Levetekɔ 25:6 - Yálá laawoo hɛɓɛ (dc)

⁶ Nɔi nwɔ hviitɔɔi tii ɓə pai ka kɔ̨nɔ̨n gulɔi, yɛ kpinįi, ə́ wɔ luwɔɠaai, ə mą kɛ ə́ wɔ kóló kɛmun yii ya kɛ ɉalai, ə mą kɛ ə́ wɔ nwɛ̨ą da nuąi ə́ yəi bɛlɛ́n, hɛn a tiliin nɔi ɓa gbɔwɔ ɓa, ya ɓə pai kɛi a ka kɔ̨nɔ̨n.

Yálá laawoo hɛɓɛ

⁶ Nɔi nwɔ hviitɔɔi tii ɓə pai ka kɔ̨nɔ̨n gulɔi, yɛ kpinįi, ə́ wɔ luwɔɠaai, ə mą kɛ ə́ wɔ kóló kɛmun yii ya kɛ ɉalai, ə mą kɛ ə́ wɔ nwɛ̨ą da nuąi ə́ yəi bɛlɛ́n, hɛn a tiliin nɔi ɓa gbɔwɔ ɓa, ya ɓə pai kɛi a ka kɔ̨nɔ̨n.

Bible

⁶ Berei máŋ káfe pâi kpâlaŋ ŋá tii kɛ̂i la ǹɔii ḿâ góraŋ lɔ́ɔlu mɛi feerɛ ɣelei sui mii-sãa da pâi kɛ̂i naa kámɛni ma, káluɛ-ŋai, kátii kɛ́-ƃelai, ŋ̀ɔ̃ya-ŋai

Levetekɔ 25:6 Iomraidhean Croise

Tɔɔɓɛlaa veelɛ 19:29

«Yii pai kɛi a gɔlɔn ɉɛn, ya ka: Gwɛlan ŋɛ̨i ɓa, nuą kaa pai nɔi kɔ̨nɔ̨n mįi, gwɛlan yii tii bulu, hihɛn yii a kulɔ gbɔwɔ ɓa, diɛ mįi. Kɛlaa, gwɛlan ɉaaɓa nąą nwɛi, nuą da kɛɛ hin, di ka dɔ̨nɔ̨ kulɔ, ka viɲəɠaa hin, kaa di ɓa kɛ a ka kɔ̨nɔ̨n.

Lɛɛ gbɔwɔ ɓa 23:11

Kɛlaa, gwɛlan mɛ̨ihveelɛ lɔwai, ɉupaa, ə́ nɛɛ lɔ ti, ə́ wɔ lɔi hu yeehowolo nuą di gɛ a di kɔ̨nɔ̨n; yii da nɛɛ laa, lɔwɔ huwɔɠaa di mįi, gɛ lɔ ti a ə́ wɔ olivə yɛa da ə́ wɔ viɲə yɛa.

Levetekɔ 25:20

«Ka kaa pai kɛi diɛ: ‹Lə ɓə ku kaa pai mįi gwɛlan mɛ̨ihaaɓa nąą yee mu? Mąąhɔlɔɓo, ku hvo pai mɔ̨nun deei, ku hvo pai ku wɔ hihɛnŋąąi ɓa kulɔi›

Levetekɔ 25:21

Gwɛlan mɛ̨ida nąą, ŋą́ lúwɔ́ too kaa, gwɛlan dɔ̨nɔ̨i tii yee mu, ka kwɛlan ɉaaɓa kɔ̨nɔ̨n ɉɔlɔɓo.

Levetekɔ 25:5

Hɛn a tiliin mɔ̨nun deɛ pulu, ka hvo mąą hɛn tee, viɲə wului ka hvo mąą tee li, a ɓá, ka hvo gulɔ, nɔi nwɔ hvįįtɔɔ kwɛlan ni.

Levetekɔ 25:7

Ə́ wɔ taatɛlɛɛɠaa di wɛi, da nɔwɔ huwɔɠaa, hɛn lɔpee nɔi a dɛɛ gbɔwɔ ɓa, ya ɓə di kaa pai mįi.

Gɛlaɠaa 2:44

Laa na nuą kəlee yee lɔ kɛ gee hu, di yəi hɛnŋąa kəlee pɛlɛɛ gee ɓa.

Gɛlaɠaa 4:32

Laa na nuą kəlee yee lɔ kɛ gee hu, di yəi hɛnŋąa kəlee pɛlɛɛ gee ɓa, kiliŋąhiɛ tɔ̨nɔ̨ hu. Nu tɔ̨nɔ̨ kpɛli hvo kɛi kɛ diɛ: «Yii ɲə́i, ɲą́ą́ dɔ̨nɔ̨ nwɔ́ɔ́ li.»