Levetekɔ 23:40 - Yálá laawoo hɛɓɛ (dc)

⁴⁰ Voló dɔlɔɔ yələ, ka pa a ka wɔ hihɛnŋąąi má lɛlɛɛɠaa, ka pa a gwala laa, a wulu laa nwunu, da yá-kwɛlɛ-ɓɔɔ laa. Ka kɛi pa, ka pa a ka kwəinɛ̨ɛ̨ voló mɛ̨ihveelɛi tii kəlee yee mu; Yai-Laa ka wɔ Yálái lííla.

Yálá laawoo hɛɓɛ

⁴⁰ Voló dɔlɔɔ yələ, ka pa a ka wɔ hihɛnŋąąi má lɛlɛɛɠaa, ka pa a gwala laa, a wulu laa nwunu, da yá-kwɛlɛ-ɓɔɔ laa. Ka kɛi pa, ka pa a ka kwəinɛ̨ɛ̨ voló mɛ̨ihveelɛi tii kəlee yee mu; Yai-Laa ka wɔ Yálái lííla.

Bible

⁴⁰ Ka kási-sãai m̀á lɛ́lɛɛ-ŋai da-ŋa siɣe, tóu laa-ŋa da wúru lâa-ŋa ká gúui kɔ́ɔ pîlaŋ la ká ƃaa kɛ́-maa tɛ́ɛ la Káɣâlai Yâwɛɛ pɔ́.

Levetekɔ 23:40 Iomraidhean Croise

Mąątɛ̨nɛ̨ 137:2

Ku wɔ gwɛnįnŋaai hɛlɛnŋąąi kɛ, nwuluɠaai kɛ ku kwɛlɛ diɛ.

Mąątɛ̨nɛ̨ 92:12

Nuąi kɛi mą́ą́hɛn, ŋą́ą́ di looii kaa; nwąnąlɔ nuąi diɛ di kɔ́ pɛlɛ mą́ą́, nwə́li aa di woo mɛ̨n.

Azaya 35:10

Nuąi Yai-Laa ə di nwun mąąɓo, di kaa pənəi diɛ pa, di kaa pai kɛi lɔi Siɔn, diɛ tómą a kwəinɛ̨ɛ̨, diɛ yɛlɛ a kwəinɛ̨ɛ̨ huwu yii nu hva pɛli ɉukulɔi, nwun na nɛ̨ɛ̨ da kwəinɛ̨ɛ̨ di kaa pai di laa kwiɛn ɉii, liikələn gwəi da wɔlɔ woo diɛ pu a gilɛ.

Azaya 44:4

Di kaa pai kɛi tɛi, yɛ kala tiliin a kɛ yá kwɛlɛ, yɛ bɔ̨ɔ̨i tɔɔni yá kwɛlɛ.

Azaya 66:10

'Ka kwəinɛ̨ɛ̨ kulɔ, kaai kpɔ Ɉerusalɛmə wɛli kaa kaa, ka diɛni 'ka pili yələi a kwəinɛ̨ɛ̨. 'Ka kɛ kwəinɛ̨ɛ̨ hu, ka diɛni, 'ka ɓələn a kwənɛ̨ɛ̨, kaai kpɔ kɛli wɔlɔ mąą mɛ̨nį ɓa.

Levetekɔ 23:39

«Ɲąnin mɛ̨ihveelɛnąą nwɔ hvóló pow kɔ́w lɔɔli yələ, ka kpɛɛ kɛa a ka pɔ yɛa hihɛnŋąą kəlee ɓa kulaa, mąąnɛ̨ɛ̨ ka hiɛ mąąhəɠɛɛ kulɔ a hɛli Yai-Laa ɓa hvóló mɛ̨ihveelɛ yee mu. Voló tɔlɔɔ a kɛ a hvįįtɔɔ hvóló; voló mɛ̨ihaaɓa yələ ə ɓo a hvįįtɔɔ hvóló.

Levetekɔ 23:41

Ka ɉiɛ mąąhəɠɛɛ tii kulɔ a hɛli Yai-Laa ɓa, kaa mąąwiɛ hvóló mɛ̨ihveelɛ yee mu. Kwɛlan gəlee yee mu, ka wɔ yɛnɛ̨ɛ̨ kɛ pələ mąą tɔ́n da li, hva ɉəɠə mą.

Maafîu 21:8

Nu tamąą di di mąą həɠəɠaa pɛlɛ bələi nwɛlɛhoo tɔwɔ, daɠaa diɛ gwalalaa tee diɛ bɛlɛ bələi.

Ɉaan 12:13

Di gwala laaɠaa tee diɛ paa la Jesus laa kwiɛn ɉi, diɛ kɛ mą: «Hosana! Mąąwiɛ kɛ gu Nąmu ɓa, yai pai Ną́mu Yálá laa hu, Israɛlə tɔɔmun li.»

Ɉaan 16:22

Bələ kpɔlɔ ɓə ka káá la yiihu. Kɛlaa, ɓɛlɔwai gu kaa pai pənəi gu gu kee kaa la a nįnɛ̨, ka kwəi a nɛ̨ɛ̨, nu ta hva pɛli gwəinɛ̨ɛ̨i tii kulɔi ka yəi.

Lomaŋ 5:11

Yili pulu yii gaa laa ya ɓaa: Gwa gu kpɔwɔɲąą Yálá mɛ̨nį hu gu Nąmu Jesus Kristə háálai, yaai gwa diɛ ni gu yee lɔ gee hu.

Dutɛrɔnome 12:12

Nąą ɓə ka káá pai kɛi kwəinɛ̨ɛ̨ kulɔi laa Yai-Laa ka wɔ Yálái lííla; kaa mąn, ka lon ɉinąą mąn, ka lon nɛ̨ąą mąn, ka wɔ luwɔ hinąą da ka wɔ luwɔ nɛ̨ąą, ə mą kɛ Levi lonnii di kaa ka wɔ taaɠaai hu. Mąąhɔlɔɓo, Levi lonnii tii lɔi hvo di yəi, di kwɛlin və di yəi yɛ kaa.

Dutɛrɔnome 12:7

Nąą ɓə ka káá pai kɛi ka laa mį́i laa gee ɓa, ka ka yəi bɛlɛ́n nuąi Yai-Laa ka wɔ Yálá ɲɛ̨i ɓa a kwəinɛ̨ɛ̨. Mąąhɔlɔɓo, mɛ̨nįɠaa kpɔ ka káá pai ka yee tooi ɉu, Yai-Laa ka wɔ Yálái kaa pai ɉu nɛɛi, ə lúwɔ́ too ka.

Filipə 3:3

Guɔ ɓə gu kaa a gɛ́nɛ̨-lonni leeleeɠaa, mąąhɔlɔɓo, gwa tí Yálá ɓa, Yálá nwɔ Kilii háálai, a guɔi gu wɔ kwəinɛ̨ɛ̨ kaa Jesus Kristə hu, gu kili hvo tɔɔ li gu kpɔwɔ ɓa.

Filipə 4:4

Ká ká kwəinɛ̨ɛ̨ gu Ną́mu hu, gáá kpɔ pənəi ŋį́ mo, 'ká kwəinɛ̨ɛ̨ kulɔ.

Piɛrə dɔlɔɔ 1:8

a yaa tii káá nwɛli la kɛ, ká ɲɛ̨i hvo mąi ɛlɛɛ, káá laa na, ká hvo nwɔ̨nɔ̨ gaai; 'ká pili kani yələi a kwəinɛ̨ɛ̨i ɲɛ̨n deei hvo mą, a mąąwia,

M̀ɛni-lɛɛi 7:9

Yili pulu, ŋą́ ɲɛ̨́i hee, ŋį́ nu kpulu kɛnɛ̨ kaa, yii nu hva pɛli di lonoi, di kɛ a hįi lɔi kəlee, a nu huwu kəlee, ɛlɛɛ, a hįi woo lɔpee gəlee ɓo nuą. Di kɛ tɔɔni dɔɔkpəlin niila, ɛlɛɛ, da Mɛlaa Lon niila, di mąą yiliɛ a həɠə kwɛaa kwɛlɛɛ, ɛlɛɛ, gwalalaa yɛ ɓo di yəi.