Levetekɔ 23:3 - Yálá laawoo hɛɓɛ (dc)

³ «Nu kəlee ə mąą kóló kɛ hvóló mɛ̨ida yee mu, kɛlaa, voló mɛ̨ihveelɛ yələ kaa a hvįįtɔɔ hvóló; ka ka ɲąąkpɔn a mąą yələ, ka náá mąąwiɛ. Ka hvo kóló ta lɔpee kɛ a mąą yələ. Yai-Laa nwɔ hvólói li, ɓɛi lɔpee ka kɛ laa heeni, ka ka kili lɛɛ ɉu.

Yálá laawoo hɛɓɛ

³ «Nu kəlee ə mąą kóló kɛ hvóló mɛ̨ida yee mu, kɛlaa, voló mɛ̨ihveelɛ yələ kaa a hvįįtɔɔ hvóló; ka ka ɲąąkpɔn a mąą yələ, ka náá mąąwiɛ. Ka hvo kóló ta lɔpee kɛ a mąą yələ. Yai-Laa nwɔ hvólói li, ɓɛi lɔpee ka kɛ laa heeni, ka ka kili lɛɛ ɉu.

Bible

³ Fólo lɔ́ɔlu mɛi da ƃé kayêei tíi kɛ́ mɛni ma. Ká káfii tɔ́ɔ a mɛi feerɛ ɣelei. Káfe tíi da kélee kɛ̀ a maa ɣelei tí, kɛ́lɛ ká káŋaa tɛ́ m̀a ká ḿvɛli ƃɛ́i ka kɛ̀ naai. Ŋ̀ele kûui ŋí káa a ḿbɔɔ.

Levetekɔ 23:3 Iomraidhean Croise

Lɛɛ gbɔwɔ ɓa 16:23

Moisə yɛ diɛ: «Yai-Laa ɓə mo ti, tinąą ɓaa túwɔ́ hvoló, hvįįtɔɔ yələ li. Volói ti kaa a Yai-Laa nwɔɔ. Kɔ̨nɔ̨n mąąnɛ̨ɛ̨ ə mɔ̨n ka mɔ̨n, yii mąąnɛ̨ɛ̨ ə yili, ka ɲili. Gbəli a lɛɛ, ka ɉee a tinąą nwɔɔ.»

Lɛɛ gbɔwɔ ɓa 16:29

Mąąnɛ̨ɛ̨ ka gɔlɔn kaa Yai-Laa aa túwɔ́ hvoló tɛɛ ka pɔ, ə gɛ ka ka hvįįtɔɔ. Yili ɓə gɛ, voló mɛ̨ida yələ, a hvóló hveelɛ kɔ̨nɔ̨n dɛɛ ka pɔ. Yili ɓa, nu kəlee ə lɛɛ ɉeei, nu ta hvo kulɔ bɔɔli a voló mɛ̨ihveelɛ yələ.»

Lɛɛ gbɔwɔ ɓa 16:30

Nuą di di hvįįtɔɔ a voló mɛ̨ihveelɛ yələi ti.

Lɛɛ gbɔwɔ ɓa 23:12

«‹Hvoló mɛ̨ida yee mu, ə́ kɛ kóló kɛ. Kɛlaa, vóló mɛ̨ihveelɛ yələ, ə́ túwɔ́ ə́ ə́ hvįįtɔɔ, ə́ wɔ nįŋɛ̨i da ə́ wɔ hoohvaalən di di hviitɔɔi, ɛlɛɛ, ə́ wɔ luwɔ nɛ̨ą lon da nwɛ̨ą di di hvina kulɔ.

Lɛɛ gbɔwɔ ɓa 34:21

«Ka kóló kɛ hvóló mɛ̨ida yee mu, mɛ̨ihveelɛ yələ, ka ka hvįįtɔɔ, ə kɛ a kɛɛ hįį lɔwai, ə kɛ a ɉihɛn gulɔ lɔwai, mąąnɛ̨ɛ̨ ka ka hvįįtɔɔ.

Azaya 56:2

Nu a túwɔ tii a ganąn bələ mą́ą́, mąą nu kaa a lúwɔ lon, yai hva vitɔɔ yələ mąą kala, Kɛlaa yɛ mąąhəɠə, ɛlɛɛ, hva ɲee too mɛ̨nį ɲɔ̨n lɔpee da hu.»

Azaya 56:6

Nweąąi da kanąn Yai-Laa ɓa, di yee ə ɓo nwɔ kólóɠaai diɛ, diɛ naa wɛli la kɛ, diɛ di kpɔwɔ kɛ a nwɔ kóló kɛ nuą, nuąi kpɔ da vįitɔɔ yələ mąąhəɠə, di hva ɲali, ɛlɛɛ, diɛ lɛɛ nwɔ́ mįnɛ̨i pulu,

Azaya 58:13

Ya wala kɛ kólóɠaa kɛi a hvįįtɔɔ yələ, ya kpəla tɔ̨nɔ̨ kwɛliɛ ɓa, a nwɔ́ hvóló mąąhəɠɛɛ, ya vįitɔɔ yələ laa hee, «a ə́ liiɓa hvóló», Yɛ́ Yai-Laa nwɔ hvólói mąąhəɠɛɛ laa hee, a «hvóló Mąąwiaa.» Yɛ́ mąą həɠə a ə́ lííɓa hiɛɠaai ya nɛɛ laa, hva tɔ̨nɔ̨ kwɛli a mąą yələ, hvo túwɔ mɛ̨nį ɓo hu a mąą yələ.

Levetekɔ 19:3

«Nu kəlee ə nwumɛ̨ nąn da nee diɛ, ka nwɔ́ hvįįtɔɔ yələɠaai mąąwiɛ. Ɲą́ą́ ɓə gáá a Yai-Laa ka wɔ Yálá.

Lukə 13:14

Kɛlaa, Yálá hvɛli pɛlɛ́ nwun nąmu kwəi hvo nɛ̨ɛ̨ Jesus pɔ. Mąąhɔlɔɓo, aa kɛ nu ta kɔ́lɔi pono a vįitɔɔ yələ. Nu kpului tii kɛ laa, ə mo kɛa diɛ, yɛ diɛ: «Hvóló mɛ̨ida ɓə mąąnɛ̨ɛ̨ ku koló kɛ la, volóɠaa tii hu ɓə mąąnɛ̨ɛ̨ ka paa la di ka kɔ́lɔi pono. Mąą hvo nɛ̨ɛ̨li hvo kɛ a vįitɔɔ yələ.»

Lukə 23:56

Nɛa tii di pənə də li di pulu, di wulɔ kun nɛ̨ɛ̨ kɛ pələ pɛli, əgɛ, di bu Jesus powa ɓa. Hvįįtɔɔ yələ, di di hvii tɔɔ yɛ pələi di bɛ̨ɛ̨ la tɔ́n ɉɛɓɛ́ hu.

Gɛlaɠaa 15:21

Hvo gaai, ə gɔwɔ tɔɔ gu kalaɓɔlɔni di wɔ yələi ɓa, mąąkwɛli kɛ nuą di kaa Moisə yəi daaɠaa hu, gbala ə tɔɔ, da kɛ ɉɛɓɛ́ ɓoi a vįitɔɔ yələ, Yálá hvɛli pɛlɛ́ɠaa mu.»

M̀ɛni-lɛɛi 1:10

Kili-Mąąhəɠɛɛ ə ɉə́ɠə a gu Nąmu ŋą hvólói, ɛlɛɛ, ŋą́ woo kɛnɛ̨ ta mɛ̨n búlú pələ, ə ɓo yɛ tulu woo,