Levetekɔ 26:1 - Yálá laawoo hɛɓɛ (dc)

¹ «'Ka hvo hali pɛli, 'ka hvo hɛn da mąą nįnįn bɛli, a wala kɛ tii haláá kulɔi ta, ka mąą mɛ̨nį ɓa. 'Ka hvo kwɛni ta hvilɛn lɔi ɓa kaa kwɛli hvilɛn mą. Mąąhɔlɔɓo, ɲą́ą́ ɓə a Yai-Laa ka wɔ Yálá.

Yálá laawoo hɛɓɛ

¹ «'Ka hvo hali pɛli, 'ka hvo hɛn da mąą nįnįn bɛli, a wala kɛ tii haláá kulɔi ta, ka mąą mɛ̨nį ɓa. 'Ka hvo kwɛni ta hvilɛn lɔi ɓa kaa kwɛli hvilɛn mą. Mąąhɔlɔɓo, ɲą́ą́ ɓə a Yai-Laa ka wɔ Yálá.

Bible

¹ Yâwɛɛ è m̀o ǹyɛɛi, “Káfe ɣâla-pɔkɔɔŋ da kpɛ̀tɛ kámɛni ma. Káfe sɛŋ da pɔkɔɔŋ kpɛ̀tɛ a kɔni ká dɔ̀ɔ kálɔii su kákɛ vɛ̀li. Káfe kɔni-ŋa saá ká dítɔɔ kákɛ dífɛ̀li. Ńyãa ƃa Káɣâlai Yâwɛɛ.

Levetekɔ 26:1 Iomraidhean Croise

Tɔɔɓɛlaa veelɛ 17:10

Diɛ hali kɔ́iɠaa tɔɔ, diɛ wuluɠaa tɔɔ, diɛ haláá kulɔ mą, ɲeeɠaa kəlee nwuɔ̨, da wuluɠaai nąą ŋąąnɛ̨ɛ̨ mą di mu.

Tɔɔɓɛlaa veelɛ 17:16

Di Yai-Laa di wɔ Yálái nwɔ tíɓoɠaa kəlee lɛɛ laa, di nįŋɛ̨ lon mąąnįnįn veelɛ pɛli, di wulu tɔɔ, diɛ haláá kulɔ mą. Diɛ kwɛli hvilɛn yələ kwəi hɛnŋąą kəlee diɛ, diɛ tí Baalə ɓa.

Tɔɔɓɛlaa veelɛ 17:8

Nuąi di hvo kɛ Yai-Laa kɔ́lɔn, di hvilɛn gɛa di yíi pələ pulu, a nɔiɠaa ŋɛ̨i Yai-Laa ə ɉu nuą hu kala Israɛlə lonnii mąą mɛ̨nį ɓai. Yili ɓə Israɛlə tɔɔɓɛlaa di gɛ.

Mąątɛ̨nɛ̨ 78:58

Diɛ níikələn gwəi a di wɔ hali kɔ́iɠaai, di wɔ hali kɔ́iɠaa da ɉali mąąnįnįnŋaa diɛ níikələn gwəi.

Mąątɛ̨nɛ̨ 97:7

«Nwumɛ̨ ə tɛ a hali kɔ́ nuą, diɛi da di nwun dɛ a kpɛli kpɛli hɛnŋaa. 'Yáláɠaa kəlee, ka kwɛli hvilɛn Yai-Laa ɓa!»

Lɛɛ gbɔwɔ ɓa 20:2

«Ɲą́ą́ gáá a Yai-Laa, ka wɔ Yálá, yai ka kulɔ Eziptə luwɔlaa hu.

Lɛɛ gbɔwɔ ɓa 20:23

Mąą hvo nɛ̨ɛ̨li, ka hvo mą́ą́ mɛ̨nį kɛ yɛ halii di bɛli a wali kwɛli, awala kɛ ti, a hɛni. Ɛlɛɛ, mąą hvo nɛ̨ɛ̨li ka hvo ɉaliɠaa tii ta pɛli.

Lɛɛ gbɔwɔ ɓa 23:24

Kɛlaa, mąą hvo nɛ̨ɛ̨li ka hvo kwɛli hvilɛn di wɔ haliɠaai diɛ, kaa tí diɛ. Mɛ̨nįɠaai nuąi tii da gɛ, ka hvo da kɛ. Kɛlaa yaamun, mąąnɛ̨ɛ̨ ka di wɔ haliɠaai kala, ka di wɔ haláá kulɔiɠaa wolo.

Lɛɛ gbɔwɔ ɓa 34:17

«'Hvo Yálá mąą nįnįn bɛli.

Azaya 2:20

Ɲələi tii a həli, ɉaliɠaai di bɛli a wali da hɛni, diɛ kwɛli hvilɛn mą, da nɛɛ kpəɠəiɠaa da lɔwɠaa di yəi.

Levetekɔ 19:4

«'Ka hvo hvilɛn haliɠaa pulu, kaa di mąą nįnįn bɛli. Ɲą́ą́ gáá a Yai-Laa ka wɔ Yálá.

Levetekɔ 25:55

«Mąąhɔlɔɓo, ɲą́ą́ ɓə Israɛlə lonnii kɛ a nwɔ́ tí nuą, diɛi tii ŋį́ di kulɔ Eziptə lɔi hu. Ɲą́ą́ ɓə gáá a Yai-Laa ka wɔ Yála.

Levetekɔ 7:33

Mamįiyee wəlai tii kaa a Aarɔn lon niilaa haláá laa həli, nwɔɔ.

Lonon mo 33:52

ka nɔi hu nuą kəlee kpɛ. Ka di wɔ haliɠaai kəlee kulɔ nɔi, yiiɠaai di ɉaɠaa a kwɛni; di wɔ haliɠaai kpɔ tii a kwɛli həgeenŋąą, ka gəlee kulɔ nɔi, ka di wɔ hali kɔ́iɠaa kəlee taɠa.

Gɛlaɠaa 17:29

«Yii kani gu kaa a Yálá huwu, mąą hvo nɛ̨ɛ̨li, gu hvo kɛ diɛ, Yálá kɛ pələ kaa yɛ hɛni, yɛ wali kwɛli, a wala kɛ ti, yɛ kwɛni, a hɛn da ɉaɠa a yɛlɛ́, a nu kanŋaa di wɔɔ kilikɛɲəi laa.

Dutɛrɔnome 27:15

«‹Nui lɔpee pai hali ta pɛlii a wala kɛ tii, hɛn da mąą nįnįn, a yɛlɛ kɛ mun da yee pɔɔ, ɛlɛɛ, yɛ di tɔɔ kɛɛnąą loɔ ɓa! Mɛ̨nįi gɔhɔɓoɔ Yai-Laa ɲɛ̨i ɓa yaa li! Yálá! Mąą nu nɛ̨ŋɛ̨n naai!› Ɛlɛɛ nɔi lonnii kəlee di di nwoo mu hon, diɛ mą: ‹Mįįną!›

Dutɛrɔnome 5:6

«Ɲą́ą́ ɓə gáá a Yai-Laa ka wɔ Yálá, Ɲą́ą́ ɓə ka kulɔ Eziptə lɔi hu, nuwɔ pɛlɛ́i tii mu.

M̀ɛni-lɛɛi 22:15

'Ká kulɔ ɲɛnɛ̨ɛ̨ pələ, yilɛɠaa, ɛlɛɛ, kaahɛn ɉəɠə nuą, tuwɔ pələ ɲɔ̨n gulɔ nuą, ɛlɛɛ, da nu paa nuą, hali kɔ nuą, ɛlɛɛ, da nuąi lɛɛ wɛli kaa diɛ, ɛlɛɛ, diɛ lɛɛ kɛ!

Nwun mąąɓo 18:30

Mika nwɔ halii ŋɛ̨i di gulɔ ɲəi, di ɉee laa, diɛ gɔ́. Yehonatan Gɛrsɔmə lon, Moisə lon, ya ɓə kɛ a Dan nu huwu di wɔ haláá laa həli mun, ɛlɛɛ, ɉaa pulu, nonnii ɓə kɛa lɛɛ a ɉaláá laa həli nuą, ə lɛɛ la ɉu, diɛ li luwɔlaa hu.