɔɔ! Gáá pai mɛ̨nį nwąnąą laai nuą ŋɛ̨i diɛ: Yii gaa di wɔ lii ɲɔ̨n gwəi laa tii vɛla. Kpaaləi ŋį́ nɛ diɛ, daa tɛɠɛ ɓo ɉu, daa di ɲɛ̨i laɠin nwɔ́ liɛwoo mɛ̨i.

Izikiɛ 16:59

«Mąąhɔlɔɓo, mɛ̨nįi Mɛ̨nį kəlee ŋą Hééɓomun Yálá kaa moi ya ka: Gáá lɔ ə́ hon ɉii yɛ bələi ə́ túwɔ la, yɛ́i ŋɛ̨i tɛɠɛ ɓo nɛ̨ŋɛ̨n naa woo hu a mįnɛ̨ hukalai ə́ moi.

Levetekɔ 26:11

Gáá pai ɉééi kulɔi ka lɔwai, və́ pai wɛli kpɛɛmąąlaa kulɔi a kaa.

Levetekɔ 26:43

A kɛ tii da pa kɛa nɔi lɛɛi gbɔwɔ ɓa, nɔi a nwɔ hvįįtɔɔ hvólóɠaai kəlee ɲąąnɛ̨ɛ̨ kulɔ, ɓɛlɔwai a kɛ la a lɔi pun. Nuą diɛn, a kɛ tii, nwɔ́ tɔ́n nwooɠaai di viiɓo, da nwɔ́ hvįįtɔɔ hvólóɠaa di bili, daa kpɛɛ a di wɔ nɛ̨ŋɛ̨nŋąą tii mąą mɔ̨nɔ̨ mįɛ.

Levetekɔ 26:9

Gáá pai ka kwəi nwun ɉi, kaa lon damąą hɔlɔɓo, gɛ́ nwɔ́ mįnɛ̨i laa hɔn mo gwa kaani gu lɔwai.

Malasi 2:2

Ɲą́ą́ Yai-Laa Mɛ̨nį Kəlee ŋą Hééɓomun, ka wala ka wəli tɔɔ, ka hvo gɛ pələ kwɛli mą, ka hvo náá mąąwiɛ mɛ̨nį həɠə a ka lii kəlee, gáá pai mɛ̨nį ɲąąnwąnąą laai kaa, mɛ̨inɛ̨ɛ̨ɠaai wɔlɔ ŋą́ naakwɛlanmo kaa, ŋą́ mąą pənə a nɛ̨ŋɛ̨n naa; ŋą́ gɛ tii, mąąhɔlɔɓo, ka hva mɛ̨nį ta kɛ a gɛ pələ.

Lonon mo 15:31

Mąąhɔlɔɓo, mąą nu a tɛɠɛɓo Yai-Laa woo hu, aa nwɔ tɔ́n gala; gɛ nɛ̨ŋɛ̨n tii wulu a lɛɛ gbɔwɔ nwuɔ̨. Mąąnɛ̨ɛ̨ di nɛɛ dɔ̨nɔ̨ kon ɉu.»

Gɛlaɠaa 13:41

«‹'Ka ká ɲɛ̨i hee tai, káái a tɛɠɛɓo ɉu nuą, ká hu ə pu káá, 'ká ɲɛ̨i ə paa kpɔ tɛ̨ɛ̨tɛ̨ɛ̨?! Ká kaa ni lɛɛi yɛnɛ̨ɛ̨, gɛ́ pa mɛ̨nį ta kɛi, nu ta a mo káá, ká hva pɛli gaai a tɛ̨ą.›»

Lomaŋ 8:7

Nuą yiiɠaai nu liiɓa wɛli kaa diɛ, di kaa a Yálá ɲowoɠaa. Di hva Yálá nwɔ tɔ́n nwoo pɔ mɛ̨nį kɛ, di hva kpɛli pɛli mą.

Dutɛrɔnome 31:16

Yai-Laa yɛ tɔlɔɔ Moisə ɓa: «Ə́ laa hiɛ ka ə́ nąnni kwɛlɛ. Ə́ haa pulu, Israɛlə nuą kaa pai tɔɔi diɛ kwɛli hvilɛn haliɠaa diɛ nɔi tii di kaa lii ɉu. Di kaa pai nɛ́ɛ́i laa, mįnɛ̨i ŋɛ̨i kwa diɛni ku ɉəɠə, di həɠə bulu, di mąą kala.

Tɛsalonikə dɔlɔɔ 4:8

Yili ɓa, nui a ɲee kulɔ niɛwoo ŋɛ̨i mui, hvo ɲee kulɔ li nu ta mu, Yálá ɓə aa ɲee kulɔ mu, yai ŋą Kili-Mąąhəɠɛɛ tɛɛ ká pɔi.

Hebreu 8:9

Yili hvo pai kɛi yɛ bələi ə kɛ la kwa di nąnni ku lɔwai, a ɲələi ŋą́ di hon na a di yee, gɛ́ di kulɔ Eziptə lɔi hu, mąąhɔlɔɓo, diɛi tii, di hvo lɛɛ di woo pulu, Ɲą́ą́n, ŋą́ ɓo di yee ɓa, Ną́mu woo li.

Samuɛlə dɔlɔɔ 12:15

Kɛlaa, ka wala ka wəli tɔɔ Yai-Laa woo ɓa, ka ká nwun gulɔ Yai-Laa nwɔ tɔ́n nwooɠaa mu, Yai-Laa yee kaa pai wiɛi ka mɛ̨i, yɛ bələi ə wiɛ la ka nąnni mɛ̨i.