Levetekɔ 24:4 - Yálá laawoo hɛɓɛ (dc)

⁴ Gaa pai naɓonŋąą heei nwulɔ nwɔ̨n ɉeei mɛ̨ihveelɛi tii ɓa, yai gaa a hɛni hu waa hva-hva, yɛ lən a yələ kəlee da nwɔɔ.

Yálá laawoo hɛɓɛ

⁴ Gaa pai naɓonŋąą heei nwulɔ nwɔ̨n ɉeei mɛ̨ihveelɛi tii ɓa, yai gaa a hɛni hu waa hva-hva, yɛ lən a yələ kəlee da nwɔɔ.

Bible

⁴ Fɛ̂ɛ Eelɔŋ é laŋpo-ŋai ŋí sée dísee wuru-ŋai ŋá nyii-ŋai díkpɛtɛ̂i a gôoi díɣɛli ma gɛ́ dímɛi kàa díkɛ soŋ Yâwɛɛ ŋɛ́i-tuɛ.

Levetekɔ 24:4 Iomraidhean Croise

Tɔɔɓɛlaa dɔlɔɔ 7:49

Nwulɔ nwɔ̨n ɉee hɛn gɔn ə kɛ pow. Nɔɔli heɛ ɓa-mįi-yee hu, nɔɔli heɛ kɔ́ɓɛyee hu, gɛɛnąą mąąhəɠɛɛ ɲɛ̨itɔwɔ. Wulu powaɠaa, nwulɔ nwɔnɉee hɛnŋąą, gbɛ̨ą pɛlɛɛɠaa, diɛi kɛ a hɛni.

Kɔlɔnikɔ Maa-ŋuŋ 28:15

Nabon ɉee hɛnŋąą tii kɛ a hɛni, da nabonŋąąi kɛ a hɛni, nabon ɉee hɛnŋąą wiɛ pələ, da nabonŋąą wiyə pələ, ə nwaliɠaai tii kɛ lɔ tii, nabon ɉee hɛnŋąą da nabonŋąą, yɛ bələi nabon ɉeei tɛitɛi ŋą kóló ə kɛ la.

Kɔlɔnikɔ Veerɛi 29:7

Di ɲimɛ̨n mu pɛlɛ ni kəlee laa kpulu, di nabonŋąą luɠuun, di hvo kɛli kɛa lansan haláá kulɔ Yálá ɓa, ə mą kɛ haláá yii da gəlee kələn, di hvo kɛli da kulɔ ɉɛli pɛlɛ mu, Israɛlə nuą mąą mɛ̨nį ɓa.

Lɛɛ gbɔwɔ ɓa 31:8

Ɉaláá kulɔi da gwɛlɛ hɛnŋąą kəlee, nwulɔ nwɔ̨n ɉee hɛn, yai bɛliɛ a hɛni leelee, da bɔ hɛnŋąą kəlee; lansan gələn ɉaláá kulɔi,

Lɛɛ gbɔwɔ ɓa 39:37

Nwɔ̨n ɉee hɛn kɛ a hɛni huwaa hva-hva, da gwɛlɛ hɛnŋąą, ə mą kɛ, nwɔ̨n ɉee wulɔ.

Ɉeremi 52:19

Gəgənŋaa, lansan kələn ɉɛnɲąŋąa, nuą mąąhəɠə gəgən gbɛa-kpɛaɠaa, gwɛli ləɠiɠaa, ləɠi tɔɔ hɛnŋaa, gbələ gəgənŋaa, da gəgən pɛlɛɛɠaa; yiiɠaa kpɔ tii kɛ a hɛni da wali, tɔɔmun mąąkpɛɛ kulaaɠaa nwun nąmu ə gəlee həɠə.

Levetekɔ 24:3

Ɉəɠə ɓɛla lííla, mįnɛ̨ kəhi ŋɛ̨i gee kaa kələ mu ɲɛ̨i tɔwɔ ɓə Aarɔn kaa pai nwɔ̨n ɉeei laa yɛ lən Yai-Laa lííla yələwului da yələwala, Ka wɔ yɛnɛ̨ɛ̨ mąą tɔ́n da li a yələ kəlee, hva ɉəɠə mą, kaa gɛ a kwɛlan gəlee.

Lonon mo 3:31

Diɛ ɓə mįnɛ̨ kəhi mąą mɛ̨nį ə kɛ di nwuɔ̨, da daɓali, nwɔ̨n ɉee hɛn, ə mą kɛ, ɉaláá kulɔ kəhi, da yiiɠaa kpɔ mąąnɛ̨ɛ̨ ə kɛ a gólói tii kɛ hɛn, ə mą kɛ, ɉəɠəi da ɉɛlɛn naa, da ɉɛnŋąą pɛli kóló kəlee.

Lonon mo 4:9

Di bənə di həɠə ɓɛla kpɔluɔ mu tɛɠiɛ pɛlɛ nwulɔ nwɔ̨n ɉee hɛn mɛ̨i, yai a kɛ nąą pɔ̨nɔ̨i, nwɔ gbɛ̨ą pɛlɛɛɠaa da nuwu kələ hɛnŋąą, da nwulɔ pu hɛnɲaŋą, yii nuą da kɛ kóló kɛi la laa.

Lonon mo 8:2

«'Mo Aarɔn ɓa, yɛ́ mą: Yá kɛi pa nwɔ̨n ɉee hɛnŋąą heei, di hee pələ ka: Nwɔ̨n ɉee hɛn mɛ̨ihveelɛi mąąnɛ̨ɛ̨ diɛ lən, di lən yɛ di tɔwɔ pɔ̨nɔ̨.»

Hebreu 9:2

Di həɠə pɛlɛ́ ta tɔɔ, yɛ ɓo ɉu hveelɛ, bələ tɔ̨nɔ̨ laa ɓa kɛ a: Gɛɛnąą mąąhəɠɛɛ. Nąą ɓə, nwulɔ nwɔ̨n ɉeɛ kɛ laa, da Yálá kɔ́ lɛɠɛ laa hɛn.

M̀ɛni-lɛɛi 1:20

Yii ɓaa bɛmɛ̨lɛ̨n-gɔw mɛ̨ihveelɛ mąą mɛ̨nį-hu-kpinɛ̨ɛ̨ tii ə́ gaa má-mįiyee ɲąi, ɛlɛɛ, nwulɔ nwɔ̨n ɉee hɛn mɛ̨ihveelɛi tii a ɉɛnii, 'ə́ ɲɛ̨i hee: Bɛmɛ̨lɛ̨n-gɔw mɛ̨ihveelɛi tii, di kaa a gbɔn ɉeei mɛ̨ihveelɛi di wɔ malakaɠaa, ɛlɛɛ, nwulɔ nwɔ̨n ɉee hɛn mɛ̨ihveelɛi tii, diɛ ɓo a gbɔn ɉeei mɛ̨ihveelɛi.»

M̀ɛni-lɛɛi 11:4

Diɛ ɓaa: Olivə wulu hveelɛi, ɛlɛɛ, nwulɔ nwɔ̨n ɉee hɛn veelɛi, di kaa nɔi Nąmu líílai.

M̀ɛni-lɛɛi 2:5

Ɓɛi ə́ too laa, ə́ kili hvilɛn nąą, ə́ tuwɔ pələ mąąhvalin, ɛlɛɛ, mɛ̨nį lɛlɛɛi ə́ kɛi gɛ tɔlɔɔ, 'ə́ gɛ. Yili hvo mą, gáá pai həlii yɛ́, ɛlɛɛ, yá wala ə́ túwɔ́ pələ mąą hvalin, gáá pai ə́ wɔɔ wulɔ nwɔ̨n ɉəɠəi ɉeei.