Levetekɔ 26:14 - Yálá laawoo hɛɓɛ (dc)

¹⁴ «Ka wala ka wəli tɔɔ nwóó ɓa, ka wala nwɔ́ tíɓoɠaai kɛ,

Yálá laawoo hɛɓɛ

¹⁴ «Ka wala ka wəli tɔɔ nwóó ɓa, ka wala nwɔ́ tíɓoɠaai kɛ,

Bible

¹⁴ Yâwɛɛ è m̀o ǹyɛɛi, “Ka wàla ŋ́oo mɛni ŋa pâi kákula maa kɛ̂i.

Levetekɔ 26:14 Iomraidhean Croise

Tɔɔɓɛlaa veelɛ 22:13

«Ka li ka Yai-Laa mąąni kɛ kwa nɔi nuą ku mąą mɛ̨nį ɓa, da Ɉuda mąą mɛ̨nį ɓa; yɛ hvilɛ na ɉɛɓɛ́i ŋɛ̨i hu woo kəlee ɓa. Mąąhɔlɔɓo, Yai-Laa lii aa holi kɛnɛ̨. Yai-Laa lii aa holi mąąhɔlɔɓo, ku nąnii di hvo wəli tɔɔ ɉɛɓɛ́i ŋɛ̨i hu woo ɓa, di hvo hiɛ yɛ bələi mąąnɛ̨ɛ̨ la.»

Kɔlɔnikɔ Veerɛi 34:24

‹Yai-Laa woo ka, yɛ: Gáá pai mɛ̨nį ɲąąnwąnąą laai gɛɛnąą ŋɛ̨i ɓa da ɉu nuą; ɉɛɓɛ́i tii di ɉu woo ɓo Ɉuda tɔɔmun ɲɛ̨i ɓa, mɛ̨nį ɲąąnwąnąą bɛ̨ɛ̨i ɉu, gáá gəlee pɔ mɛ̨nį kɛi;

Kɔlɔnikɔ Veerɛi 7:19

Kɛlaa, ka ká pulu tɔɔ mą́ą́, kaa nwɔ́ tɔ́n nwooɠaa da bɔ liɛwooɠaa lɛɛ, yai ŋį́ naa ka ɲɛ̨i, kaa hvilɛn haliɠaa pulu, kaa kwɛli hvilɛn diɛ;

Mąątɛ̨nɛ̨ 81:12

Kɛlaa, nwɔ́ nu huwui hvo kɛ nwəli tɔɔ li nwóó ɓa, Israɛlə hvo gɛli mą́ą́.

Hanwon 3:33

Yai-Laa a nwąnąlɔ nuą di wɔ pɛ́lɛ́i nɛ̨ŋɛ̨n naa, Kɛlaa, a lúwɔ́ too nu haŋąąɠaa di wɔ pɛ́lɛ́ɠaai diɛ.

Ɉeremi 11:8

Kɛlaa, di hvo gɛ, di hvo di wəli tɔɔ! Di hvo di wəli tɛɛ bɔ́! Nu kəlee ə kanąn gwəi kili ɲɔ̨nwɔ̨ɔ̨ ɓa, di kpowola wala-walaa; ŋį́ di tí a mįnɛ̨i ŋɛ̨i hu woo hon mɛ̨nį, di hvo gɛ li, yili ɓə gɛ, gɛ́ mįnɛ̨i ŋɛ̨i hu wooɠaa pɔ mɛ̨nį nwąnąą laa diɛ.

Ɉeremi 17:27

Kɛlaa, ka wala ka wəli tɔɔ nwóó ɓa, ká hvo vįitɔɔ hvóló mąąhəɠə, kaa tiɛ̨ həɠə, káá tɛɛ la Ɉerusalɛmə gbonŋaa laaləi a vįitɔɔ yələ, ká hvo kpəla li yili ɓa, yili nwɛi, nwɔ̨n mə ŋą́ doo gbonŋaa ŋɛ̨i ɓa, yɛ Ɉerusalɛmə pɛlɛ́ lɛlɛɛɠaa kələn, ɛlɛɛ, nwɔ̨n va luwun.

Ɉeremi 26:4

Yá kɛ diɛ Yai-Laa woo ka, yɛ: ‹Ká wala gɛ a nɛlɛɛ, nwooɠaai gáá moi kaa ka hvo lɛɛ bulu,

Ɉeremi 28:8

Yálá kwəi mɛ̨nį hukulɔ nuąi di wɔ kólói kɛ, ɲą́ą́ gwa yɛ́ gu tɔwɔ, ə həɠə wɔlɔ-wɔlɔ ɓa, di mɛ̨nįɠaa ɓo yɛ hvilɛn lɔi tamąą da tɔɔlaa tamąą diɛ, di di lɛɛ kwɛa la, diɛ mo; kɔ́ mɛ̨nįɠaa, mąąwɛli mɛ̨nį, lɔi wolo ɲɔ̨n, mąą mɛ̨nį.

Ɉeremi 32:23

Di pa di hee ɓɛ, kɛlaa di hvo di wəli tɔɔ ə́ woo ɓa, di hvo lɛɛ ə́ wɔ tɔ́n nwooi pulu, mɛ̨nįɠaai kpɔ ə mo diɛ, di hvo da kɛ. Yili ɓə gɛ, yɛ́ mɛ̨nį ɲąąnwąnąą huwu lɔpee gəlee laa diɛ.

Ɉeremi 40:2

Dɔɔmun mąąkpɛ kɔ́kulááɠaa nwun nąmu ɓə Ɉeremi ə kɛ ɲəi. Yɛ Ɉeremi ɓa: «Yai-Laa ə́ wɔ Yálái ɓə mɔ̨nɔ̨i ŋɛ̨i mąą kili tee gwəi, yɛ hvilɛn na gɛɛnąąi ŋɛ̨i ɓa.

Woolaa 1:18

Tɛ̨ą kaa Yai-Laa pɔ. Mąąhɔlɔɓo, ɲą́ą́ ɓə nwoo lɛɛ. Yɛnɛ̨ɛ̨ nuą, ka kəlee 'ka ká wəli tɔɔ! 'Ká nwɔ́ mɔ̨nɔ̨i kaa, nonnii hinąą da nonnii nɛ̨ąą kəlee daa li luwɔlaa hu.

Woolaa 2:17

Mɛ̨nii Yai-Laa ə kili tee gwəi, aa gɛ; aa nwoo pɔ mɛ̨ni kɛ. A nwooi wɔlɔ aa mo ɉu aa kwɛa; aa Ɉerusalɛmə hukala, hvo kpɛli mąąwɛli kaa li. Aa ə́ kɛ a ə́ yówóɠaa di wɔ yɛlɛ kulɔ ɉu hɛn, aa ə́ yówóɠaa huɲąŋą kɛnɛ̨ ə́ mɛ̨i.

Danîa 9:13

Yɛ pələ kpɔlɔ bɛ̨ɛ̨ la Moisə nwɔ tɔ́n ɉɛɓɛ́i hu, mɛ̨nį nwąnąąi tii kəlee ə həli kuɔ. Pələi mąn ə kɛ la tii, yɛi ŋɛ̨i a kuɔ Yálá, ku hvo kɛ wɔlɔ li yɛ́, ku hvo ə́ mąąnɛ̨ɛ̨, ku hvo nwɔ̨nɔ̨ kɛ həɠə li ku kɛ nɛ̨ŋɛ̨nŋaa pulu, ku hvo kɛ ku kili lɛɛ li ə́ wɔ tɛ̨ą mɛ̨nį hu.

Osia 7:12

Da lɛɛ gilɛ həɠəi, ŋą́ą́ nwɔ́ tumɔ̨i pili di mɛ̨i, gɛ́ di pu nɔi ɓa, yɛ yələi nwɛ̨niɠaa, bələi di bələ mɛ̨n na, bələ ɓə ŋį́ di hutɔɔ la.

Levetekɔ 26:18

«Yili a kɛ tii, ka wala nwɔ̨nɔ̨ ka wəli tɔɔ mą́ą́, ŋą́ ka wɔ nɛ̨ŋɛ̨nŋąą mąą kwələ kulɔ kaa geemɛ̨i mɛ̨ihveelɛ.

Malasi 2:2

Ɲą́ą́ Yai-Laa Mɛ̨nį Kəlee ŋą Hééɓomun, ka wala ka wəli tɔɔ, ka hvo gɛ pələ kwɛli mą, ka hvo náá mąąwiɛ mɛ̨nį həɠə a ka lii kəlee, gáá pai mɛ̨nį ɲąąnwąnąą laai kaa, mɛ̨inɛ̨ɛ̨ɠaai wɔlɔ ŋą́ naakwɛlanmo kaa, ŋą́ mąą pənə a nɛ̨ŋɛ̨n naa; ŋą́ gɛ tii, mąąhɔlɔɓo, ka hva mɛ̨nį ta kɛ a gɛ pələ.

Gɛlaɠaa 3:23

Nui lɔpee a wala nwəli tɔɔ Yálá kwəi mɛ̨nį hukulɔ mun ti woo ɓa, da naa kulɔ nɔi lonnii lɔwai.›

Hebreu 12:25

Ká gɛ a nɛlɛɛ, ká hvo ká wəli walawala nui ká təli nwoo tɔwɔ! Mąąhɔlɔɓo, akɛ, nuąi di wəli walawala di kilaa ponomun nwoo tɔwɔ ɓɛ lɔi mɛ̨i, di hvo kulɔ li nwun napili hui, gu hvomun kɛ guɔ kpɛlimąn, gu hva pɛli kulɔi nwun napili tɔ̨nɔ̨i ti hu, akɛ, nui yələi pələ, yɛ pələ ɓo guɔ, gwa gu pulu tɔɔ mą.

Zasua 23:15

Ə həli kɛa kaa! Mɛ̨nį lɛlɛɛɠaai Yai-Laa ka wɔ Yálái ə mo ka laa mɛ̨i, bələi lɔ ə naa hvɛɛ la, bələ lɔ ɓə, mɛ̨nį nwąnąąɠaai ə mo yɛ hvilɛn na kaa, gəlee pɔ mɛ̨nį kaa pai kɛi la, ə lɛɛ la ɉu, nɔi lɛlɛɛ ŋɛ̨i Yai-Laa ka wɔ Yálái ə dɛɛ ka pɔ, ə ka kpɛ ɉu.

Nwun mąąɓo 2:15

Ɓɛlɔwai lɔpee kɛ da li la kɔ́ mɛ̨i, Yai-Laa hva gɔ́ nɛ̨ɛ̨ diɛ, yɛ bələi Yai-Laa ə mo la, yɛ gwɛla diɛ. Nąąlɔwai tii hu, laanɔ̨nwɔ̨ kɛnɛ̨ ə laa di mɛ̨i.

Samuɛlə dɔlɔɔ 12:15

Kɛlaa, ka wala ka wəli tɔɔ Yai-Laa woo ɓa, ka ká nwun gulɔ Yai-Laa nwɔ tɔ́n nwooɠaa mu, Yai-Laa yee kaa pai wiɛi ka mɛ̨i, yɛ bələi ə wiɛ la ka nąnni mɛ̨i.