Levetekɔ 24:7 - Yálá laawoo hɛɓɛ (dc)

⁷ Ə́ lansan pu ɲɛli tɛitɛi mɛ̨i, ə́ gələn, yili a kɛ a kili too ŋą kɔ̨nɔ̨n; Yai-Laa nwɔ haláá hɛn ni.

Yálá laawoo hɛɓɛ

⁷ Ə́ lansan pu ɲɛli tɛitɛi mɛ̨i, ə́ gələn, yili a kɛ a kili too ŋą kɔ̨nɔ̨n; Yai-Laa nwɔ haláá hɛn ni.

Bible

⁷ Kúŋ sɛŋ kúŋ nɛ̃ɛ pú ma teƃelei ŋá a gɛɛ gɛ́ ƃò a kili too ŋ̀á sama-sɛŋ Yâwɛɛ mɛni ma.

Levetekɔ 24:7 Iomraidhean Croise

Zɛnɛse 9:16

Gbəi-mįlįįn gaa pai kɛi yələ kwəi, ŋą́ gaa, mįnɛ̨i ŋɛ̨i gaa, ɲą́ą́ kwa nɔ̨ɔ̨nɔ̨ɔ̨ ɉɛnŋaa kəlee ku lɔwai, nąą kili a too ŋą́.»

Lɛɛ gbɔwɔ ɓa 12:14

«Kwɛlan nwoo kwɛlan, mɛ̨nį lɛlɛɛi ŋɛ̨i ŋą́ą́ gɛ kaa, ka kɛ kpɔlɔ ɉɛli pui, ɲą́ą́ Yai-Laa náá hu. Gaa pai kɛi ka mɛ̨i a tɔ́n, hva ɉəɠə mą.

Lɛɛ gbɔwɔ ɓa 13:9

Ɉɛlii ti pu mɛ̨nį ka yəi, gaa a kili lɛɛ ɉu, ka doo ka yee ɓa, ka da yili ka ɲɛ̨i mɛ̨i; əgɛ, Yai-Laa nwɔ tɔ́n nąą kili hvo pa kpɛɛ ka ɲą. Mąąhɔlɔɓo, ya ɓə ka kulɔ luwɔlaa hu a nwɔ huwalawalai hɛn da hva tɔɔ na.

Lɛɛ gbɔwɔ ɓa 17:14

Yai-Laa yɛ Moisə ɓa: «Mɛ̨nį ŋɛ̨i pɛ̨ɛ̨ hɛɓɛ́ hu, ə kɛ a kili too ɲą hɛn, ɛlɛɛ, ə́ mo Ɉosue ɓa, yɛ mą: ‹Gáá pai Amalɛkə nuą laa kulɔi yɛnɛ̨ɛ̨, ŋį́ di laa waa yələkɔlɔn mu.›»

Lɛɛ gbɔwɔ ɓa 28:12

Ə́ gwɛni ɓɛla hveelɛi tii kpulɔn gəŋə mɛ̨i həɠə yɛli ɓa, gwɛniɠaai tii da kɛ a Israɛlə lonnii pow kɔ́w hveelɛi kili too ŋą hɛn. Bələ ɓə di laa a kɛ la hɛlɛn ni Aarɔn ɓa Yai-Laa lííla, a ka nąą kili too ŋą hɛn.

Azaya 43:23

Yili kulɔ ə́ wɔ kiliŋąhiɛ hu, yɛ́ kɛ, mɛlaa lonnii ə́ kɛi gulɔ a haláái da kəlee kələn, ɲą́ą́ hvəi ə́ gɛ mą́ą́, a yai ə́ kɛi kɛ yɛ́, ə́ kaa nwɔ́ mą́ą́wiɛ ta pɛlɛi la mą a ə́ wɔ taatɛlɛɛɠaai. Gulɔ nwɔ̨nɔ̨ ə́ nwun ɉu, yɛ́ kɛ, haláá kulɔ mɛ̨nį mą́ą́ ɓə gɛ, gɛ́ ə́ too la luwɔlaa hu, yili hvəi-ee, ɛlɛɛ və́ ta ə́ hviikpɛɛli, gɛ́ kɛ yɛ́, lansan kələn mą́ą́.

Levetekɔ 2:1

«Nu ta a kɛ bɔ ə Yai-Laa kɔ́ a hɛn da, ɉɛn tii mąąnɛ̨ɛ̨ ə kɛ a lɛɠɛ hunwɔ̨, ə wulɔ pu mą, ə lansan kpɛŋɛn mɛ̨i.

Levetekɔ 2:2

Da paa la Aarɔn lonnii a ɉaláá laa həli nuą di pɔ. Di yee ɲą tɔ̨nɔ̨ həɠə nɛɠɛ hunwɔ̨ hu, ɉumɔɔ a wulɔ da lansan, ɉaláá laa həli mun ə gələn ɉaláá kulɔi, a kili too ŋą haláá, gaa a haláá hɛn da gələn mąą kun nɛ̨ɛ̨, yɛ Yai-Laa liilaa.

Levetekɔ 2:9

Ɉaláá laa həli mun a ɉaláá hɛn tii ta həɠə, yili kaa a kili too ŋą haláá. Ə yili kələn ɉaláá kulɔi. Yili kaa a haláá mąą kun nɛ̨ɛ̨, yɛ Yai-Laa liilaa.

Ɉaan 6:35

Jesus yɛ diɛ: «Ɲą́ą́ ɓə a yɛnɛ̨ɛ̨ hva kpɛɛ kɔ̨nɔ̨n, nui a mįi, pulu hva kɛa ɉon. Nui a laa na, kpələ wɛli hva nwɔ̨nɔ̨ ɉon.

Ɉaan 6:51

Ɲą́ą́ ɓə gáá a kɔ̨nɔ̨n vúlu mąą, yai həɠə yələi. Nui a da mįi, a yɛnɛ̨ɛ̨ hva kpɛɛ hɔlɔɓo. Yaan, gɔ̨nɔ̨n ŋį́ dɛɛ nuą pɔ ya ɓaa a gbį́nį́, yai ŋį́ gwɛlɛ yɛnɛ̨ɛ̨ nuą ɓola mɛ̨nį ɓa.»

Gɛlaɠaa 10:31

Yɛ mą́ą́: ‹Kɔrnɛyɛ! Yálá hvɛlii yá kɛ moi, aa mɛ̨n, mɛ̨inɛ̨ɛ̨i yá kɛ gɛi nuą diɛ, hvo lɛ̨ą li mą.

Gɛlaɠaa 10:4

Kɔrnɛyɛ ə ɲɛ̨i hee mą hįį, ə ɲɔw, yɛ mą: «Ną́mu! Yɛ́ lə?» Malaka yɛ mą: «Yálá hvɛlii yá kɛ moi, yɛ́ kpɔnmąą tɛɛ mąąwɛli nuą pɔi, Yálá aa ɲee hee yili mu, 'hvó lɛ̨ą li yɛ́.

Ifisiɛŋ 1:6

Ká gu Yálá mąmąɓo mɛ̨inɛ̨ɛ̨ kɛnɛ̨ɛ̨i aa gɛ guɔ nwɔ wɛlikɛmąą Lon ɉáálai, mąą mɛ̨nį ɓa.

Hebreu 7:25

Ɛlɛɛ, nuąi da di mąąlɛɠɛ Yálá ɓa, yaa ɉáálai, a pɛli mą ə di nwun mąąɓo, gbala ə tɔɔ, yaa tii gaa lɔ laa a yələ kəlee, yɛ di mąą mɛ̨nį laa həli a nɛlɛɛ kɔlɔi.